ဟစ်တလာ ၀ှက်ထားခဲ့သည့် စတာလင်ပေါင် သန်း ၅၀ တန်ဖိုးရှိ လျှို့ဝှက်ရတနာသိုက် ၏ တည်နေရာကို တယောပြုလုပ်သူ တစ်ဦး ရှာဖွေတွေ့ရှိ

နာဇီခေါင်းဆောင် အဒေါ့ဖ် ဟစ်တလာ ဝှက်ထားခဲ့သည့် စတာလင်ပေါင် သန်း ၅ဝ တန်ဖိုးရှိ လျှို့ဝှက် ရတနာသိုက် ၏ တည်နေရာကို နယ်သာလန် နိုင်ငံမှ တယော ပြုလုပ်သူ တစ်ဦးက ရှာဖွေတွေ့ရှိ ခဲ့ပြီ ဖြစ်ကြောင်း ဗြိတိန်နိုင်ငံထုတ် သတင်းစာ တစ်စောင်တွင် ဖော်ပြထားသည်။ ဟစ်တလာ၏ ရတနာ ပစ္စည်းများ ဝှက်ထားသည့် နေရာကို ဖော်ပြထားသည့် စကားဝှက် ကို ဖော်ထုတ်နိုင်ခဲ့ပြီ ဖြစ်ကြောင်း၊ အဆိုပါ စကားဝှက်ကို ဒုတိယ ကမ္ဘာစစ် ကာလအတွင်း က သီချင်းတစ်ပုဒ် ဖြစ်သည့် Gottefried Federlein \ Marsch Impromptu တေးသီချင်းတွင် ထည့်သွင်း ထားခြင်း ဖြစ်ကြောင်း နှင့် အဆိုပါ စကားဝှက်၏ အဓိပ္ပာယ်ကို ဖော်နိုင်ရန် အတွက် အချိန်ကာလ အားဖြင့် နှစ်နှစ်ကြာ အချိန်ယူ လေ့လာခဲ့ ရကြောင်း တယော ပြုလုပ်သူ ပညာရှင် ဆိုင်ရေး ဝစ်စတယ်လာ က ပြောကြား ထားသည်။ ဟစ်တလာ၏ ဝံပုလွေ မျက်ရည်များ (Tears of the Wolf) အမည်ရှိ ရတနာသိုက် ဝှက်ထားရာ နေရာနှင့် စပ်လျဉ်းသည့် အချက်အလက် များကို ဟစ်တလာ၏ အတွင်းရေးမှူး မာတင်ဘောမန်း က မှတ်သား ထားသော သဲလွန်စများ ပါဝင်ကြောင်း၊ Wolf မှာ ဟစ်တလာ၏ နာမည်ဝှက် ဖြစ်ပြီး Tears သည် စိန်များကို ဆိုလိုကြောင်း၊ ဝှက်စာအရ အဆိုပါ ရတနာသိုက်မှာ ဘာဗေးရီးယန်း ပြည်နယ်ရှိ မြို့တစ်မြို့ ဖြစ်သော မစ်တန်းဝေါ မြို့ရှိ ဂျာမနီစစ်ဘက် ကုန်လှောင်ရုံ ဟောင်းတစ်ခု၏ သံဆူးကြိုးများ နောက်ကွယ် တွင် မြှုပ်နှံထားကြောင်း သိရသည်ဟု ဝစ်စတယ်လာ က လက်ရှိ မစ်တန်းဝေါ မြို့တော်ဝန်နှင့် ဂျာမနီ ကာကွယ်ရေး ဝန်ကြီးတို့အား ပြောကြား ခဲ့ကြောင်း သိရသည်။

၂၀၁၆ သမ္မတရွေးကောက်ပွဲ Donald Trump ၀င်ပြိုင်ဖို့ကြိုးပမ်း

၂၀၁၆ ခုနှစ် အမေရိကန်သမ္မတ ရွေးကောက်ပွဲမှာ ၀င်ရောက် ယှဉ်ပြိုင်မယ့် ကိုယ်စားလှယ်လောင်း တယောက်ထပ်တိုး လာပြန်ပါပြီ။ အမေရိကန်နိုင်ငံက အိမ်ယာမြေ ရောင်းဝယ်ရေးလုပ်ငန်းရှင် ဘီလီယံနာ သူဌေးကြီး Donald Trump က သူလည်း သမ္မတ ကိုယ်စားလှယ်လောင်းအဖြစ် ၀င်ရောက် ယှဉ်ပြိုင်မယ့်အကြောင်း နယူးယောက်မြို့က မိုးမျှော်အဆောက်အဦးကြီး တခုမှာ အင်္ဂါနေ့က ကြေညာလိုက်တာပါ။ ၀ါရှင်တန်မှာရှိနေတဲ့ နိုင်ငံရေးသမားတွေဟာ အတွေးအခေါ် အမျှော်အမြင် နည်းကြသူတွေ၊ လူပျော့ လူညံ့တွေ ဖြစ်တယ်လို့ ဝေဖန်လိုက်ပြီး American Dream လို့ခေါ်တဲ့ အမေရိကန်နိုင်ငံသားတိုင်း တိုးတက်ကြီးပွားအောင် စွမ်းဆောင်နိုင်စွမ်းရှိတယ်ဆိုတဲ့ အိမ်မက်ဟာလည်း ကွယ်ပျောက်နေပြီလို့ သူက ပြောပါတယ်။ ဒါပေမဲ့ တကယ်လို့ သူသာ သမ္မတအဖြစ် အရွေးခံရရင် နိုင်ငံကို ပိုမိုကြီးမား ကောင်းမွန်တဲ့ အဆင့်ရောက်အောင် စွမ်းဆောင်ပေးမှာ ဖြစ်သလို အရင်ကထက် ပိုမိုတောင့်တင်း ခိုင်မာပြီး အမေရိကန်နိုင်ငံဟာ ကမ္ဘာ့ခေါင်းဆောင်နိုင်ငံ ပြန်ဖြစ်လာအောင် ကြိုးပမ်းပေးသွားမယ်လို့ ပြောပါတယ်။ သူ့ရဲ့ စီးပွားရေးလုပ်ငန်း ကျွမ်းကျင်တဲ့ အတတ်ပညာကို အသုံးပြုပြီးတော့လည်း ပြည်ပက အလုပ်အကိုင်တွေ အမေရိကန်နိုင်ငံကို ပြန်ရောက်အောင် ဆောင်ရွက်ပေးမယ်လို့ Trump က ပြောပါတယ်။ ဒါ့အပြင် အကြမ်းဖက်မှု၊ လုံခြုံရေးနဲ့ လူဝင်မှု ကြီးကြပ်ရေး ကိစ္စရပ်တွေမှာလည်း တင်းတင်းကြပ်ကြပ် ကိုင်တွယ်ဖြေရှင်းသွားမယ်လို့လည်း သူက ပြောပါတယ်။ အကဲခတ်တွေကတော့ Trump အနေနဲ့ ကိုယ်စားလှယ်လောင်းအဖြစ် အရွေးချယ်ခံရဖို့ အခွင့်အလန်း သိပ်နည်းတယ်လို့ ပြောကြပါတယ်။

မလေးရှားရေနံတင်သင်္ဘော ပြန်ပေးဆွဲခံရ

တောင်တရုတ် ပင်လယ်ပြင်အတွင်း ၀န်ထမ်း ၂၂ ဦး လိုက်ပါလာတဲ့ ရေနံတင်သင်္ဘော ဒုတိယတစင်း ထပ်ပျောက်သွားပြီး ပြန်ပေးဆွဲခံလိုက်ရတယ်လို့ ယူဆရကြောင်း မလေးရှားအာဏာပိုင်တွေက ပြောပါတယ်။ ပျောက်ဆုံးနေတဲ့ Orkim Harmony ဆိုတဲ့ ရေနံတင်သင်္ဘောကို ရှာဖွေဖို့ မလေးရှားနိုင်ငံက လူအင်အား ၁,၅၀၀ ကို အသုံးပြုပြီး ဇွန်လ ၁၂ ရက်နေ့က ရှာဖွေနေကြောင်းနဲ့ ထိုင်း၊ ဗီယက်နမ်၊ စင်္ကာပူနဲ့ အင်ဒိုနီးရှား စတဲ့ အိမ်နီးချင်းနိုင်ငံတွေကိုလည်း ကူရှာပေးဖို့ အကူအညီ တောင်းထားတယ်လို့ ဆိုပါတယ်။ မလေးရှားနိုင်ငံမှာ မှတ်ပုံတင်ထားတဲ့ အဲဒီသင်္ဘောပေါ်မှာ မလေးရှားနိုင်ငံသား ၁၆ ဦး၊ အင်ဒိုနီးရှားနိုင်ငံသား ၅ ဦးနဲ့ မြန်မာနိုင်ငံသား ၁ ဦး၊ ပေါင်း ၂၂ ဦး ပါသွားပြီး သင်္ဘောဟာ အမေရိကန်ဒေါ်လာ ၅.၆ သန်း တန်ဘိုးရှိတဲ့ ဓာတ်ဆီတွေကို တင်ဆောင်လာတယ်လို့ ဆိုပါတယ်။ Orkim Harmony ရေနံတင်သင်္ဘောဟာ မလေးရှားနိုင်ငံ Malacca ပြည်နယ်ကနေ Kuantan ဒေသကို ဦးတည် ခုတ်မောင်းနေတဲ့အချိန်မှာ ပျောက်ဆုံးသွားကြောင်း မလေးရှား ပင်လယ်ရေကြောင်း ထိန်းသိမ်းရေးဌာန လက်ထောက် ညွန်ကြားရေးမှူး Ahmad Puzi Abdul က ကွာလာလမ်ပူမြို့မှာ ဇွန်လ ၁၅ ရက်နေ့ကကျင်းပတဲ့ သတင်းစာရှင်းလင်းပွဲအတွင်း ပြောကြားခဲ့ပါတယ်။ မလေးရှားရေပိုင်နက်အတွင်းက Tanjung Sedili ဒေသနားရောက်တဲ့အချိန် သင်္ဘောနဲ့ ရုတ်တရက် အဆက်အသွယ် ပြတ်သွားကြောင်း မလေးရှား ရေကြောင်းထိန်းသိမ်းရေးအရာရှိ ပြောတာကို ကိုးကားပြီး ဖော်ပြထားပါတယ်။ ဇွန်လ ၄ ရက်နေ့တုန်းကလည်း အခုပျောက်သွားတဲ့ သင်္ဘောကုမ္ပဏီပိုင် Orkim Victory ပေါ်ကို လက်လုပ် သေနတ်တွေကိုင်ဆောင်ထားသူ ၈ ဦးတက်လာပြီး ပြန်ပေးဆွဲသွားခဲ့တယ်လို့ ဆိုပါတယ်။ ရေနံတင်သင်္ဘော Orkim Victory ပေါ်က စက်ပစ္စည်းတွေကို ဖျက်ဆီး၊ သင်္ဘော ၀န်ထမ်းတွေရဲ့ ပိုင်ဆိုင်မှုတွေကို ယူသွားပြီးတဲ့နောက် သင်္ဘောကို ပင်လယ်ပြင်အတွင်း ဒီအတိုင်း ပစ်ထားခဲ့တယ်လို့ ဆိုပါတယ်။

ဗုဒ္ဓဘာသာဝင်မိန်းမများ အထူးထိမ်းမြားခြင်း ဥပဒေကြမ်း အတည်ပြုဖို့နီးစပ်

အမျိုးသားလွှတ်တော်က ပြင်ဆင်ချက်တွေနဲ့ ပြန်လည်ပေးပို့ လာတဲ့ မြန်မာဗုဒ္ဓဘာသာဝင် မိန်းမများ အထူးထိမ်းမြားခြင်း ဥပဒေကြမ်းကို ပြည်သူ့လွှတ်တော်မှာ လွှတ်တော်ကိုယ်စားလှယ်တချို့က မပြဋ္ဌာန်းသင့်ကြောင်း ထပ်ပြီးတော့ အဆိုတင်သွင်းခဲ့ပေမဲ့ ရှုံးနိမ့်ခဲ့တယ်လို့ ပြည်သူ့လွှတ်တော် ကိုယ်စားလှယ်က ပြောပါတယ်။ နိုင်ငံတကာနဲ့ လူ့အခွင့်အရေးလှုပ်ရှားသူ၊ အမျိုးသမီး လှုပ်ရှားသူတွေဘက်က ဆန့်ကျင် ကန့်ကွက်နေတဲ့ကြားကပဲ ပြည်ထောင်စု လွှတ်တော်မှာ တင်သွင်းပြီး ဒီတကြိမ် လွှတ်တော်အစည်းအဝေးမှာ သမ္မတလက်မှတ်ထိုး အတည်ပြု ပြဋ္ဌာန်းနိုင်ချေ များတယ်လို့ သိရပါတယ်။ အပြည့်အစုံကို မဆုမွန် တင်ပြထားပါတယ်။ မြန်မာဗုဒ္ဓဘာသာဝင်မိန်းမများ အထူးထိမ်းမြားခြင်း ဥပဒေကြမ်းကို ပြည်သူ့လွှတ်တော်မှာ ဆွေးနွေးခဲ့ကြတုန်းက ဆန့်ကျင်ကန့်ကွက်ပြီးတော့ မပြဋ္ဌာန်းသင့်ကြောင်း အဆိုပြုခဲ့ကြပေမဲ့ ရှုံးနိမ့်ခဲ့ပြီးတော့ အမျိုးသားလွှတ်တော်ကို တင်ခဲ့ပြီးတဲ့နောက် အမျိုးသားလွှတ်တော်က ပြင်ဆင်ချက်တွေနဲ့အတူ ဇွန် ၁၅ ရက်နေ့က ပြည်သူ့လွှတ်တော်ကို ပြန်လည်ပေးပို့လာတဲ့အခါမှာ ပြည်သူ့လွှတ်တော်မှာ လွှတ်တော်ကိုယ်စားလှယ်တချို့က လူမျိုး၊ ဘာသာကို ခွဲခြားဆက်ဆံတဲ့ ဥပဒေမျိုး မြန်မာပြည်မှာ မပြဋ္ဌာန်းသင့်ဘူးလို့ ဒုတိယအကြိမ် ထပ်မံ အဆိုတင်သွင်းခဲ့တယ်လို့ ပြည်သူ့လွှတ်တော် ကိုယ်စားလှယ်တွေက ပြောပါတယ်။ မပြဋ္ဌာန်းသင့်ဘူးလို့ တင်ခဲ့ပေမဲ့ လွှတ်တော်တွင်း အများ ဆုံးဖြတ်ချက်အရ အဲဒီအဆိုဟာ ထပ်မံ ရှုံးနိမ့်ခဲ့ပါတယ်လို့ ပြည်သူ့လွှတ်တော် ကိုယ်စားလှယ် ဦးရဲထွန်းက ရှင်းပြပါတယ်။ “ဒီ NLD ပါတီက ဒေါ်ခင်စန်းလှိုင်၊ ဦးခင်မောင်ဝင်းနဲ့ တိုင်းရင်းသားကိုယ်စားလှယ်ထဲကတော့ ဒေါ်ဇာတလန်းတို့ ၃ ယောက် ဆွေးနွေးကြတာပေ့ါ။ သူတို့ဆွေးနွေးကြတဲ့ အချက်တွေကို ကြည့်လိုက်တဲ့အခါကျတော့ သူတို့အရင် ပြည်သူ့လွှတ်တော်မှာ ဆွေးနွေးတုန်းက ပြောတဲ့ လွှတ်တော်က ဒီဥပဒေကို မပြဋ္ဌန်းသင့်ကြောင်းကိုပဲ သူတို့က အဓိက ပြောနေကြတာဖြစ်တယ်။ ဒီလို ဘာသာ၊ အယူဝါဒ ကွဲပြားတဲ့လူတွေအပေါ်မှာ ခွဲခြားပြီးတော့ ဒီလိုဆက်ဆံတဲ့ ဥပဒေမျိုးကို ပြဋ္ဌာန်းခြင်းဟာ ဖွဲ့စည်းပုံအခြေခံဥပဒေနဲ့ မညီဘူးဆိုပြီးတော့ အဲဒီလို ထောက်ပြပြီး ဒါကို မပြဋ္ဌာန်းသင့်ပါဘူး ဆိုပြီးတော့ပဲ ပြောတယ်။ အဲတော့ လွှတ်တော်ရဲ့ အဆုံးအဖြတ်ကို ရယူတဲ့အခါမှာတော့ သူတို့အဆိုဟာ ရှုံးနိမ့်သွားတာပေါ့လေ။ ဒါကြောင့် အခု ဆက်လုပ်မှာကတော့ အမျိုးသားလွှတ်တော်နဲ့ သဘောကွဲလွဲတဲ့အချက်တွေကို ကျနော်တို့က ပြည်ထောင်စုလွှတ်တော်မှာ ဆွေးနွေးပြီးတဲ့အခါကျတော့ မဲခွဲဆုံးဖြတ်ဖို့အတွက် ပြည်ထောင်စုလွှတ်တော်ကို တင်မယ်ဆိုပြီးတော့ အဲလိုပဲ ဆုံးဖြတ်လိုက်တယ်။” ပြည်ထောင်စုလွှတ်တော်ကို တင်သွင်းဆုံးဖြတ်ပြီးတဲ့ အခါမှာတော့ သမ္မတထံကို တင်ပြမှာဖြစ်ပြီး သမ္မတကနေ သတ်မှတ်ရက်အတွင်း အကြောင်းပြန်လာမယ်ဆိုရင် ဒီ ၁၂ ကြိမ်မြောက် လွှတ်တော်အစည်းအဝေးမှာ အတည်ပြု ပြဋ္ဌာန်းနိုင်ချေ များတယ်လို့လည်း ပြည်သူ့လွှတ်တော် ကိုယ်စားလှယ် ဦးရဲထွန်းက ပြောပါတယ်။ မြန်မာဗုဒ္ဓဘာသာဝင် မိန်းမများ အထူးထိမ်းမြားခြင်း ဥပဒေကြမ်း အပါအဝင် မျိုးစောင့်ဥပဒေတွေနဲ့ ပတ်သက်လို့ အမျိုးသမီးရေး လှုပ်ရှားသူတွေနဲ့ လူ့အခွင့်အရေး လှုပ်ရှားသူတွေဘက်က လွှတ်တော်ကို ကိုယ်တိုင်သွားရောက်ကြပြီး ဒီဥပဒေနဲ့ ပတ်သက်လို့ မပြဋ္ဌာန်းသင့်ကြောင်း ဆွေးနွေးခဲ့ကြပေမဲ့ လွှတ်တော်ဘက်က လက်မခံခဲ့ဘူးလို့လည်း အမျိုးသမီးရေး လှုပ်ရှားသူတွေက ပြောပါတယ်။ အမျိုးသမီးတွေရဲ့ အခွင့်အရေး ချိုးဖောက်ခြင်းမခံရအောင် လုပ်ဆောင်တာဖြစ်တယ်ဆိုတဲ့ အကြောင်းပြချက်ကတော့ ဒီဥပဒေထဲ လူ့အခွင့်အရေး ချိုးဖောက်မှုတွေ ရှိနေတဲ့အတွက် လက်ခံနိုင်စရာ မရှိဘူးလို့လည်း အမျိုးသမီးရေးလှုပ်ရှားသူ မခင်လေးက ပြောပါတယ်။ “အဆိုရှုံးတယ်ဆိုတော့ ဒါကတော့ အမတို့က မျှော်လင့်ပြီးသားပဲ။ ဒီဥပဒေ ၄ ခုကို စတင်ပြီးတော့ တင်သွင်းလာကတည်းက ဒါနိုင်ငံရေးရည်ရွယ်ချက်ရှိရှိနဲ့ လုပ်တာ။ အမျိုးသမီးတွေကို ကာကွယ်ဖို့ စေတနာကောင်းသက်သက်နဲ့ လုပ်တာမဟုတ်ဘူးဆိုတာ သိပြီးသားဖြစ်တဲ့အတွက် ဒီဥပဒေတွေဟာ လိုအပ်တဲ့အချိန်ကျရင် သူတို့ ပြဋ္ဌာန်းမှာပဲ။ ပိုဆိုးတာက ဘယ်လောက် ကန့်ကွက် ကန့်ကွက်၊ လုပ်သင့်လို့၊ လုပ်ချင်လို့ လုပ်တယ်ဆိုတဲ့ အဓိပ္ပါယ်က ပိုပေါ်လွင်တဲ့အတွက် ဒီလက်ရှိ လွှတ်တော်မှာရှိတဲ့ အများစုသော လွှတ်တော်ကိုယ်စားလှယ်တွေရဲ့ ပြည်သူလူထုအပေါ် အထူးသဖြင့် အမျိုးသမီးတွေအပေါ်မှာထားတဲ့၊ အရပ်ဘက် အဖွဲ့အစည်းတွေအပေါ်မှာထားတဲ့ စိတ်ဓာတ်ဟာ ဘယ်လောက်တောင်မှ စိတ်ကောင်းစေတနာ မရှိဘူးလည်းဆိုတာ ပေါ်လွင်တယ်။ လွှတ်တော်မှ မဟုတ်ဘူး။ အစိုးရလည်းပဲ လွှတ်တော်နဲ့ ဒီကိစ္စမှာတော့ တသဘောတည်းပဲ ရှိပြီးတော့ ဒါ ပုလင်းတူဗူးစို့ - လို့ပဲ ကျမတို့ကတော့ အဲလိုပဲ သုံးသပ်ပါတယ်။” မြန်မာနိုင်ငံမှာ မျိုးစောင့်ဥပဒေလို့ လူသိများတဲ့ အမျိုးဘာသာ၊ သာသနာ စောင့်ရှောက်ရေး ဥပဒေတွေဟာ နိုင်ငံတကာ လူ့အခွင့်အရေး ဥပဒေတွေနဲ့ ကိုက်ညီမှုမရှိတဲ့အတွက် နိုင်ငံတကာစံနှုန်းနဲ့ ကိုက်ညီတဲ့ဥပဒေတွေကို ပြဋ္ဌာန်းဖို့ ကုလသမဂ္ဂ၊ EU ဥရောပသမဂ္ဂ၊ အမေရိကန် ပြည်ထောင်စု အပါအဝင် နိုင်ငံတကာက တိုက်တွန်းနေချိန်လည်း ဖြစ်ပါတယ်။ ကိုးကွယ်ရာ ဘာသာမတူသူတွေကြား လက်ထပ်ထိမ်းမြားတာ၊ ဘာသာကူးပြောင်းတာ၊ တအိမ်ထောင်ထက်ပိုတဲ့ မိသားစုစနစ်ဆိုင်ရာ ဥပဒေကြမ်းတွေကိုတော့ လွှတ်တော်တွင်း ဆွေးနွေးနေဆဲဖြစ်ပြီး လူဦးရေ ထိန်းချုပ်မှုတွေ ပါဝင်တဲ့ ဥပဒေကိုတော့ သမ္မတက လက်မှတ်ရေးထိုးပြီး ပြည်ထောင်စုလွှတ်တော်မှာ အတည်ပြုလိုက်ပြီ ဖြစ်ပါတယ်။

မြန်မာဓာတ်ငွေ့ဝင်ငွေ တလ သန်း ၁၇၀ ရှိ

မြန်မာနိုင်ငံရဲ့ သဘာဝဓာတ်ငွေ့ တင်ပို့ရောင်းချမှုကနေ ရရှိတဲ့ဝင်ငွေဟာ လစဉ် အမေရိကန်ဒေါ်လာ သန်းပေါင်း ၁၇၀ ရှိတယ်လို့ မြန်မာစွမ်းအင်ဝန်ကြီးဌာနက ကြေညာထားပါတယ်။ မြန်မာ့သဘာဝဓာတ်ငွေ့ ထုတ်လုပ်မှု လုပ်ငန်းတွေမှာ ဘယ်နိုင်ငံတွေက အဓိက ရင်းနှီးမြှုပ်နှံပြီး ၀ယ်ယူတာတွေ ရှိပါသလဲ။ ဒီလုပ်ငန်းတွေနဲ့ ပတ်သက်လို့ ပွင့်လင်းမြင်သာမှုရော ဘယ်လောက်ထိ ရှိလာနေပါပြီလဲ။ မခင်ဖြူထွေးက စုစည်းတင်ပြထားပါတယ်။ မြန်မာနိုင်ငံရဲ့ သဘာဝဓာတ်ငွေ့ တင်ပို့ရောင်းချမှုကနေ ရရှိတဲ့ဝင်ငွေဟာ လစဉ် အမေရိကန်ဒေါ်လာ သန်းပေါင်း ၁၇၀ ရှိပြီး၊ ဒါဟာ နိုင်ငံ့ဝင်ငွေ စုစုပေါင်းရဲ့ ၄၀ ရာခိုင်နှုန်းရှိတယ်လို့ မြန်မာစွမ်းအင်ဝန်ကြီးဌာနက ကြေညာထားပါတယ်။ ရတနာသဘာဝဓာတ်ငွေ့ စီမံကိန်းကနေ နေ့စဉ် ဘဘာဝဓာတ်ငွေ့ ကုဗပေ သန်း ၇၀၀၊ ရဲတံခွန်စီမံကိန်းကနေ ကုဗပေသန်းပေါင်း ၃၂၅၊ ရွှေသဘာဝဓာတ်ငွေ့ စီမံကိန်းက ကုဗပေ သန်း ၃၆၀ နဲ့ ဇောတိက စီမံကိန်းကနေ ကုဗပေ သန်း ၂၄၀ လောက် နေ့စဉ်ထုတ်ယူပြီး ပြည်ပကို ရောင်းချနေတဲ့အကြောင်းလည်း စွမ်းအင်ဝန်ကြီးဌာနက ထုတ်ပြန်ထားတာပါ။ ဒီလို မြန်မာ့ရေနံနဲ့ သဘာဝဓာတ်ငွေ့ လုပ်ငန်းတွေမှာ အရင်က ပြင်သစ် TOTAL ကုမ္ပဏီနဲ့ မလေးရှား Petronas ကုမ္ပဏီတွေက အဓိက ရင်းနှီးမြှုပ်နှံကြပေမဲ့ ခုချိန်မှာတော့ တခြား နိုင်ငံတွေလည်း စိတ်ဝင်တစား ပါဝင်လာနေတယ်လို့ မြန်မာသမ္မတရဲ့ စီးပွားရေး အကြံပေးတဦးဖြစ်တဲ့ ဒေါက်တာ အောင်ထွန်းသက် က ပြောပါတယ်။ “အရင်တုန်းက အားလုံးသိတဲ့အတိုင်းပဲ TOTAL ရှိတယ်၊ Petronas ရှိတယ်။ အဲတော့ မလေးရှားနဲ့ ပြင်သစ်နဲ့ပေါ့။ အခုနောက်ပိုင်း သိသလောက်တော့ ကျန်တဲ့ Oil and Gas ကိုရီးယားလည်း ပါလာတယ်။ နောက်တခါ အခု အနောက်နိုင်ငံကဟာတွေလည်း တချို့ off shore ဟာတွေကို လေလံအောင်မြင်တယ်လို့ ကြားတယ်။ အဲတော့ အရင်တုန်းကလို ၁ နိုင်ငံ ၂ နိုင်ငံတည်း မဟုတ်တော့ဘဲနဲ့ အခုကတော့ Oil, Gas sector မှာ အနောက်နိုင်ငံတွေရော၊ အရှေ့တိုင်းနိုင်ငံတွေရော တော်တော်များများ ပါလာတယ်။ တရုတ်လည်း ပါလာတယ်။ သိသလောက်တော့ ဒီအမှုကတော့ အကြီးအကျယ် ပါနေတာတွေတော့ သိတယ်။” မြန်မာ့ သဘာဝဓာတ်ငွေ့ကို အိမ်နီးချင်း ထိုင်းနဲ့ တရုတ်နိုင်ငံတွေက အဓိက ၀ယ်ယူနေတာပါ။ တွင်းထွက်ပစ္စည်းပေါကြွယ်ဝတဲ့ မြန်မာနိုင်ငံ အနေနဲ့ စွမ်းအင်လိုအပ်နေတဲ့ အိမ်နီးချင်းနိုင်ငံတွေ ရှိနေသလို၊ ရေနံနဲ့ သဘာဝဓာတ်ငွေ့ လုပ်ကွက်တွေကလည်း ရှိနေတာကြောင့် မြန်မာ့ရေနံနဲ့ သဘာဝဓာတ်ငွေ့ ထုတ်လုပ်မှု လုပ်ငန်းမှာ အလားအလာ ကောင်းတွေ အများအပြား ရှိနေတယ်လို့ ဒေါက်တာအောင်ထွန်းသက်က ပြောပါတယ်။ ဒီလို သဘာဝတွင်းထွက် ပစ္စည်း ထုတ်ယူတဲ့ လုပ်ငန်းတွေမှာ မြန်မာနိုင်ငံအနေနဲ့ အရင်ကထက် ပွင့်လင်းမြင်သာမှုတွေ ပို ရှိလာတယ်လို့လည်း ဒေါက်တာ အောင်ထွန်းသက် က ပြောပါတယ်။ “အခုအပိုင်းမှာတော့ အရင်လို မဟုတ်တော့ပေမဲ့ EITI အဖွဲ့ဝင်နိုင်ငံ တခုဖြစ်နေတာကိုး အဲဒါကတော့ အရင်ထက်စာရင် တော်တော်လေး သိသိသာသာ EITI အစီအစဉ်ကို ဆရာတို့ လက်ခံထားတဲ့ အနေအထား ဖြစ်နေတယ်။ အဲဒါ နိုင်ငံအတွက် ကောင်းတာပေါ့လေ။ Transparency ဘယ်လောက်ရှိသလဲဆိုတာကို သူက စံအနေနဲ့ International Law တွေရှိတော့ ကျနော်တို့ ဒါကို ပါလိုက်တာနဲ့ အလိုလို ပါသွားတဲ့အနေအထားရှိတယ်။ ဒါလည်း တော်တော်လေး ထူးခြားတဲ့ ရလဒ်တခုဖြစ်ပါတယ်။ အထူးသဖြင့် ကိုယ့်နိုင်ငံကို သဘာဝဓာတ်ငွေ့ တခြားဟို သယံဇာတပစ္စည်းတွေ ရောင်းတဲ့နေရာမှာ EITI အဖွဲ့ဝင်နိုင်ငံဖြစ်ဖို့က တော်တော်လေး အရေးကြီးတာ။” မြန်မာနိုင်ငံအနေနဲ့ သယံဇာတ ထုတ်ယူမှု ပွင့်လင်းမြင်သာရေးအဖွဲ့ EITI မှာ ပါဝင်လာခဲ့ပြီးနောက်ပိုင်း ပွင့်လင်းမြင်သာမှုတွေ ပိုရှိလာတယ်ဆိုပေမဲ့ လိုအပ်ချက်တွေနဲ့ စိန်ခေါ်မှုတွေကတော့ အများကြီး ရှိနေသေးပြီး ဒါကို တိုးတက်အောင် ဆောင်ရွက်ရမှာဖြစ်တယ်လို့ တက်ကြွလှုပ်ရှားသူတချို့ကလည်း ထောက်ပြ ပြောဆိုကြပါတယ်။ ရွှေသဘာဝဓာတ်ငွေ့ လှုပ်ရှားမှုကို ဦးဆောင်သူတဦးဖြစ်တဲ့ ကိုဝင်းအောင်က ကတော့ အခုလို ပြောပါတယ်။ “လောလောဆယ်ကတော့ အရင်ကထက်စာရင်တော့ အတိုင်းအတာတခုအထိ ပွင့်လင်းလာတယ်ပေါ့နော်။ သို့ပေမဲ့လို့လည်း ကျနော်တို့ ကဏ္ဍအသီးသီးအလိုက်ပေါ့နော် စီမံကိန်းတခုချင်းဆီအလိုက် ပွင့်လင်းမြင်သာမှု သတင်းအချက်အလက်တွေကို သက်ဆိုင်ရာ ကျနော်တို့ ဒေသဆိုင်ရာ လူထုဆီ ရောက်ဖို့ကတော့ အစိုးရဆီမှာရော၊ ကိုယ်စားလှယ်ဆီမှာရော ကျနော်တို့ ဒီ ပိုပြီး ကျွမ်းကျင်တဲ့ လုပ်သားမျိုးတွေပေါ့နော်၊ Human Resource တွေပေါ့၊ ပြီးရင် ကျနော်တို့ ယန္တရားတွေက တခုမှ အဆင်သင့် မဖြစ်သေးဘူးလို့ ပြောလို့ရပါတယ်။ တဘက်ကလည်း ဒီဟာတွေအပေါ်မှာ လုပ်ချင်ကိုင်ချင်တဲ့ စိတ်ရှိဖို့ကလည်း အင်မတန်ကို ကျနော်တို့ လိုသေးတယ်လို့ ပြောလို့ရပါတယ်။” သယံဇာတ ထုတ်ယူမှု လုပ်ငန်းတွေ၊ စီမံကိန်းတွေနဲ့ ပတ်သက်တဲ့ အချက်အလက်တွေကို ဒါနဲ့ ဆက်စပ်နေတဲ့ သက်ဆိုင်ရာ ဒေသခံတွေနဲ့ အရပ်ဘက် လူမှုအဖွဲ့အစည်းတွေကြားထဲမှာ ထဲထဲဝင်ဝင် ချပြနိုင်ဖို့နဲ့ အများ ပါဝင်ဆောင်ရွက်နိုင်ခွင့်တွေရဖို့၊ EITI စံနှုန်းတွေနဲ့အညီ အစိုးရအနေနဲ့ သတင်းအချက်အလက်တွေ ထုတ်ပြန်ဖို့၊ သက်ဆိုင်ရာ စီမံကိန်း တခုချင်းစီအလိုက် ရင်းနှီးမြှုပ်နှံမှု ပမာဏနဲ့ ရရှိလာတဲ့ အကျိုးအမြတ်တွေကို ပြည်သူလူထုတွေ အကျိုးခံစားခွင့် ရရှိဖို့နဲ့ ဘတ်ဂျက်သုံးစွဲမှုဆိုင်ရာ ကဏ္ဍတွေမှာ အခုထက်ပိုပြီး ပွင့်လင်းမြင်သာအောင် ဆောင်ရွက်ဖို့ လိုအပ်တယ်လို့လည်း ကိုဝင်းအောင်က ပြောပါတယ်။

White Card အစားထိုးတဲ့ နေထိုင်ခွင့်ကဒ် ထုတ်ယူသူနည်းပါး

ရခိုင်ပြည်နယ်မှာ White Card လို့ခေါ်တဲ့ ယာယီသက်သေခံလက်မှတ် အပ်နှံသူ ၄ သိန်းနီးပါးအတွက် ဒီရက်ပိုင်းတွေအတွင်းမှာ အစိမ်းရောင်နေထိုင်ခွင့်ကဒ်တွေ အသစ် ထပ်မံထုတ်ပေးနေရာမှာ အပ်နှံသူ ၄ သိန်းနီးပါးအနက် ၁၀ ရက်တာကာလအတွင်းမှာ အစိမ်းရောင်ကဒ် ထုတ်ယူသူ ၃၀ ကျော်သာ ရှိပါတယ်။ ဒီလို ထုတ်ယူသူ နည်းပါးတာကတော့ အစိမ်းရောင်ကဒ်အပေါ် စိတ်ဝင်စားခြင်းမရှိတာနဲ့ တချို့ဒေသတွေမှာ ကဒ်အသစ်ထုတ်ပေးတာကို မသိတာကြောင့် ဖြစ်ပါတယ်။ မြန်မာနိုင်ငံသားဥပဒေအရ နိုင်ငံသားစိစစ်တဲ့ မိုးပွင့်အထူးစီမံချက် အကောင်အထည်ဖော် ဆောင်ရွက်ရာမှာ White Card ခေါ် ယာယီသက်သေခံ လက်မှတ်တွေကို ပြန်လည်အပ်နှံဖို့ ကြေညာခဲ့တဲ့နောက် ရခိုင်ပြည်နယ်မှာ White Card ကိုင်ဆောင်သူ ၆ သိန်းကျော်အနက် ၃ သိန်း ၉ သောင်း ပြန်လည်အပ်နှံခဲ့ပါတယ်။ White Card အပ်နှံသူတွေကို ကဒ်အသစ်တမျိုး ထပ်မံ ထုတ်ပေးရာမှာတော့ ၁၀ ရက်တာ ကာလအတွင်းမှာ လူအနည်းငယ်သာ ပြန်လည်ထုတ်ယူခဲ့ကြကြောင်း လူဝင်မှုကြီးကြပ်ရေးနဲ့ အမျိုးသားမှတ်ပုံတင်ရေးဦးစီးဌာန ပြည်နယ်ဦးစီးမှူး ဦးခင်စိုးက အခုလို ပြောပါတယ်။ “White cards အပ်နှံတဲ့သူတွေကို အခုလက်ရှိကျနော်တို့ နိုင်ငံသားစိစစ်ခံရမည့်သူ၏ သက်သေခံကဒ်ပြားဆိုတာ လဲပြီးထုတ်ပေးနေပါတယ်။ အဲဒါကတော့ အပြာနုရယ်၊ အစိမ်းနုရယ် နည်းနည်းလေး သန်းပါတယ်ခင်ဗျ။ ကာလာ ၂ ကာလာ ထွက်တဲ့သဘောလိုပေါ့။ အခုကျနော်တို့ ၅ ရက်နေ့ကနေ စထုတ်ပေးတာပါခင်ဗျ။ ၃၇ ကဒ် ပေးထားပေးပါပြီ။ White cards တွေအပ်တာ လက်ခံတဲ့ နေရာတိုင်းမှာ၊ ကျနော်တို့ရဲ့ အခုလက်ရှိကဒ်ပြား ထုတ်ပေးရေးအဖွဲ့တွေ အဲဒီမှာ ကျနော်တို့စောင့်ပြီး လက်ခံ ဆောင်ရွက်ပေးနေပါတယ်။” အစိမ်းရောင်ကဒ်ပြားသစ် ထုတ်ပေးချိန်မှာပဲ နိုင်ငံသားလျှောက်ထားတာကို လက်ခံပေးနေတယ်လို့ ဦးခင်စိုးက ဆက်ပြောပါတယ်။ “အဲဒီ အပြာနုနဲ့ အစိမ်းနုနဲ့ သန်းထားတဲ့ ကဒ်ပြားလေးကို ထုတ်ပေးနေရင်းနဲ့ သူတို့နိုင်ငံသား ပြုခွင့်ရသူဆိုင်ရာ လျှောက်ထားမယ်ဆို စိစစ်ပေးပါတယ်။ ဒါကိုလျှောက်ထားနိုင်ပါတယ်။ လျှောက်ရင်လည်း ကျနော်တုိ့ စိစစ်ပေးပါမယ်လို့ လျှောက်လွှာတွေကို စိစစ်ပြီး လက်ခံတဲ့အလုပ် ဆောင်ရွက်ပေးနေပါတယ်ခင်ဗျ။” လက်ရှိ ထုတ်ပေးတဲ့ အစိမ်းရောင်ကဒ်ပြားသစ်ဟာ နေထိုင်ခွင့်အတွက် အာမခံပြီး နိုင်ငံသားလျှောက်ထားပြီးနောက် နိုင်ငံသား၊ ဧည့်နိုင်ငံသား၊ နိုင်ငံသားပြုခွင့်ရသူ စတဲ့ သတ်မှတ်ချက်အပေါ် မူတည်ပြီး ဥပဒေအရ ခံစားခွင့်ရမှာဖြစ်ကြောင်းလည်း ပြောပါတယ်။ စစ်တွေမြို့ အောင်မင်္ဂလာစခန်းမှာ နေထိုင်သူတဦးကတော့ အစိမ်းရောင်ကဒ်ကို လက်မခံနိုင်ဘူးလို့ ပြောပါတယ်။ “နေထိုင်ခွင့်လက်မှတ်ဆိုတာက အရင်ပေးထားတဲ့ ယာယီ သက်သေခံလက်မှတ်ထက်တောင် ပိုပြီး အဆင့်နိမ့်တဲ့ဟာ တခုပဲရှိတယ်။ ကျနော်တို့က မြန်မာနိုင်ငံမှာ နေထိုင်ပြီးသားလူလေ။ ကျနော်တို့ နှစ်ပေါင်းများစွာရှိနေပြီ။ ရာနဲ့ချီပြီးရှိနေပြီ။ ကျနော်တို့လိုချင်တာက ကျနော်တို့ မြန်မာပြည်မှာ နိုင်ငံသားနဲ့ဆိုင်တဲ့ အထောက်အထားတခုကိုပဲ လိုချင်တယ်။ လူအများစုကတော့ ဒုက္ခသည်စခန်းမှာရော၊ ရွာတွေမှာရော၊ အစိမ်းရောင်ကဒ်တွေ နေထိုင်ခွင့်လက်မှတ်ကို ကျနော်တို့ လုံးဝ မစဉ်းစားဘူး။ လက်လည်းမခံဘူး။ ကျနော်တို့ကတော့ ဒီအတိုင်းပဲ နေသွားမှာပဲ။” မောင်တောမြို့ခံ အစ္စလာမ်ဘာသာဝင် တဦးကတော့ သူတို့ဆီမှာ အစိမ်းရောင်ကဒ် ထုတ်ပေးတာ မရှိသေးကြောင်း ပြောပါတယ်။ “ကျနော်တို့မောင်တောမှာတော့ အဲဒီဟာမျိုးတွေ မလုပ်ရသေးပါဘူး။ မြို့ပေါ်မှာတောင်မှ မစရသေးဘူး။ နယ်မှာလည်း မစရသေးပါဘူး။” မောင်တောမြို့ခံက နိုင်ငံသားဖြစ်ခွင့် အရည်အချင်းပြည့်မီတယ်ဆိုရင် ခရီးသွားလာခွင့်၊ အလုပ်လုပ်ပိုင်ခွင့် အပါအ၀င် နိုင်ငံသားအားလုံးနဲ့ တန်းတူတဲ့ အခွင့်အရေးကို ရလိုကြောင်း ပြောပါတယ်။ ပြီးခဲ့တဲ့နှစ်က ရခိုင်ပြည်နယ်က မြို့နယ်တချို့မှာ နိုင်ငံသားစိစစ်မှု ဆောင်ရွက်ရာမှာ ဘင်္ဂါလီဆိုတာကို လက်မခံတာကြောင့် အခက်အခဲတွေ ဖြစ်ခဲ့ပါတယ်။ လောလောဆယ်မှာတော့ အစိုးရက ဘင်္ဂါလီလို့ ခေါ်ဝေါ်သုံးစွဲနေတဲ့ ရခိုင်ပြည်နယ်က အစ္စလာမ်ဘာသာဝင်တွေကို သူတို့နေထိုင်ရာ မြို့နယ်က ကျော်လွန်ပြီး ခရီးသွားလာမယ်ဆိုရင် သက်ဆိုင်ရာ မြို့နယ်ဦးစီးဌာနက ခွင့်ပြုချက်ရယူဖို့ လိုအပ်နေပါတယ်။ တနင်္လာနေ့က ဂျနီဗာမြို့မှာကျင်းပတဲ့ ကုလသမဂ္ဂ လူ့အခွင့်အရေး ညီလာခံမှာ ကုလသမဂ္ဂ လူ့အခွင့်အရေး မဟာမင်းကြီးက မြန်မာနိုင်ငံအတွင်း ဖိနှိပ်ခံရတာကြောင့် ထောင်နဲ့ချီတဲ့ ရိုဟင်ဂျာတွေ အစာရေစာမပါဘဲ အိန္ဒိယသမုဒ္ဒရာထဲမှာ မျောပါနေတဲ့ကိစ္စအတွက် စိုးရိမ်ကြောင်းနဲ့ ဒီပြဿနာရဲ့ အခြေခံဖြစ်တဲ့ ရိုဟင်ဂျာတွေကို နိုင်ငံသားအဖြစ် အသိအမှတ်ပြုရေး အပါအ၀င် တခြားသက်ဆိုင်တဲ့ အခွင့်အရေးတွေကို မပေးမချင်း ဒီပြဿနာဟာ ပြေလည်သွားမှာမဟုတ်ကြောင်း ပြောဆိုခဲ့ပါတယ်။ မြန်မာအစိုးရကတော့ လှေစီးပြေးဒုက္ခသည်တွေဟာ မြန်မာပြည်က သွားရောက်သူတွေ မဟုတ်ကြောင်းနဲ့ ရခိုင်ပြည်နယ်က အစ္စလာမ်ဘာသာဝင်တွေအရေးကို နိုင်ငံတကာနဲ့ ပူးပေါင်း ဆောင်ရွက်နေကြောင်း ထုတ်ပြန်ထားပါတယ်။

တောင်တရုတ်ပင်လယ်ထဲ လူလုပ်ကျွန်း တည်ဆောက်မှု ပြီးစီးတော့မည်

တောင်တရုတ်ပင်လယ်ထဲမှာ အငြင်းပွားဖွယ် ကုန်းမြေတည်ဆောက်မှု လုပ်ဆောင်ချက်တွေ မကြာခင်မှာပဲ အပြီးသတ်မယ်လို့ တရုတ်က ဒီကနေ့ပဲ ကြေညာသွားပါတယ်။ နယ်မြေပိုင်နက် အငြင်းပွားဘက် - တခြားနိုင်ငံတွေနဲ့ တင်းမာမှုတွေဖြစ်စေတဲ့ လူလုပ်ကျွန်းတွေပေါ်က ဆောက်လုပ်ရေး လုပ်ငန်းတွေကိုတော့ ဆက်ပြီး ပြုလုပ်သွားမယ်လို့လည်း ပြောသွားပါတယ်။ တရုတ်တို့စခန်းချထားတဲ့ ကျွန်းတွေနဲ့ Nansha ကျွန်းစုရဲ့ သန္တာကျောက်တန်းတွေမှာ ကုန်းမြေဖို့တဲ့ စီမံကိန်းတွေက လာမယ့်ရက်ပိုင်းအတွင်း ပြီးစီးပါမယ်လို့ နိုင်ငံတကာ အခေါ် Spratly ကျွန်းစုကို တရုတ်နာမည်သုံး ရည်ညွှန်းသွားပြီး တရုတ်နိုင်ငံခြားရေးဝန်ကြီးဌာနက ကြေညာချက် ထုတ်ပြန်သွားတာပါ။ ကြေညာချက်မှာက စီမံကိန်းပြီးစီးမယ့် ရက်အတိအကျ ပြောမထားပေမဲ့ ဒီလူလုပ်ကျွန်းတွေ တည်ဆောက်တဲ့ကိစ္စကို ကာကွယ်ပြောဆိုသွားပြီး သူတိ်ု့ရဲ့ရည်ရွယ်ချက်က တရုတ်နိုင်ငံသားတွေအတွက် အသုံးပြုဖို့ပဲဖြစ်ပြီး စစ်ရေးရည်ရွယ်ချက် လုံးဝ မပါဝင်ပါဘူးလို့ ပြောထားပါတယ်။ ဒီလုပ်ရပ်က အကျိုးသင့် အကြောင်းသင့် တရားမျှတမှုရှိပြီး၊ တရားဝင်လုပ်ရပ် ဖြစ်ပါတယ်။ ဘယ်နိုင်ငံကိုမှ ရိုက်ခတ်မှုလည်း မဖြစ်စေသလို ဘယ်နိုင်ငံကိုမှလည်း ဆန့်ကျင်တာမဟုတ်ပါဘူး။ တောင်တရုတ်ပင်လယ်ထဲက ရေကြောင်းသွားလာမှု လေယာဉ်ပျံသန်းမှု တို့ကိုလည်း ဘာမှ သွားမထိခိုက်ပါဘူး - လို့ တရုတ်တို့ အစောပိုင်းတုန်းက ပြောထားတာကိုပဲ ထင်ဟပ်ပြီး ကြေညာချက်မှာ ပြောထားပါတယ်။ ဒီတရုတ်တို့ရဲ့ လူလုပ်ကျွန်းတွေ တည်ဆောက်နေတဲ့ကိစ္စကို အမေရိကန်က ပိုပြီး ပြောင်ပြောင်တင်းတင်း ဝေဖန်လာနေပြီး၊ ဗျူဟာကျတဲ့ ရေပြင်ထဲမှာ လူမရှိခဲ့တဲ့ သန္တာကျောက်တန်းတွေမှာ ဧက ၂၀၀၀ ကျော် အကျယ်အဝန်းကို တရုတ်က မြေဖို့နေတယ်လို့ ပြောပါတယ်။ တရုတ်ရဲ့ ကျွန်းတည်ဆောက်တဲ့လုပ်ငန်းက စစ်ဘက်ဆိုင်ရာ ရည်ရွယ်ချက်နဲ့ ဖြစ်ပုံရပြီး အချက်ပေးရေဒါစနစ်၊ စစ်တန်းလျားနဲ့ လေယာဉ်ပြေးလမ်းတို့ကို ထည့်ဆောက်ထားပါတယ်။ အရင်လကဆိုရင် တရုတ်က လက်နက်ကြီးတွေကို ကျွန်းတွေပေါ် သယ်လာတယ်၊ အခုတော့ အဲဒါတွေကို ပြန်ရွှေ့သွားပြီလို့ အမေရိကန်က ပြောပါတယ်။

ရိုဟင်ဂျာလူသားချင်းစာနာမှု Aceh တိုးမြှင့်ဆောင်ရွက်

အန္တရာယ်များတဲ့ ပင်လယ်ခရီးကိုဖြတ်ပြီး အင်ဒိုနီးရှားနိုင်ငံက ဒုက္ခသည်စခန်းတွေမှာ ခိုလှုံနေရတဲ့ အာရှကလှေစီးပြေး ရာပေါင်းများစွာကို ကူညီရာမှာ အင်ဒိုနီးရှား-အာချေးဒေသဟာ ထင်ရှားတဲ့ အခန်းကဏ္ဍက ပါဝင်လာပါတယ်။ ရိုဟင်ဂျာတွေကလည်း မူဆလင်တွေရဲ့ ရာမာဒမ် ဥပုသ်လရာသီ ကုန်သွားပြီးချိန် နောက်မှာလည်း ဒီလို အရဲစွန့်ရတဲ့ခရီးမျိုးကို နောက်ထပ် ထွက်လာကြမယ့် အခြေအနေရှိတယ်လို့ လူသားချင်း စာနာထောက်ပံ့သူတွေနဲ့ ကယ်ဆယ်ရေး လုပ်သားတွေက ပြောကြောင်း ဘန်ကောက်မြို့ကနေ Ron Corben သတင်းပေးပို့ထားတာကို ကိုဥာဏ်ဝင်းအောင်က တင်ပြထားပါတယ်။ ဒေသခံ တံငါသည်တွေ ပင်လယ်ပြင်မှာကယ်တင်ခဲ့တဲ့ ဘင်္ဂလားဒေ့ရှ် နိုင်ငံသားတွေနဲ့ မြန်မာပြည်က ရိုဟင်ဂျာ မူဆလင်တွေ စုစုပေါင်း ၂ထောင်လောက် အင်ဒိုနီးရှားမြောက်ပိုင်း အာချေးဒေသက ယာယီစခန်းတွေမှာ ရှိပါတယ်။ ဒေသန္တရ သဘောတူညီချက်အရ ဘင်္ဂလားဒေ့ရှ် နိုင်ငံသားတွေကို သူတို့ဌာနေ ပြန်ပို့သွားမှာ ဖြစ်ပေမဲ့ ရိုဟင်ဂျာ မူဆလင်တွေကိုတော့ ဒီစခန်းမှာ တနှစ်လောက် ဆက်နေခွင့်ရမှာ ဖြစ်ပါတယ်။ လူမှောင်ခိုကူးသူတွေ စွန့်ပစ်ခဲ့တာကြောင့် စက်လှေနဲ့ ပင်လယ်ထဲမျောခဲ့တဲ့ ရိုဟင်ဂျာတွေအတွက် ခိုလှုံဖို့ နောက်ဆုံးအခွင့်အရေး ရတဲ့နေရာကတော့ အာချေးဒေသပဲ ဖြစ်ပါတယ်။ ဒေသခံ တံငါသည်တွေကပဲ ရိုဟင်ဂျာတွေကိုကယ်တင်ဖို့ ဆန္ဒရှိကြတာပါလို့ အာချေးဒေသမှာ လူသားချင်းစာနာရေးနဲ့ သုတေသနလုပ်ငန်း လုပ်နေသူ Lillian Fan ကပြောပါတယ်။ “ရိုဟင်ဂျာတွေကို ကြိုဆိုလက်ခံမယ့်သူဆိုလို့ နှစ်ပေါင်း ၃၀ လောက် ပဋိပက္ခတွေ ရင်ဆိုင်ခဲ့ရတဲ့ အာချေးလို ဒေသမျိုး တခုလောက်ပဲ ရှိမယ်လို့ ထင်ပါတယ်။ တကယ့်ကို လူသားချင်းစာနာစိတ်နဲ့ လက်ခံတာပါ။ အသက်အန္တရယ် ကြုံနေရသူတွေကို ကယ်ဆယ်ဖို့ ဒေသတွင်းကရော နိုင်ငံတကာကရော ဘာမှ လုပ်ဆောင်တာမျိုး မရှိတာနဲ့ပတ်သက်လို့ ကျမသိပ်ကို စိတ်ပျက်မိပါတယ်။” အာချေးပြည်သူတွေဟာ ဒုက္ခကို ကြုံဖူးသူတွေဖြစ်ပါတယ်။ ဒီပြည်နယ်ဟာ ခွဲထွက်ရေးအတွက် နှစ်ပေါင်း ၃၀ လောက် အကြမ်းဖက် မငြိမ်သက်မှုတွေကြုံခဲ့ရသလို၊ ၂၀၀၄ ခုနှစ်က ရင်ဆိုင်ခဲ့ရတဲ့ ငလျင်နဲ့ ဆူနာမီဒဏ်ကြောင့် အာချေးမှာပဲ လူ ၁သိန်းခွဲလောက် သေဆုံးခဲ့ရပါတယ်။ အင်ဒိုနီးရှား အစိုးရအာဏာပိုင်တွေဟာ လှေစီးဒုက္ခသည်တွေကို သွားမကယ်တဲ့အပြင် ဒီကိစ္စမှာ ၀င်မပါကြဖို့ တံငါသည်တွေကို တားမြစ်ခဲ့ကြပေမဲ့ တံငါသည်က ဒါကိုမလိုက်နာခဲ့ကြပါဘူး။ အင်ဒိုနီးရှား စစ်တပ်ကဆိုရင် အစောပိုင်းမှာ ငါးဖမ်းသမားတွေရဲ့ လုပ်ခွင့်ပါမစ်တွေ သိမ်းတာမျိုး သူတို့စက်လှေတွေကို ဒဏ်ရိုက်တာမျိုးလုပ်ခဲ့ပေမဲ့ အဲဒီတံငါသည်တွေက ကယ်ဆယ်ရှာဖွေရေးတွေ ဆက်လုပ်ခဲ့တယ်လို့ မစ္စ Fan ကပြောပါတယ်။ “အားရစရာ အချက်တချက်ကတော့ သာမန်ပြည်သူတွေ ဖြစ်ကြတဲ့ ငါးဖမ်းသမားတွေပါပဲ။ အာချေးက ငါးဖမ်းသမားတွေ၊ ရွာသားတွေဟာ သူတို့ကိုယ်တိုင်က ပဋိပက္ခရဲ့ သားကောင်တွေ ဖြစ်ခဲ့ဖူးတော့ တွေ့လို့ ကယ်ဆယ်ရုံတင်မကပဲ လိုက်ရှာပြီး ကယ်တဲ့အထိ လုပ်ကြပါတယ်။ ပင်လယ်ထဲမှာ ဒုက္ခဖြစ် နေကြတဲ့လူတွေ ရှိနေတယ်ဆိုတာ သူတို့သိကြလို့ပါ။” ရခိုင်ပြည်နယ်မှာ အကြမ်းဖက်နှိပ်ကွပ်မှုနဲ့ ၀ိုင်းကျဉ်ခံရတာကြောင့် နိုင်ငံမဲ့ဖြစ်တဲ့ ရိုဟင်ဂျာ မူဆလင်အများစု အဲဒီဒေသကနေ ထွက်ပြေးနေကြတာဟာ တနေ့တခြား ပိုများလာနေပါတယ်။ ဒီအခြေနေတွေက သူတိုိ့ကို လူမှောင်ခိုသူတွေ လက်ထဲရောက်အောင် တွန်းပို့ လိုက်သလို ဖြစ်သွားပြီး စက်လှေတွေနဲ့ ပင်လယ်ခရီးကို အသက်စွန့်ရင်း မလေးရှားနဲ့ အင်ဒိုနီးရှားနိုင်ငံတွေကို ရောက်လာကြပါတယ်။ ရိုဟင်ဂျာတွေပါတဲ့ ပထမဆုံးစက်လှေကို မေလ ၁၀ရက်နေ့က အာချေးဒေသမှာ ရှာတွေ့ခဲ့ပြီး နောက်တစင်းကိုတော့ မေလ ၁၅ ရက်နေ့မှာ တွေ့ခဲ့ပါတယ်။ နောက်ဆုံး စက်လှေတစီးကိုတော့ မေလ ၂၀ ရက်နေ့က အာချေးနားမှာ ရှာတွေ့ခဲ့ပါတယ်။ အာချေးဒေသက ဒုက္ခသည်စခန်းတွေကို အင်ဒိုနီးရှားအစိုးရ ကူညီပံ့ပိုးခဲ့ပြီး ဘင်္ဂါလားဒေ့ရှ် နိုင်ငံသားတွေနဲ့ ရိုဟင်ဂျာတွေအတွက် ဒေါ်လာ ၁ သိန်း ၈ သောင်းနီးပါး ထုတ်ပေးခဲ့ပါတယ်။ ရိုဟင်ဂျာ ကူညီစောင့်ရှောက်ရေး လုပ်နေတဲ့ Equal Harmony Together ဖောင်ဒေးရှင်းက ၀န်ထမ်းဖြစ်တဲ့ ထိုက်ထိုက် ဆိုသူကတော့ စခန်းထဲက ဒုက္ခသည်အများစုဟာ သူတို့အနာဂတ်အတွက် စိုးရိမ်နေကြသလို ရခိုင်မှာကျန်ခဲ့တဲ့ မိသားစုဝင်တွေအတွက်လည်း စိတ်ပူနေကြတယ်လို့ ပြောပါတယ်။ “အာချေးက ဒုက္ခသည် စခန်းတွေမှာ ရိုဟင်ဂျာတွေ တနှစ်အထိ နေထိုင်ခွင့်ရှိတယ်လို့ အင်ဒိုနီးရှားအစိုးရက ပြောပေမဲ့ အဲဒီနောက်ပိုင်း သူတို့ ဘယ်လိုဆက်လုပ်ရမလဲ ဆိုတာကို အားလုံးက သိချင်နေကြတာပါ။ မြန်မာပြည်ကို ပြန်ပို့မှာလား အာချေးမှာ ဆက်နေခွင့်ရှိမလား ဒါမှမဟုတ် အခြားတနေရာမှာ သူတို့အခြေချခွင့် ရမလားဆိုတာကို သိချင်နေတာပါ။” အာချေး ဒုက္ခသည်စခန်းထဲက အမျိုးသမီးအချို့ဆိုရင် သူတို့ခင်ပွန်းတွေဟာ ၂၀၁၂/ ၂၀၁၃ကတည်းက မြန်မာပြည်ကနေ ထွက်သွားခဲ့ကြပြီး မလေးရှားမှာ ရှိနေကြတယ်လို့ ယုံကြည်ရကြောင်း ထိုက်ထိုက်ကပြောပါတယ်။ မူဆလင်ဥပုသ်လ ရာမဒမ်ကာလ ပြီးရင်တော့ သူတို့ခင်ပွန်းတွေ ဒီကို လိုက်လာကြမယ်လို့ ထင်ကြောင်းသူကပြောပါတယ်။ မြန်မာနိုင်ငံမှာ ကျန်နေသေးတဲ့ ရိုဟင်ဂျာဆိုသူတွေကတော့ အောက်တိုဘာလ ပင်လယ်ပြင် ငြိမ်သက်တဲ့အချိန်ထိ မစောင့်ဘဲ အခုလို မုတ်သုန်မိုးကာလမှာပဲ အန္တရာယ်များတဲ့ ပင်လယ်ခရီးကို ဖြတ်လာဖွယ်ရာရှိပါတယ်။ ရိုဟင်ဂျာတွေ ရင်ဆိုင်နေရတဲ့ ဘေးဒုက္ခတွေကို မြန်မာအစိုးရက ဆက်ပြီး လျစ်လျှူရှုနေဦးမယ် ဆိုရင်တော့ ရိုဟင်ဂျာတွေဟာ အန္တရယ်များတဲ့ ပင်လယ်ခရီးကို ထပ်ထွက်လာကြဦးမယ်လို့ လူ့အခွင့်ရေး လှုပ်ရှားသူတွေက ပြောပါတယ်။

NLD နဲ့ အရပ်ဘက် အဖွဲ့တွေ ရွေးကောက်ပွဲ အကြို ဆွေးနွေး

ရွေးကောက်ပွဲ အကြိုကာလ ပြင်ဆင်မှုတွေနဲ့ ပတ်သက်လို့ အရပ်ဘက်အဖွဲ့အစည်းတွေနဲ့ အမျိုးသား ဒီမိုကရေစီ အဖွဲ့ချုပ်ခေါင်းဆောင်တွေ ဒီနေ့မနက် ၉ နာရီခွဲမှာ ရန်ကုန်မြို့မှာ ဆွေးနွေးကြမယ်လို့ သိရပါတယ်။ ဒီဆွေးနွေးပွဲမှာ အပြန်အလှန်ပူးပေါင်းဆောင်ရွက်နိုင်မယ့်ကိစ္စတွေ ပြောဆိုဖြစ်လိမ့်မယ်လို့ အမျိုးသား ဒီမိုကရေစီအဖွဲ့ချုပ် ရွေးကောက်ပွဲအောင်နိုင်ရေးကော်မတီ ဥက္ကဌ ဦးတင်ဦးက RFA ကို ဒီနေ့မနက် အစောပိုင်းက ပြောပါတယ်။ "လာမယ့် ရွေးကောက်ပွဲနဲ့ ပတ်သက်ပြီးတော့ အခုက မဲစာရင်းတွေ ထုတ်ပြန်ကြတော့ cso တွေက လူပုဂ္ဂိုလ်အဖွဲ့အစည်းရဲ့ အခန်းကဏ္ဍနဲ့ ပတ်သတ်ပြီးတော့ ကူညီလုပ်ကိုင်ပေးဖို့ရယ်၊ သူတို့ကူညီလုပ် ကိုင်ပေးတဲ့ အခက်အခဲတွေ့ရတာတွေရယ်၊ ကျနော်တို့ အောင်နိုင်ရေးအဖွဲ့တွေရှိတယ်လေ အောက်ခြေမှာ ပိုမိုပြီးတော့ မှန်ကန်ပြည့်စုံအောင်၊ မဲဆန္ဒပေးခွင့်ရှိသူများ ပေးနိုင်အောင် ဒါကို ပါဝင်ပြီးလုပ်ကိုင်နိုင်ရန် အတွက် ညှိနှိုင်းတာပါ" ဆွေးနွေးပွဲမှာ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းအပါအဝင် ရန်ကုန်အခြေစိုက်အဖွဲ့တွေကို ဖိတ်ကြားထားတယ်လို့ သိရပါတယ်။