EU စည်းမျဉ်းကို ဟန်ဂေရီ ယာယီ ဆိုင်းငံ့

ရွှေ့ပြောင်း ဒုက္ခသည်တွေကို လက်ခံရေးနဲ့ ပတ်သက်လို့ ဥရောပနိုင်ငံတွေ အကြား အကြီးအကျယ် ခေါင်းခဲစရာ ဖြစ်နေချိန်မှာပဲ EU ဥရောပ သမဂ္ဂက ချမှတ်ထားတဲ့ ရွှေ့ပြောင်း ဒုက္ခသည်များဆိုင်ရာ အရေးပါတဲ့ စည်းမျဉ်းတခုကို ဟန်ဂေရီ အစိုးရက မလိုက်နာတော့ဘဲ ယာယီ ဆိုင်းငံ့ထားမယ်လို့ ထုတ်ဖော်ကြေညာလိုက်ပါတယ်။ Dublin Regulation လို့ ခေါ်တဲ့ EU စည်းမျဉ်းတခုအရ ဥရောပ သမဂ္ဂဝင် နိုင်ငံတခုထဲ ဝင်လာပြီး အဲဒီကနေ တဆင့် နောက်ဥရောပနိုင်ငံထဲ ဆက်သွားတဲ့ ရွှေ့ပြောင်း ဒုက္ခသည်တွေကို အရင်ဆုံး ဝင်လာတဲ့ နိုင်ငံဆီ ပြန်ပို့ခွင့် ရှိတယ်လို့ သတ်မှတ်ထားတာပါ။ တရားမဝင် ရွှေ့ပြောင်း ဝင်လာသူတွေရဲ့ ဝန်ထုပ်ဝန်ပိုး ဒဏ်ကို ဟန်ဂေရီနိုင်ငံအနေနဲ့ မခံနိုင်တော့တဲ့အတွက် အခုလို ဆုံးဖြတ်လိုက်ရတာလို့ ဟန်ဂေရီ အစိုးရ ပြောခွင့်ရ ပုဂ္ဂိုလ်တဦးက ပြောပါတယ်။ အခုနှစ်အတွင်း ဟန်ဂေရီနိုင်ငံထဲ တရားမ၀င် ဝင်ရောက်လာသူပေါင်း ၆ သောင်းကျော်လောက် ရှိတယ်လို့ အစိုးရ တာဝန်ရှိ ပုဂ္ဂိုလ်တွေက ပြောပါတယ်။ EU ရဲ့ Dublin Regulation စည်းမျဉ်းကြောင့် ဥရောပ သမဂ္ဂ နိုင်ငံတွေအတွင်းမှာ အကြီးအကျယ် တင်းမာမှုတွေ ဖြစ်နေပြီး ဒီစည်းမျဉ်းနဲ့ ပတ်သက်လို့ ပြန်သုံးသပ်နေကြပါတယ်။ ဂရိနိုင်ငံမှာဆိုရင်လည်း ခိုလှုံခွင့်တောင်းတဲ့ ရွှေ့ပြောင်းဒုက္ခသည်တွေကြောင့် မနိုင်မနင်း ဖြစ်နေရတယ်လို့ ဂရိအစိုးရရဲ့ မကြေမနပ် ပြောဆိုမှုတွေကြောင့် ဖင်လန်နဲ့ ဂျာမနီနိုင်ငံအပါအဝင် နိုင်ငံအတော်များများက ဂရိနိုင်ငံဆီ ရွှေ့ပြောင်းဒုက္ခသည်တွေ ပြန်ပို့တာတွေကို ရပ်ထားခဲ့ရပါတယ်။ အခုလို Dublin Regulation ကို ယာယီ မလိုက်နာဘဲနေမယ် ဆိုတဲ့ ဒီကြေညာချက်ဟာ ရွှေ့ပြောင်း ဒုက္ခသည်တွေကို မလက်ခံချင်ဘူးဆိုတဲ့ ဟန်ဂေရီ အစိုးရရဲ့ ထုတ်ဖော် ပြောဆိုနေမှုတွေမှာ အခုနောက်ဆုံး ဖြစ်ပါတယ်။ ဆားဘီယားနဲ့ ကပ်ရက် ဟန်ဂေရီနိုင်ငံရဲ့ နယ်စပ်တလျှောက် ၁၀၉မိုင် လောက် အရှည် အတားအဆီး တံတိုင်းကြီးတခု ထားရှိမယ်လို့လည်း ဟန်ဂေရီ အစိုးရက ပြီးခဲ့တဲ့ ရက်ပိုင်းက ထုတ်ဖော်ကြေညာထားပြီး ဖြစ်ပါတယ်။ မကြာသေးခင်ကလည်း အစိုးရရဲ့ ကြော်ငြာဆိုင်းဘုတ်ကြီးတခုပေါ်မှာ "ဟန်ဂေရီကိုလာမယ် ဆိုရင် ဟန်ဂေရီနိုင်ငံသားတွေရဲ့ အလုပ်တွေကိုလာမလုနဲ့" ဆိုပြီး လှုံ့ဆော်ရေးထားတဲ့အတွက် အခြေအတင် အငြင်းပွားစရာတွေ ဖြစ်ခဲ့ရပါတယ်။ ဒီကြော်ငြာ ဆိုင်းဘုတ် လှုံ့ဆော်ချက်ဟာ မကြာခင် ပြဌာန်းမယ့် လူဝင်မှု ကြီးကြပ်ရေး ဥပဒေသစ်တွေအပေါ် လူထုက ထောက်ခံလာအောင် လုပ်တဲ့ ဟန်ဂေရီအစိုးရရဲ့ ကြိုးပမ်းမှု တစိတ်တပိုင်းဖြစ်ပါတယ်။ အခု ပြီးခဲ့တဲ့ ဇန္နဝါရီလကနေ မတ်လ အတွင်း ဟန်ဂေရီနိုင်ငံမှာ ခိုလှုံခွင့် တောင်းခံသူပေါင်း ၃ သောင်း ၃ ထောင်နီးပါး ရှိခဲ့ပြီး လောလောဆယ် EU နိုင်ငံတွေအတွင်း ဂျာမနီ ပြီးရင် ဟန်ဂေရီဟာ ရွှေ့ပြောင်း ဒုက္ခသည်တွေ ခိုလှုံခွင့် တောင်းခံမှု ဒုတိယအများဆုံး နိုင်ငံ ဖြစ်ပါတယ်။

မူးလဲတော့မည်ဆိုလျှင်

- ထိုင်ချလိုက်ပါ။ မူးလဲတော့မည့် အချိန် ထိုင်ချရန်ဝန်လေးနေလျှင် လဲ ကျ၍ဦးခေါင်းထိခိုက်မိသည့် အန္တရာယ် ကြုံရတတ်သည်။ - အသက်ပြင်းပြင်းနှင့်ရှည်ရှည်ဆွဲရှူပါ။ စိတ်ဖိစီးမှုနှင့် စိုးရိမ်စိတ်လွန်ကဲ ခြင်းများမဖြစ်အောင် အသက်ရှည် ရှည်ရှူခြင်းဖြင့် ကာကွယ်နိုင်သည်။ - အကူအညီတောင်းပါ။ တတ်နိုင် သလောက် ကျယ်ကျယ်အော်ပါ။ မူးလဲခါနီးလျှင် နားအူနေသည့် အတွက် မိမိအော်သံကို တိုးတိုးသာ ကြားရတတ်ပါသည်။ စိတ်မပျက်ဘဲ ဆက်၍အကူအညီတောင်းခံပါ။ - ခြေထောက်ပိုင်းကို ဦးခေါင်းပိုင်း ထက် အမြင့်တစ်နေရာတွင်ထား၍ ပက်လက်အိပ်နိုင်မည့်နေရာသို့ လိုက် ပို့ခိုင်းပါ။ အချိုဓါတ်ရနိုင်မည့် သကြား လုံး၊ အချိုရည်တစ်ခုခု ကူညီရှာဖွေ ခိုင်းပါ။ - ရံဖန်ရံခါသတိမေ့သွားသည့်အခါ သတိပြန်ရလာချိန်တွင် အလန့်တ ကြားဖြစ်သွားတတ်သည်။ မိမိဘာ ဖြစ်ခဲ့သည်ကိုလည်း မေ့နေနိုင်သည်။ အချို့လူများ၌ သတိမေ့နေစဉ်တွင် ဆီးထွက်ကျသည်အထိ ဖြစ်တတ် သည်။ ဘာပဲဖြစ်ဖြစ် သတိပြန်ရလာ ချိန်တွင်တတ်နိုင်သလောက် စိတ် အေးအေးထားပါ။ - သတိပြန်ရလာချိန်တွင် တန်းမ ထပါနှင့်။ ခဏထိုင်၍ ခေါင်းမူးခြင်း ရှိ/ မရှိစောင့်ကြည့်ပါ။ - သင့်လျော်သည့်အချိန်၌ ဆေးခန်း ပြ၍ မူးလဲသည့်ပြဿနာနောက်ထပ် ဖြစ်ပွားခြင်းမရှိအောင် ကာကွယ်ပါ။ - မူးလဲခါနီးဖြစ်ပေါ်တတ်သည့် အောက်ပါလက္ခဏာများကို မှတ်သား ၍ နောက်တစ်ကြိမ်ဖြစ်ပေါ်လာလျှင် အကာအကွယ်ချက်ချင်းရယူပါ။ - အဖြူစက်၊ အနက်စက်များ တွေ့လာရခြင်း - ခေါင်းတစ်ခုလုံး ပေါ့ပြီး ပတ် ဝန်းကျင်တစ်ခုလုံး လည်နေခြင်း - ချွေးစေးများထွက်ခြင်း - ဖြူဖျော့လာခြင်း - မျက်စေ့အမြင်ဝေ၀ါးလာခြင်း။

တုပ်ကွေးကို အပြုတ်တိုက်မည့်ကြက်သွန်ဖြူ.

ခေတ်အဆက်ဆက် ပြုလုပ်ခဲ့ကြသော သုတေသနစမ်းသပ်ချက်များအရ ကြက်သွန်ဖြူသည် ရောဂါပိုး အမျိုးမျိုးကို သေစေကြောင်းတွေ့ရှိခဲ့ပြီး ဖြစ်ပါသည်။ စင်စစ်ကြက်သွန်ဖြူသည် အအေးမိ၊ နှားစေးခြင်း၊ လည်ချောင်းနာ၍ ဖျားခြင်း၊ ပသိရောင်ခြင်း၊ တုပ်ကွေးမိခြင်းကို အမြန် ပျောက်ကင်းစေပါသည်။ ရေနွေးပူပူအတွင်းသို့ ကြက်သွန်ဖြူဥ သုံးဥခန့်ကို ချင်း(ဂျင်း)၊ အာလူး၊ မုန်လာဥ၊ ငရုတ်ကောင်း တို့နှင့်အတူ စွပ်ပြုတ်လုပ်၍ ပူပူလေး သောက်ပေးခြင်းအားဖြင့် လည်ချောင်းနာ၍ ဖျားခြင်း၊ တုပ် ကွေးမိခြင်းတို့ကို အမြန်သက်သာစေပါသည်။

ပိန်ချင်ရင် သရက်သီး အခွံစားပါ

အရသာ မကောင်း ပေမယ့်လည်း ပိန်ချင်သော သူများ အနေဖြင့် သရက်သီး စားတဲ့ အခါ အခွံပါ စားသော နည်းသစ်တစ်ရပ်ကို အသုံးပြုသင့်ပါ တယ်တဲ့။ ဩစတြေးလျ သုတေသီများ တွေ့ရှိ ခဲ့ကြတာ ကတော့ သရက်သီး အခွံထဲမှာ ပါဝင်သည့် ဓာတုပစ္စည်း အချို့သည် အဆီ ကလာပ်စည်း ဖြစ်ပေါ်ခြင်းကို ကာကွယ် တားဆီးနိုင်တယ် လို့ပဲ ဖြစ်ပါတယ်။ သရက်သီး အခွံထဲမှာပါတဲ့ ဓာတု ပစ္စည်းများဟာ ခန္ဓာကိုယ်အတွင်း အဆီ ကလာပ်စည်း ဖြစ်ပေါ်နေသော လုပ်ငန်းစဉ် ဖြစ်သည့် Adipogenesis ကို နှိမ်နင်း ပေးတယ်လို့ ဆိုပါတယ်။ အပူပိုင်း သစ်သီးများ ထဲက တစ်မျိုးဖြစ်တဲ့ သရက်သီး များထဲမှာ အမျိုးမျိုး ကွဲပြား ခြားနားသော အပင်ထွက် ဓာတု ပစ္စည်း Phytochemicals များ ရောနှော ပါဝင်လျက်ရှိရာ အချို့တွင် ဖော်ပြပါ အာနိသင်များ ပါဝင်လျက်ရှိ ပါတယ်။ သရက်သီးထဲမှာ အပင်ထွက် ဓာတု ပစ္စည်းတွေ များပြားစွာ ပါဝင်ပြီး ဖွံ့ဖြိုး ဆဲရော၊ ဖွံ့ဖြိုးပြီး နိုင်ငံများမှာပါ ရေပန်းစားတဲ့ အသီး တစ်မျိုးဖြစ်ပါတယ်။ သရက်သီး အခွံစားခြင်းကြောင့် ဖြစ်နိုင်တဲ့ ဘေးထွက် ဆိုးကျိုးတစ်ခု ကတော့ အဆီ ကလာပ်စည်းများ ဖြစ်ပေါ် အဆီ ကလာပ်စည်း များက ပို၍ကြီးလာပြီး အဲဒီလို ကလာပ်စည်း မျိုးဟာ အမျိုးအစား(၂) ဆီးချိုသွေးချို ရောဂါ(၂) ဖြစ်စေ နိုင်တယ်လို့ ဆိုပါတယ်။ ဓာတ်ခွဲခန်း အတွင်း စမ်းသပ် ချက်များအရ အဝလွန်ခြင်းကို ကူညီ နိုင်လိမ့်မယ်လို့ ဆိုပါတယ်။

Jackson Martinez အက်သလက်တီကိုမက်ဒရစ် အသင်းသို့ ပြောင်းရန် သဘောတူပြီးဖြစ်

Jackson Martinez ဟာ အာစင်နယ်ကို စိတ်မ၀င်စားပဲ စပိန်လာလီဂါ ကလပ် အသင်းဖြစ်တဲ့ အက်သလက်တီကို မက်ဒရစ် အသင်း ကို ပြောင်းဖို့ သဘောတူပြီးဖြစ်တယ်လို့ သူ့ရဲ့ ကိုယ်စားလှယ်ဖြစ်သူ Luiz Henrique Pompeo က အတည်ပြုပြောကြားလိုက်ပါတယ်။ အသက် ၂၈ နှစ်အရွယ် ပေါ်တူဂီ ကလပ် အသင်းဖြစ်တဲ့ ပေါ်တို အသင်းရဲ့ တိုက်စစ်မှုး Jackson Martinez ကို အာစင်နယ် အသင်းရဲ့ မန်နေဂျာ Arene Wenger အပါအ၀င် စီးရီးအေ ထိပ်တန်း ကလပ် အေစီမီလန် အသင်းကလည်း စိတ်ဝင်စားနေပေမယ့် Martinez ကတော့ အက်သလက်တီကို မက်ဒရစ် အသင်းရဲ့ ဗင်းဆင့်ကယ်လ်ဒီရွန် ကွင်းကြီး ကို ပြောင်းရွှေ့ဖို့ ဆုံးဖြတ်လိုက်ပါတယ်။ စပိန် သတင်းဌာန တစ်ခုဖြစ်တဲ့ AS ရဲ့ ဖော်ပြချက်အရ အက်သလက်တီကို မက်ဒရစ် အသင်းဟာ Jackson Martinez အတွက် ပြောင်းရွှေ့ကြေး စတာလင်ပေါင် ၂၄.၈ သန်း နဲ့ ၄ နှစ်စာချုပ် ချုပ်ဆို သွားမှာ ဖြစ်တယ်လို့လည်း သိရပါတယ်။ "ဒီနေ့ပဲ အပြီးသတ်ခဲ့ပါပြီ။ ကျွန်ုပ်တို့အနေနဲ့ အေစီမီလန် အသင်း ကို နောက်ဆုံးအချိန် အထိ စိတ်ဝင်စားနေခဲ့ပေးတဲ့အတွက် ကျေးဇူးတင်ပါတယ်။ ကျွန်ုပ်တို့ အဲဒီအတွက် အရမ်းလည်း ဂုဏ်ယူမိပါတယ် " လို့ Pompeo က AS သတင်းဌာနကို ပြောကြားခဲ့ပါတယ်။ အက်သလက်တီကို မက်ဒရစ် အသင်းဟာလည်း အသင်းကြီး တစ်သင်းဖြစ်တဲ့အလျောက် လိဂ်မှာတင်မကပဲ ဥရောပ မှာပါ ယှဉ်ပြိုင်ရမှာ ဖြစ်တဲ့အတွက် Jackson ဟာလည်း ပိုမို ကောင်းမွန်တဲ့ အတွေ့အကြုံတွေရလာဖို့ မျှော်လင့်ထားပြီး ဒါတွေဟာ သူ့ရဲ့ အိပ်မက် ဖြစ်ကြောင်း ၊ သူ့အနေနဲ့ ပျော်ရွှင်ကာ စိတ်လှုပ်ရှား နေမယ့်အကြောင်း တွေကို Pompeo က ပြောပြခဲ့ပါသေးတယ်။ အက်သလက်တီကို မက်ဒရစ် အသင်းရဲ့ မန်နေဂျာ Diego Simeone ကိုလည်း Jackson Martinez ကိုယ်တိုင်က အောင်မြင်နိုင်စွမ်းရှိတဲ့ နည်းပြ တစ်ယောက် ဖြစ်တယ်လို့ ချီးကျူးစကားဆိုထားပါသေးတယ်။

IS ရဲ့ အရက်စက်ဆုံး လုပ်ရပ်ပါတဲ့ ဗီဒီယို ပေါ်လာ

S ​အစ္စလာမ်မစ် ​စစ်သွေးကြွတွေဟာ ​လှောင်အိမ်ထဲမှာ ​လောင်ထားတဲ့ ​လူ ​၁၆ ​ယောက်ကို ​ရေနစ်သတ်တဲ့ ​ဗီဒီယိုတွေ၊ ​တချို့ကိုတော့ ​ဖောက်ခွဲရေး ​ပစ္စည်းတွေနဲ့ ​သတ်ပစ်တာတွေအပြင် ​ကားတစီးထဲကို ​ရော့ကက်ဗုံး ​ပစ်ထည့်တဲ့ ​ပုံတွေကို ​ပြသထားပါတယ်။

အီရတ်နိုင်ငံ ​Nineveh ​မှာ ​ရိုက်ကူးခဲ့တဲ့ ​ဗီဒီယိုဖြစ်ပြီး ​IS ​အဖွဲ့ကနေ ​အွန်လိုင်းပေါ်မှာ ​တင်ထားတဲ့ ​ဗီဒီယိုတွေထဲ ​အရက်စက်ဆုံးသော ​ဗီဒီယို ​ဖြစ်ပါတယ်။ ဒီတချီ ​ထွက်ပေါ်လာတဲ့ ​ဗီဒီယိုမှာ ​သတ်ပစ်ခံရတဲ့ ​လူ ​၁၆ ​ယောက်ကတော့ ​ထောက်လှမ်းရေးတွေ ​ဖြစ်တယ်လို့ ​သိရပြီး ​တချို့ကလည်း ​သူတို့ဟာ ​ထောက်လှမ်းရေးတွေဖြစ်ပြီး ​IS ​အဖွဲ့ဝင်အဖြစ် ​ဟန်ဆောင်တာ ​ဖြစ်ကြောင်း ​ဝန်ခံ ​ပြောဆိုထားတဲ့ ​ဗီဒီယိုတွေ ​ပါရှိပါတယ်။ ဗီဒီယို ​အစမှာတော့ ​လူ ​၄ ​ယောက်ကို ​IS ​အဖွဲ့က ​ကားထဲ ​ဝင်နေခိုင်းပြီး ​နောက်ပိုင်းမှာ ​ကားကို ​ဗုံးခွဲလိုက်တဲ့ ​ပုံတွေ၊ ​နောက် ​လူ ​၅ ​ယောက်ကိုတော့ ​လှောင်အိမ်ထဲ ​လှောင်ထားပြီး ​အဲဒီ ​လှောင်အိမ်ကို ​crane ​ကားနဲ့ ​မချီပြီး ​ရေကူးကန် ​ဟောင်းထဲက ​ရေထဲမှာ ​နစ်သတ်လိုက်တာ ​ဖြစ်ပါတယ်။ လှောင်အိမ် ​အပြင်မှာ ​ကင်မရာ ​နှစ်လုံး ​ချိတ်ထားပြီး ​လှောင်အိမ်ထဲက ​လူတွေ ​ရေဆိုးထဲမှာ ​ရုန်းရင်းဆန်ခ ​ပြုလုပ်ရင်း ​သေဆုံးသွားတဲ့ ​ပုံကို ​ရိုက်ကူးခဲ့တာ ​ဖြစ်ပါတယ်။ နောက် ​လူ ​၇ ​ယောက်ကိုတော့ ​လည်ပင်းမှာ ​ပေါက်ကွဲရေး ​ပစ္စည်းတွေ ​လွယ်ခိုင်းပြီး ​ဖောက်ခွဲပြီး ​သတ်ပစ်လိုက်တာ ​ဖြစ်ပါတယ်။ IS ​အဖွဲ့ဟာ ​လူပေါင်း ​ရာနဲ့ချီကို ​သေနတ်နဲ့ ​ပစ်သတ်တာတွေ၊ ​ဒါဇင်နဲ့ချီကို ​ခေါင်းဖြတ်သတ်တာတွေ၊ ​ကျောက်ခဲနဲ့ ​သေတဲ့အထိ ​ပစ်ပေါက်တာတွေ၊ ​လိင်တူ ​ချစ်သူကို ​တိုက်မြင့်ပေါ်ကနေ ​လူရှေ့သူရှေ့မှာ ​တွန်းချတာတွေအပြင် ​ဂျော်ဒန်နိုင်ငံသား ​လေယာဉ်မှူးကိုလည်း ​အရှင်လတ်လတ် ​မီးရှို့သတ်တာတွေကို ​လုပ်ခဲ့ပါတယ်။ IS ​အဖွဲ့ဟာ ​အဲဒီ ​ဗီဒီယိုကို ​အသုံးပြုပြီး ​စိတ်ကြွနေတဲ့ ​လူငယ်တွေကို ​သူတို့နဲ့ ​ပူးပေါင်းလာအောင် ​မြူဆွယ်နေသလို ​သူတို့ကို ​ဆန့်ကျင်တဲ့ ​လူတွေကို ​ခြိမ်ခြောက်တဲ့ ​အနေနဲ့လည်း ​အသုံးပြုလေ့ရှိပါတယ်။

အသားကပ်ဂျင်းဘောင်းဘီတွေဝတ်ဆင်ခြင်းဟာ ကျန်းမာရေးအတွက် မကောင်း

အမျိုးသမီး တွေရဲ့ ဖက်ရှင် ရွေးချယ်မှု အပိုင်းမှာတော့ ၁၉၇၀ ခုနှစ်ဝန်းကျင် ဖက်ရှင်တွေကနေ ၁၉၉၀ ခုနှစ်ဖက်ရှင်တွေထိသာမက ယနေ့ခေတ် ဖက်ရှင် တွေအထိ အမျိုးသမီးတိုင်း ရွေးချယ်နေတဲ့ ဖက်ရှင်ကတော့ အသားကပ် ဂျင်းဘောင်းဘီ (Skinny Jean) တွေပါပဲ။ အနုပညာရှင် အမျိုးသမီး တွေကလည်း အသားကပ်ဂျင်းဘောင်းဘီတွေ ၀တ်ဆင်ရတာ နှစ်သက်ကြတဲ့အတွက် အမျိုးသမီးတွေ အသက်အရွယ် မရွေး အသားကပ်ဂျင်းဘောင်းဘီ တွေကို နှစ်သက်ကြပြန်ပါတယ်။ ဒါပေမယ့်လည်း အခုတော့ လေ့လာမှု တစ်ခုက အရမ်းကျပ်တဲ့ ဘောင်းဘီတွေဟာ ကျန်းမာရေးအတွက် မကောင်းဘူးဆိုတာကို ထုတ်ဖော်ပြောကြားလိုက်ပါပြီ။ အရမ်းကျပ် တဲ့ ဘောင်းဘီတွေဝတ်ဆင်ခြင်းဟာ ခြေထောက်မှာရှိတဲ့ အာရုံကြောတွေနဲ့ ကြွက်သားတွေကို ထိခိုက်မှု ရှိလာစေပြီး သွေးမလျှောက်တဲ့ ရောဂါ တစ်မျိုးကို ခံစားရစေနိုင်တယ်လို့ ကျွမ်းကျင်သူတွေက သတိပေးလိုက်ပါတယ်။ ဗဟိဒ္ဓကုထုံးဆရာ တစ်ယောက်ဖြစ်တဲ့ Sammy Margo က သတိပေးခဲ့တာကတော့ အသားကပ် ဘောင်းဘီ တွေ ၀တ်ဆင်ခြင်းဟာ သင့်ကို ၀လာစေပြီး အ၀လွန်ခြင်းကိုလည်း ဖြစ်လာအောင် နှိုးဆွပေးနိုင် သေးတယ်ဆိုတာပါပဲ။ အသားကပ် ဘောင်းဘီ တွေဝတ်ဆင်ထားခြင်းဟာ ပေါင် နဲ့ တင်ပါးတို့မှာ ရှိတဲ့ ကြွက်သားတွေကို သေးသွယ် ကျစ်လစ် သွားစေတဲ့အတွက် အသာကပ်ဂျင်းဘောင်းဘီ ၀တ်ဆင်ထားချိန်မှာတော့ သင်ဟာ သင့်ရဲ့ ခန္ဒာကိုယ်အလှကို ခံစားနေရမှာပါ။ ပေါင်နဲ့ တင်ပါးတို့မှာရှိတဲ့ ကြွက်သားတွေက ကျစ်လစ်သွားအောင် အတင်းအကျပ်စေခိုင်းခြင်းခံထားရတဲ့အတွက် အစာအိမ်ကိုလည်း ကျုံ့ထားရ သလို ဖြစ်နေစေပြီး ဗိုက်သားတွေကလည်း လှပနေမှာပါ။ ဒါပေမယ့်နွေရာသီရောက်လာတဲ့အခါမျိုး ၊ သင့်အနေနဲ့ အသားကပ်ဂျင်းဘောင်းဘီ တွေကို ချွတ်ထားလိုက်တဲ့အခါမျိုးတွေမှာတော့ ပေါင်နဲ့ တင်ပါးမှာ ရှိတဲ့ ကြွက်သားတွေဟာ ဖြေလျော့ သက်သာသွားတဲ့အတွက် သင့်ခန္ဓာကိုယ်ဟာ သင်ထားသလောက် လှပ မှု မရှိတော့တာကို တွေ့ရမှာပါ။ ဒါ့အပြင် အချိန်ကြာကြာ အသားကပ်ဂျင်းဘောင်းဘီ ၀တ်ဆင်ထားခဲ့မှု ကြောင့် ခြေထောက်မှာ ရှိတဲ့ သွေး လည်ပတ်မှုတွေဟာ ကြန့်ကြာ နှေးကွေးသွားပြီး မထင်မှတ်ထားတဲ့ ထိခိုက်မှု တွေရှိလာနိုင်ပါတယ်။ သွေးခဲသွားတဲ့အတွက် ခြေထောက်ရဲ့ လုပ်ဆောင်နိုင်စွမ်းတွေလည်း အားနည်းလာနိုင်သလို အ၀လွန်လာခြင်းကိုလည်း ခံစားရမှာဖြစ်ပြီး အသားကပ်ဂျင်းဘောင်းဘီ ၀တ်ဆင်ပြီး ထိုင်နေတာ များတဲ့အခါမှာ ကယ်လိုရီ ပမာဏ ပိုမိုများပြားလာစေနိုင်တယ်ဆိုတာကို လေ့လာမှု က တွေ့ရှိခဲ့တာပဲ ဖြစ်ပါတယ်။

ပြင်သစ်ကို ကန်ထောက်လှမ်းခဲ့ဆို

ဝီကီလိ ဝက်ဆိုက်က အသစ် ထုတ်ပြန်လိုက်တဲ့ အချက်အလက်တွေအရ အမေရိကန် အမျိုးသား ထောက်လှမ်းရေးအဖွဲ့က ပြင်သစ်သမ္မတ ဖရန်ဆွာ အော်လန်း နဲ့ သူ့ရှေ့က သမ္မတတွေကို ထောက်လှမ်းနေခဲ့တယ်လို့ သိရပါတယ်။ ဒီလို ထောက်လှမ်းမှုတွေ လုပ်နေတာဟာ ၂ဝဝ၆ ခုနှစ် နဲ့ ၂ဝ၁၂ ခုနှစ် တွေကြား ဖြစ်တယ်လို့ လည်း စွပ်စွဲ ရေးသားထားပါတယ်။ ဒီအထောက်အထား ထုတ်ပြန်ချက်တွေကို အမေရိကန် နိုင်ငံခြား ရေးဌာနက ဘာမှ အတည်ပြုချက် မပေးပါဘူး။ ယူကရိန်း အကျပ်အတည်းကိစ္စ ဆွေးနွေးဖို့ ပြင်သစ်မှာ ရောက်နေတဲ့ ရုရှ နိုင်ငံခြားရေး ဝန်ကြီး ဆာဂေ လပ်ဗရော့ဗ် ကတော့ ဒီသတင်း ကြားရလို့ အံ့သြစရာ မရှိဘူးလို့ ပြောပါတယ်။ ဂျာမနီ၊ ဘရာဇီးနဲ့ မက္ကဆီကို အစိုးရတွေ အပေါ် ဝီကီလိရဲ့ အရင် ဖော်ထုတ်ချက်တွေ အရ ဒီအထောက်အထား သစ် တွေဟာလည်း ဖြစ်နိုင်လောက်တယ်လို့ ဝါရှင်တန်က ဘီဘီစီ သတင်းထောက်က ဆိုပါတယ်။ ၂ဝ၁၂ ခုနှစ် လောက်က ဂရိနိုင်ငံ ယူရိုငွေ ဇုန်ထဲက ထွက်သွားရင် ဖြစ်လာနိုင်တဲ့ အကျိုးဆက် တွေအတွက် လျှို့ဝှက် အစည်းအဝေးတွေကို သမ္မတ အော်လန်းက အတည်ပြုပေးခဲ့တယ်လို့ ဒီမှတ်တမ်း တစ်ခုမှာ ပါရှိပါတယ်။

IS အဖွဲ့ဝင် သြစီ ၂ဦး သေဆုံးမှု ရှိမရှိ စုံစမ်းနေ

IS ​အစ္စလာမ်မစ် ​အဖွဲ့နဲ့ ​ပူးပေါင်းခဲ့တဲ့ ​သြစတြေးလျနိုင်ငံသား ​နှစ်ဦး ​ဝေဟင်တိုက်ခိုက်မှု ​တစ်ခုအတွင်း ​သေဆုံးသွားခြင်း ​ရှိမရှိ ​ဆိုတာကို ​သြစတြေးလျ ​အစိုးရက ​အတည်ပြုနိုင်ဖို့ ​စုံစမ်းနေပါတယ်။ အခုအချိန်အထိတော့ ​အကြမ်းဖက်သမား ​Mohammed ​Elomar ​နဲ့ ​လုပ်ဖောင်ကိုင်ဖက် ​Khaled ​Sharrouf ​ဆိုသူ ​သေဆုံးခြင်း ​ရှိမရှိဆိုတာကို ​သြစတြေးလျ ​လုံခြုံရေးသမားတွေက ​စုံစမ်းနေဆဲပဲလို့ ​နိုင်ငံခြားရေးဝန်ကြီး ​ဂျူလီဘိရှော့ပ်က ​ပြောပါတယ်။ အဲဒီနှစ်ယောက်စလုံးဟာ ​အီရတ်နိုင်ငံက ​IS ​အဖွဲ့နဲ့ ​ပူးပေါင်းခဲ့တာ ​ဖြစ်ပါတယ်။ အကြမ်းဖက် ​သမား ​နှစ်ဦးရဲ့ ​မိသားစုဝင်နဲ့ ​နီးစပ်သူ ​လူတစ်ယောက်က ​မိုဆူလ် ​မြို့ ​ဝေဟင်တိုက်ခိုက်မှုအတွင်း ​သြစတြေးလျနိုင်ငံသား ​နှစ်ယောက် ​ကျဆုံးသွားပြီလို့ ​အေဘီစီ ​7.30 ​ရုပ်မြင်သံကြား ​အစီအစဉ်ကို ​ပြောပြခဲ့ပါတယ်။ မိုဆူလ်မြို့ ​သတင်းကို ​ရဖို့ ​ခက်ခဲတဲ့အတွက် ​အဲဒီ ​သတင်းက ​ဟုတ်မဟုတ် ​ဆိုတာကို ​အတည်ပြုပေးဖို့ ​ခက်တယ်လို့ ​သြစတြေးလျ ​အစိုးရက ​ပြောပါတယ်။ အဲဒီ ​နှစ်ယောက် ​တကယ် ​သေသွားတယ်ဆိုရင်တော့ ​သြစတြေးလျ ​အစိုးရအတွက် ​အကြမ်းဖက် ​သမား ​၂ ​ယောက် ​နည်းလာလို့ ​စိတ်သက်သာမှု ​ရမှာ ​ဖြစ်ပါတယ်။ Elomar ​နဲ့ ​Sharrouf ​တို့ဟာ ​သြစတြေးလျနိုင်ငံကနေ ​ဆီးရီးယားကိုသွားပြီး ​အဲဒီနောက် ​အီရတ်နိုင်ငံက ​IS ​အဖွဲ့နဲ့ ​ပူးပေါင်းတာ ​ဖြစ်ပါတယ်။ နောက်ပိုင်းမှာတော့ ​ပြတ်နေတဲ့ ​လူရဲ့ ​ဦးခေါင်းကို ​သူတို့ ​နှစ်ယောက်က ​ကိုင်ထားတဲ့ ​ဗီဒီယိုတွေ ​ထွက်ပေါ်လာပါတယ်။ သြစတြေးလျ ​အစိုးရက ​သူတို့ ​နှစ်ယောက်စလုံးအပေါ်ကို ​အရင်နှစ်ကတည်းက ​ဖမ်းဝရမ်း ​ထုတ်ထားတာ ​ဖြစ်ပါတယ်။

Pert Cech ကို ပေါင် ၁၁ သန်းနဲ့ အာစင်နယ် ခေါ်ယူပြီးစီး

အာစင်နယ် အသင်းဟာ မြို့ခံပြိုင်ဘက် ချဲလ်ဆီး အသင်းမှ ဂိုးသမား Petr Cech ကို စတာလင်ပေါင် ၁၁ သန်းနဲ့ စာချုပ်ချုပ်ခေါ်ယူပြီးစီးခဲ့ပြီဖြစ်ပါတယ်။ အခုလိုပြောင်းပြီးပြီးချင်းပဲ Petr Cech ဟာ ပရီးမီးယားလိဂ် ဘောလုံးရာသီ ပြန်မစခင်မှာ အာစင်နယ် အသင်းရဲ့ ဂိုးသမားတစ်ယောက်အဖြစ် လန်ဒန်မြို့ခံပြိုင်ဘက်ဖြစ်တဲ့ ချဲလ်ဆီး အသင်းနဲ့ Community ဒိုင်း အတွက် ယှဉ်ပြိုင်ရဦးမှာ ဖြစ်ပါတယ်။ Petr Cech ရဲ့ သဘောတူညီမှု ၀င်ငွေ ဟာ တစ်ပတ်ကို စတာလင်ပေါင် ၁၀၀,၀၀၀ ဖြစ်ပြီး အာစင်နယ် အသင်းရဲ့ ရာဇ၀င်မှာ ရော လက်ရှိ ပရီးမီးယားလိဂ်မှာပါ ၀င်ငွေအကောင်းဆုံး ဂိုးသမား တစ်ယောက် ဖြစ်လာခဲ့ပါတယ်။ အာစင်နယ် အသင်းအတွက်လည်း Petr Cech ဟာ ပီအက်စ်ဂျီ အသင်းရဲ့ ကမ်းလှမ်းမှုတွေကို ကျော်လွန်ပြီး ဒီနှစ် နွေရာသီမှာ ပထမဆုံး အသင်းအတွက် စာချုပ်ချုပ်နိုင်သူတစ်ယောက် ဖြစ်လာပါတယ်။ ပြီးခဲ့တဲ့ ဘောလုံး ရာသီမှာတော့ ချဲလ်ဆီးအသင်းမှာရှိတဲ့ Petr Cech ရဲ့ ပထမဦးစားပေး လူစာရင်း ဂိုးသမား နေရာ ဟာ အက်သလက်တီကို မက်ဒရစ် အသင်းကို အငှားချထားတဲ့ ဂိုးသမား Thibaut Courtois ပြန်ရောက်လာကာ သူ့ လက်ထဲကျရောက်သွားတဲ့နောက်မှာတော့ Petr Cech အနေနဲ့ စတန်းဖို့ဒ်ဘရစ်ခ်ျ ကို စွန့်ခွာဖို့ ဖြစ်လာခဲ့ပါတော့တယ်။ Petr Cech အနေနဲ့ ပီအက်စ်ဂျီ အပါအ၀င် အခြား ဥရောပ အသင်းတွေကို ငြင်းပယ်ခဲ့ရတဲ့အကြောင်းအရင်းကတော့ သူ့မိသားစု ဟာ လန်ဒန် မှာ အခြေကျနေတဲ့အတွက်ပါ။ ဒါကြောင့် သူဟာ ချဲလ်ဆီး အသင်းနဲ့ လန်ဒန်မြို့ခံပြိုင်ဘက်ဖြစ်တဲ့ အာစင်နယ်ကို သာ ရွေးချယ်ခဲ့တာ ဖြစ်ပါတယ်။

လူကုန်ကူးမှုကို ရပ်တန့်နိုင်ပြီလို့ ထိုင်းပြော

ထိုင်းနိုင်ငံ ​အစိုးရအနေနဲ့ ​လူကုန်ကူးမှုနဲ့ ​လူကုန်ကူးတဲ့ ​ကွန်ယက်ကို ​နှိမ်နင်းနိုင်ပြီလို့ ​မနေ့တုန်းက ​ကြေညာလိုက်ပါတယ်။ ထိုင်းနိုင်ငံမှာ ​ဖြစ်နေတဲ့ ​လူကုန်ကူးမှု ​ကွန်ယက်ကို ​တိုက်ဖျက်နိုင်ပြီး ​လူကုန်ကူးသူတွေကို ​အရေးယူဖို့ ​ရှေ့နေချုပ်ရုံးကို ​ဆက်သွယ်ပြီး ​လူကုန်ကူးသူလို့ ​ယူဆရသူတွေကို ​စွဲချက်တင်မယ်လို့ ​ထိုင်းရဲက ​ပြောပါတယ်။ ဒီကိစ္စနဲ့ ​ပတ်သက်ပြီး ​ထိုင်းရဲတွေက ​သေချာစွာ ​လုပ်ကိုင်ခဲ့သလို ​သူတို့ ​ရရှိတဲ့ ​သက်သေအထောက်အထားက ​ခိုင်လုံတယ်လို့ ​ယုံကြည်ကြောင်းလည်း ​ထိုင်းရဲ ​အရာရှိက ​ပြောပါတယ်။ လူကုန်ကူးမှုနဲ့ ​ပတ်သက်ပြီး ​ထိုင်းရဲက ​လူ ​အယောက်ပေါင်း ​၁၂၀ ​ကို ​ဖမ်းဝရမ်းထုတ်ထားပြီး ​အခုလောလောဆယ် ​၅၆ ​ယောက်ကိုသာ ​ဖမ်းဆီးနိုင်ခဲ့ပါတယ်။ ၆၄ ​ယောက်ကတော့ ​ထွက်ပြေးနေရပါတယ်။ ဖမ်းဆီး ​ခံရသူတွေထဲမှာ ​ဒုဗိုလ်ချုပ်ကြီး ​Manas ​Kongpan ​လည်း ​ပါဝင်ပါတယ်။ လူ့အခွင့်အရေး ​အဖွဲ့တွေကတော့ ​ဒုဗိုလ်ချုပ်ကြီး ​Manas ​Kongpan ​က ​ဒေသခံ ​အာဏာပိုင်တွေ၊ ​ရဲတွေနဲ့ ​ပေါင်းပြီး ​လှုပ်ရှားလို့ ​ရမယ်လို့ ​မထင်ကြပဲ ​တခြား ​စစ်တပ် ​အရာရှိတွေလည်း ​ပါဝင်လိမ့်မယ်လို့ ​ပြောဆိုနေကြဆဲ ​ဖြစ်ပါတယ်။ နိုင်ငံခြားသူ ​၄ ​ယောက်ကိုလည်း ​ထိုင်းရဲတွေက ​အလိုရှိနေပြီး ​ဘယ်နိုင်ငံသားတွေ ​ဖြစ်ကြသလဲ ​ဆိုတာကိုတော့ ​ထိုင်းရဲက ​ပြောဆိုခြင်း ​မရှိခဲ့ပါဘူး။ ထိုင်းနိုင်ငံမှာ ​ဖြစ်နေတဲ့ ​လူကုန်ကူးမှုကြောင့် ​ထိုင်းနိုင်ငံ ​ဂုဏ်သိက္ခာ ​ကျဆင်းပြီးနောက် ​ထိုင်းအစိုးရက ​လူကုန်ကူးမှုကို ​တိုက်ဖျက်လာတာ ​ဖြစ်ပါတယ်။ လူကုန်ကူးမှု ​တိုက်ဖျက်ရေး ​လုပ်ငန်းကြောင့် ​လူကုန်ကူးသူတွေကလည်း ​လူတွေကို ​ပင်လယ်ဘက် ​ပို့ဆောင်တဲ့အတွက် ​ထောင်နဲ့ချီ ​သောင်တင်ခဲ့ရပါတယ်။ ပင်လယ်ပြင်မှာ ​ဒုက္ခရောက်နေတဲ့ ​လူတွေအများစုဟာ ​ဘင်္ဂလားဒေ့ရ်ှနဲ့ ​ရိုဟင်ဂျာတွေ ​ဖြစ်ကြတာကြောင့်လည်း ​အဲဒီအပေါ် ​အာရုံစိုက်မှုတွေ ​များပြားလာခဲ့ပါတယ်။

ထိုင်းလူမှောင်ခိုကူးမှု အရေးယူခံရသူတွေအနက် ဗိုလ်ချုပ်တဦးပါ

ထိုင်းနိုင်ငံသမိုင်းမှာ လူကုန်ကူးမှုနဲ့ ပတ်သက်ပြီးတော့ အကြီးမားဆုံးဖြစ်တဲ့ စုံစမ်းစစ်ဆေးမှုတွေကို အပြီးသတ်နိုင်ခဲ့ပြီလို့ ထိုင်းရဲတပ်ဖွဲ့က ပြောပါတယ်။ အခုလို ကျယ်ကျယ်ပြန့်ပြန် စုံစမ်းစစ်ဆေးမှုတွေ ပြုလုပ်တာကို လူ့အခွင့်အရေးအဖွဲ့တွေက ကြိုဆိုလိုက်ကြပေမဲ့ လူကုန်ကူးမှုမှာ ပါဝင်ပတ်သက်နေတဲ့ စစ်ဘက်ဆိုင်ရာ အမှုထမ်းတွေကိုလည်း စုံစမ်းစစ်ဆေးသင့်တယ်ဆိုပြီးတော့ ထောက်ပြနေကြပါတယ်။ ထိုင်းနိုင်ငံတောင်ပိုင်းမှာ အဓိကအခြေစိုက်တဲ့ လူမှောင်ခို ရောင်းဝယ်မှုလုပ်ငန်းတွေနဲ့ ပတ်သက်လို့ စုံစမ်းစစ်ဆေးမှုတွေကို အပြီးသတ်နိုင်ခဲ့ပြီလို့ ထိုင်းရဲက အင်္ဂါနေ့က ပြောပါတယ်။ ထိုင်းဒုရဲချုပ် အတ် အန်စာ နာနွတ် က ဒါဟာ ထိုင်းသမိုင်းမှာ လူမှောင်ခိုကူးမှုနဲ့ ပတ်သက်လို့ အကြီးမားဆုံး စုံစမ်းမှုဖြစ်တယ်လို့ ပြောပါတယ်။ နိုင်ငံရေးသမားတွေ၊ ရဲနဲ့ အစိုးရအရာရှိတွေ၊ စီးပွားရေးလုပ်ငန်းရှင်တွေအပြင် စစ်ဗိုလ်ချုပ်တဦး အပါအ၀င် မသင်္ကာရသူပေါင်း လူ ၅၀ ကို ရဲက ဖမ်းဆီးခဲ့ပြီး၊ တခြားသူ ၆၃ ဦးအတွက်လည်း ဖမ်းဝရမ်းထုတ်ခဲ့ပါတယ်။ ဒီစုံစမ်းစစ်ဆေးမှုမှာ ထိုင်းနိုင်ငံတောင်ပိုင်းက အများဆုံးဖြစ်ကြတဲ့ ရဲအရာရှိပေါင်း၁၀၀၀ တို့ ပါဝင်ခဲ့ပြီး၊ သက်သေအထောက်အထား စာရွက်စာတမ်းပေါင်း ၁ သိန်းကျော်ပါတဲ့ သေတ္တာပေါင်း ၁၉ ခုတို့ကို နိုင်ငံတော် တရားရုံးချုပ်ထံကို ရဲက ပေးပို့ခဲ့ပြီး အဲဒီ သက်သေအထောက်အထားတွေအရ တရားခံတွေအပေါ် စွဲချက်တင်မယ်၊ မတင်ဘူးဆိုတာကိုတော့ နိုင်ငံတော်ရှေ့နေချုပ်က ဇူလိုင်က ၁၄ ရက်နေ့ နောက်ဆုံးထား ဆုံးဖြတ်ရမှာဖြစ်ပါတယ်။ အခုလို စုံစမ်းစစ်ဆေးမှုကို နယူးယောက်ခ်အခြေစိုက် လူ့အခွင့်အရေး စောင့်ကြည့်ရေးအဖွဲ့လို လူ့အခွင့်အရေးအဖွဲ့တွေက ကြိုဆိုလိုက်ပေမဲ့ ဒီသီတင်းပတ်အတွင်း စုံစမ်းစစ်ဆေးမှုတွေ နှေးကွေးသွားတဲ့အတွက် စိုးရိမ်မကင်းဖြစ်မှုတွေရှိပြီး၊ နောက်ထပ် စစ်ဘက်အရာရှိတွေ စွဲချက်တင်ခံရမှာ စိုးတဲ့အတွက် ဥပဒေထိန်းသိမ်းရေးအရာရှိတွေဟာ စုံစမ်းစစ်ဆေးမှုတွေကို ပြည့်ပြည့်စုံစုံပြုလုပ်ဖို့ စိတ်ထက်သန်မှု လျော့နည်းတာကို တွေ့ရတယ်လို့ ထောက်ပြခဲ့ကြပါတယ်။ Sunai Phasuk ကတော့ Human Rights Watch အဖွဲ့ရဲ့ ထိုင်းနိုင်ငံဆိုင်ရာ သုတေသီဖြစ်ပါတယ်။ သူက အခုလို ဖမ်းဆီးခံရသူတွေထဲမှာ တန်ခိုးအာဏာကြီးတဲ့ အရပ်ဘက်ပုဂ္ဂိုလ်တွေနဲ့ နိုင်ငံရေးသမားတွေ ပါဝင်ပေမဲ့ စစ်တပ်က ဗိုလ်ချုပ်တဦးသာ ပါဝင်တဲ့အတွက် စုံစမ်းစစ်ဆေးမှုတွေနဲ့ ပတ်သက်ပြီး ထင်သာမြင်သာရှိမှုကို မေးခွန်းထုတ်လိုက်ပါတယ်။

“တောင်ပိုင်းခရိုင်တွေမှာ ထိပ်တန်းစီးပွားရေးသမားတွေ အပါအ၀င် လူကုန်ကူးတဲ့ ဂိုဏ်းခေါင်းဆောင်တွေ ရှိနေပါတယ်။ သူတို့နာမည်တွေထွက်နေတာ ၁၀ နှစ်နီးပါး ရှိပါပြီ။ အခုမှ သူတို့ကို အရေးယူတာဖြစ်ပါတယ်။ ဒါကတော့ ကြိုဆိုရမှာပါ။ မသင်္ကာရသူတွေထဲမှာ အဆင့်မြင့် ဗိုလ်ချုပ်တဦးလည်း ပါဝင်နေပြီးတော့ သူ့ကို လူကုန်ကူးမှုအပြင် တခြားကြီးလေးတဲ့ ပြစ်မှုတွေနဲ့လည်း စွဲချက်တင်မယ်လို့ သိရပါတယ်။ ဒါပေမဲ့ စစ်တပ်မှာ ဒီဗိုလ်ချုပ်တဦးတည်း ဒီကိစ္စမှာ ပါဝင်ပတ်သက်နေတယ် ဆိုတာကတော့ ယုံရဖို့ အတော်ကို ခက်ပါတယ်။” လူမှောင်ခိုကူးမှုမှာ ပါဝင်ပတ်သက်နိုင်ဖို့ အလားအလာရှိတဲ့ တခြား လက်အောက်ငယ်သား စစ်ဘက်အရာရှိတွေကိုလည်း ဆက်ပြီး စစ်ဆေးသင့်တယ်လို့ Sunai က ပြောပါတယ်။ မလေးရှားနဲ့ နယ်စပ်ချင်းဆက်နေတဲ့ ထိုင်းနိုင်ငံတောင်ပိုင်းရှိ တောတွေမှာ မြန်မာနိုင်ငံမှ ဖိနှိပ်မှုကြောင့် ထွက်ပြေးလာခဲ့ကြတဲ့ မူဆလင် ရိုဟင်ဂျာ အများစုပါဝင်တဲ့ လူမှောင်ခိုကူးခံရသူတွေရဲ့ အလောင်းတွေ ရာပေါင်းများစွာ မြှုပ်နှံထားတဲ့ နေရာတွေကို တွေ့ရှိခဲ့ပြီးတဲ့နောက် နိုင်ငံတကာရဲ့ ဖိအားပေးမှု တိုးလာခဲ့ပြီး၊ စုံစမ်းစစ်ဆေးမှုတွေကို ထိုင်းက အင်တိုက်အားတိုက် လုပ်ဆောင်ခဲ့တာ ဖြစ်ပါတယ်။ ရိုဟင်ဂျာမူဆလင်တွေနဲ့ ဘင်္ဂလားဒေ့ရ်ှနိုင်ငံက နိုင်ငံသားတွေဟာ လွန်ခဲ့တဲ့နှစ်ကစပြီး မလေးရှား ဒါမှမဟုတ် အင်ဒိုနီးရှားကို စက်လှေတွေနဲ့ ပို့ပေးဖို့ လူပွဲစားတွေကတဆင့် ကြိုးစားခဲ့ကြတာ ဖြစ်ပါတယ်။ မေလစောစောပိုင်းက ထိုင်း - မလေးရှား နယ်စပ်မှာ အလောင်းတွေ မြှုပ်နှံထားတဲ့နေရာတွေကို ထိုင်းရဲက တွေ့ရှိခဲ့ပြီး ကပ္ပလီပင်လယ်နဲ့ ဘင်္ဂလားပင်လယ်အော်တွေမှာ လူမှောင်ခိုကူးသူတွေက စွန့်ပစ်ခဲ့တဲ့ စက်လှေတွေထဲမှာ လှေစီးပြေးဒုက္ခသည် အများအပြားကိုလည်း တွေ့ရှိကယ်ဆယ်နိုင်ခဲ့ကြတာ ဖြစ်ပါတယ်။ အမေရိကန်နိုင်ငံခြားရေးဌာနက နှစ်စဉ်ထုတ်ပြန်တဲ့ နိုင်ငံတကာ လူမှောင်ခိုကူးမှု အစီရင်ခံစာမှာ ထိုင်းနိုင်ငံဟာ လူမှောင်ခိုကူးမှု တိုက်ဖျက်ရေးအတွက် ဆောင်ရွက်ရာမှာ ပူးပေါင်းဆောင်ရွက်မှု အနိမ့်ဆုံးဖြစ်တဲ့ TIER 3 အဆင့်မှာ သတ်မှတ်ခံခဲ့ရတာဖြစ်ပြီး၊ စီးပွားရေးနဲ့ ငွေကြေးဒဏ်ခတ်ပိတ်ဆို့မှုတွေ ရင်ဆိုင်ရဖွယ်ရှိပါတယ်။ မြန်မာနိုင်ငံကတော့ အဆင့် ၂ ဖြစ်တဲ့ စောင့်ကြည့်ခံအဆင့်မှာ သတ်မှတ်ခြင်းခံခဲ့ရတာ ဖြစ်ပါတယ်။ ထိုင်းရဲက အခုလို စုံစမ်းစစ်ဆေးမှုတွေ ကျယ်ကျယ်ပြန့်ပြန့် ပြုလုပ်ခဲ့တာကြောင့် ထိုင်းနိုင်ငံအပေါ် ဒီနှစ်အဆင့် သတ်မှတ်ရာမှာ ညှာတာမှုရရှိလိမ့်မယ်လို့ မျှော်လင့်ထားပါတယ်။ ဒါပေမဲ့ လူ့အခွင့်အရေးအုပ်စုတွေကတော့ အခုလို ထိုင်းနိုင်ငံက စုံစမ်းစစ်ဆေးမှုတွေ အဆုံးသတ်ခဲ့တာဟာ သတ်မှတ်ထားတဲ့ မတ်လ နောက်ဆုံးကန့်သတ်ရက်ထက် ကျော်နေတာကြောင့် အမေရိကန်ရဲ့ သတ်မှတ်မှုအဆင့်မှာ သိသာတဲ့ အပြောင်းအလဲ ပြုလုပ်ပေးဖို့ မမြင်ဘူးလို့ ဆိုပါတယ်။ ဒီနှစ်အတွက် အမေရိကန် နိုင်ငံခြားရေးဌာနက ထုတ်ပြန်မယ့် လူကုန်ကူးမှု အစီရင်ခံစာကို ဇူလိုင်လလယ်မှာ ထုတ်ပြန်ဖို့ရှိပါတယ်။

အပစ်ခတ် ရပ်စဲ ရေးကို နောက်အစိုးရ လက်ထက် အထိ ဆက်လက် ဆွေးနွေး ရမည် NCCT ပြော

အစိုးရနှင့် တိုင်းရင်းသား လက်နက်ကိုင်အဖွဲ့များအကြား တနိုင်ငံလုံးဆိုင်ရာ အပစ်အခတ်ရပ်စဲရေး အတွက် ဆွေးနွေးမှုများမှာ ဂျူလိုင်လအထိ မပြေလည်ခဲ့ပါက ရွေးကောက်ပွဲအပြီး တက်လာမည့် အစိုးရသစ်တက်လာမှသာ ဆက်လက် ဆွေးနွေးသွားရဖွယ်ရှိသည်ဟု ခေါင်းဆောင် တဦးဖြစ်သည့် နိုင်ဟံသာက ပြောသည်။ “ ရွေးကောက်ပွဲကာလတွေနဲ့ ဘာတွေနဲ့ဆိုတော့ NCA က ဂျူလိုင်လမှ မပြတ်ရင် ဒီနှစ်ထဲတော့ ဖြစ်ဖို့ မလွယ်တော့ဘူး။ လာမဲ့နှစ် အစိုးရသစ်လက်ထက် တက်လာပြီးနောက်မှာ ဆက်ဆွေးနွေး ရတော့မယ်။ အချိန်သိပ်မရဘူးလို့လည်း အစိုးရဘက်က ပြောလာပြီ ‘ ဟု လော်ခီးလာ တိုင်းရင်း သားညီလာခံမှ ဖွဲ့စည်းလိုက်သည့် အဆင့်မြင့် ကိုယ်စားလှယ် အဖွဲ့တွင် ပါဝင်သူ နိုင်ဟံသာက ဂျွန်လ ၂၃ ရက်နေ့က ပြုလုပ်သည့် သတင်းစာရှင်းလင်းပွဲတွင် ပြောသည်။ အစိုးရနှင့် တိုင်းရင်းသား လက်နက်ကိုင်အဖွဲ့များအကြား ဆွေးနွေးမှုများ ဆက်လက်ပြုလုပ် နိုင်ရေး အတွက် နိုင်ဟံသာ ၊ ဖဒိုစောကွယ်ထူးဝင်းတို့ ဦးဆောင်သော တိုင်းရင်းသား ကိုယ်စားလှယ်အဖွဲ့ နှင့် ၀န်ကြီးဦးအောင်မင်း ၊ ဒုတိယ ဗိုလ်ချုပ်ကြီး သက်နိုင်ဝင်းစသည့် ပုဂ္ဂိုလ်များ ဦးဆောင်သော အစိုးရကိုယ်စားလှယ်အဖွဲ့တို့သည် ဂျွန်လ ၂၂ ရက်နေ့က ရန်ကုန်မြို့ရှိ မြန်မာငြိမ်းချမ်းရေးစင်တာ တွင် အလွတ်သဘော တွေ့ဆုံဆွေးနွေးခဲ့ကြသည်။ ယင်းသို့ဆွေးနွေးရာတွင် တိုင်းရင်းသား လက်နက်ကိုင်အဖွဲ့များဘက်မှ အသစ်ထပ်မံဖွဲ့စည်းထား သည့် အဆင့်မြင့်ကိုယ်စားလှယ်အဖွဲ့နှင့် တရားဝင် တွေ့ဆုံဆွေးနွေးရန် လက်မခံသေးကြောင်း အစိုးရကပြောဆိုခဲ့သည်ဟုဆိုပါသည်။ ထို့အပြင် မတ်လ ၃၁ ရက်နေ့က အတည်ပြုခဲ့သည့် (နှစ်ဖက်ပူးပေါင်းရေးဆွဲခဲ့သော) အပစ်အခတ် ရပ်စဲရေး မူကြမ်း ထပ်မံပြင်ဆင်ဖြည့်စွက်မှုအတွက်လည်း အစိုးရဘက်မှ လက်မခံနိုင်ကြောင်း ကိုယ်စားလှယ်များမှ ပြောဆိုခဲ့သည်ဟု နှစ်ဘက်အသိုင်းဝိုင်းထံမှ သိရသည်။ ‘ အရင် ရ ကြိမ်စလုံးက NCCT နဲ့သာ ဆွေးနွေးခဲ့တာလေ ၊ ပြင်ဆင်ရေးဆိုတာကလည်း အခုက အခြေခံ မူကနေ စပြင်မဲ့ အချက်တွေပါနေတယ်။ အစိုးရဘက်က နည်းနည်းအခက်ခဲ ရှိလာတာပေါ့ ‘ ဟု ဆွေးနွေးပွဲကို တက်ရောက်ခဲ့သည့် အမည်မဖော်လိုသူ တဦးက ပြောသည်။ ဂျူလိုင်လအတွင်း ထိုင်းနိုင်ငံ ချင်းမိုင်မြို့တွင် တရားဝင် တွေ့ဆုံဆွေးနွေးရန်လည်း တိုင်းရင်းသား လက်နက်ကိုင်ကိုယ်စားလှယ်များဘက်မှ ဖိတ်ခေါ်ထားသည်။ ယင်းဆွေးနွေးပွဲတွင်လည်း KNU ဌာနချုပ် လော်ခီးလာ ညီလာခံမှ ဖွဲ့စည်းလိုက်သည့် ဖဒိုနော်စီဖိုးရာစိန် ဦးဆောင်သော အဆင့်မြင့် ကိုယ်စားလှယ် အဖွဲ့နှင့် တရားဝင် ဆွေးနွေးရန် ဖိတ်ခေါ်ထားပြီး အစိုးရဘက်ကမူ အလွတ်သဘောသာ ဆွေးနွေးလိုနေသည်ဟု သိရသည်။ ‘ ကျနော်တို့ဘက်ကဗျာ တော်တော်မျှော်လင့်ပြီးစောင့်လိုက်ဘာလိုက်နဲ့ နှစ်ဘက်ကလည်း မူကြမ်းကို သဘောတူခဲ့ပြီးပြီ။ လက်မှတ်လည်းထိုးထားတယ် အခုမှ အသစ်တဖွဲ့နဲ့ ပြန်ဆွေးနွေးရမယ်ဆိုတော့ စဉ်းစားသာ ကြည့်ပေါ့။ အဲဒီအဖွဲ့ကလည်း အပြည့်အဝ လုပ်ပိုင်ခွင့်ရှိတာလည်း မဟုတ်ဘူး။ ရွေးကောက်ပွဲနဲ့ အချိန်ကလည်း သိပ်ကျန်တော့တာ မဟုတ်ဘူး။ ’ ဟု နိုင်ငံတော် သမ္မတရုံးမှ တာဝန်ရှိသူတဦးက ပြောသည်။ ယခင်က ဖွဲ့စည်းခဲ့သည့် နိုင်ငံလုံးဆိုင်ရာ အပစ်ခတ်ရပ်စဲမှု ဗဟိုညှိနှိုင်းရေးအဖွဲ့ NCCT တွင် ခေါင်းဆောင်အဖြစ် တာဝန်ယူခဲ့ဖူးသူ နိုင်ဟံသာကမူ - ‘ ပြည်တွင်းစစ်ဆိုတာ အိမ်မှာ ဖြစ်နေတဲ့ မိသားစုအချင်းချင်း ညီအစ်ကို အချင်းချင်း ဖြစ်တဲ့ ပြသနာပါ ကျနော်တို့ ဘက်ကတော့ အမြဲ ဆွေးနွေးရေးမူကို လက်ကိုင်ထားပါတယ် ဘယ်အစိုးရတက်တက် ဆက်ဆွေးနွေးရမှာပါ ‘ ဟု ပြောဆိုသည်။

ပုဒ်မ ၄၃၆ ပြင်ဖို့ ဒေါ်စု ထပ်မံတိုက်တွန်း

မြန်မာနိုင်ငံမှာ ​စစ်မှန်တဲ့ ​အပြောင်းအလဲတွေ ​ဖြစ်စေချင်ရင် ​ပုဒ်မ ​၄၃၆ ​ကို ​ပြင်ဆင်မှ ​ရမယ်လို့ ​ဒေါ်အောင်ဆန်းစုကြည်က ​ထပ်မံ ​ပြောဆိုလိုက်ပါတယ်။ ပုဒ်မ ​၄၃၆ ​ကတော့ ​ဖွဲ့စည်းပုံ ​အခြေခံ ​ဥပဒေကို ​ပြင်ဆင်နိုင်ဖို့ ​အဓိက ​ကျတဲ့ ​အချက် ​ဖြစ်တဲ့အတွက် ​အဲဒီ ​ပုဒ်မကို ​ပြင်ဆင်ဖို့ ​NLD ​ပါတီက ​ကြိုးစားနေတာ ​ဖြစ်ပါတယ်။ ပုဒ်မ ​၄၃၆ ​အရ ​လွှတ်တော်အမတ် ​၇၅% ​နှုန်းက ​ဖွဲ့စည်းပုံ ​အခြေခံ ​ဥပဒေကို ​ပြင်ဖို့ ​ထောက်ခံမှသာ ​ပြင်ဆင်နိုင်မယ်လို့ ​ပါရှိပါတယ်။ ​အခုလောလောဆယ် ​ဥပဒေကြမ်းမှာတော့ ​၇၀% ​ကို ​လျှော့ချဖို့ ​ပြင်ဆင်နေပါတယ်။ အခုလောလောဆယ်တော့ ​လွှတ်တော်မှာ ​စစ်တပ်က ​အလိုအလျှောက် ​၂၅% ​အမတ်နေရာ ​ရထားတဲ့အတွက် ​ဖွဲ့စည်းပုံ ​အခြေခံ ​ဥပဒေ ​ပြင်ဖို့ ​မဖြစ်နိုင်ဘူးလို့ ​သုံးသပ်ကြပါတယ်။ ဗိုလ်ချုပ်မှူးကြီး ​မင်းအောင်လှိုင်ကလည်း ​ဒီအချိန်ဟာ ​ဖွဲ့စည်းပုံ ​အခြေခံ ​ဥပဒေကို ​ပြင်ဆင်ရမယ့် ​အချိန်မဟုတ်သေးဘူး ​ဆိုတဲ့ ​သဘောတဲ့ ​ဂျပန် ​သတင်းဌာနတစ်ခုကို ​ပြောသွားတာ ​ရှိပါတယ်။ ၂၀၀၈ ​ခု ​ဖွဲ့စည်းပုံ ​အခြေခံ ​ဥပဒေ ​ပြင်ဆင်ရေးနဲ့ ​ဒေါ်အောင်ဆန်းစုကြည်ကို ​သမ္မတ ​ဖြစ်ခွင့် ​ပိတ်ပင်ထားတဲ့ ​ပုဒ်မ ​၅၉ ​စ ​ကို ​ဒီကနေ့ ​လွှတ်တော်မှာ ​စတင်ဆွေးနွေးပြီး ​ကြာသပတေးနေ့အထိ ​ဆွေးနွေးကြဖို့ ​ရှိတယ်လို့ ​သိရပါတယ်။ ​ ဒီဆွေးနွေးချက်ဟာ ​ရွေးကောက်ပွဲမတိုင်ခင် ​ဖွဲ့စည်းပုံ ​အခြေခံ ​ဥပဒေ ​ပြင်ဆင်မှု ​ဖြစ်လာနိုင်တဲ့ ​နောက်ဆုံးသော ​အခွင့်အရေး ​တစ်ခုလို ​ဖြစ်နေပါတယ်။

ဥရောပ ၆ နိုင်ငံကို အမေရိကန် စစ်လက်နက်အကူ ကြိုတင်ပေး

နေတိုး မဟာမိတ်နိုင်ငံတွေအပေါ် ရုရှားနိုင်ငံနဲ့ တခြားအကြမ်းဖက် အဖွဲ့တွေရဲ့ ခြိမ်းချောက်မှုတွေကနေ ကာကွယ်နိုင်ဖို့အတွက် ဘော်လတစ်နိုင်ငံတွေ အပါအ၀င် ဥရောပတိုက်အတွင်းက နိုင်ငံပေါင်း ၆ နိုင်ငံမှာ တင့်ကား အစီး ၂၅၀ နဲ့ တခြား လက်နက်ကြီးတွေကို အမေရိကန် ပြည်ထောင်စုက ကြိုတင် ချထားမှာ ဖြစ်ပါတယ်။ အဲဒီလို လက်နက်တွေ ချထားမယ့် အစီအစဉ်ကို ဘော်လတစ်နိုင်ငံတွေဖြစ်ကြတဲ့ Estonia, Lithuania နဲ့ Latvia အပါအ၀င် Bulgaria, Romania နဲ့ Poland နိုင်ငံတို့က သဘောတူလိုက်ကြပြီး ဖြစ်တယ်လို့ အမေရိကန် ကာကွယ်ရေးဝန်ကြီး Ash Carter က Estonia နိုင်ငံမြို့တော် Tallinn မြို့မှာ သတင်းထောက်တွေကို အင်္ဂါနေ့က ပြောပါတယ်။ ယူကရိန်းနိုင်ငံပိုင် ခရိုင်းမီးယားဒေသကို ရုရှားက မနှစ်က သိမ်းပိုက်လိုက်ပြီးတဲ့နောက်ပိုင်း နေတိုး မဟာမိတ် တပ်ဖွဲ့အနေနဲ့ စစ်ရေး လေ့ကျင့်မှုတွေနဲ့ တပ်ဖွဲ့ဝင်တွေ ပြောင်းရွေ့ နေရာချထားတဲ့ အစီအစဉ်တွေ တိုးမြင့် လုပ်ဆောင်ဖို့နဲ့ အရေးပေါ် အခြေအနေနဲ့ ကြုံလာရင် ထုတ်သုံးလို့ရနိုင်မယ့် စစ်လက်နက်တွေ သိုလှောင်ထားရေးတို့အတွက် နေတိုး ခေါင်းဆောင်တွေက သဘောထားကြပါတယ်။ ကြိုတင် ချထားမယ့် အဲဒီ စစ်လက်နက် ပစ္စည်းတွေ ဘယ်နေရာမှာ ထားမယ်ဆိုတာကို အတိအကျ မပြောပေမယ့် အဲဒါတွေဟာ မရွေ့ မပြောင်းနိုင်တဲ့ အနေအထားမျိုး မဟုတ်သလို၊ ပိုမို ကောင်းမွန်တဲ့ သင်တန်းပို့ချရေးကို လုပ်ဆောင်နိုင်မှာဖြစ်သလို ဥရောပတိုက်အတွင်း တပ်ဖွဲ့တွေ ရွှေ့ပြောင်းရေးအတွက် လွယ်ကူစေမယ်လို့ ၀န်ကြီး ကာတာက ပြောပါတယ်။

ပြင်သစ်သမ္မတကို ကန် က ထောက်လှမ်းလို့ ဝီကီလိခ်စ် ဆို

အမေရိကန် ​ထောက်လှမ်းရေးတွေဟာ ​ပြင်သစ် ​သမ္မတ ​Francois ​Hollande, ​Nicolas ​Sarkozy ​နဲ့ ​Jacques ​Chirac ​တို့ကို ​လျှို့ဝှက်စွာ ​ထောက်လှမ်းခဲ့တယ်လို့ ​ဝီကီလိခ်စ်က ​ပေါက်ကြားလိုက်ပါတယ်။ အမေရိကန် ​ထောက်လှမ်းရေးတွေက ​၂၀၀၆ကနေ ​၂၀၁၂ ​ခုနှစ်အတွင်း ​ပြင်သစ်သမ္မတတွေကို ​ထောက်လှမ်းရေး ​ကိရိယာ ​တခုခု ​ခိုးဝှက် ​တပ်ဆင်ပြီး ​တိတ်တဆိတ် ​ခိုးနားထောင်ပြီး ​စောင့်ကြည့်မှု ​လုပ်ခဲ့တာလို့ ​ပြင်သစ် ​မီဒီယာတွေမှာ ​ဖော်ပြထားပါတယ်။ ပြင်သစ် ​သမ္မတ ​တွေကိုပဲ ​ထောက်လှမ်းခဲ့တာ ​မဟုတ်ပဲ ​ပြင်သစ် ​ဝန်ကြီးတွေနဲ့ ​အမေရိကန်မှာ ​အမှုထမ်းဆောင်နေတဲ့ ​ပြင်သစ် ​သံအမတ်ကိုတောင် ​အမေရိကန်က ​ထောက်လှမ်းခဲ့တယ်လို့ ​ဆိုပါတယ်။ ဝီကီလိခ်စ်ကနေ ​ဖော်ပြတဲ့ ​စာရွက် ​စာတမ်းထဲမှာ ​ပြင်သစ် ​သမ္မတရဲ့ ​လက်ကိုင်ဖုန်းနံပတ်တွေနဲ့ ​တခြား ​အရာရှိတွေရဲ့ ​ကိုယ်ပိုင်နံပါတ်တွေပါ ​ပါဝင်ပါတယ်။ ဝီကီလိခ်စ် ​မတိုင်ခင် ​အမေရိကန် ​လုံခြုံရေးဌာန ​အမှုထမ်းဟောင်း ​အက်ဒွက် ​စနိုဒန် ​ကလည်း ​အမေရိကန် ​အစိုးရဟာ ​ဂျာမနီ ​ဝန်ကြီးချုပ် ​Angela ​Merkel ​အပေါ် ​ထောက်လှမ်းမှု ​လုပ်ခဲ့တယ်လို့ ​ပြောဆိုခဲ့ပါတယ်။ အဲဒီ ​ပြောဆိုမှုကြောင့် ​ဂျာမနီက ​စိတ်ဆိုးပြီး ​သူတို့ ​သမ္မတဟာ ​အကြမ်းဖက် ​သမား ​မဟုတ်တာကြောင့် ​အမေရိကန်အနေနဲ့ ​ထောက်လှမ်းမှု ​လုပ်စရာ ​မလိုဘူးလို့ ​တုန့်ပြန်ခဲ့ပါတယ်။ ဒီတချီ ​ဝီကီလိခ်စ် ​ဖောက်ချတဲ့ ​အချက်အလက်တွေက ​အမေရိကန်အနေနဲ့ ​သူ့ရဲ့ ​မဟာမိတ်တွေအပေါ် ​ထောက်လှမ်းနေတယ်ဆိုတာကို ​ပိုမို ​သိစေတာ ​ဖြစ်ပါတယ်။ ဒီကိစ္စနဲ့ ​ပတ်သက်ပြီး ​ပြင်သစ်အစိုးရရဲ့ ​တရားဝင် ​တုန့်ပြန်ချက်ကို ​မသိရသေးပေမယ့် ​ပြင်သစ် ​သမ္မတက ​လုံခြုံရေးကောင်စီကို ​အရေးပေါ် ​အစည်းအဝေး ​ခေါ်ယူလိုက်ပြီလို့ ​သိရပါတယ်။ အမေရိကန်ကတော့ ​ဒီလို ​ကိစ္စမျိုးမှာ ​မှတ်ချက်မပေးလိုဘူးလို့သာ ​အေအက်ဖ်ပီ ​သတင်းကို ​ပြောသွားခဲ့ပါတယ်။ ဝီကီလိခ်စ် ​ကတော့ ​သူတို့ ​ရရှိတဲ့ ​အချက်အလက်တွေကို ​နောက်ပိုင်းမှာ ​ဆက်လက် ​ပေါက်ကြားအောင် ​လုပ်သွားမယ်လို့ ​ပြောဆိုထားတဲ့အတွက် ​အစိုးရတချို့အတွက် ​မျက်နှာပျက်စရာ ​ဖြစ်ရမယ့်ကိန်း ​ဆိုက်နေပါတယ်။

Bush Center ခေါင်းဆောင် သင်တန်းဆင်းပွဲတက်ဖို့ မြန်မာလူငယ်တွေ Texas ရောက်

မြန်မာလူငယ်တွေအတွက် အမေရိကန်သမ္မတဟောင်း George W. Bush ရဲ့ Bush Institute ကစီစဉ်တဲ့ လွတ်လပ်မှုနဲ့ ခေါင်းဆောင်မှုဆိုင်ရာဖိုရမ် တနှစ်ပြည့် ဂုဏ်ပြုလက်မှတ် ချီးမြှင့်မယ့် အခမ်းအနားကို တက်ရောက်ဖို့ ခေါင်းဆောင်မှုဆိုင်ရာ ဖိုရမ်မှာပါဝင်သူ မြန်မာလူငယ် (၁၆)ဦး ဟာ တက္ကဆက်ပြည်နယ် ဒါးလက်စ်မြို့ကို မနေ့ကရောက်ရှိ လာကြပါတယ်။ ဒီအခမ်းအနားမှာ ကိုယ်တိုင် မလာရောက်နိုင်တဲ့ သာယာဝတီထောင်မှာ ထိမ်းသိန်းခံထားရဆဲ ဗကသများအဖွဲ့ချုပ် ခေါင်းဆောင် တဦးဖြစ်သူ မဖြိုးဖြိုးအောင်ကို သီးသန့်ဂုဏ်ပြုချီးမြှင့်မှာ ဖြစ်ပါတယ်။ ဒီလူငယ်တွေဟာ ပြီးခဲ့တဲ့နှစ် ဇွန်လ က အမေရိကန် ပြည်ထောင်စုမှာ Bush Institute ရဲ့ ခေါင်းဆောင်မှု အစီအစဉ်အနေနဲ့ ၃ ပတ်ကြာ စတင်လေ့လာ သင်ကြားခဲ့ကြတာပါ။ အဲဒီထဲမှာ လက်ရှိ သာယာဝတီထောင်မှာ ထိန်းသိမ်းခံထားရတဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် (ဗကသ) အထွေထွေ အတွင်းရေးမှူး မဖြိုးဖြိုးအောင်နဲ့ အာဏာပိုင်တွေ လိုက်လံဖမ်းဆီးတာကို ရှောင်တိမ်းနေတဲ့ ဒုဥက္ကဌ ကိုလင်းထက်နိုင် အပါအ၀င် တခြား နိုင်ငံရေး တတ်ကြွလှုပ်ရှားသူတွေ၊ အရပ်ဘက် အဖွဲ့အစည်းတွေနဲ့ တိုင်းရင်းသားလူငယ် စုစုပေါင်း (၁၈) ဦးပါဝင်ခဲ့တာပါ။ ဒါပေမဲ့ ဒီနှစ်ဖိုရမ်ဆင်းပွဲ အစီအစဉ်မှာ သူတို့နှစ်ဦး ပြန်မပါလာနိုင်တဲ့အတွက် လူငယ် စုစုပေါင်း (၁၆) ဦးပဲပါဝင်ပြီး ဒီအတွက် စိတ်မကောင်းဖြစ်မိကြောင်းနဲ့ အခမ်းအနားမှာ မဖြိုးဖြိုးအောင်ကို ဂုဏ်ပြုမယ့် အစီအစဉ်တွေ ထည့်သွင်းသွားမှာ ဖြစ်တယ်လို့ ပြီးခဲ့တဲ့ မေလမှာ မဖြိုးဖြိုးအောင်ဆီကို စာရေးသားပို့ပေးခဲ့တဲ့ သမ္မတဟောင်း ဘွတ်ရ်ှဇနီးမောင်နှံရဲ့စာမှာ ဖော်ပြထားပါတယ်။ လွတ်လပ်မှုနဲ့ ခေါင်းဆောင်မှုဆိုင်ရာဖိုရမ် ဟာ မြန်မာလူငယ်တွေအတွက် ဘယ်လိုအကျိုးရှိစေခဲ့သလဲ ဆိုတာကိုတော့ ကိုယ်တိုင်ပါဝင်သူ တဦးဖြစ်သူ ဒါနရှေ့ဆောင်မြန်မာရဲ့ကိုယ်စားလှယ် ကိုကြည်မင်းဟန် က အခုလိုပြောပါတယ်။ “နိုင်ငံရေး၊ စီးပွားရေး၊ ခေါင်းဆောင်မှုရယ်… နိုင်ငံရေးမှာဆိုရင် democratization နဲ့ federalism တို့ပါတယ်။ စီးပွားရေးမှာဆိုရင်လည်း market oriented economy system တို့ political economy တို့ပါတယ်။ နောက်တခုကတော့ Leadership ပေါ့။ အဓိက အဲဒီ သုံးခုဆိုတော့ ကျနော်တို့ အတွက်ကျတော့ ကျနော်တို့ နိုင်ငံမှာ အရင်ကဆိုရင် ပိတ်ဆို့မှုတွေရှိတဲ့ အခါကျတော့ အထူးသဖြင့် နိုင်ငံရေးနဲ့ ပတ်သက်ပြီး မသင်ရတဲ့အခါကျတော့ အခုလိုစာတွေ့ စနစ်တကျ သင်ရတဲ့အခါ ကျနော်တို့အတွက် အကျိုးရှိပါတယ်။ နောက်တခုကျတော့ exposure ပေါ့။ US ကိုရောက်လာတော့ သူတို့က ဒီမိုကရေစီစနစ်က အများကြီးကို ထွန်းကားနေတဲ့ နိုင်ငံဖြစ်တဲ့အတွက် သူတို့နိုင်ငံရဲ့ ဒီမိုကရေစီစနစ်နဲ့ ပတ်သက်တာတွေကို အနီးကပ်လေ့လာ ရပါတယ်။ Capitol သွားတာတွေ၊ တရားရုံးတို့မှာ အနီးကပ် လေ့လာတဲ့အခါ ကျနော်တို့ရဲ့ မျက်မြင်ကိုယ်တွေ့ တွေ့မြင်ရတဲ့အခါကျတော့ ကျနော်တို့အတွက် အကျိုးရှိပါတယ်။ နောက်တခုကကျတော့ လုပ်ငန်းခွင်မှာ ဘာတွေသွားပြီး အကျိုးရှိသလဲဆိုတော့ ကျနော်တို့ အမြင်ပိုပြီးကျယ်လာတယ်။ ဒီကရတဲ့အတွေ့အကြုံတွေ၊ အမြင်တွေ၊ သင်ကြားထားတဲ့ ဟာတွေကို အလုပ်မှာ ပြန်ပြီးသုံးလို့ရတယ်။ တခြားသူတွေကို ပြန်ပြီးမျှဝေနိုင်ပါတယ်။” မေး။ ။ “နောက်ပြီးတော့ ဒီအစီအစဉ်မှာ ဘွတ်ရ်ှတို့လို သမ္မတဟောင်းတွေနဲ့ တွေ့ဆုံရတဲ့အခါ၊ သူတို့နိုင်ငံမှာ ဦးဆောင်နေတဲ့ သူတွေနဲ့ တွေဆုံခွင့်ရတဲ့ အတွေ့အကြုံကရော ဘယ်လိုရှိလဲ။” ဖြေ။ ။ ပထမတခုကတော့ ကျနော်တို့နိုင်ငံက လူကြီးတွေနဲ့ ဒီမိုကရေစီ ထွန်းကားတဲ့ နိုင်ငံက လူကြီးတွေနဲ့ မတူတဲ့အချက်တွေ သွားတွေ့တာပေါ့။ ဟိုကအာဏာရှင်ဆန်တယ်၊ မျက်နှာက မျက်နှာကြောတင်းတယ်။ ဒီကကျတော့ ဘွတ်ရ်ှတို့ဘာတို့လိုကအစ၊ သမ္မတကအစ ကျန်တဲ့သူတွေကလည်း အကုန်နွေးနွေးထွေးထွေး ရှိတယ်ပေါ့နော်။ သူတို့ရဲ့ diplomacy လည်း ဖြစ်ကောင်းဖြစ်လိမ့်မယ်။ ဘယ်သူနဲ့ဖြစ်ဖြစ် လိုက်လျောညီထွေစွာ ပေါင်းသင်းဆက်ဆံ တတ်တယ်လေ။ နောက်တခုက အရည်အချင်းပေါ့။ သူတို့တွေမှာ နေရာတနေရာ ရောက်တယ်ဆိုရင် ရောက်တဲ့နေရာနဲ့ ထိုက်တန်တဲ့ အရည်အချင်းတွေ လူတိုင်းလူတိုင်း ရှိကြတာပေါ့နော်။ ကျနော်တို့ဆီမှာကြတော့ အကပ်နဲ့ပေါ့နော်။ နောက်ပြီးလူတွေကို ဆက်ဆံတဲ့အခါမှာ အာဏာရှင်စရိုက်နဲ့ ဒီမိုကရေစီစရိုက် မတူညီတဲ့ဟာတွေပေါ့နော်။ အခြေခံတွေ ပြောရမလား။ အဲလိုဟာမျိုးတွေ ကျနော်သတိထားမိတယ်။” ဒီလေ့လာမှု အစီအစဉ်ဟာ စုစုပေါင်း တနှစ်ကြာမြင့်ခဲ့ပြီး အိမ်နီးချင်း ထိုင်းအပါအ၀င် မြန်မာနိုင်ငံမှာ နောက်ဆက်တွဲ အစီအစဉ်တွေအဖြစ် လေ့လာခဲ့ကြပြီးနောက် လာမယ့် ဇွန်လ (၂၅) ရက်နေ့မှာ အမေရိကန် ပြည်ထောင်စု ဒါးလက်စ်မြို့မှာ မြန်မာလူငယ်တွေကို ဂုဏ်ပြုလက်မှတ် ချီးမြှင့်မှာဖြစ်ပါတယ်။

အပစ်ရပ်ပြီးနောက် နိုင်ငံရေးမူဘောင်ချမှတ်ရေး ဆွေးနွေးကြ

တနိုင်ငံလုံးအတိုင်းအတာနဲ့ အပစ်အခတ်ရပ်စဲရေး စာချုပ်ချုပ်နိုင်ခဲ့တဲ့အခါ နိုင်ငံရေးဆွေးနွေးပွဲတွေ ကျင်းပပြီး ခိုင်မာတဲ့ နိုင်ငံရေးမူဘောင် သဘောထားတွေနဲ့ ဆွေးနွေးနိုင်ဖို့ အတွက် နိုင်ငံရေးမူဘောင် ချမှတ်နိုင်ရေး တိုင်းရင်းသားလက်နက်ကိုင်အဖွဲ့တွေ၊ တိုင်းရင်းသားနိုင်ငံရေးပါတီတွေနဲ့ နိုင်ငံရေးပါတီတွေက ကိုယ်စားလှယ်တွေ ဆွေးနွေးနေကြပြီ ဖြစ်ပါတယ်။ တိုင်းပြည်အတွင်း နိုင်ငံရေး၊ စီးပွားရေး၊ လူမှုရေး စိန်ခေါ်မှုတွေကို နိုင်ငံရေး နည်းလမ်းနဲ့သာ ပြေလည်အောင် ဖြေရှင်းနိုင်မယ်လို့လည်း အများက ယုံကြည်နေတဲ့အတွက် အားလုံးပါဝင်နိုင်တဲ့ နိုင်ငံရေးဆွေးနွေးမှု ဖြစ်မြောက်အောင် ကြိုးစားနေကြတာပါ။ နိုင်ငံတော်သမ္မတ ဦးသိန်းစိန်ရဲ့ရှေ့မှောက်မှာ တနိုင်ငံလုံးအပစ်အခတ်ရပ်စဲရေးဆိုင်ရာ စာချုပ်မူကြမ်းကို တိုင်းရင်းသား လက်နက်ကိုင်အဖွဲ့တွေရဲ့ ကိုယ်စားလှယ်တွေနဲ့ မြန်မာအစိုးရ ပြည်ထောင်စု ငြိမ်းချမ်းရေး ဖော်ဆောင်ရေး ကော်မတီ တာဝန်ရှိသူတွေကိုယ်တိုင် လက်မှတ်ရေးထိုးကြပြီး ဖြစ်ပါတယ်။ ဒီနောက် တနိုင်ငံလုံးအပစ်ရပ်စာချုပ် အပြီးသတ် လက်မှတ်ရေးထိုးနိုင်ဖို့အရေး နှစ်ဘက်ခေါင်းဆောင်တွေ အကြေအလည် ဆွေးနွေးနေကြဆဲဖြစ်သလို တိုင်းရင်းသားလက်နက်ကိုင်အဖွဲ့တွေဘက်ကလည်း ပန်ဆန်း၊ လော်ခီးလာ စတဲ့ တိုင်းရင်းသားညီလာခံတွေ ကျင်းပပြီး အားလုံးပါဝင်နိုင်တဲ့ အပစ်ရပ်စာချုပ် ချုပ်ဆိုနိုင်ဖို့အရေး အကြိတ်အနယ် ဆွေးနွေးနေကြဆဲအချိန် ဖြစ်ပါတယ်။ တနိုင်ငံလုံးအတိုင်းအတာနဲ့ ငြိမ်းချမ်းရေး ဖော်ဆောင်နိုင်ဖို့အရေး အရေးကြီးတဲ့ ဒီလိုအချိန်မျိုးမှာ အပစ်ရပ်စာချုပ် ချုပ်နိုင်ခဲ့ပြီးရင် နိုင်ငံရေးဆွေးနွေးပွဲတွေ ကျင်းပတဲ့အခါမှာ ခိုင်မာတိကျတဲ့ နိုင်ငံရေးမူဘောင် ချမှတ်နိုင်ဖို့အရေး တိုင်းရင်းသားလက်နက်ကိုင်အဖွဲ့တွေ၊ တိုင်းရင်းသားပါတီတွေနဲ့ နိုင်ငံရေးပါတီတွေဘက်က သူတို့ရေးဆွဲထားတဲ့ နိုင်ငံရေးမူဘောင်တွေထဲက တူညီတဲ့ မူဘောင် ချမှတ်နိုင်ရေး ဆွေးနွေးနေကြတာ ဖြစ်ပါတယ်။ စည်းလုံးညီညွတ်သော တိုင်းရင်းသားလူမျိုးများ မဟာမိတ်အဖွဲ့ (UNA-United Nationalities Alliance) က ဦးစိုင်းညွန့်လွင်က နိုင်ငံရေးမူဘောင် ချမှတ်နိုင်ဖို့အရေး ဆွေးနွေးနေကြတဲ့ အခြေအနေကို အခုလို ပြောပါတယ်။ “ဒီနေ့ဟိုတယ်မှာ လုပ်ပါတယ်။ UNA သွားတက်ပါတယ်။ နောက်တခြားပါတီ PPIC ဆိုပြီး တက်ပါတယ်။ ပြည်ထောင်စု Institute နောက်တခါ MPC လည်း ပါပါတယ်။ နောက် MNG ဘက်က ပါပါတယ်။ ကျနော်တို့ အခု နိုင်ငံရေးမူဘောင် ဆွေးနွေးနေတယ်လေ။ နိုင်ငံရေးဆွေးနွေးပွဲအတွက် မူဘောင်ပေါ့နော်။ နိုင်ငံရေးဆွေးနွေးပွဲလုပ်ရင် ဘယ်သူတွေပါမလဲ။ ဘယ်လို Mandate တွေနဲ့သွားမလဲ။ ဆုံးဖြတ်ချက်ချရင် ဘယ်လို ဆုံးဖြတ်ချက်ချမလဲ။ Consensus နဲ့ သွားမလား၊ Majority နဲ့ သွားမလား၊ အဲဒါမျိုးတွေ ဆွေးနွေးနေတာပါ။ အားလုံး လူမစုံသေးဘူး။ NLD က သူတို့သဘောထားတွေ ထုတ်မပြောသေးဘူး။ USDP ကလည်း သူတို့သဘောထားတွေ ထုတ်မပြောသေးဘူး။ အဲတော့ အခုဟာက အကြမ်း ညှိတဲ့သဘောပဲရှိတယ်။ NCA ကလည်း တနိုင်ငံလုံး အပစ်အခတ်ရပ်စဲရေးစာချုပ် ချုပ်ပြီးလို့ရှိရင် ချုပ်တဲ့နေ့ကစပြီးတော့ ၂ လအတွင်း မူဘောင် အပြီးရေးရမယ်။ အဲလိုမျိုး သူက သတ်မှတ်ထားတဲ့အချက်ရှိတယ်။ ၂ လကတော့ ရေးလို့မပြီးနိုင်ဘူးလေ။ အားလုံးသဘောတူဖို့ဆိုတာ ပိုပြီးတော့ မပြီးနိုင်တဲ့အတွက် ဒါ ကြိုပြီးတော့ ဆွေးနွေးထားတဲ့ သဘောပါ။ မနက်ဖြန်ဆိုရင် ကျနော်တို့ ချင်းမိုင်မြို့ကို UNA သွားပါမယ်။ ချင်းမိုင်မြို့မှာ UNFC နဲ့ UNA က Political Framework ကိုပဲ ဆက်ဆွေးနွေးမှာပါ။” နိုင်ငံရေးပါတီတွေဘက်ကလည်း တိုင်းပြည်အတွင်း နိုင်ငံရေး၊ စီးပွားရေး၊ လူမှုရေး စိန်ခေါ်မှုတွေကို နိုင်ငံရေးနည်းလမ်းနဲ့သာ ပြေလည်အောင် ဖြေရှင်းနိုင်မယ်လို့ အများက ယုံကြည်နေတဲ့အတွက် အားလုံးပါဝင်နိုင်တဲ့ နိုင်ငံရေးဆွေးနွေးမှု ဖြစ်မြောက်အောင် ပူးပေါင်းကြိုးစားနေကြတာပါ။ ကိုယ်တိုင် တက်ရောက်ခဲ့တဲ့ အမျိုးသားဒီမိုကရေစီ အင်အားစုပါတီ NDF ရဲ့ အတွင်းရေးမှူး ဦးနေမင်းကျော်က နိုင်ငံရေးမူဘောင် ချမှတ်နိုင်ရေး အရေးကြီးတဲ့ အခန်းကဏ္ဍတွေကို အခုလို ရှင်းပြပါတယ်။ “ကျနော်တို့ကတော့ ဒီမူဘောင်တွေနဲ့ ပတ်သက်ပြီးတော့ ဆွေးနွေးပွဲမှာ ကျနော် အကုန်လုံး ပါဝင်ရေးပေါ့၊ ပါဝင်ရေးဆိုတာ ဒီ stakeholder အားလုံး ပါဝင်ရေးဆိုတဲ့ မူ ရှိပါတယ်။ အကုန်လုံးကလည်း အဲဒီသဘောအပေါ်မှာ တူညီကြပါတယ်။ လက်ရှိ ကျနော်တို့ နိုင်ငံရေးမူဘောင် ချမှတ်ပြီးတော့ ချမှတ်ထားတဲ့ မူဘောင်အတိုင်း သွားမယ်ဆိုလို့ရှိရင် ကျနော်တို့က အစုအဖွဲ့အနေနဲ့ ဒီအစိုးရ၊ တပ်မတော်၊ လွှတ်တော်၊ တိုင်းရင်းသားလက်နက်ကိုင် အဖွဲ့အစည်းများ၊ နိုင်ငံရေးပါတီများ၊ ကျနော်တို့ အရပ်ဘက် လူ့အဖွဲ့အစည်းများ၊ တတ်သိပညာရှင်များ၊ လူထုလူတန်းစား အလွှာပေါင်းစုံက သူ့ကဏ္ဍအလိုက် ပါဝင်မှာဖြစ်တဲ့အတွက်ကြောင့်မို့လို့ အဓိပ္ပါယ်လည်းရှိမယ်၊ ပိုပြီးတော့လည်း အရာရောက်မယ်ပေါ့။ ဒီညီလာခံမှာ ကျနော်တို့ အတည်ပြုနိုင်မယ်ဆိုရင် ဒါကို လွှတ်တော်မှာ ကျနော်တို့က verify အတည်ပြုချင်တယ်ဆိုရင်တော့ ပြဿနာတွေတော့ ဒီထက်ပိုပြီးတော့ လျော့နည်းသွားပြီးတော့ တိုင်းပြည်တည်ဆောက်ရေးဘက်မှာတော့ ပိုပြီးတော့ လုပ်ရတာ ထင်ထင်မြင်မြင် ရှိမယ်လို့ ကျနော်ကတော့ ယူဆပါတယ်။” ဒီဆွေးနွေးပွဲကို တက်ရောက်ခဲ့တဲ့ အမျိုးသားဒီမိုကရေစီအဖွဲ့ချုပ် NLD ပါတီရဲ့ ဗဟိုသုတေသနလမ်းညွှန်မှူး ဦးမျိုးရန်နောင်သိန်းကလည်း နိုင်ငံရေးမူဘောင် ချမှတ်နိုင်ဖို့အရေး အပစ်ခတ်ရပ်စဲရေးစာချုပ် ချုပ်ဆိုဖို့ အရေးကြီးသလို ခြောက်ပွင့်ဆိုင်ဆွေးနွေးပွဲရဲ့ရလဒ်တွေကိုလည်း အဓိကကျတယ် ဆိုတာကို ဆွေးနွေးပါတယ်။ “အလွတ်သဘောဆိုတော့ ကျနော်တို့က political framework ပေါ့ နိုင်ငံရေးမူဘောင် ဆွဲထားတဲ့ ပါတီတွေအနေနဲ့ အချင်းချင်း အပြန်အလှန် နားလည်မှုရအောင်လို့ ညှိနှိုင်းဆွေးနွေးတဲ့ သဘောပါပဲ။ အဲဒီတော့ နိုင်ငံရေးဆွေးနွေးပွဲ မူဘောင်နဲ့ ပတ်သက်ပြီးတော့ အခု အစိုးရ ဟို လမ်းကြောင်းတွေ အများကြီး ရှိတာပေါ့ဗျာ။ အစိုးရသွားနေတဲ့ လမ်းကြောင်းကကျတော့ NCA တနိုင်ငံလုံးဆိုင်ရာ အပစ်အခတ်ရပ်စဲရေး သဘောတူစာချုပ်မှာ လက်မှတ်ထိုးမယ်။ လက်မှတ်ထိုးပြီးလို့ရှိရင် နိုင်ငံရေးမူဘောင် ရေးဆွဲမယ်ပေါ့။ အဲလိုမျိုးသွားကြတာ။ နောက်ထပ် မျှော်လင့်ချက်တခုကကျတော့ နိုင်ငံရေး ဆွေးနွေးပွဲမူဘောင်ဖြစ်ဖို့က လေးပွင့်ဆိုင် သို့မဟုတ် ခြောက်ပွင့်ဆိုင် ဆွေးနွေးပွဲကနေပြီးတော့ နိုင်ငံရေးဆွေးနွေးပွဲမူဘောင်တခု ပေါ်ထွန်းလာနိုင်ချေလည်း ရှိတယ်ပေါ့။ အဲဒီတော့ ကျနော်တို့က ပုံစံကနှစ်ခုရှိတယ်။” ဒီနေ့ ရန်ကုန်မြို့မှာ ကျင်းပခဲ့တဲ့ နိုင်ငံရေးမူဘောင်ဆိုင်ရာ အလွတ်သဘော ဆွေးနွေးပွဲကို တိုင်းရင်းသား လက်နက်ကိုင်အဖွဲ့တွေက NCCT ကိုယ်စားလှယ်တွေ၊ မြန်မာငြိမ်းချမ်းရေးစင်တာ၊ နောက် တိုင်းရင်းသားအဖွဲ့အစည်းတွေ၊ တိုင်ရင်းသားပါတီတွေနဲ့ နိုင်ငံရေးပါတီတွေက ကိုယ်စားလှယ်တွေ အပါအဝင် ပြည်တွင်းငြိမ်းချမ်းရေးဖော်ဆောင်ရေး ဝိုင်းဝန်းဆောင်ရွက်နေကြတဲ့ အဖွဲ့အစည်းတွေက ကိုယ်စားလှယ်တွေ တက်ရောက်ခဲ့ကြပါတယ်။

ကိုပါကြီး သေနတ်ဒဏ်ရာကြောင့် သေဆုံးကြောင်း တရားရုံးဆုံးဖြတ်

စစ်တပ်ကနေ ပစ်ခတ်လို့ သေဆုံးသွားခဲ့ရတဲ့ အလွတ်သတင်းထောက် ကိုပါကြီးရဲ့အမှုနဲ့ ပတ်သက်လို့ စစ်တပ်ဘက်က သက်သေတွေကို ပထမဦးဆုံးအကြိမ်အဖြစ် တရားရုံးတင် စစ်ဆေးခဲ့ပါတယ်။ ပြီးခဲ့တဲ့နှစ် စက်တင်ဘာလက မွန်ပြည်နယ် ကျိုက်မရောမြို့နယ်တွင်း စစ်တပ်က သေနတ်နဲ့ ပစ်ခတ်လို့ သေဆုံးသွားခဲ့ရတဲ့ ကိုပါကြီးနဲ့ပတ်သက်လို့ ကျိုက်မရောတရားရုံးမှာ သေမှုသေခင်းအမှုအတွက် ၉ ကြိမ်မြောက် ရုံးချိန်းအဖြစ် ဇွန်လ ၂၃ ရက်နေ့မှာ မနက်ပိုင်းကစပြီး တပ်မတော်သားသက်သေ ၁၁ ဦးကို ပထမဦးအကြိမ် စတင် စစ်ဆေးခဲ့ပါတယ်။ ကိုပါကြီးသေဆုံးတာဟာ ဓမ္မတာအတိုင်း သေဆုံးတာမဟုတ်ဘူးလို့ တရားရုံးကနေ အမိန့်ချခဲ့ကြောင်း ဇွန်လ ၂၃ ရက်နေ့ တရားခွင်အပြီးမှာ ကိုပါကြီးရဲ့ဇနီးဖြစ်သူ မသန္တာ က ပြောပါတယ်။ “ဒီနေ့မှစစစ်တာ။ ၁၁ ယောက် တပ်မ ၂၂ လက်အောက်ခံ တပ်ရင်း ၂၁၀ က ၁၁ ယောက် လာထွက်တယ်။ အဲဒီမှာ ကိုပါကြီးကို ပစ်တယ်ဆိုတဲ့ ၂ ယောက်ပါတယ်။ တပ်သား နိုင်လင်းထွန်းနဲ့ ဒုတပ်ကြပ် ကျော်ကျော်အောင်ဆိုတာ။ သူတို့ အရင်စစ်တပ်က ထုတ်ပြန်ကြေညာချက်အတိုင်းပဲ ဆီးသွားမယ်ပြောတယ်၊ အဲဒီအချိန်မှာ သေနတ်လုတယ်။ သေနတ်လုတဲ့အတွက် ပစ်လိုက်ရပါတယ်လို့ သူတို့ ထွက်ဆိုတယ်ပေါ့နော်။ အားလုံး ထွက်ဆိုပြီးတဲ့အခါကျတော့ ဟို ခဏစောင့်ဆိုပြီးတော့ နာရီဝက်လောက်စောင့်ဆိုပြီးတော့ အမိန့်ချလိုက်တယ်။ ဒီအမိန့် သေမှုသေခင်းအရ ဓမ္မတာပိုင်းသေတာ မဟုတ်ဘူး။ တစုံတဦးရဲ့ ပယောဂ၊ တစုံတဦးရဲ့ လက်ရောက်မှုကြောင့် သေနတ်ဒဏ်ရာနဲ့ သေဆုံးတာ ဟုတ်ပါတယ်။” အင်္ဂါနေ့ တရားရုံးကနေ အခုလို အမိန့်ချမှတ်တာကတော့ ဥပဒေအကြောင်းအရ မျှတမှုရှိပေမဲ့ နောက်ဆက်တွဲ လုပ်ဆောင်ရမယ့်ကိစ္စတွေကို အာဏာပိုင်တွေက ဆောင်ရွက်ပေးတာ မရှိတဲ့အတွက် ဥပဒေကြောင်းအရ ညီညွတ်မှုမရှိဘူးလို့ တရားလိုဘက်က ရှေ့နေ ဦးကျော်လှစိုးက ပြောပါတယ်။ “တကယ်တမ်း အဲဒီလို အမိန့်ချပြီးပြီဆိုရင် ရဲမှူးကနေပြီးတော့ ချက်ခြင်း ပေးပို့ ဆောင်ရွက်ရမှာလေ။ ဒါပေမဲ့ အဲလို ဆောင်ရွက်ခြင်းမျိုးတော့ မရှိသေးဘူးပေါ့။ တရားရုံးကလည်း ဒီက ရှေ့နေကြီးတို့၊ မသန္တာတို့ကို ဆက်လုပ်စရာရှိတာ လုပ်ကြပါလို့ ပြောတယ်။ အမှန်တကယ်တော့ ကျနော်တို့ လုပ်စရာမလိုဘူး။ အမှန်တကယ် ဒီလို အမိန့်ချပြီဆိုတာနဲ့ ချက်ခြင်း ရဲကနေ အမှုဖွင့်မယ်။ ဖွင့်ပြီးတာနဲ့ ချက်ခြင်း သူတို့ inquiry လုပ်မယ်။ အမှုစစ်လို့ရပြီပေါ့ ဒါဆိုရင်။ ဒါ တယောက်ယောက် သတ်လို့ သေတယ်လုိ့ အမိန့်ချလိုက်ပြီဆိုတာနဲ့ ဒါ အမှုချက်ခြင်းကို ဆောင်ရွက်လို့ရပြီ။ လက်ရှိ ချတဲ့အမိန့်ကတော့ တရားမျှတမှုရှိတယ်၊ ဒါပေမဲ့ ရှေ့ဆက်သွားမယ့်လမ်းကြောင်းတော့ လုပ်သင့်လုပ်ထိုက်တာ မလုပ်ဘူးပေါ့ အဲလိုတော့ ပြောလို့ရပါတယ်။ တကယ်ပုံစံအရဆိုရင်တော့ သေမှုသေခင်းဖွင့်ပြီးတော့ ဒီလိုမျိုး အမိန့်ချလိုက်သလို ချက်ခြင်း ရှင်းရှင်းပြောရရင် ရဲက တရားလိုလုပ်ပြီးတော့ ချက်ခြင်း အမှုကောက်ဖွင့်မှာပဲ။ ဥပမာ - တရားခံမတွေ့သေးဘူးဆိုရင်လည်း သူတို့ ဆက်လုပ်မှာပေါ့။ တိုင်စရာ တောစရာ မလိုတော့ဘူးလေ။ ဒါ တရားရုံးကတောင်မှ သတ်လို့ သေပါတယ်ဆိုတဲ့ဟာကို ပေါ်လွင်ပြီးသွားပြီလေ။ အမိန့်ချပြီးသွားပြီလေ။” ကိုပါကြီးသေဆုံးတဲ့အမှုနဲ့ပတ်သက်လို့ မြန်မာနိုင်ငံ လူ့အခွင့်အရေးကော်မရှင်ကလည်း လူ့အခွင့်အရေး ရှုဒေါင့်ကနေ စစ်ဆေးမေးမြန်းပြီး သမ္မတကို အစီရင်ခံစာ တင်ခဲ့ပါတယ်။ ဒီအစီရင်ခံစာထဲမှာ အမှုနဲ့ပတ်သက်လို့ နယ်ဘက်တရားရုံးမှာ လွတ်လပ်စွာ စစ်ဆေးခွင့်ပြုဖို့ အကြံပြုထားပါတယ်။ ဒါပေမဲ့လည်း ပြီးခဲ့တဲ့လတွေတုန်းက ထုတ်ပြန်တဲ့ မြန်မာနိုင်ငံ လူ့အခွင့်အရေး ကော်မရှင်ရဲ့ အစီရင်ခံစာမှာတော့ တပ်မတော် အက်ဥပဒေပုဒ်မ ၇၁၊ ပြစ်မှုဆိုင်ရာ ဥပဒေပုဒ်မ ၃၀၄ တို့နဲ့ စစ်ဆေးခဲ့ပြီး တရားသေ လွှတ်မိန့် ချမှတ်ခဲ့ကြောင်းနဲ့ ဒီဆုံးဖြတ်ချက်ကို တိုင်းမှူး၊ အရှေ့တောင်တိုင်း စစ်ဌာနချုပ်က အတည်ပြုခဲ့တာကို သိရှိရတယ်လို့ လူအခွင့်အရေးကော်မရှင်က ထုတ်ပြန်ခဲ့ပါတယ်။ ဒါ့အပြင် ကိုပါကြီးသေဆုံးမှုနဲ့ ပတ်သက်လို့ အရာရှိစစ်သည်တွေကို အရေးယူတာဟာ ၂၀၀၈ ဖွဲ့စည်းပုံအခြေခံဥပဒေ၊ ပြစ်မှုဆိုင်ရာ ကျင့်ထုံးဥပဒေ၊ တပ်မတော် အက်ဥပဒေတို့နဲ့အညီ ဆောင်ရွက်ခဲ့တာဖြစ်ကြောင်း ကာကွယ်ရေးဝန်ကြီးဌာနရဲ့ ပြန်ကြားချက်အရ သိရှိရကြောင်း၊ လူ့အခွင့်အရေး ကော်မရှင်ရဲ့ ထုတ်ပြန်ချက်မှာ ပါရှိပါတယ်။ အခုအခါမှာတော့ အရပ်ဘက်တရားရုံးကနေ တပ်မတော်သားတွေကို သက်သေအဖြစ် စစ်ဆေးခဲ့ပြီး သေမှုသေခင်းအမှုအရ ဓမ္မတာအတိုင်း သေဆုံးတာမဟုတ်ဘူးလို့ အမိန့်ချခဲ့တာ ဖြစ်ပါတယ်။