ဒေါ်စု တရုတ်ခရီးစဉ် တရုတ်သမ္မတနဲ့တွေ့ဆုံမည်

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ဟာ တရုတ် ကွန်မြူနစ်ပါတီရဲ့ ဖိတ်ကြားချက်အရ လာမယ့်အပတ်အတွင်းမှာတရုတ်ပြည်ကို ပထမဆုံး အကြိမ် အဖြစ် သွားရောက်ဖို့ ရှိနေပြီး ဒီခရီးစဉ်မှာ တရုတ်နိုင်ငံ သမ္မတ၊ ဝန်ကြီးချုပ်တို့နဲ့တွေ့ဆုံဖို့ ရှိနေပါတယ်။ ဒီသတင်း ကို ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။ အရင်က အမေရိက၊ ဥရောပစတဲ့ အနောက်နိုင်ငံတွေနဲ့ ထိတွေ့ ဆက်ဆံမှု များခဲ့တဲ့ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ဟာ နောက် အပတ် ဗုဒ္ဓဟူးနေ့ အိမ်ရှင်ရဲ့ ဖိတ်ကြားချက်အရ အိမ်နီးချင်း တရုတ်နိုင်ငံ သွားရောက်မှာဖြစ်ပါတယ်။ ဒေါ်အောင်ဆန်းစုကြည်ရဲ့ ခရီးစဉ်နဲ့ပတ်သက်ပြီး ပါတီရဲ့ ပြောရေးဆိုခွင့်ရှိသူ ဦးဉာဏ်ဝင်းက အခုလို ပြောပါတယ်။ "ဒီလ ၁၀ရက်ကနေ ၁၄ရက်။ ဖိတ်တာက ကွန်မြူနစ်ပါတီက ဖိတ်တာပါ။ ခရီးစဉ်အတွင်းမှာ တရုတ်သမ္မတရယ်၊ ဝန်ကြီးချုပ်နဲ့ တွေ့ဖို့ အစီအစဉ်ပါပါတယ်။ " ဒီခရီးစဉ်နဲ့ ပတ်သက်ပြီး အသေးစိတ်ပြောဆိုတာတော့ မရှိပါဘူး။ ဒီခရီးစဉ် ဟာ ဒေါ်အောင်ဆန်းစုကြည်ဟာ ပါတီဥက္ကဋ္ဌအနေနဲ့ ပထမဆုံး သွားရောက်တဲ့ ခရီးစဉ်ဖြစ်ပေမဲ့ အရင် က NLD ဗဟိုကော်မတီဝင်တွေ နဲ့ လူငယ်အဖွဲ့ဝင်တွေ အနည်းဆုံး ၅ကြိမ်လောက် သွားရောက် ခဲ့ဖူးတာဖြစ်ပါတယ်။ အရင်ခရီးစဉ်တွေမှာ အဓိက ဆွေးနွေးဖြစ်ခဲ့တာတွေကိုတော့ ဦးဉာဏ်ဝင်းက အခုလို ပြောပါတယ်။ " ငါးခါ ခြောက်ခါလောက်ရှိပါပြီ။ သွားတဲ့အထဲမှာ ကျနော်လည်း တခေါက် သွားဖူးတယ်။ အဲ့လိုပဲ ကွန်မြူနစ်ပါတီ ဖိတ်ပါတယ်။ ဟိုကျတော့ ကွန်မြူနစ် ပါတီ နိုင်ငံခြားရေးရုံးတို့ ဘာတို့မှာ ကျနော်တို့ တွေ့ရပါတယ်။ ငါးဖွဲ့၊ ခြောက်ဖွဲ့လောက် ရှိပြီ သွားတာ။ ကျနော်သွားတဲ့အခေါက်မှာတော့ နယ်စပ်ဒေသ အခြေအနေနဲ့ နှစ်ဖက် ပူးပေါင်းဆောင်ရွက်ရင် နှစ်ဖက် အကျိုးရှိမယ်ဆိုတဲ့ ကိစ္စမျိုး နောက် မူးယစ်ဆေးဝါးလို ကိစ္စမျိုး အဲ့တာမျိုးတွေကို ပြောဖြစ်ပါတယ်။" ဒေါ်အောင်ဆန်းစုကြည် သွားရောက်မယ့်အချိန်ဟာ တရုတ်မြန်မာနယ်စပ်ဒေသ ကိုးကန့်စစ်ပွဲကြောင့် တရုတ်မြန်မာ နှစ်နိုင်ငံဆက်ဆံရေး အဖုအထစ်တွေ ရှိနေချိန်နဲ့ နောက် တရုတ်စစ်တပ်က နယ်စပ်ဒေသမှာ အင်အားပြ စစ်ရေးလေ့ကျင့်နေချိန်နဲ့လည်း တိုက်ဆိုင်နေတာဖြစ်ပါတယ်။ ဒေါ်အောင်ဆန်းစုကြည်ရဲ့ ခရီးစဉ်နဲ့ပတ်သက်ပြီး ဗမာပြည်ကွန်မြူနစ်ပါတီရဲ့ ပြောရေးဆိုခွင့်ရှိသူ ရဲဘော် ဖိုးသံချောင်းက အခုလို သုံးသပ်ပြောဆိုပါတယ်။ " အခုဟာကတော့ ကျနော်မြင်တာ တရုတ်ပြည်က ဗမာပြည်ကို စည်းရုံးရေးနဲ့ပတ်သက်လို့ အခြေခံကအစ ဂရုစိုက်ပြီးတော့ ပြန်ြပင်ပြီး လုပ်နေတယ်လို့ မြင်ပါတယ်။ တရိုတ်ပြည်ဘက်က ဗမာပြည်ဘက်က အတိုက်အခံတွေ၊ အစိုးရမဟုတ်တဲ့ အင်အားစုတွေကို ဆွဲသင့်တယ်လို့ သဘောပေါက်လာတာတော့ ကြာသွားပါပြီ ဒါပေမဲ့ လက်တွေ့လုပ်တဲ့အခါမှာတော့ အဘက်ဘက် ထောက်ထားနေရတာနဲ့ ဘာနဲ့ နောက်ကျတယ်။ အခု NLD ဆိုရင်လည်း အရင်တုန်းက အဖွဲ့ကို ဖိတ်ပြီးပါပြီ။ ဒေါ်အောင်ဆန်းစုကြည်ကို အဲ့လို ဖိတ်တယ်ထင်ပါတယ်။ သူတို့အစီအစဉ်ရှိရှိနဲ့ လုပ်နေတယ်လို့ ကျနော်က မြင်ပါတယ်။" ဒီခရီးစဉ်မှာ မြန်မာပြည်အတွက် ဘယ်လို အကျိုးရလဒ်တွေ ရနိုင်မလဲ ဆိုတဲ့အပေါ်မှာတော့ ရဲဘော်ဖိုးသံချောင်း က အခုလို ပြောပါတယ်။ "တရုတ်ပြည်ဟာ ပုဂ္ဂိုလ်တဦးချင်းအတွက် သို့တည်းမဟုတ် အဖွဲ့အစည်း တခုချင်းနဲ့ ဆွေးနွေးတာကို နိုင်ငံအတွက် ရောပစ်တာမျိုး တော်ရုံတန်ရုံ အခြေအနေမှာ မလုပ်ပါဘူးခင်ဗျ။ အဲ့တော့ ဗမာပြည်ရဲ့ အခြေအနေမှာလည်း ဗမာနိုင်ငံကို ကမ်းလှမ်းတယ် ဆိုတဲ့ဟာမျိုး အဲ့လိုမျိုး အဓိပ္ပါယ်ပေါ်အောင်တော့ မရှိဘူးလို့ ကျနော်မထင်ဘူး။ ကျနော်ထင်တာက တရုတ်ပြည်က တခုမမြဲ တခုမြဲအောင်လို့ ဗမာပြည်ရဲ့ အင်အားစုတွေ အားလုံးကို ဆွဲနေတာလို့ပဲမြင်ပါတယ်။ အစိုးရနဲ့ လက်ရှိစစ်အစိုးရကိုလည်း သူတို့ ဆွဲမယ်။ ဗမာပြည်ရဲ့ တခြားအစိုးရမဟုတ်တဲ့ အင်အားစုတွေ ကို ဆွဲမယ် အဲ့ဒီ့ရည်ရွယ်ချက်နဲ့ လုပ်နေတာခင်ဗျ။ အဲ့တော့ ဗမာပြည်ရဲ့ အကျိုးစီးပွားဆိုတာထက် သူတို့ရဲ့ အကျိုးစီးပွားကို သူတို့အဓိက ထားလုပ်တယ်လို့ပြောရင် ပိုမှန်မယ်ထင်ပါတယ်။" ပြီးခဲ့တဲ့ ဧပြီလအတွင်းကလည်း တရုတ်ကွန်မြူနစ်ပါတီရဲ့ ဖိတ်ကြားချက်အရ ပြည်ထောင်စုကြံခိုင်ရေးနဲ့ ဖွံဖြိုးရေးပါတီဥက္ကဌ ပြည်ထောင်စုလွှတ်တော်နာယက သူရ ဦးရွှေမန်းဟာ တရုတ်ပြည်ကို သွားရောက်ခဲ့ပါတယ်။ ဒီခရီးစဉ်မှာ သူရ ဦးရွှေမန်းဟာ တရုတ်သမတနဲ့တွေ့ဆုံပြီး နှစ်နိုင်ငံ တိုးတက်ဖွံ့ဖြိုးရေး၊ တည်ငြိမ်အေးချမ်းရေးနဲ့ နယ်စပ်ဒေသ ငြိမ်းချမ်းရေး ကိစ္စရပ်တွေ ဆွေးနွေးခဲ့ကြောင်း သတင်းထုတ်ပြန်ခဲ့ပါတယ်။

ဝ တောင်ပိုင်းဒေသ UWSA နဲ့ မြန်မာတပ် စစ်ရေးတင်းမာလျှက်ရှိ

တရုတ်မြန်မာ နယ်စပ်ဖက်မှာ တရုတ်ဖက်က စစ်ရေးလေ့ကျင့်မှုတွေ လုပ်နေချိန် မှာပဲ ဝပြည်တောင်ပိုင်းမှာ မြန်မာစစ်တပ် နဲ့ တိုင်းရင်းသား လက်နှက်ကိုင်တွေလည်း စစ်ရေးအခြေအနေ တင်းမာနေပါတယ်။ ၀ပြည်သွေးစည်း ညီညွတ်ရေးတပ် ထိန်းချုပ်ရာ ၀ပြည်တောင်ပိုင်းဒေသတွင်း သစ်ခိုးထုတ်လုပ်မှုကို ၀င်ရောက် ဖမ်းဆီးရင်း တပ်စခန်းချထားတဲ့ မြန်မာ စစ်တပ်ကို ၀ပြည်သွေးစည်း ညီညွတ်ရေး တပ်က ၀ိုင်းထားတာကြောင့် နှစ်ဘက်တို့ကြား စစ်ရေးတင်းမာနေကြပါတယ်။ ၀တပ်ရဲ့ ခွင့်ပြုချက်နဲ့ သစ်ခုတ်သူတွေကို တရားဥပဒေကြောင်းအရ အရေးယူမှာကို မကန့်ကွက်ပေမယ့် ဒေသတွင်းဝင်ရောက် လာတဲ့ မြန်မာ့ တပ်မတော် ပြန်ဆုတ်ခွာပေးဖို့တော့ လိုတယ်လို့ ၀ပြည်သွေးစည်း ညီညွတ်ရေးတပ်မတော်က ပြောဆိုလိုက်ပါတယ်။ အင်အားကြီး တိုင်းရင်းသား လက်နက်ကိုင် အဖွဲ့ ၀ပြည်သွေးစည်း ညီညွတ်ရေး တပ်မတော်နဲ့ မြန်မာ့ တပ်မတော်တို့ကြား စစ်ရေးတင်းမာမှုကို နှစ်ဘက်တိုက့ ဘယ်လို ချဉ်းကပ် အဖြေရှာနေကြလဲ ဆိုတာကိုတော့ မသိင်္ဂီထိုက် စုစည်းတင်ပြထားပါတယ်။ ရှမ်းပြည်နယ် အရှေ့ပိုင်း မိုင်းတုံမြို့နယ် သစ်တောကြိုးဝိုင်းတွင်း ၀ပြည်သွေးစည်း ညီညွတ်ရေး တပ်မတော်ရဲ့ ခွင့်ပြုချက်နဲ့ သစ်ထုတ်လုပ်သူတွေကို မြန်မာ့ တပ်မတော်က အင်အား (၁၀၀) နီးပါးရှိတဲ့ တပ်ရင်း ခမရ (၅၁၉) က ၀င်ရောက် စီးနင်းဖမ်းဆီးခဲ့တာဖြစ်ပါတယ်။ သစ်ခိုးထုတ်လုပ်တဲ့ ကားတွေနဲ့ လူပေါင်း (၁၆) ယောက်တို့ကို ဖမ်းဆီးခဲ့ပြီး ၀ ပြည်သွေးစည်းညီညွတ်ရေးတပ် ထိန်းချုပ်ရာ ၀ပြည်တောင်ပိုင်း ဒေသ မိုင်းတုံမြို့အနီးက နာကောင်းမူးမှာ မြန်မာ့တပ်မတော် တပ်ရင်းက စခန်းချထားတာမို့ ၀ပြည်သွေးစည်းညီညွတ်ရေး တပ်မတော်ရဲ့ တပ်ရင်း (၂) ရင်းတို့က ၀ိုင်းပြီး ပိတ်ဆို့လိုက်တာ ဖြစ်တယ်လို့ ၀ပြည်သွေးစည်းညီညွတ်ရေး တပ်မတော်ရဲ့ ပြောခွင့်ရ ဦးအောင်မြင့်က ပြောပါတယ်။ "ဒီကိစ္စမျိုးကို တပ်နဲ့သုံးစရာ မလိုဘဲနဲ့ ဒေသရဲ နဲ့ သစ်တောဌာနက ဖမ်းတာပြု တာ ပြောတာ ဆိုတာ ဆိုလို့ရှိရင် ဒါကတော့ သဘာဝကျတယ်လေ။ ဒါက တပိုင်း။ ခုက မဟုတ်ဘဲနဲ့ တပ်ရင်းတရင်းနဲ့ ဝင်ဖမ်းတယ်ဆိုတော့ ကျနော်တို့ဒေသတွင်းမှာ ဝင်ဖမ်းတယ် ဆိုတော့ ဒါကတော့ မကောင်းဘူးပေါ့ဗျာ။ နောက်တခုက မကြေနပ်တာ က ဘာလဲဆိုတော့ မနေ့ကအထိ သိရတဲ့ သတင်းက သူတို့က ဗမာ (၁၀) ယောက် ကိုတော့ လွှတ်လိုက်ပြီ။ ကျန်တဲ့ (၆) ယောက် ပလောင် ၁ ယောက် ဝ (၁) ယောက် တရုတ် (၄)ယောက် ကိုတော့ ဖမ်းထားပြီးတော့ တရားရုံးတင်ဖို့ တရားစွဲထားပြီ ဆိုပြီးတော့ သိရတဲ့ သတင်းပဲ။ ဒါကြောင့်မို့လို့ ဒီ နှစ်ခုစလုံးက နည်းနည်း ကသိကအောက်ဖြစ်တဲ့ ကိစ္စ ဖြစ်တဲ့ အတွက်ကြောင့် တပ်ရင်း (၂) ရင်း လွှတ်ပြီးတော့ သူတို့ဖမ်းတဲ့နေရာမှာ သူတို့ကို တပ်ရင်းက နေ-ထားတုန်းပဲ။ ဒါကြောင့် သူတို့ကို ဝိုင်းထားလိုက်တာ။" အင်အား ၁၀၀ နီးပါး ရှိတဲ့ မြန်မာ့တပ်မတော် တပ်ဖွဲ့တွေကို ၀တပ်ဘက်က တပ်ရင်း (၂) ရင်း အင်အား (၂) ဆနီးပါး အသုံးပြု ပိတ်ဆို့ထားတာ ဖြစ်ပါတယ်။ ဒါပေမယ့် လည်း အခု စစ်ရေး တင်းမာမှု ပြေလည်စေရေးအတွက်ကတော့ ၀ပြည်တောင်ပိုင်း တွင်း ၀င်ရောက်လာတဲ့ မြန်မာ့တပ်မတော် ပြန်လည် ဆုတ်ခွာပေးဖို့ အဓိက ဖြစ်တယ်လို့ ၀တပ်ရဲ့ ပြောခွင့်ရ ဦးအောင်မြင့်က ပြောပါတယ်။ "အရေးယူမယ် ဆိုလည်း အရေးမကြီးပါဘူး။ သစ်ခုတ်တဲ့ဟာ။ တရားဥပဒေအရ မျှမျှတတနဲ့ အရေးယူတယ် ဆိုရင် ပြသနာ မရှိပါဘူး။ တဖက်ကတော့ တပ်နဲ့ ဝင်သိမ်းပြီးတော့ ဝင်ဖမ်းပြီးတော့ တပ်က ဟိုနေရာမှာ နေရာယူထားတယ် ဆိုတော့ ပြန်ဆုတ်ပေးဖို့ ဒါကြောင့်မို့ ဝိုင်းထားလိုက်တာဖြစ်တယ်။" သစ်ခိုးထုတ်သူတွေကို အကြောင်းပြုပြီး ဇွန်လ (၁) ရက်နေ့ကတည်းက စခဲ့တဲ့ နှစ်ဘက် တပ် အကြား တင်းမာမှုက အခုချိန်ထိတော့ ပြေလည်အောင် ညှိနှိုင်းတဲ့ အဆင့်ကို မရောက်သေးပါဘူး။ ၀ပြည်သွေးစည်းညီညွတ်ရေး တပ်ဘက်က မြန်မာ အစိုးရ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီရဲ့ ဒုတိယ ဥက္ကဋ္ဌ ဦးသိန်းဇော်ထံကို သောကြာနေ့မှာ တယ်လီဖုန်းနဲ့ ဆက်သွယ်ပြီး နှစ်ဘက် စစ်ရေးတင်းမာမှုကို ပြေလည်အောင် ညှိနှိုင်းဖို့ ဖုန်းဆက်ခဲ့ပါတယ်။ ဦးသိန်းဇော် မအားလပ်တာကြောင့် သူ့ရဲ့ ကိုယ်ရေးအရာရှိကနေ တဆင့် ၀တပ်ရဲ့ လိုလားချက်တွေကို ရှင်းပြခဲ့တယ်လို့လည်း ၀ တပ် ပြောခွင့်ရက ပြောပါတယ်။ တချိန်တည်းမှာဘဲ တြိဂံတိုင်း စစ်ဌာနချုပ်က တပ်ဖက်တာဝန်ရှိသူတို့နဲ့လည်း ညှိနှိုင်းနေတဲ့ အကြောင်း ဦးအောင်မြင့်က အခုလို ပြောပါတယ်။ "သူတို့က ဗမာ (၁၀) ယောက်ကို မလွှတ်ပါဘူးတဲ့။ သူတို့ကို (၆)ယောက်နဲ့ သီးခြားခွဲပြီးတော့ ဖမ်းထားပါတယ်တဲ့။ (၆)ယောက်ကိုတော့ တရားစွဲထားတယ်။ စွဲလိုက်ပြီ။ ဗမာ (၆)ယောက်ကိုတော့ သူက အလုပ်သမားသဘောပဲပေါ့ ဒါကြောင့်မို့ တရားစွဲနိုင်မလား။ မစွဲနိုင်ဘူးလား မသိသေးတဲ့အတွက် သူတို့က သီးသန့် သစ်တောဌာနကို ပို့ထားတယ်လို့ပြောတယ်။" ၀ပြည်နယ်ထဲမှာ သစ်ထုတ်လုပ်မှုတွေကို တင်းကျပ်ထားပြီး အခု သစ်ထုတ်လုပ်မှု ကလည်း ၀ဒေသတွင်း လိုအပ်ချက် အရ ထုတ်ယူနေတာ ဖြစ်တဲ့ အကြောင်း ၀တပ်ဘက်က ပြောပါတယ်။ မြန်မာ အစိုးရဘက်ကို ဆက်သွယ်ခဲ့ပေမယ့် ဒီကိစ္စနဲ့ပါတ်သက် လို့ တုန့်ပြန်ဖြေကြားခြင်း မရှိသလို မြန်မာ အစိုးရ သတင်းတွေမှာ လည်း ဒီကိစ္စကို ဖော်ပြခြင်း မရှိသေးပါဘူး။ ရှမ်းပြည်နယ် အရှေ့ပိုင်းဒေသ ထိုင်းနယ်စပ် တလျှောက်က ၀ပြည်သွေးစည်း ညီညွတ်ရေး တပ်မတော် ထိန်းချုပ်ရာ ၀ပြည်တောင်ပိုင်းဒေသက ၀တပ်တွေကို တရုတ်နယ်စပ် ၀ပြည်မြောက်ပိုင်းဘက် ပြန်လည် ဆုတ်ခွာပေးဖို့ မြန်မာ့ တပ်မတော်ဘက်က ၂၀၀၉ ခုနှစ် ၀န်းကျင်က တောင်းဆိုခဲ့ဖူးပါတယ်။ တိုင်းရင်းသား လက်နက်ကိုင်တပ်တွေထဲမှာ လက်နက်အင်အား လူအင်အား အတောင့်တင်းဆုံး ၀ ပြည်သွေးစည်းညီညွတ်ရေး တပ်မတော်ဟာ မြန်မာ အစိုးရနဲ့ အပစ်ရပ်အဖွဲ့ဖြစ်ပြီး မြန်မာ စစ်အစိုးရ ရေးဆွဲခဲ့ ၂၀၀၈ ခုနှစ် အခြေခံ ဥပဒေ အရလည်း ရှမ်းပြည်နယ်တွင်းက ဟိုပန်၊ မိုင်းမော၊ ပန်ဝိုင်၊ နားဖန်း၊ မက်မန်း၊ ပန်ဆန်း မြို့နယ်တွေကို ၀ ကိုယ်ပိုင်အုပ်ချုပ်ခွင့်ရ တိုင်းအဖြစ် ဖွဲ့စည်းပေးထားတာလည်း ဖြစ်ပါတယ်။

ဒေါ်စုရဲ့ တရုတ်ခရီး အပေါ် အမေရိကန် နားလည်နိုင်

အမျိူးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ရဲ့တရုတ်နိုင်ငံ ခရီးစဉ် ဟာ နိုင်ငံရေး ပါတီ အချင်းချင်းဆက်ဆံရေးအတွက် အရေးကြီးကြောင်း တရုတ် အစိုးရက ပြောကြားလိုက်ပါတယ်။ အခုလို တရုတ်နဲ့ ဆက်ဆံရေးကောင်းမွန် ဖို့ ကြိုးစားတဲ့ ဒေါ်အောင်ဆန်းစုကြည် ရဲ့ခရီးစဉ်ကို အမေရိကန်ပြည်ထောင်စု အနေနဲ့ လဲ အသိအမှတ်ပြုလိမ့်မယ် လို့ မြန်မာ့အရေး ကျွမ်းကျင်တဲ့ အမေရိကန် ပညာရှင်ကလည်း သုံးသပ်ပါတယ်။ မအင်ကြင်းနိုင်က အပြည့်အစုံတင်ပြမှာပါ။ တရုတ်ကွန်မြူနစ်ပါတီရဲ့ ဖိတ်ကြားချက်နဲ့ ငါးရက်ကြာ ခရီးစဉ်အဖြစ် သွားရောက် မယ့် ဒေါ်အောင်ဆန်းစုကြည်ရဲ့ခရီးစဉ်နဲ့ ပတ်သက်လို့ တရုတ်နိုင်ငံ အတွက် အရေးကြီးကြောင်း တရုတ်နိုင်ငံခြားရေးဌာနပြောခွင့်ရပုဂ္ဂိုလ် ဟုန်လဲ့ (Hong Lei )က ပေကျင်းမြို့တော်မှာ သောကြာနေ့ကပြုလုပ်တဲ့ ပုံမှန်သတင်းစာ ရှင်းလင်းပွဲမှာ အခုလိုပြောသွားပါတယ်။ "ပါတီချင်း အပြန်အလှန်ဆက်ဆံရေးဟာ တရုတ် မြန်မာဆက်ဆံရေးရဲ့ အရေးကြီး တဲ့ အစိတ်အပိုင်း တခုဖြစ်ပါတယ်။ တရုတ်နိုင်ငံအနေနဲ့ ကာလရှည်ကြာ ကတည်းက အမျိုးသား ဒီမိုကရေစီအဖွဲ့ချုပ် (NLD) အပါအ၀င် ပါတီအားလုံးနဲ့ ချစ်ခင်ရင်းနှီးစွာ ဆက်ဆံလာခဲ့တာပါ။ အခု ဒေါ်အောင်ဆန်းစုကြည် ဦးဆောင်တဲ့ NLD ပါတီကိုယ်စားလှယ်အဖွဲ့ရဲ့ အလည်အပတ် ခရီးစဉ်ဟာ နှစ်နိုင်ငံဆက်ဆံရေးနဲ့ နားလည်မှုကို ပိုပြီးတိုးတက်လာနိုင်မယ်လို့ တရုတ်အစိုးရ အနေနဲ့ မျှော်လင့်မိ ပါတယ်။ ဒါအပြင် နယ်ပယ်ပေါင်းစုံမှာ နှစ်နိုင်ငံ မိတ်ဖက်ဆက်ဆံရေး တိုးမြှင့်လာနိုင်ဖို့ အတူလက်တွဲဆောင်ရွက်သွားမှာလည်းဖြစ်ပါတယ်။" ဒါအပြင်ခရီးစဉ်အတွင်း တရုတ်သမ္မတ ရှီကျင်းပင် အပါအ၀င် တရုတ်ကွန်မြူနစ် ပါတီခေါင်းဆောင်တွေနဲ့ ဒေါ်အောင်ဆန်းစုကြည်တွေ့ဆုံမှာဖြစ်တယ်လို့ တရုတ်နိုင်ငံခြားရေး ဌာနပြောခွင့်ရပုဂ္ဂိုလ်ကပြောပါတယ်။ ဒါဟာ တရုတ်အစိုးရ အနေနဲ့ ဒေါ်အောင်ဆန်းစုကြည်နဲ့ ဆက်ဆံရေးကောင်း မွန်ကြောင်း ပြသလိုတာဖြစ်တယ်လို့ မြန်မာ့အရေး ကျွမ်းကျင်သူ အမေရိကန် ပါမောက္ခ ဒေးဗစ်စတိုင်ဘတ်ကမြင်ပါတယ်။ "ဒေါ်အောင်ဆန်းစုကြည်နဲ့ ကောင်းမွန်တဲ့ဆက်ဆံရေး တရုတ်အစိုးရအနေနဲ့ လိုချင်နေတာပါ။ ဒေါ်အောင်ဆန်းစုကြည်ဘက်ကလည်း အိမ်နီးချင်းတရုတ်အစိုးရနဲ့ ဆက်ဆံရေးကောင်းမွန်ချင်တဲ့ အကြောင်း အမြဲပဲ ပြောနေတာဆိုတော့ သူ့ခရီးစဉ်ဟာ သဘာဝကျ ပါတယ်။ မြန်မာနိုင်ငံရဲ့ အနာဂတ်အစိုးရတွေအနေနဲ့ လည်း အလားတူ တရုတ်နဲ့ ဆက်ဆံရေးကောင်းအောင်ကြိုးစားမှာဖြစ်ပါတယ်။ တရုတ်ဘက်ကလည်း မြန်မာနဲ့ ဆက်ဆံရေး သူတို့အတွက် အလွန်အရေးကြီးတယ် ဆိုတာ သိပါတယ်။ ဘာလို့လဲဆိုတော့ ပထ၀ီနိုင်ငံရေး မဟာဗျူဟာအရနဲ့ ရင်းနှီးမြှုပ်နှံမှုတို့ အတွက်မြန်မာနိုင်ငံဟာ တရုတ်အတွက် အရေးပါနေတာပါ။" ဒေါ်အောင်ဆန်းစုကြည်ရဲ့တရုတ်ခရီးစဉ်အပေါ် အမေရိကန်အစိုးရရဲ့ အမြင်သဘောထားနဲ့ ပတ်သက်လို့ ပါမောက္ခ ဒေးဗစ်စတိုင်ဘတ်က အခုလို သုံးသပ်ပါတယ်။ "ကျနော်အမြင်အရဆိုရင် အမေရိကန်ထက် တရုတ်ကပိုပြီးစိုးရိမ်နေတယ်လို့ ထင်ပါတယ်။ မကြာသေးခင်နှစ်တွေက တရုတ်ကအမြဲတမ်းပြောနေတာရှိပါတယ်။ အဲဒါကတော့ အမေရိကန်နဲ့ အနောက်နိုင်ငံတွေက မြန်မာနဲ့ ဆက်ဆံရေး ပိုပြီးကောင်းအောင် လုပ်နေတာဟာ တရုတ်ကို ဆန့်ကျင်ဖို့ဖြစ်တယ်လို့ တရုတ်က ယုံကြည်နေတာပါ။ ဒါပေမဲ့ တရုတ်နဲ့ ဆက်ဆံရေးကောင်းမွန်ဖို့ ကြိုးစားနေတဲ့ အမေရိကန် အနေနဲ့ မြန်မာအတွက် တရုတ်ဟာ အရေးကြီးတယ်ဆိုတာကို အသိအမှတ်ပြုတယ်လို့ ကျနော်မြင်ပါတယ်။ နှစ်နိုင်ငံ ကုန်သွယ်ရေးဆက်ဆံရေး အပြင် နှစ်နိုင်ငံ နယ်စပ်မှာရှိနေတဲ့ တိုင်းရင်းသားလူမျိုးတွေ အချင်းချင်း ဆက်ဆံရေးကောင်းမွန်ဖို့ တည်ငြိမ်ပြီး အကျိုးရှိတဲ့ ဆက်ဆံရေးဖြစ်ဖို့ အရေးပါတဲ့ တရုတ်မြန်မာဆက်ဆံရေး လိုအပ်နေပါတယ်။" NLD ဥက္ကဋ္ဌ ဒေါ်အောင်ဆန်းစုကြည် ဦးဆောင်တဲ့ ကိုယ်စားလှယ် အဖွဲ့ ဟာ ဇွန်လ ၁၀ ရက်နေ့ကနေ ၁၄ ရက်နေ့ အထိ တရုတ် ပြည်သူ့သမ္မတ နိုင်ငံကို သွားရောက်မှာဖြစ်ပါတယ်။