နယ်စပ်ပစ်ခတ်မှု မြန်မာသံအမတ်ကို ဘင်္ဂလားဒေ့ရှ် ဆင့်ခေါ်ကန့်ကွက်

မြန်မာနယ်ခြားစောင့်တပ်က ဘင်္ဂလားဒေ့ရ်ှအရံတပ်ဖွဲ့ကို ပစ်ခတ်ပြီး နယ်ခြားစောင့် တဦးကို ဖမ်းဆီးထားတဲ့ ကိစ္စနဲ့ ပတ်သက်ပြီး ဘင်္ဂလားဒေ့ရှ် အစိုးရက ဒါကာမြို့တော်မှာရှိတဲ့ မြန်မာသံအမတ်ကြီးကို ဆင့်ခေါ် ကန့်ကွက်လိုက်ပါတယ်။ ဘင်္ဂလားဒေ့ရ်ှနိုင်ငံခြားရေး တွဲဖက် အတွင်းဝန် Mizanur Rahman က ပြင်းပြင်းထန်ထန် ရေးသားထားတဲ့ စာကို မြန်မာသံအမတ်ကြီး ဦးမျိုးမြင့်သန်းဆီ ပေးအပ်ပြီး ဖမ်းဆီးခံ Nayak Abdur Razzak ကို ချက်ခြင်း ပြန်ပေးဖို့ တောင်းဆိုတယ်လို့ ဘင်္ဂလားဒေ့ရ်ှနိုင်ငံထုတ် The Daily Star သတင်းစာမှာ ဖော်ပြထားပါတယ်။ မြန်မာနယ်ခြားစောင့်တပ်ဖွဲ့ အနေနဲ့ တစုံတရာ ရန်စခံရတာ မရှိပဲ ပစ်ခတ်တာကိုလဲ လုံးဝ လက်မခံနိုင်ဘူးလို့ ဆိုပါတယ်။ ဒီပစ်ခတ်မှုကြောင့် စစ်သားတဦး ဒဏ်ရာရရှိခဲ့တယ်လို့လည်း ရေးသားထားပါတယ်။ ဒါ့အပြင် ဘင်္ဂလားဒေ့ရ်ှက ဒီကိစ္စနဲ့ပတ်သက်ပြီး တရားဝင် ဆွေးနွေးဖို့ ဖိတ်ခေါ်တာကို မြန်မာသံအမတ်ကြီးက ငြင်းဆန်ခဲ့တဲ့အတွက်လဲ စိုးရိမ်မကင်း ဖြစ်ရတယ်လို့ The Daily Star သတင်းစာမှာ ရေးသားထားပါတယ်။ ဘင်္ဂလားဒေ့ရ်ှဘက်ကလူတွေ ဥပဒေမဲ့ ခိုးဝင်တဲ့ကိစ္စနဲ့ပတ်သက်လို့ ရခိုင်ပြည်နယ် ၀န်ကြီးချုပ်က သံတမန်တွေကို ရှင်းပြခဲ့တဲ့အတွက် ဇွန်လ ၅ ရက်နေ့ကလဲ သံအမတ်ကြီး ဦးမျိုးမြင့်သန်းကို အဲဒီလို ဆင့်ခေါ်ခဲ့ပါသေးတယ်။

ပင်လယ်ဓားပြတွေ ဖမ်းဆီးသွားတဲ့ မလေး သင်္ဘော ပြန်လည်တွေ့ရှိ

ပြန်ပေးသမားတွေ တက်ရောက်စီးနင်းထားတဲ့ ဆီတင်သင်္ဘော Orkim Harmony ကို ဗီယက်နမ်ရေပိုင်နက်ထဲမှာ ရှာဖွေတွေ့ရှိထားတယ်လို့ မလေးရှား ရေတပ် ကပြောပါတယ်။ အခုအခါမှာ အဲဒီပြန်ပေးသမားတွေအနေနဲ့ လက်နက်ချဖို့နဲ့ သူတို့ကို အန္တရာယ်ပြုမှာ မဟုတ်ကြောင်း ကတိပေးထားတယ်လို့ မလေးရှား ရေတပ် အာဏာပိုင်တွေက ဒီကနေ့မှာ ပြောပါတယ်။ သင်္ဘောပေါ် တင်ဆောင်ထား တာတွေနဲ့ သင်္ဘောဝန်ထမ်းတွေ ဘေးကင်းလုံခြုံမှုရှိတယ်လို့ MMEA လို့ခေါ်တဲ့ မလေးရှားရေကြောင်း ကြီးကြပ်ရေး အေဂျင်စီက ကွာလာလမ်ပူမှာ ကျင်းပတဲ့ သတင်းစာရှင်းလင်းပွဲအတွင်း ပြောဆိုပါတယ်။ RON95 ဓါတ်ဆီ ပေပါပေါင်း ၅ ၀၀၀၀ တင်ဆောင်ထားတဲ့ အဲဒီသဘောင်္ဟာ ဇွန်လ ၁၁ ရက်နေ့က ဂျဟိုး ဆိပ်ကမ်းက ရေမိုင် ၃၀ အကွာမှာ ပြန်ပေးဆွဲခေါ်ဆောင် ခံရတာဖြစ်ပြီး သင်္ဘောပေါ်မှာ ပစ္စတိုသေနတ်နဲ့ ဓါး ကိုင်ဆောင် ထားတဲ့ပြန်ပေးသမား အနည်းဆုံး ၈ ဦး ရှိတယ်လို့ မလေးရှားရေတပ် အကြီးအကဲဗိုလ်ချုပ်ကြီး Abdul Aziz Jaafar က သူ့ရဲ့ တွီတာ စာမျက်နှာမှာ ရေးသားဖေါ်ပြထားပါတယ်။ အခုလအတွင်း ဒီလို သင်္ဘော ပြန်ပေးဆွဲတာ ဒါဟာ ဒုတိယအကြိမ် ဖြစ်ပါတယ်။ Orkim Harmony သင်္ဘောဟာ မလေးရှား Orkim သင်္ဘောကုမ္ပဏီကဖြစ်ပြီး သင်္ဘောဝန်ထမ်း ၂၂ ဦး ထဲမှာ မလေးရှားနိုင်ငံသား ၁၆ ယောက်၊ အင်ဒိုနီးရှားနိုင်ငံသား ၅ ယောက်နဲ့ မြန်မာ နိုင်ငံသား တယောက်ပါဝင်ပါတယ်။

ကန်ဘုရားကျောင်းမှာ ပစ်ခတ်မှုဖြစ် လူ ၉ ဦးသေ

အမေရိကန်နိုင်ငံ ​South ​Carolina ​ပြည်နယ် ​Charleston ​မြို့က ​သမိုင်းဝင် ​လူမည်း ​ဘုရားကျောင်းကို ​သေနတ်သမား ​ဝင်ရောက် ​ပစ်ခတ်လို့ ​လူ ​၉ ​ယောက် ​သေဆုံးခဲ့ပါတယ်။ အမေရိကန် ​စံတော်ချိန် ​ဗုဒ္ဓဟူး ​ည ​၉ ​နာရီလောက်မှာ ​ပစ်ခတ်မှု ​ဖြစ်ပွားတာ ​ဖြစ်ပြီး ​ပစ်ခတ်သူ ​သေနတ်သမားကတော့ ​အသက် ​၂၁ ​နှစ်အရွယ် ​လူဖြူ ​ဖြစ်ပါတယ်။ လူ ​၈ ​ယောက်ကတော့ ​ဘုရားကျောင်းအတွင်းမှာပဲ ​သေဆုံးတာ ​ဖြစ်ပြီး ​လူနှစ်ယောက်ကို ​ဆေးရုံ ​တင်ရာက ​တစ်ယောက် ​ထပ်မံ ​သေဆုံးတာ ​ဖြစ်ပါတယ်။ ပစ်ခတ်မှု ​ဖြစ်တဲ့ ​ဘုရားကျောင်းဟာ ​လူမည်းတွေ ​အတက်များတဲ့ ​Emanuel ​ဘုရားကျောင်းဖြစ်ပြီး ​အမေရိကန် ​တောင်ပိုင်းမှာ ​သမိုင်းဝင်တဲ့ ​ဘုရားကျောင်း ​ဖြစ်တယ်လို့ ​ဆိုပါတယ်။ ဗုဒ္ဓဟူးည ​သန်းခေါင်ချိန်အထိ ​သေနတ် ​သမားကို ​မမိသေးဘူးလို့ ​သိရပါတယ်။ အခုအချိန်အထိတော့ ​အသေးစိတ် ​အချက်တွေ ​မသိရသေးပါဘူး။

၂၀၁၆ ထိ ရုရှားကို ဒဏ်ခတ်ပိတ်ဆို့ဖို့ အီးယူဆုံးဖြတ်

ယူကရိန်း ​အရေးမှာ ​ရုရှားပါဝင်တယ် ​ဆိုပြီး ​ဥရောပ ​သမဂ္ဂ ​အီးယူက ​ရုရှားအပေါ် ​ဒဏ်ခတ်ပိတ်ဆို့ထားပြီး ​၂၀၁၆ ​ဇန်နဝါရီလ ​အထိ ​ဆက်လက်ချမှတ်ဖို့ ​အီးယူအဖွဲ့ဝင်တွေက ​သဘောတူခဲ့ကြပါတယ်။ အီးယူအဖွဲ့ဝင် ​နိုင်ငံပေါင်း ​၂၈ ​နိုင်ငံက ​သံအမတ်တွေ ​စုပေါင်းတွေ့ဆုံပြီးနောက် ​ရုရှားအပေါ် ​ဒဏ်ခတ်ပိတ်ဆို့မှု ​ဆက်လုပ်ဖို့ ​သဘောတူခဲ့ကြတာပါ။ အဲဒီ ​သဘောတူညီချက်ကို ​အီးယူ ​နိုင်ငံခြားရေး ​ဝန်ကြီးတွေက ​လာမယ့် ​တစ်ပါတ်မှာ ​တွေ့ဆုံဖို့ရှိပြီး ​အဲဒီမှာ ​အပြီးသတ် ​လုပ်ဆောင်မှာ ​ဖြစ်ပါတယ်။ မနေ့တုန်းကပဲ ​အနောက်အုပ်စု ​နေတိုးအဖွဲ့အနေနဲ့ ​တပ်နေရာ ​ချထားမှုတွေ ​ပိုလုပ်မယ်လို့ ​ပြောပါတယ်။ ရုရှား ​သမ္မတက ​သူတို့ရဲ့ ​လက်နက်တိုက်ထဲကို ​ပဲ့ထိန်းဒုံးပေါင်း ​၄၀ ​ထည့်သွင်းမယ်လို့ ​ပြောဆိုပြီးနောက် ​နေတိုးအဖွဲ့က ​အဲလို ​ပြောဆိုလိုက်တာပါ။ ရုရှားက ​ယူကရိန်းအရှေ့ပိုင်းမှာ ​ကွဲပြဲမှုတွေ ​ဖြစ်အောင် ​လုပ်ဆောင်နေတဲ့အပေါ် ​ကာကွယ်ဖို့ ​လိုအပ်တဲ့အတွက် ​တပ်နေရာ ​တိုးထားတာလို့ ​ဆိုပါတယ်။ ရုရှားကတော့ ​သူတို့နယ်နဲ့ ​နီးတဲ့ ​နေရာကို ​နေတိုးရောက်လာတာ ​ဖြစ်ပြီး ​သူတို့က ​နေတိုးဆီ ​သွားပြီး ​ရန်စနေတာ ​မဟုတ်ဘူးလို့ ​တုန့်ပြန်ထားပါတယ်။ ယူကရိန်းနိုင်ငံ ​ကွဲပြားအောင် ​ရုရှားက ​ယူကရိန်းသူပုန်တွေကို ​စစ်အင်အားတွေ၊ ​လက်နက်တွေ ​ကူညီတယ်လို့ ​အနောက်တိုင်းနိုင်ငံက ​ယုံကြည်တဲ့အတွက် ​ရုရှားအပေါ် ​ဒဏ်ခတ်ပိတ်ဆို့ထားတာ ​ဖြစ်ပါတယ်။

ဆေးလိပ်သောက်ခြင်းကြောင့် ကင်ဆာရောဂါ ၁၂ မျိုး ထိ ဖြစ်စေနိုင်

သဆုံးခြင်းကို ဖြစ်ပေါ်စေနိုင်တဲ့ ကင်ဆာ ရောဂါ ၁၂ မျိုးဟာ စီးကရက် သောက်ခြင်းနဲ့ တိုက်ရိုက် ချိတ်ဆက်နေတယ်လို့ အမေရိကန် လေ့လာမှု တစ်ခုက ဖော်ပြလိုက်ပါတယ်။ သေဆုံးမှု အများဆုံး ဖြစ်ပေါ်စေခဲ့တဲ့ ကင်ဆာရောဂါတွေကတော့ အဆုတ် ၊ အဆုတ် ရဲ့ အသက်ရှု လမ်းကြောင်းကို လုပ်ဆောင်ပေးတဲ့ Bronchus ၊ အဆုတ်ရဲ့ လေပြွန် ( Trachea ) နဲ့ အဆုတ်ရဲ့ ပထမဆုံး လုပ်ဆောင်တဲ့ နေရာ ( Larynx ) တို့ ဖြစ်ပြီး သားအိမ် ကင်ဆာ ၊ အစာပြွန် ကင်ဆာ နဲ့ ကပ္ပယ် အိတ် ကင်ဆာ တို့ အားလုံးဟာ စီးကရက် ကြောင့် ဖြစ်ပေါ်လာနိုင်တယ်လို့ လေ့လာမှု က ရှာဖွေတွေ့ရှိခဲ့ပါတယ်။ "ကျွန်ုပ်တို့ အမေရိက မှာ ဆေးရွက်ကြီး ကို ဆန့်ကျင်တဲ့ လုပ်ဆောင်ချက်တဲ့ အများကြီး လုပ်ဆောင်နေတဲ့ အချိန်မှာ ဒီ ရလဒ်တွေဟာ အဆိုးဆုံး အခြေအနေဖြစ်ပါတယ်။ ကျွန်ုပ်တို့ ဆောင်ရွက်စရာတွေ အများကြီး ကျန်နေပါသေးတယ်။" အတ္တလန်တာ မှာ ရှိတဲ့ အမေရိကန် ကင်ဆာ လူ့အဖွဲ့အစည်း ရဲ့ သုတေသီ တစ်ယောက်ဖြစ်တဲ့ Rebecca Siegel က ဆိုပါတယ်။ Siegel နဲ့ အဖွဲ့ဝင်တွေဟာ ၂၀၁၁ ခုနှစ်က အမေရိက မှာ ကင်ဆာရောဂါကြောင့်သေဆုံးသူ ၃၄၅၉၆၂ ယောက် ရှိခဲ့ပြီး ၁၆၇၈၀၅ အရေအတွက် ရှိတဲ့ အသက် ၃၅ နှစ်နဲ့ အထက် ကင်ဆာရောဂါ သည်တွေဟာ ဆေးလိပ်သောက်ခြင်းကြောင့် ကင်ဆာရောဂါ ဖြစ်လာခဲ့သူတွေ ဖြစ်တာကို လေ့လာတွေ့ရှိခဲ့ကြပါတယ်။ သုတေသီအဖွဲ့ဟာ အမျိုးသား စစ်တမ်းကောက်ယူရေး အဖွဲ့ရဲ့ အချက်အလက်တွေကို အခြေခံပြီး တစ်ဦးချင်းရဲ့ ကျန်းမားရေး ရာဇ၀င်တွေနဲ့ ဆေးလိပ်သောက်တတ် မှုတွေကို တစ်ဦးချင်း မေးမြန်းပြီး လေ့လာခဲ့တာပဲ ဖြစ်ပါတယ်။ အသက် ၊ လူမျိုး ၊ ပညာရေး အဆင့် နဲ့ အရက်သောက်သုံးမှု ပမာဏ တွေကိုပါ တွက်ချက်ပြီးမှ ထို အဖြေ ကို ရခဲ့တာပဲ ဖြစ်ပါတယ်။ ဆေးလိပ်သောက်သုံးသူ ပမာဏ နဲ့ ကင်ဆာရောဂါ ဖြစ်ပွားနှုန်းကို အချိုးကျတွက်ချက်လိုက်တဲ့အခါမှာတော့ အဆုတ်နဲ့ ပတ်သက်တဲ့ ကင်ဆာရောဂါရှင် ၁၂၅၇၉၉ ယောက်မှာ ၈၀ ရာခိုင်နှုန်းသော ကင်ဆာရောဂါရှင်တွေဟာ ဆေးလိပ်သောက်တတ်ကြတာကိုလည်း တွေ့ခဲ့ရပါတယ်။ ၅၀ ရာခိုင်နှုန်းသော သေဆုံးမှုတွေကတော့ အစာပြွန် အသားပို ကြောင့်ဖြစ်ပြီး ၄၅ ရာခိုင်နှုန်းသော သေဆုံးမှု တွေကတော့ ကပ္ပယ်အိတ် ကင်ဆာ ကြောင့် ဖြစ်ကြပါတယ်။ သုတေသီတွေ ထပ်မံ ရှာဖွေတွေ့ရှိခဲ့တာကတော့ ဆေးလိပ်သောက်ခြင်းကြောင့် ကျောက်ကပ် ကင်ဆာ နဲ့ သေဆုံးခဲ့သူ ၁၇ ရာခိုင်နှုန်းရှိပြီး အစာအိမ် ကင်ဆာ ကြောင့် သေဆုံးသူ ၂၀ ရာခိုင်နှုန်း နဲ့ ၂၄ ရာခိုင်နှုန်းခန့်ဟာလည်း အသည်း ကင်ဆာ ရောဂါ ကြောင့် သေဆုံးခဲ့ ရတာ ဖြစ်ပါတယ်။

IS အဖွဲ့ကိုတိုက်ဖို့ အီရတ်မှာ စစ်သား ပိုမိုလိုအပ်

အီရတ်နိုင်ငံထဲမှာ လာမယ့် ဆောင်းဦးပေါက်ကာလ မတိုင်မီ စစ်သား ၂ ၄၀၀၀ ရဖို့ဆိုတာ ဘယ်လိုမှ မဖြစ်နိုင်ဘူးလို့ အမေရိကန် စစ်ဘက် ထိပ်တန်းအကြီးအကဲ ၂ ယောက်က ပြောဆိုလိုက်ပါတယ်။ အီရတ်နိုင်ငံထဲမှာ အမေရိကန်က ပေးနေတဲ့ စစ်သင်တန်းတွေမှာ တက်ရောက်ဖို့ လုံလောက်တဲ့ စစ်သားအရေအတွက် မရနိုင်ဖြစ်နေတယ်လို့ အမေရိကန် ကွန်ကရက်စ် လွှတ်တော်ကြားနာပွဲမှာ အမေရိကန် ကာကွယ်ရေးဝန်ကြီး Ashton Carter ကရော ပူးတွဲစစ်ဦးချုပ်ရုံးရဲ့ အကြီးအကဲ ဗိုလ်ချုပ်ကြီး Martin Dempsey ကပါ ပြောကြားခဲ့တာ ဖြစ်ပါတယ်။ IS တွေကို အပြီးတိုင် ချေမှုန်းနိုင်ဖို့ဆိုရင် အီရတ်နိုင်ငံတွင်းက တပ်ဖွဲ့တွေကိုယ်တိုင် မြေပြင်တိုက်ပွဲတွေ ဆင်နွှဲဖို့ လိုအပ်နေတယ်ဆိုပြီး မစ္စတာ Carter ကပြောသွားပါတယ်။ IS အဖွဲ့ကို ကိုင်တွယ်နိုင်ရေးမှာ အီရတ်အစိုးရ အနေနဲ့ ပိုပြီး အလေးအနက်ထား ဆောင်ရွက်ဖို့နဲ့ အီရတ်နိုင်ငံထဲက ဆွန်နီမွတ်စလင်တွေကိုလည်း IS ဆန့်ကျင်ရေးစစ်ပွဲတွေမှာ ပိုမိုပါဝင်လာအောင် ပြုလုပ်ပေးဖို့ အမေရိကန်က တိုက်တွန်း ထားပါတယ်။

ဟာင်ကောင် ရွေးကောက်ပွဲ မူကြမ်းကို အမတ်တွေ ပယ်ချ

တရုတ်အစိုးရက ထောက်ခံတဲ့ ဟောင်ကောင် အုပ်ချုပ်ရေးမှူးသစ် ရွေးကောက်ပွဲ ပြုပြင်ပြောင်းလဲရေး မူကြမ်းကို လွှတ်တော်မှာ အချေအတင် ဆွေးနွေးပြီးတဲ့နောက် မဲခွဲဆုံးဖြတ်ရာမှာ လွှတ်တော်အမတ်တွေက ပယ်ချခဲ့ပါတယ်။ လွှတ်တော်အမတ် ၃၇ ဦးရှိတဲ့အနက် ၈ ဦးက ထောက်ခံပြီး ၂၈ ဦးက ကန့်ကွက်ခဲ့ပါတယ်။ ဒီပြုပြင်ပြောင်းလဲရေး မူကြမ်းဟာ အနည်းဆုံး ၄၇ မဲရရှိမှ အတည်ဖြစ်မှာ ဖြစ်ပါတယ်။ လွှတ်တော်အမတ် အများစုက ကန့်ကွက်ခဲ့အတွက် ဒီမူကြမ်းဟာ အောင်မြင်မှု မရနိုင်ဘူးလို့လည်း သတင်းတွေက ဆိုပါတယ်။ အခုလို ဟောင်ကောင် လွှတ်တော်အမတ်တွေက ကန့်ကွက်ခဲ့တဲ့အတွက် ထောက်ခံမဲ ၃ ချိုး ၂ ချိုး မရရှိတာကြောင့် ဒီမူကြမ်းဟာ အတည်မဖြစ်နိုင်ပါဘူးလို့ ဟောင်ကောင် ဥပဒေပြုကောင်စီ ဥက္ကဌ Jasper Tsang က ပြောပါတယ်။ ဟောင်ကောင် အုပ်ချုပ်ရေးမှူးသစ်ကို တရုတ်အစိုးရက ချပေးထားတဲ့ ကိုယ်စားလှယ်လောင်းတွေထဲကသာ ဟောင်ကောင်ပြည်သူတွေက ရွေးချယ်ရမှာ ဖြစ်ပါတယ်။ ဒီအစီအစဉ် မူကြမ်းနဲ့ ပတ်သက်ပြီး ဆန္ဒပြခဲ့ကြတဲ့ ဟောင်ကောင်ရှိ ဒီမိုကရေစီရေး လှုပ်ရှားသူတွေကတော့ ဒါဟာ ဒီမိုကရေစီ အတုအယောင်သာ ဖြစ်တယ်လို့ ဆိုကြပါတယ်။ ၂၀၁၇ ခုနှစ်မှာ ဟောင်ကောင်အုပ်ချုပ်ရေးမှူး အကြီးအကဲကို ဟောင်ကောင် ပြည်သူတွေ ပထမဆုံးအကြိမ် မဲပေး ရွေးချယ်ခွင့် ရရှိမှာဖြစ်ပေမယ့် တရုတ်အစိုးရကို လိုလားတဲ့ ကိုယ်စားလှယ်လောင်း ၁၂၀၀ ဦးပါ ကော်မတီက သူတွေကိုသာ ရွေးချယ် အတည်ပြုပေးရမှာ ဖြစ်ပါတယ်။ ဒါကြောင့် ဒီရွေးကောက်ပွဲ မူကြမ်းအပေါ် ဆန့်ကျင်မှုတွေ ဖြစ်ပေါ်နေတဲ့အတွက် လွှတ်တော်မှာ မဲခွဲဆုံးဖြတ်ခဲ့တာ ဖြစ်ပါတယ်။

ဂျော်ဂျီယာနိုင်ငံတွင် တိရစ္ဆာန်ရုံမှ ထွက်ပြေး လွတ်မြောက်လာသည့် ကျားတစ်ကောင် ၏ တိုက်ခိုက်မှုကြောင့် လူတစ်ဦးသေဆုံး

ဂျာ်ဂျီယာနိုင်ငံ မြို့တော် ထဘလီဆီ ၌ ယမန်နေ့တွင် တိရစ္ဆာန်ရုံမှ ထွက်ပြေး လွတ်မြောက်လာသည့် ကျားတစ်ကောင် ၏ တိုက်ခိုက်မှုကြောင့် လူတစ်ဦး သေဆုံးခဲ့ကြောင်း သိရသည်။ မျက်မြင်သက်သေ များ၏ ပြောကြားချက် အရ အဆိုပါ ကျားသည် မြို့တော်ရှိ တိရ စ္ဆာန်ရုံ အနီး အဆောက်အအုံ တစ်ခုအတွင်း တိုက်ခိုက်ခဲ့ခြင်း ဖြစ်သည်။ တိုက်ခိုက် မှုကြောင့် သေဆုံးခဲ့သူမှာ အသက် ၄ဝ ကျော်ရှိ အမျိုးသား တစ်ဦးဖြစ်ပြီး ၄င်းကို သက်ဆိုင်ရာက ဆေးရုံသို့ သယ်ဆောင် လာချိန်တွင် သေဆုံး ခဲ့ခြင်းဖြစ်ကြောင်း ဆေးရုံ အာဏာပိုင် များက ပြောကြား ခဲ့သည်။ အဆိုပါ တိုက်ခိုက်မှု ဖြစ်ပွားပြီး နောက်ပိုင်းတွင် ဒေသတွင်းရှိ ရဲတပ်ဖွဲ့က အခင်းဖြစ်ပွားရာ နေရာသို့ ရောက်ရှိလာခဲ့ပြီး ယင်းကျားကို ပစ်သတ်ခဲ့ ရကြောင်း သိရသည်။ ဂျော်ဂျီယာ နိုင်ငံတွင် ပြီးခဲ့သည့် သီတင်းပတ် အကုန်ပိုင်းမှ စ၍ မိုးသည်းထန်စွာ ရွာသွန်းမှုကြောင့် မြို့တော်ရှိ တိရစ္ဆာန်ရုံမှ သားရဲ အများအပြား ထွက်ပြေး လွတ်မြောက် ခဲ့ခြင်းကြောင့် အာဏာပိုင် များသည် လွန်ခဲ့သည့် ရက်များအတွင်း အဆိုပါသားရဲ တိရစ္ဆာန်များကို လိုက်လံရှာဖွေ ခဲ့ရကြောင်း ထုတ်ပြန် ကြေညာချက် များအရ သိရသည်။ မြို့တော်တွင် ဖြစ်ပွားခဲ့သည့် ရေကြီးမှု များကြောင့် ထွက်ပြေး လွတ်မြောက် သွားသည့် တိရစ္ဆာန် များတွင် ဝံပုလွေများ၊ ရေမြင်းများ၊ ဝက်ဝံများနှင့် ကျားများ ပါဝင်သည်ဟု သိရသည်။

တောင်ပိုင်း ၀ စစ်ရေးတင်းမာမှုကြောင့် မြောက်ပိုင်း ၀ နယ် ၌ စစ်ဆင်ရေးအထူးလေ့ကျင့်

သျှမ်းပြည်အရှေ့ပိုင်းတာချီလိတ်နှင့် မိုင်းဆတ်ခရိုင် ထိုင်းနယ်စပ်တလျှောက် စစ်ရေးတင်းမာမှုကြောင့် UWSA ၀ပြည် သွေးစည်း ညီညွတ်ရေး တပ်မတော် ထိန်းချုပ် တရုတ်နယ်စပ် ၀ ကိုယ်ပိုင်အုပ်ချုပ်ခွင့်ရ နယ်မြေအတွင်း စစ်ရေးအထူး လေ့ကျင့်နေကြောင်း ကြားသိ ရသည်။ သျှမ်းပြည်အရှေ့ပိုင်း ပန်ဝိုင်၊ နားဖန်း၊ မိုင်းမော နှင့် ပန်ဆန်းမြို့နယ်များ အတွင်း UWSA ၀တပ်ဖွဲ့က လေယာဉ်ပစ်သေနတ်၊ တိုက်ပွဲဝင် သံချပ်ကာ ကား၊ လက်နက်ကြီးများ၊ သုံးစွဲမှုမရှိသည့် သေးသည့် သေနတ်များ ထုတ်ဖေါ် ကာ စစ်ရေးအထူးလေ့ကျင့် နေကြောင်း အမည်မဖေါ်လိုသည့် ၀ ကေဒါ တဦးကပြောသည်။ “တပ်စခန်းတက်သိမ်းသလို၊ ရန်သူကို တိုက်နေသလို လေ့ကျင့်ရတယ်။ ၁၀၅ ၊ ၁၂၀ တွေ ပါတယ်။ ကျနော်တို့ကတော့မကိုင်ရဘူး။ တခြားတွေဟာလဲ ရှိမှာပေါ့ ၊ လေ့ကျင့်ရေး စတာ ၄-၅ ရက်လောက် ရှိပြီ” - ဟု အဆိုပါ အရာရှိ ကပြောသည်။ အဆိုပါ စစ်ရေးလေ့ကျင့်ပစ်ခတ် ကွင်းတွင် ၀ ဒုစစ်ဦးစီးချုပ် ကျောက်ကျုံး တန်း ၊ ပြောရေးဆိုခွင့် ဦးအောင်မြင့် နှင့် အရာရှိ ၀ လူကြီးမင်းများ တက်ရောက်ကြသည်ဟု ဆိုသည်။ “မိုင်းလားနဲ့ မိုင်းပေါက် ဘက်မှာ ထူးခြားလှုပ်ရှားတာမရှိဘူး။ တောင်ပိုင်း ထိုင်းနယ်စပ်ကတော့ အခြေ အနေ သိပ်မကောင်းသေးဘူး။ ခရီးသွားလာ ခွင့်ပိတ်ပင်တယ်ဆိုတာ မဟုတ်ပါဘူး။ သူတို့ က အခြေ အနေကြည့်ပြီး မသွားရဲတာ။ ကုန်တင်၊ ခရီးသည်တင်ကားတွေက” - ဟု တာချီလိတ် တပ်အသိုင်း အဝိုင်းကပြောသည်။ ဂျွန် ၁၇ ရက်နေ့ ည ပိုင်း ၁၀ နာရီအချိန် တြိဂံစစ်တိုင်းရုံးမှ ရောက်ရှိလာသည့် အစိုးရတပ် သံချပ်ကာ ကားများ တာချီလိတ်မြို့မှ မိုင်းဆတ်မြို့အသွား လမ်း ဘက်သို့ ဦးတည်သွားနေကြောင်း တာချီလိတ် ဒေသခံ လုံးကျောဝ့်ကပြော သည်။ ၁၉၉၈ ခုနှစ်က သျှမ်းပြည်တပ်မတော်အား တိုက်ခိုက်ခြေမှုန်းရန် (ထိုစဉ်) စစ်အစိုးရ နိုင်ငံတော်ဝန်ကြီး ချုပ် ဒုတိယ ဗိုလ်ချုပ်ကြီးခင်ညွန့်၏အမိန့်ဖြင့် ထိုင်းနယ်စပ်သို့ ၀ တပ်ဖွဲ့များ ရောက်ရှိလာခြင်းဖြစ် သည်။ ၂၀၀၉ ခုနှစ်က နယ်ခြားစောင့်တပ် အသွင်ပြောင်းရန် ဖိအားပေးသည့် အပေါ် ၀ တပ်ဖွဲ့များက ငြင်း ဆန်သောကြောင့် ထိုစဉ်ကလည်း စစ်ရေးတင်းမာ မှုဖြစ်ခဲ့ဖူးသည်။ မြောက်ပိုင်းဝ နယ်သို့ အားလုံး တပ်ရုပ်ပြန်ကြရန်လဲ စစ်အစိုးရ က ညွှန်ကြားခဲ့ဖူးသည်။

နိုင်ငံသားပေးရေးကိစ္စ သတိထားဖို့ ဒေါ်အောင်ဆန်း စုကြည် ပြောကြား

လူနည်းစုတွေကို နိုင်ငံသားအဖြစ် သတ်မှတ်ရေးကိစ္စဟာ အင်မတန် ထိလွယ်ရှလွယ် သိမ်မွေ့လွန်းတာမို့ ပွင့်လင်းမြင်သာမှုရှိရှိနဲ့ အများကြီး သတိထားလုပ်ဆောင်ရမယ့် ကိစ္စဖြစ်တယ်လို့ ဒေါ်အောင်ဆန်းစုကြည်က ပြောကြားလိုက်ပါတယ်။ မနေ့ညက ထွက်လာတဲ့ အမေရိကန် ပြည်ထောင်စုက ဝါရှင်တန်ပို့စ် သတင်းစာကြီးနဲ့ အင်တာဗျူး မေးမြန်းခန်းမှာ ရိုဟင်ဂျာတွေကို နိုင်ငံသားပေးသင့်ပါသလားလို့ မေးမြန်းတာကို သူက တိုက်ရိုက် မဖြေပဲ အခုလို ပြောသွား တာဖြစ်ပါတယ်။ မြန်မာနိုင်ငံမှာ ဘာသာရေးအုပ်စုတွေ လူမျိုးရေး အုပ်စုတွေ အများအပြားရှိနေပြီး အုပ်စုကို တစ်ခုခု လုပ်ပေးလိုက် ရင် တခြား အုပ်စုတစ်စုကို ဆက်နွယ်ထိပါးသွားနိုင်ပါတယ်။ ဒီလို အင်မတန်နက်နဲ ရှုတ်ထွေးတဲ့ ကိစ္စရပ်မျိုးကို နေ့ချင်းညချင်း အချိန်တိုတိုနဲ့ ဖြေရှင်းနိုင်မှာ မဟုတ်ဘူးလို့ အဲ့ဒီမေးမြန်းခန်းမှာ ဒေါ်အောင်ဆန်းစုကြည် က ပြောသွားပါတယ်။ မြန်ဆန်ထိရောက်စွာ သတိကြီးစွာနဲ့ ကိုင်တွယ်ရမှာဖြစ်ပြီး အစိုးရအနေနဲ့ လုပ်ဆောင်နေတာတွေဟာ ကျေနပ်လုံလောက်စရာ ရှိရဲ့လားဆိုတာ ပြောရမှာခက်တယ်လို့ ဆိုပါတယ်။

ယီမင်မြို့တော်မှာ ဗုံးတွေ ဆက်တိုက်ကွဲ

ယီမင် နိုင်ငံ မြို့တော် ဆားနား မှာ ဗုံး ပေါက်ကွဲ မှု တွေ ဆက်တိုက် ဖြစ် ပေါ် ခဲ့ ပြီး အနည်းဆုံး လူ ၃၁ ဦး သေဆုံး သွား ပါတယ်။ မွတ်ဆလင်မ် တို့ ရဲ့ ဥပုသ်လ Ramadan ကျရောက် မယ့် အကြို ညနေခင်း ဘုရားဝတ် ပြုနေ တဲ့ ရှီအာ မွတ်ဆလင်မ် ပလီ တွေ အပါအဝင် ရှီအာ သူပုန် ဟူသီ တွေ ရဲ့ ရုံးခန်း တွေ ကိုပါ ပစ်မှတ် ပြီး တိုက်ခိုက် ခဲ့တာ ဖြစ် ပါတယ်။ အဲဒီ့ တိုက်ခိုက် မှု တွေ ကို အစ္စလာမ်မစ် နိုင်ငံ အဖွဲ့ IS တွေ က သူတို့ လုပ် ဆောင် ခဲ့တာ ဆိုပြီး ပြောပါတယ်။ ပြည်ပ ရောက် ယီမင် အစိုးရ နဲ့ ဟူသီ သူပုန် တွေ ဟာ ကုလသမဂ္ဂ အရာရှိ တွေ နဲ့ အတူ ဂျနီဗာ မှာ ငြိမ်းချမ်းရေး အတွက် စကားပြောပွဲ တွေ ပြုလုပ် နေချိန် မှာပဲ အခုလို ဗုံးခွဲ တိုက်ခိုက် မှု တွေ ဖြစ် ပေါ် လာတာ ပါ။ အပစ်ရပ် သဘောတူ မှု တစ်ရပ် ထွက် ပေါ် လာဖို့ ဂျနီဗာ ဆွေးနွေးပွဲ တွေ မှာ တိုးတက် မှု အနည်းငယ် ရှိလာတယ် လို့ သတင်း တွေ ထွက် နေပါတယ်။

အခြေခံဥပဒေပြင်ဆင်ရေးမူကြမ်း NLD အမတ်အားလုံး ပါဝင်ဆွေးနွေးမည်

၂၀၀၈ ဖွဲ့စည်းပုံ အခြေခံ ဥပဒေကို ပြင်ဆင်တဲ့ မူကြမ်းကို NLD အမျိုးသား ဒီမိုကရေစီ အဖွဲ့ချုပ်က လွှတ်တော် ကိုယ်စားလှယ် ၄၂ ယောက်စလုံး ပါဝင်ဆွေးနွေးမယ်လို့ သိရပါတယ်။ အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်ကလွဲပြီး ကျန်တဲ့ NLD ကိုယ်စားလှယ်အားလုံး ဝင်ရောက်ဆွေးနွေးဖို့ အမည်စာရင်းပေးထားကြောင်း ပြည်သူ့လွှတ်တော်ကိုယ်စားလှယ် ဒေါက်တာဇော်မြင့်မောင် က ပြောပါတယ်။ "ကျနော်တို့ တော်တော်များများသွင်းပါတယ်၊ လူတိုင်းနီးပါးပေါ့နော်၊ ပြင်မယ့်ပုဒ်မတွေ ၄၃၆ ( က ) ထဲမှာပါတာရယ်၊ ၄၃၆ ( ခ ) ထဲမှာ ပါတာတွေကများတဲ့ အခါကျတော့ ကျနော်တို့လူအကုန်နီးပါးပါဘဲ၊ ဥက္ကဌတော့မပါဘူး၊ ကျန်တဲ့လူတွေကတော့ ကိုယ်ဆွေးနွေးမယ့် ပုဒ်မလေးတွေကို စာရင်းသွင်းထားပါတယ်၊ များသောအားဖြင့် ကတော့ ဥက္ကဌရဲ့လမ်းညွှန်မှုအောက်မှာ ရှိတဲ့အခါကျတော့ ကျနော်တို့ ကျန်တဲ့လူတွေ အကုန်ဆွေးနွေးပါတယ်" ဒေါက်တာဇော်မြင့်မောင်၊ ဦးဝင်းမြင့်၊ ဦးအောင်ကြည်ညွှန့်၊ ဦးနိုင်ငံလင်းနဲ့ ဒေါ်ခင်စန်းလှိုင်တို့က ဖွဲ့စည်းပုံအခြေခံ ဥပဒေပြင်ဆင်ရေးမူကြမ်းထဲက အရေးကြီး ပုဒ်မတွေဖြစ်တဲ့ ပုဒ်မ ၄၃၆ နဲ့ ပုဒ်မ ၅၉(စ)ကို အဓိကဆွေးနွေးသွား မယ်လို့ သိရပါတယ်။ ဖွဲ့စည်းပုံအခြေခံဥပဒေကို ပြင်ဆင်တဲ့မူကြမ်းအပေါ် ဆွေးနွေးမယ့် လွှတ်တော် ကိုယ်စားလှယ်တွေက မနက်ဖြန်နောက်ဆုံးထားပြီး ပြည်ထောင်စုလွှတ်တော် ရုံးမှာ အမည်စာရင်းပေးသွင်းရမှာဖြစ်ပါတယ်။

ထိုင်းအနွယ် မြန်မာနိုင်ငံသားဒုက္ခသည်တွေ ထိုင်းနိုင်ငံသားဖြစ်လာ

ထိုင်းနိုင်ငံ မှာ နိုင်ငံမဲ့ အဖြစ် နှစ် အတော်ကြာ နေထိုင် လာကြပြီ ဖြစ်တဲ့ မြန်မာနိုင်ငံဖွား ထိုင်းအနွယ် မြန်မာနိုင်ငံသား ၆ ယောက် ကို ထိုင်းအစိုးရ အမိန့် နဲ့ ဇွန်လ ၁၇ ရက် ဗုဒ္ဓဟူး နေ့ မွန်းလွဲပိုင်း တုံးက မဲဆောက် မြို့ပိုင်ရုံး မှာ ချက်ချင်း ထိုင်းနိုင်ငံသား မှတ်ပုံတင် ကတ်ပြား တွေကို ထုတ်ပေးလိုက်ပါတယ်။ အဲဒီလို ထိုင်းနိုင်ငံသား မှတ်ပုံတင်ကတ် တွေ ရသွား တဲ့အမျိုးသား ၃ ယောက် နဲ့အမျိုးသမီး ၃ ယောက် ဟာ မြန်မာနိုင်ငံ ကရင်ပြည်နယ် မြဝတီ မြို့နယ် ထဲက ဟွေ့စန့်ရွာသား တွေ ဖြစ်ကြ ပါတယ်။ သူတို့ဟာ ကရင်ပြည်နယ် တွင်း စစ်ပွဲတွေကြောင့် လွန်ခဲ့တဲ့ အနှစ် ၃၀ ကျော် ကတည်းက စစ်ပြေး ဒုက္ခသည် တွေ အဖြစ် နဲ့ ထိုင်းဘက် ကို ထောင်နဲ့ချီ ထွက်ပြေး တိမ်းရှောင် လာတဲ့ သူတွေ ထဲက ဖြစ်ပါတယ်။ သူတို့ဟာ ထိုင်းနိုင်ငံသား ဖြစ်ခွင့် လျှောက် ထားခဲ့ကြ တာ နှစ် အတော် ကြာ သွားပါပြီ။ ကြံ့ကြာ နေတဲ့ အတွက် ထိုင်း ရှေ့နေများ ကောင်စီ ရဲ့ အကူအညီ နဲ့ အခြေခံ ဥပဒေ တရားရုံး မှာ ထိုင်း ပြည်ထဲရေး ဝန်ကြီး ဌာန ကို တရားစွဲတာ အနိုင် ရသွား လို့ အခုလို ချက်ချင်း ထိုင်းနိုင်ငံသား မှတ်ပုံတင် ကတ်ပြား တွေ ရသွား ကြတာပါ။ ထိုင်းအစိုးရ ဟာ တဆက်တည်း မှာပဲ မဲဆောက် အပါအဝင် ထိုင်းနိုင်ငံ တာ့ခ်ခရိုင် နယ်စပ် ၅ မြို့နယ် အတွင်းက ထိုင်း အနွယ်ဖွား မြန်မာနိုင်ငံသား စစ်ပြေး ဒုက္ခသည် တွေ အားလုံးကို ပါ ထိုင်း နိုင်ငံသား မှတ်ပုံတင် တွေ ထုတ်ပေး လိုက်ဖို့ အခု ဇွန်လ ၈ ရက်နေ့ နေ့စွဲ နဲ့ အမိန့် ထုတ်ပြန် ခဲ့ ပါတယ်။ ထိုင်းအနွယ်ဖွား မြန်မာ နိုင်ငံသား ဆိုတာ မြန်မာနိုင်ငံ နယ်နိမိတ် ထဲမှာ နေထိုင် တဲ့ ထိုင်း လူမျိုးတွေ နဲ့ အနွယ်တူ လူမျိုးတွေ ကို ဆိုလိုတာပါ။ ထိုင်း နိုင်ငံသားရဖို့ ကျန်နေသေးတဲ့ မဲဆောက်က လူ ၄ ရာကျော် လည်း နဲ့ ပတ်သက်ပြီး တော့ လည်း အမြန်ဆုံး မဲဆောက် မြို့ပိုင်ရုံး ကို လာပြီး ဆက်သွယ်ကြဖို့ နဲ့ လာမယ့် ဇူလိုင်လ ၁ ရက် နေ့မှာ ကျမ်းသစ္စာ ကျိန်ဆိုပွဲ လုပ်မှာ ဖြစ်တယ် လို့ နိုင်ငံမဲ့ တွေ အရေး ဆောင်ရွက် ပေးနေတဲ့ ထိုင်းရှေ့နေများ ကောင်စီ လူ့အခွင့်အရေး၊ နိုင်ငံမဲ့များအရေး နဲ့ ရွှေ့ပြောင်း အလုပ်သမား ရေးရာ ဌာန တာဝန်ခံ နိုင်ဆူရဖုန် ကောင်ကျန်ထစ် က ဘီဘီစီ ကို ပြောပါတယ်။ ကျမ်း သစ္စာ ပြုပွဲအ ပြီး ၃ လ အတွင်း အားလုံး ထိုင်း နိုင်ငံသား မှတ်ပုံတင် ကတ်ပြားတွေ ရ ကြမယ် လို့ လည်း နိုင်ဆူရဖုန် ကောင်ကျန်ထစ် က ဆိုပါတယ်။ တာ့ခ် ခရိုင် ထဲမှာ ထိုင်းနွယ်ဖွား မြန်မာနိုင်ငံသား စစ်ပြေး ဒုက္ခသည် တွေ သောင်းနဲ့ချီ ရှိခဲ့ ပါတယ်။ ထိုင်း-မြန်မာ နယ်စပ် တလျှောက် လုံးမှာ ဆိုရင်တော့ တစ်သိန်း ကျော်ပါတယ်။ ထိုင်း အစိုးရ အဆက်ဆက် က အဲဒီ လူတွေကို တသုတ်ပြီး တသုတ် နိုင်ငံသား ပေးလာ ခဲ့ပေမယ့် အခု အချိန် အထိ ထိုင်း-မြန်မာ နယ်စပ် တလျှောက်လုံး မှာ ထိုင်း နိုင်ငံသား ရဖို့ စောင့်ဆိုင်း နေသူ တွေ သောင်းနဲ့ ချီ ကျန်နေ ပါသေးတယ်။

ဘွန်ဒက်လီဂါ ကစားသမား Roberto Firmino ကို လီဗာပူး အသင်း အလွန်စိတ်ဝင်စားနေ

လီဗာပူး အသင်းဟာ ဘွန်ဒက်လီဂါ အသင်းတစ်သင်းဖြစ်တဲ့ Hoffenheim အသင်းမှ အလယ်တန်း ကစားသမား Roberto Firmino ကို အလွန်စိတ်ဝင်စားကြောင်း ပြသနေတယ်လို့ ဘရာဇီးလ် သတင်းဌာန တစ်ခုက ဖော်ပြလိုက်ပါတယ်။ အသက် ၂၃ နှစ်သာ ရှိသေးတဲ့ Firmino ဟာ မန်ချက်စတာယူနိုက်တက် နဲ့ မန်ချက်စတာစီးတီး တို့လို အသင်းကြီးတွေရဲ့ မျက်စိကျမှုတွေကိုလည်း ခံနေရပြီး ဒီနွေရာသီမှာ ပရီးမီးယားလိဂ် ကို ပြောင်းရွှေ့ဖို့လည်း သတင်းတွေထွက်နေပါတယ်။ ဒါပေမယ့်လည်း အဲဒီ အသင်းကြီးတွေထဲမှာမှ လီဗာပူးဟာ ရှေ့ဆုံးနေရာက တန်းစီနေပြီး ဘရာဇီးလ် လက်ရွေးစင် ဘောလုံးသမား Firmino ကို အန်ဖီးလ်ကွင်းကို ခေါ်ဆောင်လာဖို့ စီစဉ်နေကြပါတယ်။ Firmino ဟာ ဘွန်ဒက်လီဂါ အသင်းတစ်သင်းဖြစ်တဲ့ Hoffenheim မှာ ၅ နှစ်ခန့် အချိန် ကုန်ဆုံးစေခဲ့ပြီး ၁၅၃ ပွဲကစားကာ ၄၉ ဂိုး တိတိ သွင်းယူထားပြီး ဖြစ်ပါတယ်။ သူနဲ့ Hoffenheim အသင်းရဲ့ သဘောတူစာချုပ်ကတော့ ၂၀၁၇ မှာ သက်တမ်း ကုန်ဆုံးမှာပဲ ဖြစ်ပါတယ်။ သူ့ရဲ့ ကိုယ်စားလှယ်ဖြစ်တဲ့ Roger Wittman ကတော့ Firmino ဟာ ပရီးမီးယားလိဂ် အသင်းတစ်သင်းကို ပြောင်းရွှေ့မယ်ဆိုတာကို အတည်ပြုပေးခဲ့ပြီး ဘယ်အသင်းကိုပြောင်းမယ်ဆိုတာကိုတော့ ပြောကြားခဲ့ခြင်းမရှိပါဘူး။ လက်ရှိမှာ Firmino ဟာ ဘရာဇီးလ် လက်ရွေးစင် အသင်းနဲ့အတူ Copa America ပြိုင်ပွဲကို ၀င်ရောက် ယှဉ်ပြိုင်နေတယ်လို့ သိရပါတယ်။

နယ်စပ်အရေး ဆွေးနွေးဖို့ အိန္ဒိယအမျိုးသား လုံခြုံရေးအကြံပေး မြန်မာနိုင်ငံရောက်

အိန္ဒိယ၀န်ကြီးချုပ် Narendra Modi ရဲ့ အမျိုးသား လုံခြုံရေး ဆိုင်ရာ အကြံပေး Ajit Kuma Doval ဟာ မနေ့က သမ္မတဦးသိန်းစိန်နဲ့ နေပြည်တော်မှာ တွေ့ဆုံပြီး နှစ်နိုင်ငံ နယ်စပ်ရေးရာ လုံခြုံရေးနဲ့ သတင်းအချက်အလက် ဖလှယ်ရေးတို့ကို အဓိက ဆွေးနွေးခဲ့ကြပါတယ်။ အိန္ဒိယဘက်က မြန်မာ့နယ်စပ်ကိုကျော်ပြီး နာဂသူပုန်တို့ကို စစ်ဆင်ရေး လုပ်ခဲ့တယ်ဆိုတဲ့ သတင်းတွေ ကျယ်ကျယ်ပြန့်ပြန့် ထွက်ပေါ်လာပြီးနောက်ပိုင်း အိန္ဒိယအစိုးရတွင်း အရေးပါတဲ့ ပုဂ္ဂိုလ်တဦးရဲ့ ခရီးစဉ် ထွက်ပေါ်လာတာလည်း ဖြစ်ပါတယ်။ အိန္ဒိယ၀န်ကြီးချုပ် Narendra Modi ရဲ့ အမျိုးသားလုံခြုံရေးဆိုင်ရာ အကြံပေး Ajit Kuma Doval နဲ့ သမ္မတဦးသိန်းစိန်တို့ နေပြည်တော် မှာ တွေ့ဆုံပြီး နယ်စပ်ဒေသ လုံခြုံရေးကို အဓိကထား ဆွေးနွေးခဲ့ကြတယ် လို့ ပြည်ထောင်စု ပြန်ကြားရေးဝန်ကြီး ဦးရဲထွဋ်က ပြောပါတယ်။ “ကျနော်တို့ နေ့လည် ၁၁ နာရီလောက်က တွေ့ပါတယ်ခင်ဗျ။ တွေ့ပြီးတော့မှ ဆွေးနွေးတဲ့ အကြောင်းအရာကတော့ ပထမတချက်က နိုင်ငံ နှစ်နိုင်ငံကြား ဆက်ဆံရေး ချစ်ကြည်ရင်းနှီးမှုကို မြှင့်တင်ဖို့၊ နှစ်ကတော့ နှစ်နိုင်ငံကြားမှာ နယ်စပ်ဒေသ လုံခြုံရေးအပြင် လုံခြုံရေး၊ ကာကွယ်ရေးအပြင် သတင်းအချက်အလက် ဖလှယ်ရေးဆိုတဲ့ ကဏ္ဍအ၀၀မှာ ပူးပေါင်းဆောင်ရွက်ရေး ဒါကိုပဲ ဆွေးနွေးပါတယ်ခင်ဗျ။” ဒီလ ပထမပတ် အတွင်းမှာဘဲ အိန္ဒိယ စစ်တပ်နဲ့ နာဂ သူပုန် အဖွဲ့ Natioal Socialist Councial of Nagaland ရဲ့ Khaplang အဖွဲ့ခွဲ NSCN- Khaplang တို့ နှစ်ဘက် တိုက်ပွဲတွေဖြစ် နှစ်ဘက် အကျအရှုံးရှိခဲ့ပြီး အိန္ဒိယစစ်တပ်က မြန်မာနိုင်ငံထဲအထိ ၀င်ရောက်ပြီး သူပုန်တို့ကို ချေမှုန်းခဲ့တယ်လို့ ပြောဆိုခဲ့တာပါ။ မြန်မာဘက်ကတော့ အိန္ဒိယတို့နယ်စပ် ဖြတ်ကျော် တိုက်ခိုက်ခဲ့တာ မရှိဘူးလို့ တုံ့ပြန်ပါတယ်။ နာဂသူပုန်တို့ဟာ မြန်မာဘက်ကို အခြေစိုက်ပြီး အိန္ဒိယအစိုးရကို တော်လှန်နေတယ်လို့ အိန္ဒိယဘက်က ပြောဆိုနေပေမဲ့ မြန်မာဘက်ကတော့ နှစ်နိုင်ငံဘက်တို့မှာ နာဂတိုင်းရင်းသားတွေ နေထိုင်နေကြတာမို့ နှစ်ဘက်တို့ ရောထွေးပြီး ထင်ယောင်ထင်မှား ဖြစ်နိုင်တယ်လို့ သမ္မတရုံး ညွှန်ကြားရေးမှူးက ပြောခဲ့တာပါ။ အိန္ဒိယသတင်းတွေမှာတော့ ဒီလအစောပိုင်း တိုက်ပွဲတွေနဲ့ ပတ်သက်ပြီး အိန္ဒိယ၀န်ကြီးချုပ် မိုဒီရဲ့ အမျိုးသား လုံခြုံရေး အကြံပေးဟာ မြန်မာအစိုးရနဲ့ အကြေအလည် ဆွေးနွေးဖို့ ရှိတယ်လို့ ခန့်မှန်း ရေးသားနေကြပေမဲ့ ဗုဒ္ဓဟူးနေ့ သမ္မတ ဦးသိန်းစိန်နဲ့ ဆွေးနွေးမှုမှာတော့ တိုက်ပွဲတွေကိစ္စ မပါခဲ့တဲ့အကြောင်း ပြန်ကြားရေးဝန်ကြီး ဦးရဲထွဋ်က ပြောပါတယ်။ “မရှိပါဘူးခင်ဗျ။ အဲဒီကိစ္စတော့ ကျနော်တို့ သီးခြားအနေနဲ့ ဆွေးနွေးတာ မရှိပါဘူး။ ကျနော်တို့က နှစ်နိုင်ငံ ဆက်ဆံရေးနဲ့ ခြုံငုံတဲ့ အချက်တွေကိုပဲ ဆွေးနွေးတာပါ။ ခင်ဗျားပြောတဲ့ကိစ္စကို သီးခြားဆွေးနွေးတာ မရှိပါဘူး။ သမ္မတကြီးနဲ့တွေ့တာတော့ ကျနော်လည်း တက်ရပါတယ်။ နယ်စပ်ဒေသ တည်ငြိမ်အေးချမ်းဖို့ကိစ္စနဲ့ နယ်စပ်ဒေသ လုံခြုံရေးအပြင် လုံခြုံရေး ကာကွယ်ရေး ကဏ္ဍတွေမှာ ပူးပေါင်းဆောင်ရွက်ဖို့ကိစ္စ နောက်တခါ သတင်းအချက်အလက် ဖလှယ်ဖို့ကိစ္စ ဒါတွေကိုပဲ ကျနော်တို့ ပြောပါတယ်။ ကျနော်ကတော့ သမ္မတကြီးနဲ့ ဆွေးနွေးပွဲတခုပဲ ကျနော်တက်တော့ ကျနော်တော့ မသိဘူးပေါ့ဗျာ။ ဟိုဘက်မှာတော့ ၀န်ကြီး ဦးအောင်မင်းတို့၊ ၀န်ကြီး ဦးဝဏ္ဏမောင်လွင်တို့နဲ့အတူ ထပ်တွေ့မယ်ထင်တယ်။ ကျနော်လည်း အဲဒီအစီအစဉ်တွေ အသေးစိတ်တော့ ကျနော်လည်း မသိဘူးဗျ။” ​သမ္မတ ဦးသိန်းစိန်နဲ့ ဆွေးနွေးပြီး နောက်မှာတော့ အိန္ဒိယ အမျိုးသားလုံခြုံရေးဆိုင်ရာ အကြံပေး မစ္စတာ Doval ဟာ မကြာခင်ကမှ ပါကစ္စတန်နိုင်ငံကို သွားရောက်ခဲ့တဲ့ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ တွေ့ဆုံပြီး နှစ်နိုင်ငံ စစ်တပ်အချင်းချင်း ဆက်ဆံရေး၊ နယ်စပ်ဒေသ လုံခြုံရေးတို့ကို ဆွေးနွေးခဲ့ကြပါတယ်။ အိန္ဒိယဘက်ကတော့ မြန်မာအစိုးရဟာ နယ်စပ်ဒေသ မြန်မာဘက်ခြမ်းကို ခြေကုပ်ပြီး အိန္ဒိယ အစိုးရကို တိုက်ခိုက်နေတဲ့ နာဂသူပုန်တွေကို ပူးပေါင်းတွန်းလှန်ဖို့ အစဉ်တစိုက် တောင်းဆိုနေသလို မြန်မာဘက်ကလည်း မြန်မာ့နယ်နမိတ်အတွင်းမှာ နေပြီး နိုင်ငံခြားတိုင်းပြည်တွေကို တိုက်ခိုက်နေတာတွေကို လုံးဝ ခွင့်ပြုမှာ မဟုတ်ဘူးလို့ တစိုက်မတ်မတ် ပြောဆိုနေတာပါ။ ဒါပေမဲ့လည်း နှစ်နိုင်ငံကြား နာဂသူပုန်အရေး အဖြေမရနိုင်ကြသေးပါဘူး။

အရောင်းအဝယ် အေးနေသော ကျောက်ဈေးကွက်

ရန်ကုန်မြို့ရှိ ကျောက်မျက် ရတနာ ဈေးကွက်၌ လက်ရှိတွင် ရွှေဈေးမှာ တစ်နေ့ထက် တစ်နေ့ ပိုမိုမြင့်တက် နေသော်လည်း ၄င်းနှင့်အတူ တွဲဖက် ဝတ်ဆင်သော ကျောက်မျက် ရတနာများ၏ ဈေးကွက်မှာ အေးစက်နေကြောင်း သိရသည်။ ''အခုချိန်မှာ ကျောက်မျက် ရတနာတွေက ဘယ်ကျောက်မှ အရောင်းအဝယ် သိပ်မရှိပါဘူး။ ရွှေထည်နဲ့ တွဲပြီး ပြုလုပ်ထားတဲ့ ကျောက်ကလေး တစ်လုံး ပြုတ်သွားလို့ ပြန်တပ်ဖို့ ဝယ်ယူတာက လွဲပြီး အရောင်းအဝယ် မရှိသလောက်ကို အေးနေပါတယ်။ ဈေးဦး မပေါက်တဲ့ ရက်တွေလည်း ရှိပြီး ဆိုင်သိမ်းခါနီးတဲ့ အချိန်ရောက်မှ အနည်းငယ် လောက် ရောင်းရတဲ့ နေ့တွေလည်း ရှိပါတယ်။ အရင်လို အရောင်းအဝယ် မသွက်ပါဘူး'' ဟု ကျောက်များ သီးသန့် ရောင်းဝယ်နေသော ဒေါ်သန်းသန်းအေး က ပြောသည်။ ယခုအချိန်တွင် တရုတ်နိုင်ငံနှင့် ထိုင်းနိုင်ငံရှိ ကျောက်ဈေးကွက် များပင် အရောင်းအဝယ် အေးစက် နေခြင်းကြောင့် ရန်ကုန်မြို့ရှိ ဈေးကွက် များမှာလည်း ရောင်းဝယ်မှု နည်းပါးကာ အေးစက် နေကြောင်း သိရသည်။ ရွှေဈေးများ တရိပ်ရိပ် တက်လာပြီး ကျောက်မျက် ဈေးကွက် မှာ ယခု မေလဆန်းပိုင်းမှ စတင်၍ အရောင်းအဝယ် ပါးခဲ့ကြောင်း သိရသည်။ ထိုအထဲမှ စိန်နှင့် ကျောက်စိမ်း ရတနာများသာ အရောင်းအဝယ် ရှိနေပြီး တခြားကျောက် အမျိုးအစား များမှာ ဝယ်ယူမှု နည်းပါး နေကြောင်း သိရသည်။ အဆိုပါ ကျောက်များကို ဝယ်ယူမှု နည်းပါး နေသော်လည်း တနိုင်းဒေသမှ ထွက်ရှိသော ပယင်းကျောက်များ ကို တရုတ် နိုင်ငံသား များက အဓိက ဝယ်ယူ ကြိုက်နှစ်သက်ပြီး ဝယ်လို အားများကာ ဈေးနှုန်း များသည် ၄င်းပယင်းကျောက် အတွင်း ဝင်ရောက် သေဆုံးလျက် ရှိသော အင်းဆက်ပိုး ကောင်များ၏ ပုံစံပေါ် မူတည်၍ ဈေးနှုန်းမြင့်မား နေကြောင်း သိရသည်။ ယင်းကျောက်များကို အရိုင်းတုံး သာမက အချောတုံးနှင့် တခြားပုံစံစုံ လုပ်ထား သမျှလည်း အရောင်းသွက်လျက် ရှိကြောင်း သိရသည်။

ရွှေတိဂုံတည်တံ့ရေး အာဏာပိုင်တွေဆီ မဘသ စာပို့မယ်

ရွှေတိဂုံ စေတီတော် ဝန်းကျင် မှာ အထပ်မြင့် ဆောက်လုပ်ရေး စီမံကိန်း တွေ ရပ်တန့် ပယ်ဖျက် ပေးဖို့ အမျိုး ဘာသာ သာသနာ စောင့်ရှောက်ရေး မဘသ အဖွဲ့ က သံဃာ တွေ ဦးဆောင်ပြီး လက်မှတ် ကောက်ခံ မှု တွေ အပြင် ဇွန် ၁၇ ရက် နေ့ က စာတမ်း ဖတ်ပွဲ ပြုလုပ် ခဲ့ပါတယ်။ အဲဒီ့ လက်မှတ်တွေ စာတမ်းတွေ ကို အစိုးရ၊ လွှတ်တော် နဲ့ တပ်မတော် က ထိပ်ဆုံး အာဏာပိုင် တွေ ဆီ တင် ပြ သွားမှာ ဖြစ်တယ် လို့ မဘသ ဦးဆောင် သံဃာ တွေ က ပြောပါတယ်။ အဲဒီ လို ငြင်သာ နူးညံ့တဲ့ လှုပ် ရှား မှု တွေ ပြုလုပ် ရုံ နဲ့ ရွှေတိဂုံ ဘုရား ဝန်းကျင် ဆောက် လုပ်မယ့် စီမံကိန်း တွေ ပယ်ပျက် မသွား ဘူး ဆိုရင် တော့ ဆန္ဒ ထုတ်ဖော် တာ တွေ နဲ့ အာဏာ ပိုင် တွေ ကို မဆက်ဆံ ရေးကံဆောင် သပိတ် ထိ မှောက် သွား မှာ ဖြစ်တယ် လို့ စာတမ်း ဖတ်ပွဲ ကို ဦးဆောင် ကျင်း ပ တဲ့ မကွေး ကျောင်းတိုက် ဆရာတော် ဦးပါမောက္ခ က ဘီဘီစီ ကို မိန့် ပါတယ်။ ဆောက်လုပ်ရေး စီမံကိန်း တွေ ကြောင့် ဘာသာရေး နဲ့ ယဉ်ကျေးမှု အမွေ အနှစ် ဖြစ်တဲ့ ရွှေတိဂုံ စေတီ တော်ကြီး ရဲ့ ပုံရိပ် ထိခိုက် မယ့် အရေး နဲ့ ရွှေတိဂုံ စေတီတော် တည်ရှိ ရာ ကုန်းတော် ရဲ့ မြေကြော မြေလွှာ တွေ၊ ရေစီး ရေလာ တွေ ထိခိုက် လာ နိုင် တယ် ဆိုပြီး စိုးရိမ် ပူပန် မှု တွေ ရှိ နေကြ တာ ဖြစ် ပါတယ်။ လောလော ဆယ် မှာ ဒဂုံ စီးတီးဝမ်း စီမံကိန်း အပါအဝင် စီမံကိန်း ၅ ခု လုံး ကို ရင်းနှီး မြှုပ်နှံ မှု ကော်မရှင် ရဲ့ ဆုံးဖြတ်ချက် အရ ပြန်လည် သုံးသပ်ဖို့ လိုတယ် ဆိုပြီး ရပ်ဆိုင်း ထား ပါတယ်။

IS စစ်သွေးကြွနှိမ်နင်းရေး အီရတ်ကြိုးပမ်းမှု အားနည်း

IS စစ်သွေးကြွတွေကို အီရတ်နိုင်ငံ အနေနဲ့ ပိုပြီးအားသွန်ခွန်စိုက် တိုက်ခိုက်ဖို့ အမေရိကန် ကာကွယ်ရေးဝန်ကြီးက တောင်းဆိုလိုက်ပါတယ်။ နိုင်ငံနယ်မြေ အများအပြား သိမ်းပိုက်ထားတဲ့ စစ်သွေးကြွတွေကိုတိုက်ဖို့ အီရတ်အစိုးရက မြေပြင်တပ်ဖွဲ့ အလုံအလောက် ထုတ်လုပ်ဖို့ ပျက်ကွက်ခဲ့တယ်လို့ ဆိုပါတယ်။ အမေရိကန်က ဒီနှစ်ဆောင်းဦးမှာ အီရတ်တပ်သားသစ် ၂ သောင်း ၄ ထောင်ကို လေ့ကျင့်ပေးဖို့ မျှော်မှန်းထားခဲ့ပေမဲ့ တပ်သားသစ် ၇ ထောင်ကိုဘဲ လေ့ကျင့်ပေးခဲ့ရတယ်လို့ အောက်လွှတ်တော် ကြားနာမှုတရပ်မှာ ကာကွယ်ရေးဝန်ကြီး Ash Carter ကပြောကြားသွားတာပါ။ အီရတ်အခြေစိုက် IS တွေ အပေါ် အမေရိကန်ဦးဆောင် လေကြောင်းစစ်ဆင်ရေးအတွက် ထိရောက်တက်ကြွ တဲ့ တရားဝင်အမြဲတန်းကြည်းတပ်တွေက နယ်မြေရှင်းထိန်းသိမ်းထားနိုင်ဖို့ လိုအပ်တယ်လို့ လက်နက်ကိုင်တပ်ဖွဲ့များရေးရာ အောက်လွှတ်တော်ကော်မီတီကို Mr Carter ကပြောကြားသွားပါတယ်။ အမေရိကန်ပြည်ထောင်စု အနေနဲ့ အီရတ်နိုင်ငံကို ယခင်ထက်ပိုပြီး ပွင့်ပွင့်လင်းလင်း ပံ့ပိုးထောက်ခံနေချိန်မှာ အီရတ်အစိုးရဘက်က ပိုမိုတက်တက်ကြွကြွ ရှိရမယ်လို့လည်း ဆိုပါတယ်။

ပင်လယ်ခရုစားရာမှ အစာအဆိပ်သင့်၍ လူ ၇၃ ဦး ဆေးရုံ တက်ကုသရ

တနင်္သာရီတိုင်းဒေသကြီး မြိတ် မြို့နယ် စန္ဒဝတ်ကျေးရွာအုပ်စု ရေမြစ် ကြီးကျေးရွာတွင် ဒေသခံပြည်သူ များ ခရင်း(ပင်လယ်ခရု)ကို စားမိရာမှ အစာအဆိပ်သင့်မှု ကြောင့် ဇွန် ၁၆ ရက် ညနေ ၃ နာရီ ကျော်က ဒေသခံရွာသူ ရွာသား ၇၃ ဦးသည် မြိတ်မြို့အထွေထွေရောဂါကု ပြည်သူ့ဆေးရုံကြီးတွင် တက်ရောက် ကုသမှုခံယူလျက်ရှိကြောင်း သိရ သည်။ ဖြစ်စဉ်မှာ စန္ဒဝတ်ကျေးရွာ အုပ်စု ရေမြစ်ကြီးကျေးရွာ၌ ဇွန် ၁၅ ရက်က ၄င်းခရင်း(ပင်လယ်ခရု)များ ကို နို့ဆီဘူးတစ်ဘူးလျှင် ငွေကျပ် ၅ဝဝ ဖြင့် အမျိုးသမီးတစ်ဦးက လာရောက်ရောင်းချသဖြင့် ရွာသူ၊ ရွာသားများက ဝယ်ယူစားသုံးရာ ဇွန် ၁၆ ရက်တွင် အစာအဆိပ်သင့်သူ သံဃာတစ်ပါး၊ အမျိုးသား ၂၈ ဦး၊ အမျိုးသမီး ၄၁ ဦး စုစုပေါင်း ၇ဝ (မစိုးရိမ်ရ)တို့ မြိတ်မြို့ ပြည်သူ့ ဆေးရုံကြီး၌ တက်ရောက် ဆေးဝါးကုသမှု ခံယူလျက်ရှိကြောင်း သိရသည်။ ဆက်လက်၍ ဇွန် ၁၇ ရက် နံနက် ၈ နာရီတွင် မြိတ်မြို့ ပြည်သူ့ ဆေးရုံကြီးသို့ ရေမြစ်ကြီးကျေးရွာမှ ခရင်း(ပင်လယ်ခရု)စားမိသူ အစာ အဆိပ်သင့်လူနာသုံးဦး ထပ်မံ ရောက်ရှိလာရာ မြိတ်မြို့ ပြည်သူ့ ဆေးရုံကြီး၌ အတွင်းလူနာအဖြစ် တက်ရောက်ဆေးကုသမှု ခံယူလျက် ရှိပြီး ၄င်းအစာအဆိပ်သင့် လူနာ များသည် ဗိုက်နာ၍ ဝမ်းအနည်းငယ် သွားကြောင်း၊ လူနာများ၏ အသက် အန္တရာယ် စိုးရိမ်စရာမရှိကြောင်းနှင့် ဆေးစစ်ဆေးမှုအရ သက်သာသော သူများကို ဆေးရုံမှ ဆင်းခွင့်ပြုမည် ဖြစ်ကြောင်း သိရသည်။ အဆိုပါ အစာအဆိပ်သင့်မှု ဖြစ်ပွားသည့် ရေမြစ်ကြီးကျေးရွာသို့ မြိတ်မြို့ပြည်သူ့ ဆေးရုံကြီးမှ ဆေးရုံ အုပ်ဒေါက်တာ သန္တာမျိုးဝင်း ကြီးကြပ် မှုဖြင့် အထူးကု ဆရာဝန်ကြီးများ အဖွဲ့နှင့် မြို့နယ်ပြည်သူ့ကျန်းမာရေး ဦးစီးဌာန ဝန်ထမ်းများသည် နံနက် ၁ဝ နာရီက ရေမြစ်ကြီးကျေးရွာ မဟာဗောဓိ ဘုန်းတော်ကြီးကျောင်း၌ အခြေပြု ဆေးဝါးကုသပေးလျက်ရှိ ကြောင်း သိရသည်။

အမွေကောင်းရချင်တယ် ဆောင်းပါး ကိစ္စ သူရဦးရွှေမန်း စီစစ်ပေးမည်

နေပြည်တော် စည်ပင်ဧည့်ရိပ်သာမှာ နေထိုင်ကြတဲ့ လွှတ်တော်ကိုယ်စားလှယ် တစ်ရာကျော်လောက်ရဲ့ အခန်းတွေကို ဧည့်ရိပ်သာဝန်ထမ်းတွေက "အမွေကောင်းကောင်းရချင်တယ်" ဆိုတဲ့ အစိုးရသတင်းစာပါ ဆောင်း ပါးကို မိတ္တူတွေ ဝေငှခဲ့တာဟာ မလုပ်သင့်တဲ့ လုပ်ရပ်ဖြစ်ကြောင်း ပြည်သူ့လွှတ်တော် ကိုယ်စားလှယ် ဦးခိုင်မောင်ရည်က ဒီနေ့ ပြည်သူ့လွှတ်တော်မှာ တင်ပြခဲ့ပါတယ်။ ပြည်သူ့လွှတ်တော်ကိုယ်စားလှယ် ဦးခိုင်မောင်ရည်က တရားဝင်မဖြန့်ဝေပဲ အခုလို လုပ်ဆောင်တာဟာ ကိုယ်စားလှယ်တွေရဲ့ ဂုဏ်သိက္ခာကို မလေးမစား လုပ်တာ ဖြစ်ကြောင်း အခုလို တင်ပြခဲ့ပါတယ်။ "ညနေ ၆ နာရီခန့်က ကျနော်တို့ လွှတ်တော် ကိုယ်စားလှယ်တွေ တည်းခိုဆောင်ဖြစ်တဲ့ စည်ပင်ဧည့်ရိပ် သာဆောင်မှာ စည်ပင်ဝန်ထမ်းတွေက စာရွက်များပါတဲ့ စာအိတ်တွေကို ပြန်ကြားရေးဝန်ကြီးဌာန မှ ပေးခိုင်းသဖြင့် လာရောက်ပေးရကြောင်းပြောဆိုပြီး လွှတ်တော်ကိုယ်စားလှယ်အခန်း တစ်ခန်းချင်းစီကို တံခါးခေါက် ပြီး လာပေးပါတယ်၊ လွှတ်တော်ကိုယ်စားလှယ်တွေကို တရားဝင်ဝေသင့်ပါရက်နဲ့ တရားဝင်မဝေဘဲ လွှတ်တော်ကိုယ်စားလှယ်တွေကို စိတ်အနှောက် အယှက်ဖြစ်အောင်သော် လည်းကောင်း၊ တခြားရည်ရွယ်ချက်နဲ့သော်လည်းကောင်း ဝေခြင်းဟာ မသင့်လျော်သည့်အတွက် ဆက်လက်ပြီးဝေနေမယ် ဆိုရင် လွှတ်တော်ကနေ ဒီကိစ္စမျိုးကို ထိန်းကျောင်းပေးဖို့လိုအပ်မှာ ဖြစ်ပါတယ်၊ လွှတ်တော်ကိုယ်စားလှယ် များရဲ့ဂုဏ်သိက္ခာကို မလေးမစားပြုခြင်းကဲ့သို့ တရားမဝင်ဖြစ်တဲ့ ဖြန့်ဝေတဲ့စာများ ဝေငှခြင်းတွေကို ရပ်ဆိုင်းပေးစေလိုပါတယ်" ပြည်သူ့လွှတ်တော်ဥက္ကဌ သူရဦးရွှေမန်းက အဲဒီလိုစာဖြန့်ဝေတဲ့ကိစ္စကို စီစစ်ပေးမှာ ဖြစ်ကြောင်း ပြောကြားခဲ့ ပါတယ်။ အဲဒီလို ဖြန့်ဝေတာဟာ ပြန်ကြားရေးဝန်ကြီးဌာနကဝေတဲ့ စာအိတ်ဆိုပြီး လွှတ်တော်ကိုယ်စားလှယ် ဦးရဲထွန်းက သူ့ရဲ့အင်တာနက်ဖေ့စ်ဘွတ်စာမျက်နှာမှာ တင်ထားလိုက်ရာမှာ ပြန်ကြားရေးဝန်ကြီးဌာန၊ ၀န်ကြီး ဦးရဲထွဋ်က အထောက်အထား မခိုင်လုံတဲ့အတွက် ပြန်လည်ရုပ်သိမ်းပေးဖို့ တောင်းဆိုရေးသားထားပါတယ်။ "အမွေကောင်းကောင်းရချင်တယ်" ဆောင်းပါးဟာ ပြည်ထောင်စုလွှတ်တော်မှာ တင်ထားတဲ့ ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်တဲ့ မူကြမ်းကို ကန့်ကွက် တဲ့ သဘောမျိုးရေးသားထားတာဖြစ်ပြီး ပြင်ဆင်ချက်တွေဟာ သမ္မတအုပ်ချုပ်တဲ့စနစ်ကနေ ပါလီမန်ဒီမိုကရေစီစနစ်ကို ပြောင်းဖို့ကြိုးစားထား တာဖြစ်ကြောင်း ဝေဖန်ရေးသား ထားတာဖြစ်ပါတယ်။

ကချင်ပြည်နယ်မှာ တိုက်ပွဲတွေပြန်ဖြစ်

ကချင်ပြည်နယ် မိုးကောင်းနဲ့ ဖားကန့်အကြားမှာ ဒီကနေ့ တိုက်ပွဲ ၃ ကြိမ်ဖြစ်ပွားခဲ့ပြီး အခုဆိုရင် လုံးခင်းအနီး ကချင်လွတ်မြောက်ရေးတပ်ဖွဲ့ KIA တပ်ရင်း ၆ ဒေသဘက်မှာ တိုက်ပွဲဖြစ်ပွားနေတာ ၃ ရက်လောက် ရှိနေပါပြီ။ ဒီလို မိုးကောင်း-ဖားကန့်ဒေသတိုက်ပွဲ ခပ်စိပ်စိပ်ဖြစ်လာနေတာကြောင့် ခရီးသွားလာသူတွေအတွက် အခက်အခဲတွေ ရှိလာနေပါတယ်။ ဖားကန့်ဒေသမှာ ဧပြီလအတွင်း တိုက်ပွဲတွေ ဖြစ်ပွားခဲ့တာကြောင့် အစိုးရနဲ့ KIA ပဋိပက္ခညှိနှိုင်းရေးအဖွဲ့တွေ တွေ့ဆုံဆွေးနွေးခဲ့တဲ့နောက် ငြိမ်သက်နေခဲ့ရာက ဒီရက်ပိုင်းအတွင်း တိုက်ပွဲတွေ ပြန်လည် ဖြစ်ပွားလာတာ ဖြစ်ပါတယ်။ ဒီကနေ့ တိုက်ပွဲဖြစ်ပွားတဲ့ အခြေအနေကို ဖားကန့်ဒေသခံတယောက်က အခုလို ပြောပါတယ်။ “ဒီနေ့တိုက်ပွဲက ကျနော်တို့ နန့်ဟိုင်နားမှာဖြစ်တယ်။ နောက်ပြီးကျတော့ ကန့်မှော်စုနားမှာ ဖြစ်တယ်။ ပြီးတော့ တာမိုင်းအ၀င်မှာ ထပ်ဖြစ်တာပေါ့နော်။ ကားတွေအကုန်လုံး တားထားတယ်။ စောစောကမှ ပြန်ပြီးတော့ ကားတွေကို လွှတ်လိုက်ကြတာပေါ့နော်။ ခရီးသည်ကားတွေပေါ့ အတက်အဆင်းကားတွေကို။ အချိန်ကတော့ ကျနော်တို့ အတိအကျ မသိဘူးဗျ။ မသိဘူးဆိုတာ ဒီလိုလေ ဒီနေရာမှာက ဥပမာ ၁၀ နာရီမှာဖြစ်တယ် ဆိုပါတော့ဗျာ၊ တိုက်ပွဲဖြစ်နေလို့၊ သေနတ်သံတွေ ကြားနေလို့ မသွားနဲ့လို့ တားပေမဲ့ အဲဒီနေရာမှာ ၁၀ နာရီလောက် ဖြစ်တယ်ဆိုပေမဲ့ ဥပမာ - တခြား နန့်ဟိုင်တို့၊ ကန့်မှော်စု တို့ဆိုတာ ဘယ်နှစ်နာရီလောက် ဖြစ်တယ်ဆိုတာ ကျနော်တို့က ရှင်းရှင်းပြောရရင် မသိတော့ဘူး။ မသိတော့တဲ့အခါ အဲဒီနေရာမှာ တိုက်ပွဲဖြစ်တယ်ဆိုတာကို သိခွင့်ရလိုက်တယ်၊ ဖြစ်နေတုန်းမှာတော့ ကျနော်တို့က မရောက်ခဲ့ဘူးပေါ့လေ။ အဲဒါကြောင့် ခန့်မှန်းကတော့ နည်းနည်းခက်တယ်ဗျ အဲဒါ။” ဒီတိုက်ပွဲတွေကြောင့် ခရီးသွားတွေအတွက် အခက်အခဲတွေ ရှိလာတယ်လို့လည်း သူက ဆက်ပြောပါတယ်။ “အခုဟာ တိုက်ပွဲတွေက မိုးကောင်း၊ ကာမိုင်း၊ ဖားကန့်ကြားမှာက အဲလိုမျိုး ဆက်တိုက်ဖြစ်လာပြီဆိုရင် ခရီးသည်တွေအနေနဲ့ ခရီးသည်တင်ကားတွေကောပေါ့နော် နည်းနည်း စိုးရိမ်တယ်ဗျ။ စိုးရိမ်တယ်ဆိုတာက ဘယ်လိုပုံစံမျိုး အဲလိုပေါ့လေ မိုင်းတွေဘာတွေ ထောင်ထားတာမျိုး၊ မိုင်းတွေ ဘာတွေ နင်းမိမှာမျိုးပေါ့ နောက်ပြီး ညနက်သန်းခေါင် မိုးချုပ်နေတဲ့အချိန်မှာ သူတို့က ထပြီး တိုက်ပွဲဖြစ်တာမျိုးတို့ အဲဒါမျိုးတွေကို စိုးရိမ်လာရတယ်။ ပြောမယ်ဆိုရင်တော့ လမ်းကြောင်းက မငြိမ်းချမ်းတော့ဘူးပေါ့ဗျာ။” လုံးခင်းမြို့ခံတဦးက ပြီးခဲ့တဲ့ရက်ပိုင်းတွေအတွင်းကလည်း လုံးခင်းအနီး KIA တပ်ရင်း ၆ အခြေစိုက်ရာ နန်ဂျန်ရွာဘက်မှာ တိုက်ပွဲတွေဖြစ်ပွားခဲ့ကြောင်း ပြောပါတယ်။ “KIA တပ်ရင်း ၆ ရှိတဲ့ အောင်ဘာလေကနေ ဟိုး နမ့်ဆန်းဘက်မှာရှိတဲ့ အောင်လင်းဆိုတဲ့ နေရာဘက်ကို ပြောင်းရွှေ့ထားတဲ့ KIA တပ်ရင်း ၆ ကို တပ်မတော်အင်အား ၃၀၀ လောက်နဲ့ သွားပြီး ၀ိုင်းပြီးတော့ တိုက်ခိုက်တယ်လို့လည်း ကျနော်တို့ ကြားရပါတယ်။ တိုက်တာကလည်း ၃ ရက်လောက်ရှိပြီလို့ ကျနော်တို့ သိရတယ်။ နှစ်ဘက်စလုံး ထိခိုက် ကျဆုံးမှုတွေ ရှိတယ်လို့လည်း ကျနော်တို့ ကြားသိရတယ်ခင်ဗျ။” တပ်ရင်း ၆ အခြေစိုက်ရာဒေသဘက်က လူသူအဆက်အသွယ် ကင်းပြတ်တဲ့ဒေသ ဖြစ်တာကြောင့် သတင်းအချက်အလက် အတိအကျရရှိဖို့ ခက်ခဲကြောင်းလည်း ပြောပါတယ်။ ကချင်ငြိမ်းချမ်းရေးအကျိုးဆောင်အဖွဲ့ PCG က ဦးလမိုင်ဂွမ်ဂျာ ကတော့ တိုက်ပွဲဖြစ်ပွားတာတွေ ရှိခဲ့တဲ့အကြောင်း ပြောပါတယ်။ “ဖြစ်နေတယ်ဆရာ။ ကျနော်တို့လည်း မနေ့ကမှ ပြန်ရောက်တယ်။ မနေ့တနေ့က စပြီးတော့မှ တပ်ရင်း ၆ နေရာမှာ တိုက်ပွဲတွေဖြစ်တယ်။ ဖြစ်ပြီးကျတော့ ဒီနေ့မှာ ကာမိုင်း-ဖားကန့်လမ်းပေါ့လေ အဲဒီလမ်းကြောမှာလည်း ဖြစ်တယ်လို့ ဘယ်လိုဘယ်လို ဖြစ်တယ်ဆိုတာတော့ အတိအကျတော့ မသိရသေးဘူးဗျ။” လောလောဆယ်မှာတော့ ကချင်ငြိမ်းချမ်းရေးအကျိုးဆောင်အဖွဲ့အနေနဲ့ လက်ရှိ တိုက်ပွဲတွေနဲ့ပတ်သက်ပြီး နှစ်ဘက်အကြားမှာ ညှိနှိုင်းဆောင်ရွက်တာမျိုးတွေ မရှိသေးဘူးလည်း ပြောပါတယ်။ ပြီးခဲ့တဲ့ ဧပြီလအတွင်း ဖြစ်ပွားတဲ့ တိုက်ပွဲတွေအတွင်းမှာတော့ ကောင်ရာရွာက ရွာသား ၁၀၀ ကျော်လောက်ဟာ တနိုင်းမြို့ကို ထွက်ပြေး တိမ်းရှောင်ခဲ့ရပါတယ်။ KIA နဲ့ အစိုးရတပ်တွေအကြားမှာ ပြီးခဲ့တဲ့ မေလအတွင်းက မန်စီမြို့နယ်အတွင်းမှာ ၂ ပတ်ကျော်ကြာ တိုက်ပွဲတွေ ဆက်တိုက်ဖြစ်ပွားခဲ့ပြီး အစိုးရတပ်ဘက်က လေကြောင်းကပါ တိုက်ခိုက်ခဲ့ပါတယ်။ ဒီတိုက်ပွဲဖြစ်ပွားချိန်မှာ နှစ်ဘက်ကိုယ်စားလှယ်တွေအကြား အရေးပေါ် တွေ့ဆုံဆွေးနွေးတာတွေ ရှိခဲ့ပေမဲ့ တိကျတဲ့ သဘောတူညီချက်တော့ မရခဲ့ပါဘူး။ KIA ပါဝင်ဖွဲ့စည်းထားတဲ့ တိုင်းရင်းသားလက်နက်ကိုင်အဖွဲ့တွေရဲ့ တနိုင်ငံလုံး အပစ်အခတ်ရပ်စဲရေး ညှိနှိုင်းအဖွဲ့ဟာ အစိုးရရဲ့ ငြိမ်းချမ်းရေးဖော်ဆောင်ရေးအဖွဲ့နဲ့ တပြည်လုံး အပစ်ရပ်စာချုပ်ချုပ်ဆိုရေးအတွက် နောက်ဆုံးမူကြမ်းကို မတ်လကုန်က သဘောတူ လက်မှတ်ရေးထိုးခဲ့ပါတယ်။ လော်ခီးလာ တိုင်းရင်းသားထိပ်သီးညီလာခံက ဒီမူကြမ်းကို ပြင်ဆင်ချက်တချို့ ဖြည့်စွက်ပြီးတဲ့နောက် ပြန်လည်ဆွေးနွေးဖို့ ပြင်ဆင်နေတာကြောင့် အပစ်ရပ်စာချုပ် အတည်ပြု လက်မှတ်ရေးထိုးဖို့ဟာ ထပ်မံ အချိန်ယူဖို့ ရှိနေပါတယ်။

မြန်မာယူ၂၃ အသင်းကို သောင်းသောင်းဖျဖျ ကြိုဆို

စင်္ကာပူ နိုင်ငံမှာ ကျင်းပခဲ့တဲ့ ၂၈ ကြိမ်မြောက် ဆီးဂိမ်းပြိုင်ပွဲမှာ ဒုတိယ ငွေတံဆိပ် ဆွတ်ခူးနိုင်ခဲ့တဲ့ အသက် ၂၃ နှစ်အောက် မြန်မာ့ လက်ရွေးစင် အသင်းဟာ ရန်ကုန်မြို့ကို ဇွန်လ ၁၇ ရက် ညနေပိုင်းက ပြန်ရောက်လာခဲ့ပါတယ်။ ရန်ကုန်လေဆိပ်မှာ မြန်မာ ပရိသတ်တွေက အသင်းသားတွေကို ပန်းကုံးတွေ စွပ်ကြတဲ့ အပြင် လှိုက်လှိုက်လှဲလှဲ ကြိုဆိုခဲ့သလို လမ်းတလျှောက် မှာလည်း သောင်းသောင်းဖျဖျ ကြိုဆို နှုတ်ဆက်ခဲ့ကြပါတယ်။ လေဆိပ် တာဝန်ရှိသူ တွေက ပရိသတ်ကို အတွင်းထဲအထိ ဝင်ရောက်ကြိုဆိုခွင့် ပေးခဲ့တယ်လို့လည်း မြန်မာ့လက်ရွေးစင် ဘောလုံး သမားဟောင်း ဦးအေးမောင်ကြီးက ပြောပါတယ်။ ရွှေတံဆိပ် မရပေမဲ့ ဒီအဆင့်နဲ့ ပြန်လာနိုင် တာကို ပရိသတ်က ကျေနပ်ကြတဲ့ သဘောမျိုး ဖြစ်တယ်လို့ ဦးအေးမောင်ကြီးက ပြောပါတယ်။ ဘောလုံးသမားတွေဟာ အနိုင်အရှုံးကို ပဓာန မထားဘဲ အစွမ်းကုန် ကြိုးစားခဲ့ကြလို့ အကြို ဗိုလ်လုပွဲမှာ နိုင်ခဲ့တာလို့ သူက ပြောပါတယ်။ နောက်ဆုံး ဗိုလ်လုပွဲမှာတော့ အတွေ့အကြုံသာတဲ့ ထိုင်းအသင်းရဲ့ ပရိယာယ်ကို မလိုက်နိုင်ခဲ့ဘူးလို့လည်း ဦးအေးမောင်ကြီးက ပြောပါတယ်။ မြန်မာ့ ဘောလုံးလောက တချိန်ကလို ပြန်ဖြစ်ဖို့ ဆိုရင် ဘောလုံးကွင်းတွေ ထဲမှာ ကစားသမားတွေ များများ ရှိနေဖို့ လိုတယ်၊ ဘောလုံးသမားတွေ မွေးထုတ်ပေးဖို့ လိုတယ်လို့ သူက ဆိုပါတယ်။ အခုအခြေအနေမှာ ဘောလုံးလောက မျိုးဆက်ပြတ် သွားပြီဖြစ်ပြီး ပြည်နယ်နဲ့တိုင်း ဘောလုံးပွဲတွေ၊ ကျောင်းသား ပွဲတွေလည်း မရှိတော့တဲ့ အပြင် ကစားသမား တွေလည်း မရှိ၊ ဘောလုံးကွင်းလည်း မရှိ ဖြစ်နေတာကြောင့် ဒါတွေကို ပြန်လည် ထူထောင်ပေးသင့်တယ်လို့ ဦးအေးမောင်ကြီးက ပြောပါတယ်။

ဒေါက်တာအေးမောင်ယှဉ်ပြိုင်ခွင့် မာန်အောင်ဒေသခံတွေ ကန့်ကွက် ဆန္ဒပြ

ရခိုင်အမျိုးသားပါတီ ANP ဥက္ကဌ ဒေါက်တာအေးမောင်ဟာ လာမယ့် ၂၀၁၅ အထွေထွေရွေးကောက်ပွဲမှာ ရခိုင်ပြည် နယ် မာန်အောင်မြို့နယ်ကနေ ပြည်နယ် လွှတ်တော် ကိုယ်စားလှယ်လောင်းအဖြစ် ဝင်ရောက်ယှဉ်ပြိုင်ဖို့ သူ့ရဲ့ပါတီ က ရွေးချယ်လိုက်တာကို မကျေနပ်ကြတဲ့ ANP ပါတီဝင်တွေနဲ့ မြို့ခံတွေက ဒီကနေ့ ကန့်ကွက်ဆန္ဒပြကြပါတယ်။ ဒေါက်တာအေးမောင်က မာန်အောင်မြို့ခံမဟုတ်တဲ့အတွက် ဒေသခံတွေကို ကိုယ်စားမပြုဘူးလို့ ဆန္ဒပြပွဲမှာပါဝင် တဲ့ မာန်အောင်မြို့နယ် ရခိုင်အမျိုးသားပါတီ ANP အတွင်းရေးမှူး ဦးတင်လတ်က ပြောပါတယ်။ "ကျနော်တို့ မာန်အောင်သားတွေဟာ နိုင်ငံရေးအရ မာန်အောင်သားတွေ လုပ်ခွင့်ရရှိရေး၊ မာန်အောင်မြို့ ရဲ့ကံကြမ္မာကို မာန်အောင်သားတွေ ဖန်တီးခွင့်ရရှိရေး၊ အခု ကျနော်တို့ဒေသခံမဟုတ်တဲ့ ဒေါက်တာအေးမောင် ကို လုံးဝအလိုမရှိတဲ့အကြောင်း မာန်အောင်သားတွေအနေနဲ့ ဆန္ဒပြခြင်းဖြစ်ပါတယ်" ဆန္ဒပြပွဲမှာ မာန်အောင်မြို့နယ်နဲ့ ရမ်းဗြဲမြို့နယ်မှာရှိတဲ့ ကျေးရွာအတော်များများက ANP ပါတီဝင်တွေနဲ့ ဒေသခံတွေ ပါဝင်ခဲ့ကြပြီး ဒေါက်တာအေးမောင်အနေနဲ့ လာမယ့် ရွေးကောက်ပွဲမှာ မာန်အောင်မြို့နယ် လွှတ်တော်ကိုယ်စား လှယ်လောင်းအဖြစ် ဝင်ရောက်ယှဉ်ပြိုင်မယ်ဆိုရင် ဆန္ဒမဲပေးမှာမဟုတ်ဘူးလို့လည်း ဆန္ဒပြသူတွေက ပြောပါ တယ်။ မာန်အောင်မြို့နယ်မှာ ANP ပါတီတွင်းရွေးကောက်ပွဲကို ပြီးခဲ့တဲ့ ဇွန်လ ၉ ရက်နေ့က ကျင်းပခဲ့ပြီး အမှတ်(၂) မဲဆန္ဒနယ်မြေအတွက် ဒေါက်တာအေးမောင်နဲ့ မာန်အောင်မြို့ခံ ANP ဗဟိုကော်မတီဝင် ဦးတင်ရွှေတို့ ဝင်ရောက်ရွေးချယ်ခံရာမှာ ဒေါက်တာအေးမောင် က အနိုင်ရရှိခဲ့တာဖြစ်ပါတယ်။ ဒေါက်တာအေးမောင်ဟာ ရသေ့တောင်မြို့ ဇာတိဖြစ်ပြီး ပြီးခဲ့တဲ့ ၂၀၁၀ ရွေးကောက် ပွဲမှာ ရခိုင်ပြည်နယ် အမျိုးသားလွှတ်တော်ကိုယ်စားလှယ်အဖြစ် ရွေးချယ်ခံ ထားရသူဖြစ်ပါတယ်။

အရှေ့တောင်အာရှ ဒုက္ခသည်အရေး နိုင်ငံကာကူညီကြဖို့ ကန်တိုက်တွန်း

အရှေ့တောင်အာရှအတွင်း လတ်တလော ဖြစ်ပေါ်နေတဲ့ ရွှေ့ပြောင်းနေထိုင်သူများအရေးနဲ့ ပတ်သက်လို့ နိုင်ငံတကာက ဖြေရှင်းဖို့ ကြိုးပမ်းရာမှာ အမေရိကန် ပြည်ထောင်စု အနေနဲ့ ဘယ်လို ကူညီဆောင်ရွက်ပေးနိုင်မလဲ ဆိုတာကို Tackling Southeast Asia’s Refugee Crisis ဆိုတဲ့ ခေါင်းစဉ်နဲ့ CSIS - နိုင်ငံတကာ မဟာဗျုဟာလေ့လာရေး တတ်သိပညာရှင်များအဖွဲ့က ဦးဆောင်ပြီး ဇွန်လ ၁၇ ရက်နေ့က ၀ါရှင်တန် ဒီစီမြို့မှာ ဆွေးနွေးပွဲတခု ကျင်းပခဲ့ပါတယ်။ လတ်တလော ဖြစ်ပေါ်နေတဲ့ လှေစီးပြေး ဒုက္ခသည်တွေအရေး ဆွေးနွေးပွဲကို အမေရိကန် အစိုးရက အရာရှိတွေ၊ UNHCR ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက တာဝန်ရှိသူတွေ၊ အမေရိကန်နိုင်ငံဆိုင်ရာ ထိုင်းသံအမတ်ကြီးနဲ့ တခြားဒုက္ခသည်တွေအရေး ဆောင်ရွက်နေကြတဲ့ အစိုးရမဟုတ်တဲ့ အဖွဲ့အစည်းတွေက တာဝန်ရှိသူတွေပါ တက်ရောက် ဆွေးနွေးခဲ့ကြတာ ဖြစ်ပါတယ်။ ဒီလှေစီးပြေး ဒုက္ခသည်တွေရဲ့ အသက်ကို ကယ်တင်ဖို့အတွက် ဒေသတွင်း နိုင်ငံတွေကို အမေရိကန် ပြည်ထောင်စုက အဓိကထား ပြောကြားခဲ့တယ်လို့ အမေရိကန် နိုင်ငံခြားရေးဌာန ဒုက္ခသည်များနဲ့ ရွှေ့ပြောင်း နေထိုင်သူများအရေးရုံးက မူဝါဒရေးရာ အရာရှိ Jessica Yucatan က အမေရိကန် အစိုးရရဲ့ ရပ်တည်ချက်နဲ့ ပတ်သက်ပြီး ပြောကြားခဲ့ပါတယ်။ “အမေရိကန် ပြည်ထောင်စု အနေနဲ့ကတော့ ဒုက္ခသည်တွေရဲ့ အသက်ကို ကယ်တင်ကြဖို့ အဓိက စိုးရိမ်တဲ့အတွက် ဒေသတွင်းနိုင်ငံတွေ အနေနဲ့ အသက်ကယ်တင်ရေး လုပ်ငန်းတွေကို လုပ်ဆောင်ကြဖို့ တိုက်တွန်းခဲ့ပါတယ်။ သူတို့လိုက်ပါလာတဲ့ စက်လှေတွေကို ပင်လယ်ပြင်ထဲ ပြန်လွှတ်ခြင်းအားဖြင့် သူတို့ရဲ့ အသက်အန္တရာယ်ဘေးနဲ့ ရင်ဆိုင်ရတဲ့အဖြစ်မျိုးက ကာကွယ်တဲ့ အနေနဲ့ ပင်လယ်ပြင်ထဲ ပြန်မလွှတ်ကြဖို့ တိုက်တွန်း ပြောကြားခဲ့ပါတယ်။” Jessica Yucatan ဟာ အမေရိကန် နိုင်ငံခြားရေးဌာန ဒုက္ခသည်များနဲ့ ရွှေ့ပြောင်း နေထိုင်သူများအရေးဆိုင်ရာ လက်ထောက် နိုင်ငံခြားရေးဝန်ကြီး Anne Richard နဲ့အတူ မြန်မာနိုင်ငံ၊ ရခိုင်ပြည်နယ်အတွင်းက ဒုက္ခသည်စခန်းတွေကို သွားရောက်လေ့လာတဲ့ ခရီးစဉ်မှာ လိုက်ပါသွားသူတဦး ဖြစ်သလို ဒီလှေစီးပြေး ဒုက္ခသည်တွေအရေးအတွက် ဒေသတွင်းနိုင်ငံတွေက အစိုးရတာဝန်ရှိသူတွေနဲ့ တွေ့ဆုံမှုတွေမှာလည်း ပါဝင်ခဲ့သူတဦး ဖြစ်ပါတယ်။ အရှေ့တောင်အာရှတိုက်အတွင်းက နိုင်ငံတွေကို ရောက်လာကြတဲ့ လှေစီးပြေး ရွှေ့ပြောင်း နေထိုင်သူတွေ အားလုံးဟာ မြန်မာနိုင်ငံလာကြတဲ့ ရိုဟင်ဂျာဆိုသူတွေချည်း မဟုတ်ပဲ ဘင်္ဂလားဒေ့ရ်ှနိုင်ငံက သူတွေလည်း ပါတယ်လို့ Jessica Yucatan က ဆက်ပြောပါတယ်။ “ကမ်းကပ်လာတဲ့ ရွှေ့ပြောင်းနေထိုင်သူ ၄,၀၀၀ လောက်ထဲက အများစုဟာ ဘင်္ဂလားဒေ့ရ်ှနိုင်ငံက လာတဲ့သူတွေ ဖြစ်ပါတယ်။ ကမ်းကိုကပ်လာသူ စုစုပေါင်းထဲက ၅၀ ကနေ ၇၀% နှုန်းလောက်ဟာ ဘင်္ဂလားဒေ့ရှ် နိုင်ငံသားတွေ ဖြစ်ပါတယ်။ ဒါကြောင့် ဒီကိစ္စကို အမေရိကန် ပြည်ထောင်စု အနေနဲ့ ဒေသတွင်း ပြဿနာအဖြစ် ရှုမြင်သုံးသပ်ပါတယ်။” အမေရိကန်ပြည်ထောင်စုအနေနဲ့ မကြာသေးခင်က လှေစီးပြေး ဒုက္ခသည်တွေအရေး ကူညီဆောင်ရွက်ဖို့ IOM - နိုင်ငံတကာ ရွှေ့ပြောင်းနေထိုင်သူများအရေး ကူညီဆောင်ရွက်ပေးတဲ့ အဖွဲ့ကို ဒေါ်လာ ၃ သန်း အထောက်အကူ ပေးခဲ့သလို၊ ပြီးခဲ့တဲ့ ၂ နှစ်တာ အတွင်းမှာလည်း ရခိုင်ပြည်နယ်နဲ့ ရိုဟင်ဂျာလို့ဆိုတဲ့ ဒုက္ခသည်များအရေး တခြားနိုင်ငံတွေမှာ အရေးယူ ဆောင်ရွက်နိုင်ဖို့ ဒေါ်လာ ၁၀၉ သန်း ထောက်ပံ့ပေးခဲ့ပြီး ဖြစ်တယ်လို့ Jessica Yucatan က ပြောပါတယ်။ ဒါပေမဲ့ United to End Genocide ဆိုတဲ့ လူတွေ အစုလိုက်အပြုံလိုက် သတ်ဖြတ်မှု အဆုံးသတ်ရေးအတွက် ဆောင်ရွက်နေတဲ့အဖွဲ့က ညွှန်ကြားရေးမှူး Daniel Sullivan ဒီလှေစီးပြေး ဒုက္ခသည်တွေအရေးဟာ မြန်မာနိုင်ငံရဲ့ ပြဿနာဖြစ်တဲ့အတွက် အမေရိကန် ပြည်ထောင်စုအနေနဲ့ မြန်မာအစိုးရကို ပိတ်ဆို့အရေးမှုတွေ ချမှတ်ပြီး အရေးယူသင့်တယ်လို့ ထောက်ပြ ဆွေးနွေးခဲ့ပါတယ်။ “အမေရိကန် ပြည်ထောင်စုအနေနဲ့ ပိတ်ဆို့ အရေးယူမှု အများစုကို ဆိုင်းငံ့ထားခဲ့ပါတယ်။ ဒါ့အပြင် တိုင်းပြည်အတွင်း လူ့အခွင့်အရေး ချိုးဖောက်မှုတွေ အကြီးအကျယ် ဖြစ်ပေါ်နေတဲ့ကြားက အဲဒီ ချိုးဖောက်မှုတွေနဲ့ ဆက်နွယ်ပတ်သက်နေသူ တဦးချင်းစီအပေါ် ပစ်မှတ်ထား ချမှတ်တဲ့ ဒဏ်ခတ်ပိတ်ဆို့မှုမျိုး ၂၀၁၂ ခုနှစ်နောက်ပိုင်းမှာ တဦးအပေါ်မှာသာ ချမှတ်ခဲ့တာ ရှိပါတယ်။” ဒါ့အပြင် မြန်မာအစိုးရအနေနဲ့ သူတို့ပေးထားတဲ့ ကတိတွေအတိုင်း လိုက်နာဆောင်ရွက်ဖို့ ဖိအားပေး ဆောင်ရွက်သင့်တယ်လို့ Daniel Sullivan ပြောပါတယ်။ ဥပမာအားဖြင့် - အမေရိကန်သမ္မတ Barack Obama မြန်မာနိုင်ငံကို သမိုင်းဝင် ခရီးစဉ်အဖြစ် သွားရောက်ခဲ့တုန်းက သမ္မတ ဦးသိန်းစိန်အနေနဲ့ ကတိ ၁၁ ခု ပေးခဲ့တဲ့အကြောင်း၊ အဲဒီ ၁၁ ချက်ထဲက ၁ ချက်ကိုသာ အကောင်အထည်ဖော်ခဲ့တယ်လို့ ပြောလို့ရပြီး ကျန် ၁၀ ကိုတော့ လုံးဝ မသိကျိုးကျွန် ပြုထားတာ၊ ဒါမှမဟုတ် တပိုင်းတစပဲ အကောင်အထည် ဖော်တာမျိုး ရှိခဲ့တယ်လို့ ဆိုပါတယ်။ အဲဒီ ကတိ ၁၁ ချက်ထဲက အကောင်အထည်ဖော်ဖို့ ပျက်ကွက်နေတဲ့ ၁ ချက်ကတော့ မြန်မာနိုင်ငံမှာ UNHCR ရုံးဖွင့်ခွင့်ပြုမယ်လို့ သမ္မတ ဦးသိန်းစိန်က သမ္မတ အိုဘားမားကို ကတိပြုလိုက်တဲ့ အချက်ဖြစ်တဲ့အတွက် အဲဒီအချက် အကောင်အထည်ဖော်လာအောင် အမေရိကန် အစိုးရဖက်က ဆက်လက် ဖိအားပေးမယ်ဆိုရင် မြန်မာနိုင်ငံအတွင်းက ဒုက္ခသည်တွေအရေးကိစ္စကို UNHCR အနေနဲ့ အနီးကပ် စောင့်ကြည့်နိုင်မှာ ဖြစ်ကြောင်း Daniel Sullivan က ပြောပါတယ်။ ဒါပေမဲ့ ဆွေးနွေးပွဲ ၀င်ရောက် ဆွေးနွေးကြသူ အများစုကတော့ ထွက်ပြေးနေကြတဲ့ ဒုက္ခသည်တွေအရေး ကိုင်တွယ်ဖြေရှင်းတဲ့ နေရာမှာ ဒေသတွင်းနိုင်ငံတွေ အနေနဲ့ ကုလသမဂ္ဂ ဒုက္ခသည်များဆိုင်ရာ ပဋိဥာဏ်စာချုပ်ကို လက်မှတ်ရေးထိုးကြဖို့ လိုအပ်သလို ဒေသတွင်းက လူကုန်ကူးမှုဂိုဏ်းတွေကို တိုက်ဖျက်ပြီး တာဝန်ရှိသူတွေကို ထိထိရောက်ရောက် အရေးယူကြဖို့ လိုအပ်တယ် ဆိုတာကို အဓိက မီးမောင်းထိုး ဆွေးနွေးသွားကြပါတယ်။ ဒီရိုဟင်ဂျာဆိုသူ ဒုက္ခသည်တွေ အဓိက ထွက်ပြေးရတဲ့ အကြောင်းရင်းတွေဖြစ်တဲ့ ခွဲခြားဆက်ဆံမှု၊ ဖိနှိပ် ချုပ်ချယ်မှုတွေ အဆုံးသတ်ပြီး နိုင်ငံသား ဖြစ်ခွင့်ပြုရေးတို့အတွက် မြန်မာအစိုးရကို ဖိအားပေးဖို့ တိုက်တွန်း ပြောဆိုခဲ့ကြပါတယ်။ အမေရိကန်နိုင်ငံဆိုင်ရာ ထိုင်းသံအမတ်ကြီး Pisan Manawapat ကတော့ ဒီကိစ္စမှာ မြန်မာအစိုးရကို အပြစ်တင်နေမယ့်အစား ထိတွေ့ ဆက်ဆံတဲ့နည်းနဲ့ အဖြေရှာတာက အဆင်ပြေနိုင်မယ့် အလားအလာ ပိုများတယ်လို့ ပြောပါတယ်။ “အာဆီယံဒေသတွင်း နိုင်ငံသားတဦး အနေနဲ့ရော ဗုဒ္ဓဘာသာဝင် တဦးအနေနဲ့ရော ကျနော့် အနေနဲ့ ပြောရမယ်ဆိုရင်တော့ - မြန်မာအစိုးရနဲ့ ဆက်ဆံတဲ့နေရာမှာ အပြုသဘောဆောင်တဲ့ ထိတွေ့ဆက်ဆံမှုက အောင်မြင်တယ်ဆိုတာကို ထိုင်းနိုင်ငံရဲ့ အတွေ့အကြုံအရ ပြောနိုင်ပါတယ်။ မြန်မာအစိုးရနဲ့ ပြောမယ်၊ ဆိုမယ်၊ ထိတွေ့ ဆက်ဆံမယ်ဆိုရင် သူတို့မှာလည်း သူတို့အတွက် အကန့်အသတ်တွေ၊ လိုအပ်ချက်တွေ ရှိနေတယ်ဆိုတာကို နားလည်ထားပြီး လေးစားမှု ပြသဖို့လိုတယ်လို့ ကျနော်ထင်ပါတယ်။ သူတို့အနေနဲ့ ရှေ့တိုး လုပ်ဆောင်လို့ရရင် သူတို့ လုပ်ကြမှာပါ။” ရိုဟင်ဂျာဆိုသူတွေအရေး ဖြေရှင်းတဲ့နေရာမှာ အိမ်နီးချင်း အာဆီယံနိုင်ငံတွေနဲ့ ကုလသမဂ္ဂတို့က မြန်မာအစိုးရကို ပိုမိုဖိအားပေး လုပ်ဆောင်သင့်သလိုပဲ မြန်မာနိုင်ငံရဲ့ လက်ရှိ ပြုပြင်ပြောင်းလဲရေး အစီအစဉ်တွေမှာ ပါဝင်ဆောင်ရွက်နေကြတဲ့ အီးယူနဲ့ ဗြိတိန်တို့ အပါအ၀င် နိုင်ငံတကာ အသိုင်းဝိုင်းကလnf; ပါဝင်ဆောင်ရွက်လာအောင် အမေရိကန် ပြည်ထောင်စု အနေနဲ့ ဆော်သြသင့်တယ်လို့ ဆွေးနွေးပွဲမှာ ပါဝင်သူတွေက ပြောကြားခဲ့ကြပါတယ်။

အခြေချသူတွေပြဿနာ မျှဝေဖြေရှင်းဖို့ EU သဘောတူညီချက်မရနိုင်

ပြောင်းရွှေ့ဝင်ရောက်လာတဲ့ ဒုက္ခသည်တွေကို ဘယ်လိုခွဲဝေ လက်ခံကြမယ်ဆိုတာနဲ့ ပတ်သက်လို့ ဥရောပသမဂ္ဂ အဖွဲ့ဝင်တွေကြား သဘောတူညီမှုရရှိဖို့ အလှမ်းဝေးနေဆဲ ဖြစ်တယ်လို့ ဂျာမန်နိုင်ငံခြားရေးဝန်ကြီး Frank-Walter Steinmeier ကပြောကြားလိုက်ပါတယ်။ သူတို့လက်ခံလာအောင် အများကြီး ဆွဲဆောင်ရလိမ့်ဦးမယ်လို့လည်း ဆိုပါတယ်။ မြေထဲပင်လယ်ဒေသမှာ လူအများပြောင်းရွှေ့ ၀င်ရောက်လာမှု ဖြေရှင်းရေးအတွက် ဥရောပ ပြည်ထဲရေးဝန်ကြီးတွေ သဘောမတူနိုင် ဖြစ်ခဲ့ကြပြီး နောက်တနေ့မှာ ဂျာမန်ဝန်ကြီးက အီတလီ နိုင်ငံခြားရေးဝန်ကြီး Paolo Gentiloni နဲ့ ပူးတွဲပြုလုပ်တဲ့ သတင်းစာရှင်းလင်းပွဲမှာ အခုလို ပြောသွားတာပါ။ ဥရောပကို ရောက်ရှိနေကြတဲ့ ဆီးရီးယားနိုင်ငံသား၊ အီယီထရီးယားနိုင်ငံသား ၄ သောင်း နဲ့ ဥရောပပြင်ပ ဒုက္ခသည်စခန်းတွေမှာ နေနေကြတဲ့ ဆီးရီးယားနိုင်ငံသား ၂ သောင်း တို့ကို ခွဲဝေလက်ခံကြဖို့ ဥရောပကော်မရှင်ရဲ့ အကြံပြုချက်အပေါ် ၀န်ကြီးတွေ ဆုံးဖြတ်ချက် မချနိုင်ခဲ့ကြပါဘူး။ ဒီနှစ်အတွင်း ဥရောပတိုက်ကို ပြောင်းရွှေ့ဝင်ရောက်သူ တသိန်းကျော် ရောက်ရှိခဲ့ရာမှာ အီတလီကို ဖြတ်ဝင်သူချည်းပဲ ၆ သောင်းရှိတယ်လို့ ဥရောပသမဂ္ဂ နယ်ခြားရေးရာဌာန Frontex ကဆိုပါတယ်။ ဂျာမနီဟာ မနှစ်တုန်းက ၂ သိန်းလက်ခံခဲ့ပြီး ဒီနှစ်မှာ ၄ သိန်းခွဲ လက်ခံလိမ့်မယ်လို့ မျှော်လင့်ရပါတယ်။ လစ်ဗျားနိုင်ငံဟာ ပြောင်းရွှေ့ ၀င်ရောက်သူတွေအတွက် တံခါးပေါက်ဖြစ်နေပြီး လစ်ဗျားမှာ တရားဥပဒေစိုးမိုးမှု၊ တည်ငြိမ်မှုရအောင် မလုပ်နိုင်ရင် ဒုက္ခသည်ဝင်ရောက်မှု လျှော့ချနိုင်မယ် မဟုတ်ဘူးလို့ Steinmeier ကဆိုပါတယ်။ ဒီအရေးနဲ့ ပတ်သက်ပြီး ဥရောပထိပ်သီးတွေ ဇွန်လ ၂၅-၂၆ ရက်ကျရင် ဘရပ်ဆဲလ်မြို့မှာ ဆက်လက် ဆွေးနွေးကြဖို့ ရှိပါတယ်။

ဟောင်ကောင် ရွေးကောက်ပွဲစနစ်ပြုပြင်ရေး လွှတ်တော်မဲခွဲဆုံးဖြတ်ဖို့ပြင်ဆင်

တရုတ်ပြည်မကြီးအစိုးရက ထောက်ခံပေမဲ့ ဒေသခံ ဒီမိုကရေစီရေး လှုပ်ရှားသူတွေက ကန့်ကွက်ကြတဲ့ အငြင်းပွားဖွယ်ရာ ဖြစ်နေ တဲ့ ရွေးကောက်ပွဲ ပြင်ဆင်ချက်မူကြမ်းကို ဟောင်ကောင် လွှတ်တော်အမတ်တွေအနေနဲ့ ကြာသပတေးနေ့ အစောဆုံးထား မဲခွဲဆုံးဖြတ်နိုင်ဖွယ် ရှိပါတယ်။ တရုတ်ပြည်မကြီးအစိုးရက ရေးဆွဲခဲ့တဲ့ အဲဒီပြုပြင်ပြောင်းလဲရေး အစီအစဉ်ဟာ ၂၀၁၇ မှာ ဟောင်ကောင်အုပ်ချုပ်ရေးအကြီးအကဲ ရွေးချယ်မယ့်စည်းမျဉ်းတွေကို လျာထား ဖော်ပြထားပါတယ်။ ဒီအစီအစဉ်သစ်အရ ဟောင်ကောင်သားတွေဟာ သူတို့ ထိပ်တန်း အကြီးအကဲကို မေးပေး ရွေးချယ်ခွင့်ရမှာဖြစ်ပေမဲ့ တရုတ်အစိုးရသစ္စာခံတွေ ကြီးစိုးတဲ့ အဖွဲ့ဝင် ၁၂၀၀ ပါ ကော်မတီက ရွေးချယ်ခံမယ့် ကိုယ်စားလှယ်လောင်းတွေကို သဘောတူ အတည်ပြုပေးဖို့ လိုအပ်တာ ဖြစ်ပါတယ်။ ဒီအစီစဉ်သစ်ဟာ လွှတ်တော်မှာ ဆန့်ကျင်မှု ပြင်းထန်ပြီး မအောင်မြင်ဖို့ များတယ်လို့ အကဲခတ်တွေက သုံးသပ်ကြပါတယ်။ ၁၉၉၇ ခုနှစ်က အဆုံးသတ်ခဲ့တဲ့ နှစ် ၁၀၀ ကျော် ဗြိတိသျှ ကိုလိုနီအုပ်ချုပ်ရေးအပြီး ဒီအဆိုပြုချက် အသစ်တွေဟာ ဒီမိုကရေစီအကျဆုံး ဖြစ်တယ်လို့ တရုတ်အစိုးရက တင်ပြပါတယ်။ ပြီးခဲ့တဲ့နှစ်က ဒီအရေးယူ ဆောင်ရွက်မှုတွေအပေါ် အကြီးအကျယ် ဆန္ဒပြခဲ့ကြတဲ့ ဒီမိုကရေစီအရေး လှုပ်ရှားသူတွေကတော့ တရုတ်အစိုးရ အဆိုပြုတဲ့ ဒီရွေးကောက်ပွဲ ပြင်ဆင်ချက်ဟာ ဒီမိုကရေစီ မဆန်ဘူးလို့ တုံ့ပြန်ကြပါတယ်။

ဘင်္ဂလား-မြန်မာ နယ်ခြားစောင့်တပ်ဖွဲ့တွေကြား ပစ်ခတ်မှုဖြစ်

မြန်မာနဲ့ဘင်္ဂလားဒေ့ရှ် နယ်ခြားဒေသမှာ ၂ နိုင်ငံ လုံခြုံရေးတပ်ဖွဲ့ဝင်တွေကြား ဒီကနေ့အစောပိုင်းက ပစ်ခတ်မှု ဖြစ်ပွားခဲ့ရာမှာ ဘင်္ဂလားဒေ့ရှ် နယ်ခြားစောင့်တပ်ဖွဲ့ဝင်တဦး ဒဏ်ရာရရှိပြီး၊ နောက်တဦးကိုတော့ မြန်မာ အာဏာပိုင်တွေက ဖမ်းဆီးထားပါတယ်။ မူးယစ်ဆေးဝါးနဲ့ လူမှောင်ခိုမှုလို ရာဇ၀တ်မှုမကင်းတဲ့ လုပ်ရပ်တွေ ရှိနေတဲ့အတွက် မကြာသေးခင်ကစလို့ လုံခြုံရေးအတွက် တင်းတင်းကျပ်ကျပ် စောင့်ကြပ်နေချိန်မှာပဲ ပစ်ခတ်မှုတွေ ဖြစ်ခဲ့တာပါ။ ရခိုင်ပြည်နယ်၊ မောင်တောမြို့နယ် ရေတွင်းကျွန်း ချောင်းဝကင်းစခန်းကို တာဝန်ယူနေတဲ့ မြန်မာနယ်ခြားစောင့်တွေနဲ့ ဘင်္ဂလားဒေ့ရ်ှကနေ နယ်ခြားစောင့်တပ်တွေကြား နှစ်ဖက်ပစ်ခတ်မူတွေ ဖြစ်ခဲ့တာပါ။ မြန်မာရေပိုင်နက်အတွင်း ၀င်ရောက်လာတဲ့အတွက် မြန်မာလုံခြုံရေးတပ်ဖွဲ့တွေနဲ့ ပစ်ခတ်မှုတွေ ဖြစ်ခဲ့တာလို့လည်း ရခိုင်ပြည်နယ် မောင်တောမြို့မှာရှိတဲ့ မြန်မာနိုင်ငံ နယ်ခြားစောင့်တပ်ဖွဲ့က ဒုတိယ ရဲမှူးကြီးမျိုးဆွေ က ပြောပါတယ်။ “မနက်က ကျနော်တို့ ခြံစည်းရိုးဘေးမှာ လှည့်ကင်းလှည့်တယ်။ လှည့်တဲ့အခါမှာ ကျနော်တို့ဘက် ကမ်းစပ်မှာ စက်လှေတစီး လာပြီးတော့ ရပ်တဲ့အသံကြားလို့ ဆင်းပြီးတော့ ကြည့်တဲ့အခါမှာ အဲဒီစက်လှေပေါ်ကနေ စပြီးတော့ ပစ်ပါတယ်။ စစ်ဆေးမေးမြန်းမလို့ စစစ်မေးတဲ့အချိန်မှာ သူတို့ဘက်ကနေ သေနတ်နဲ့ စပစ်တာဖြစ်ပါတယ်။ ကျနော်တို့ဘက်ကနေ ပြန်ပစ်တဲ့အခါမှာ သူတို့က ဟိုဘက်နိုင်ငံထဲကို မြစ်ထဲကိုခုန်ချသွားတာပေါ့။ တယောက်ကတော့ ကျနော်တို့ဆီက မိလိုက်တာပေါ့၊ သေနတ်တလက်နဲ့ မိလိုက်ပါတယ်။ ရေတွင်းကျွန်း ချောင်းဝကင်းစခန်းကနေပြီးတော့ ခြံစည်းရိုးဘက်ကို ကင်းလှည့်ရင်းနဲ့ တွေ့တာဖြစ်ပါတယ်။ နတ်မြစ် ကျနော်တို့ဘက်ကမ်းမှာပါ။ ဘင်္ဂလားဒေ့ရှ် နယ်ခြားစောင့်တပ်က တပ်ကြပ်ကြီးတယောက်နဲ့ တပ်သား ၂ ယောက်လို့ သိရပါတယ်။” ဘင်္ဂလားဒေ့ရ်ှနိုင်ငံက သတင်းတွေမှာတော့ စက်လှေတစင်းနဲ့ စိတ်ကြွဆေးတွေ မှောင်ခိုသယ်လာတယ်ဆိုတဲ့ သတင်းအရ လုံခြုံရေးတပ်ဖွဲ့တွေက ၂ နိုင်ငံ နယ်ခြားဒေသမှာ ကင်းလှည့်ရှာဖွေနေရင်း မြန်မာတပ်ဖွဲ့တွေရဲ့ ပစ်ခတ်တာ ခံခဲ့ရတာလို့ ဖော်ပြကြပါတယ်။ မသင်္ကာတဲ့ စက်လှေကို ရပ်တန့်စစ်ဆေးနေစဉ် ပစ်ခတ်ခံရတာလို့လည်း ဘင်္ဂလားဒေ့ရှ် နယ်ခြားစောင့်တပ်ရင်း ၄၂ တပ်ရင်းမှူး ဒုဗိုလ်မှူးကြီး အဘူဇာ အယ်လ်ဇာဟစ် (Abu Zar Al Zahid) ကို ကိုးကား ဖော်ပြခဲ့ကြတာပါ။ မြန်မာဘက်က ဖမ်းဆီးထားတဲ့ ဘင်္ဂလားဒေ့ရှ် နယ်ခြားစောင့် တပ်ဖွဲ့ဝင်ကိုလည်း ပြန်လည် လွှဲပြောင်းပေးနိုင်ဖို့ ဆက်သွယ် ဆောင်ရွက်နေတယ်လို့လည်း ဘင်္ဂလားဒေ့ရှ် အာဏာပိုင်တွေက ပြောဆိုခဲ့ကြပါတယ်။ ပြီးခဲ့တဲ့နှစ်တုန်းကလည်း အခုလိုမျိုးပစ်ခတ်မှုတွေ ရှိခဲ့ပေမဲ့ ဒီနှစ်ထဲမှာတော့ အခုဖြစ်ရပ်ဟာ ပထမဦးဆုံးအကြိမ် ဖြစ်ကြောင်းလည်း ဒုရဲမှူးကြီးမျိုးဆွေက ပြောပါတယ်။ “ဒါကတော့ ကျနော်တို့ ပထမဆုံးအကြိမ် ဖြစ်ပါတယ်။ မနှစ်ကတော့ ကုန်းတွင်းပိုင်းမှာတကြိမ် ကျနော်တို့ဖြစ်တာ ရှိပါတယ်။ ကုန်းတွင်းပိုင်း ခြံစည်းရိုးဘေးမှာ ဒီလိုမျိုးပဲ ကျနော်တို့ ပစ်ခတ်တာ တကြိမ်ဖြစ်ဖူးပါတယ်။ ဒီတခါကတော့ နတ်မြစ်ထဲမှာ ဖြစ်တာပါ။ ဟိုတခါကတော့ ကုန်းပေါ်မှာဖြစ်တာပါ။” အခုပစ်ခတ်မှုနဲ့ ပတ်သက်လို ၂ နိုင်ငံအစိုးရချင်း ကြားမှာရော၊ နယ်ခြားစောင့်တပ်ဖွဲ့တွေ အချင်းချင်းကြားမှာပါ ဆွေးနွေးမှုတွေ လုပ်သွားမယ်လို့လည်း ပြောပါတယ်။ အခုနောက်ဆုံး ပစ်ခတ်မှုတွေ ဖြစ်ပွားခဲ့တဲ့ နယ်ခြားဒေသဟာ မကြာသေးခင် လတွေကစလို့ အရှေ့တောင်အာရှ ဒေသတွင်း နိုင်ငံတွေကို လှေစီးထွက်ပြေးသူတွေ အဓိက ထွက်ခွာလာရာ ဒေသတခုအဖြစ်နဲ့လည်း ကုလသမဂ္ဂ အပါအ၀င် နိုင်ငံတကာ အသိုင်းအ၀ိုင်းက ပြောဆိုထားကြတာပါ။ မြန်မာအာဏာပိုင်တွေကတော့ လူမှောင်ခိုမှုတွေ၊ မူးယစ်ဆေးဝါး မှောင်ခိုမှုတွေလို ရာဇ၀တ်မှုတွေ ပေါ်ပေါက်နေတဲ့ ဘင်္ဂလားဒေ့ရှ် ၂ နိုင်ငံ နယ်စပ်ဒေသမှာ လုံခြုံရေးအတွက် မကြာသေးခင်ကစလို့ ပိုမို တင်းတင်းကျပ်ကျပ် ဆောင်ရွက်လာနေပြီး နယ်ခြားစောင့်တပ်ဖွဲ့ကိုလည်း ပြန်လည်ဖွဲ့စည်းထားတာ ဖြစ်ပါတယ်။

မြောက်ကိုရီးယားမှာ နှစ်ပေါင်း ၁၀၀ အတွင်း အဆိုးဆုံး မိုးခေါင်ရေရှားမှုနဲ့ကြုံ

မြောက်ကိုရီးယားနိုင်ငံမှာ ဒီရာစုနှစ်အတွင်း အဆိုးရွားဆုံး မိုးခေါင်ရေရှားမှုဒဏ် ခံနေရတယ်လို့ အစိုးရသတင်းတွေမှာ ဖော်ပြနေတာမို့ စားနပ်ရိက္ခာ နဂိုကတည်းက လုံလောက်မှုမရှိတဲ့ ဆင်းရဲတဲ့ မြောက်ကိုရီးယားနိုင်ငံရဲ့ အခြေအနေဟာ ပိုဆိုးလာနေတာ ဖြစ်ပါတယ်။ မြောက်ကိုရီးယားနိုင်ငံမှာ အဆိုးရွားဆုံး မိုးခေါင်ရေရှားမှုဒဏ်ကို နှစ် ၁၀၀ လောက် ဆက်ပြီး ခံနေရတယ်လို့ နာမည် အပြည့်အစုံ ဖော်ပြမထားတဲ့ အစိုးရအရာရှိတဦးရဲ့ ပြောကြားချက်ကို ကိုးကားပြီး KCNA ကိုရီးယားသတင်းဌာနက အင်္ဂါနေ့က ဖော်ပြထားတာပါ။ မိုးကောင်းကောင်း မရတဲ့အတွက် Hwanghae နဲ့ Pyongan ခရိုင်တွေ အပါအဝင် ဆန် အဓိက စိုက်ပျိုးတဲ့ နေရာ အများအပြားမှာ စပါးခင်းတွေ ခြောက်ကုန်တယ်လို့ KCNA အစိုးရသတင်းမှာ ဖော်ပြပါတယ်။ မြောက်ကိုရီးယားနိုင်ငံမှာ ၁၉၉၀ အစောပိုင်းနှစ်တွေတုန်းက ဆိုးရွားတဲ့ ငတ်မွတ်ခေါင်းပါးမှု ဒဏ်ခံရပြီး လူပေါင်း သိန်းသန်းချီ သေဆုံးခဲ့ရပါတယ်။ အဲဒီအချိန်ကစပြီး အခုထိ မိုးခေါင်တာ၊ ရေလျှံတာလို သဘာဝဘေးဒဏ်တွေနဲ့ ညံ့ဖျင်းတဲ့ စီမံခန့်ခွဲမှုတွေကြောင့် နိုင်ငံတွင်း စားနပ်ရိက္ခာ ရှားပါးမှုကို အမြဲတစေ ခံစားနေရတာ ဖြစ်ပါတယ်။ မြောက်ကိုရီးယားနိုင်ငံမှာ လူဦးရေအားလုံးရဲ့ ၇၀ ရာခိုင်နှုန်းဖြစ်တဲ့ လူပေါင်း ၁၈ သန်းလောက်ဟာ စားနပ်ရိက္ခာ မလုံလောက်မှုတွေ၊ အဟာရ ချို့တဲ့မှုတွေ ခံစားနေရတယ်လို့ ကုလသမဂ္ဂက ပြောပါတယ်။ အဟာရချို့တဲ့မှုနှုန်းကလည်း မြင့်မားနေတာဖြစ်ပြီး၊ အသက် ၅ နှစ်အောက် ကလေးငယ်အားလုံးရဲ့ ၂၈ ရာခိုင်နှုန်းလောက်ဟာ အဟာရချို့တဲ့မှုဒဏ်ကို တာရှည်ခံစားနေရတယ်လို့ ဆိုပါတယ်။ မြောက်ကိုရီးယားမှာ စားနပ်ရိက္ခာ၊ သောက်ရေသန့်နဲ့ တခြား အခြေခံ လိုအပ်ချက်တွေ ဖြည့်တင်းပေးနိုင်ဖို့ ဆောင်ရွက်ပေးနေတဲ့ ကုလသမဂ္ဂ ကယ်ဆယ်ကူညီရေးအဖွဲ့ ၅ ဖွဲ့၊ ဒီ၂၀၁၅ ခုနှစ်ထဲ ဆက်လက် လှုပ်ရှားနိုင်အောင် ရန်ပုံငွေ ဒေါ်လာ ၁၁၁ သန်း ချထားပေးဖို့ ကုလသမဂ္ဂက ဧပြီလထဲမှာ ပန်ကြားခဲ့တာပါ။ ကိုယ်တိုင် မိုးခေါင်မှုဒဏ် ခံနေရတဲ့ တောင်ကိုရီးယားကတော့ KCNA သတင်းအတွက် မှတ်ချက်တစုံတရာ မပေးပေမဲ့ တကယ်လို့ မြောက်ကိုရီးယားဟာ အခုလို မိုးခေါင်ရေရှားဒဏ်ကို ဆက်ပြီးခံနေရမယ်ဆိုရင် ကောက်ပဲသီးနှံထုတ်လုပ်မှုဟာ မနှစ်ကထက် ၂၀ ရာခိုင်နှုန်းလောက် ကျဆင်းသွားနိုင်တယ်လို့တော့ မကြာသေးခင်ကပဲ သတိပေးထားပါတယ်။

ရွေးကောက်ပွဲအကြို သတင်းလွတ်လပ်ခွင့် AI စိုးရိမ်

ကျင်းပမယ်လို့ ပြောဆိုထားတဲ့ မြန်မာ့ရွေးကောက်ပွဲ နီးကပ်လာချိန်မှာပဲ သတင်းထောက်တွေနဲ့ သတင်းဌာနတွေကို အစိုးရက တရားစွဲဆိုမှုတွေ၊ ထောင်ချတာတွေလိုမျိုး ခြိမ်းခြောက်မှုတွေ ပိုပြီး တိုးလာနေတယ်လို့ နိုင်ငံတကာ အခွင့်အရေးအဖွဲ့ကြီး Amnesty International က သတိပေး ပြောဆိုလိုက်ပါတယ်။ ဒီလို ဆောင်ရွက်ချက်တွေကြောင့် ပြည်တွင်းမီဒီယာတွေ စိုးရိမ်စိတ်ဖြစ်စေပြီး၊ လွတ်လပ်စွာ သတင်းရေးသား ဖော်ထုတ်မှုကို အတားအဆီး ဖြစ်စေတယ်လို့လည်း AI အဖွဲ့ကြီးက ဝေဖန်လိုက်ပါတယ်။ ပွင့်လင်းလွတ်လပ်ခါစ မြန်မာ့မီဒီယာ အသိုင်းအ၀ိုင်းအတွင်း ဖမ်းဆီး ထောင်ချခံရမှုတွေကြောင့် လွတ်လပ်စွာ ထုတ်ဖော်ရေးသားမှုကို ဘယ်လောက် ရိုက်ခတ်မှု ရှိနေပါသလဲ ဆိုတာကိုတော့ မသိင်္ဂီထိုက် က စုစည်းတင်ပြထားပါတယ်။ မြန်မာအစိုးရဟာ နိုင်ငံရဲ့အရေးပါတဲ့ ရွေးကောက်ပွဲ နီးလာချိန်မှာ သတင်းထောက်တွေနဲ့ သတင်းဌာန တွေကို ခြိမ်းခြောက်၊ အနှောင့်အယှက်ပေး၊ ထောင်ချ တာတွေ လုပ်ပြီး မီဒီယာကို တိုးပြီး ကန့်သတ် ကိုင်တွယ်လာခဲ့တယ်လို့ ဒီလ ၁၇ ရက်နေ့ ဗုဒ္ဓဟူးနေ့မှာ ထုတ်ပြန်တဲ့ အစီရင်ခံစာမှာ နိုင်ငံတကာ အခွင့်အရေး အဖွဲ့ကြီး Amnesty International က ပြောဆိုလိုက်ပါတယ်။ AI အဖွဲ့ကြီးရဲ့ အရှေ့တောင်အာရှဆိုင်ရာ သုတေသန ဌာနမှူး Rupert Abbott က အခုလို ပြောပါတယ်။ “ရွေးကောက်ပွဲမှာ သတင်းထောက်တွေရဲ့ အခန်းကဏ္ဍက အရေးကြီးပါတယ်။ ပြည်သူတွေ ရွေးကောက်တင်မြှောက်ရမယ့် အခြေအနေကို ပိုပြီး သိရှိနားလည်စေဖို့ သတင်းအချက်အလက်တွေ ပိုပြီး ရစေဖို့ အထောက်အကူ ဖြစ်စေပါတယ်။ ရွေးကောက်ပွဲ ကာလအတွင်းမှာ သတင်းထောက်တွေရဲ့ အခန်းကဏ္ဍနဲ့ လွတ်လပ်စွာ ထုတ်ဖော်ပြောဆိုခွင့်က သိပ်ကို အရေးကြီးပါတယ်။” ရွေးကောက်ပွဲ နီးကပ်လာချိန်မှာဘဲ ပြည်တွင်းမီဒီယာတွေအပေါ် ဖိနှိပ်မှုတွေကတော့ တိုးလာနေတယ်လို့ ပြည်တွင်း မီဒီယာအသိုင်းအ၀ိုင်းကလည်း ပြောပါတယ်။ သတင်းရေးသား ဖော်ပြမှုကြောင့် ထောင်ချခံခဲ့ရတဲ့ မြန်မာပိုစ့်နဲ့ မြန်မာပိုစ့် ဂလိုဘယ်လ်ရဲ့ အယ်ဒီတာချုပ် ကိုသန်းထိုက်သူ ကတော့ လက်ရှိ ပြည်တွင်း မီဒီယာ လောက အခြေအနေကို အခုလို ပြောပါတယ်။ “မြန်မာသံတော်ဆင့် တုန်းကလည်း၊ အယ်ဒီတာချုပ် CEO ကစလို့ ဖြန့်ချိရေးဝန်ထမ်းအဆုံး ၁၁ ယောက်တိတိ တရားစွဲထားတယ်။ ပြီးတော့ Eleven ကိုလည်း စွဲထားတယ်။ စွဲထားတဲ့အပြင်ကိုမှ Eleven ကို စွဲထားတဲ့ အမှုအကြောင်းတွေ ရေးလို့ဆိုပြီးတော့မှ ထပ်စွဲတယ်လို့လည်း ကြားရတယ်။ အဲတော့ မီဒီယာကို တင်းတင်းကျပ်ကျပ်နဲ့ ရွေးကောက်ပွဲနီးတဲ့အချိန်မှာ လုပ်နေပြီလို့ပဲ ပြောရတော့မှာပေါ့။ ကျနော်တို့ကို ဖမ်းဆီးထောင်ချတဲ့ကိစ္စနဲ့ ပတ်သက်ပြီး ပြောရမယ်ဆိုရင်တော့ ကျနော်တို့ကို ဖမ်းဆီးထောင်ချတာကတော့ ဒီတပ်မတော်သား လွှတ်တော်ကိုယ်စားလှယ် ဗိုလ်မှူးသိန်းဇော်နဲ့ ဖြစ်ကြတယ်ဆိုပေမဲ့ အဲဒီမတိုင်ခင်ကတည်းကိုက ကျနော်တို့မှာ ဖိအားအမျိုးမျိုးနဲ့ ကြုံခဲ့ရပြီးလည်းဖြစ်တယ်။ ဥပမာ၊ ကျနော်တို့ ငှားရမ်းနေထိုင်လုပ်ကိုင်တဲ့ ရဲဝန်ထမ်း အဆောက်အအုံတွေကို အတင်းအကျပ် ဖျက်သိမ်းပြီးတော့မှ ချက်ခြင်း ဒီတပတ်အတွင်း ပြောင်းပေးဆိုတာမျိုးတွေ ဖိအားပေးတယ်။ ရဲချုပ် ကျော်ကျော်ထွန်းကိုယ်တိုင် အဲဒီအချိန်တုန်းက လာစစ်ပြီးတော့မှ ကျနော်တို့ကို အဆောက်အအုံဌာနကို ပြောင်းရွှေ့အောင်လို့ ဖိအား အတင်းအကျပ် ပေးတဲ့ဟာတွေ အများကြီးရှိတယ်ပေါ့နော်။ အဲဒါကတော့ အလံဇောက်ထိုးကိစ္စ ရေးတဲ့အကြောင်းအရာတွေ အဲဒါနဲ့ပတ်သက်ပြီးတော့မှ ဒီမှာတာဝန်ရှိတဲ့သူတွေ ဒါ တိုင်းပြည်ရာထူးကနေ နှုတ်ထွက်ဖို့တောင် သင့်တယ်ဆိုတဲ့ပုံစံမျိုး ရေးတဲ့အပေါ်မှာ အဲ့ဒါရဲ့နောက်ဆက်တွဲပေါ့ ကျနော်တို့အပေါ်မှာ အဲဒါမျိုး လုပ်ခဲ့ပါတယ်။” ပြည်တွင်းမီဒီယာလောကဟာ ဆယ်စုနှစ်တွေနဲ့ချီပြီး “စာပေကင်ပေတိုင်” လို့တောင် နာမည်ကြီးခဲ့တဲ့ အစိုးရရဲ့ စာပေစိစစ်ရေးအောက်မှာ ရုန်းကန်ခဲ့ကြရတာ ဖြစ်ပါတယ်။ ဒါပေမဲ့ အရပ်သားအစိုးရ အပြောင်းမှာတော့ နေ့စဉ်ထုတ်သတင်းစာ ထုတ်ဝေခွင့်တွေ ပြန်ရပြီး၊ တစိတ်တပိုင်း လွတ်လပ်မှု ရှိလာခဲ့တာပါ။ ဒါပေမဲ့လည်း အစိုးရကို ဝေဖန်ထောက်ပြတဲ့ သတင်းတွေ ဖော်ပြမယ်ဆိုရင်တော့ အစိုးရဘက်က တရားစွဲဆိုမယ့် ထောင်ချမယ့် အရေးကို စိုးရိမ်နေကြရဆဲ ဖြစ်ပါတယ်။ အာဏာပိုင်တို့နဲ့ တရားရင်ဆိုင်ရမယ့်အရေး စိုးရိမ်ချက်ကြောင့် Self-Censorship လို့ခေါ်တဲ့ ကိုယ့်ဘာသာ ဆင်ဆာတည်းဖြတ် ရေးသားလာကြရတယ်လို့လည်း AI အဖွဲ့ကြီးက Rupert Abbott က ပြောပါတယ်။ “သတင်းထောက်တွေဟာ ကိုယ့်ဘာသာ ဆင်ဆာဖြတ်လာကြပါတယ်။ တွေ့ဆုံမေးမြန်းခဲ့တဲ့ သတင်းထောက်တချို့ ပြောတဲ့စကားကို တိုက်ရိုက်ပြန်ပြောရမယ်ဆိုရင်တော့ ပြဿနာ မတက်အောင် ကြည့်ရေးနေရတယ်ဆိုတာပါပဲ။ အချိန်မရွေး တရားစွဲခံရမယ့် အန္တရာယ်ကလည်း ရှိနေပါတယ်။ ဒါ့အပြင် တကယ်လို့များ နိုင်ငံရေးအခြေအနေ ပြောင်းသွားခဲ့ရင်လည်း သူတို့ အရင်က ရေးခဲ့သားခဲ့တာတွေကို ပြန်ပြောင်း ကောက်ယူပြီး အရေးယူခံရမယ့် အရေးကိုလည်း စိုးရိမ်နေကြတာပါ။” မြန်မာနိုင်ငံက သတင်းထောက်တွေဟာ စစ်တပ်အကြောင်း၊ ဘာသာရေး အစွန်းရောက်မှုနဲ့ ရခိုင်ပြည်နယ်က ရိုဟင်ဂျာ ဘင်္ဂါလီတို့အရေး အပါအ၀င် ရေးသား ဖော်ပြရင် ပြဿနာ တက်နိုင်တဲ့ အကြောင်းအရာတွေကို သိရှိနားလည်ထားကြတယ်လို့လည်း AI အဖွဲ့ကြီးရဲ့ အရှေ့တောင်အာရှဆိုင်ရာ သုတေသနမှူးက ပြောပါတယ်။ ပြီးခဲ့တဲ့နှစ်တုန်းက စစ်တပ်လက်ချက်နဲ့ အလွတ်သတင်းထောက် ကိုပါကြီး (ခေါ်) ကိုအောင်ကျော်နိုင် အသတ်ခံခဲ့ရတာကိုလည်း AI အဖွဲ့ကြီးက ထောက်ပြထားပါတယ်။ မြန်မာနိုင်ငံမှာ ရွေးကောက်ပွဲနီးလာချိန် နိုင်ငံတကာအသိုင်းအ၀ိုင်းအနေနဲ့ သတိရှိကြဖို့ တိုက်တွန်းနေပါတယ်။ ဒီအချိန်ကာလဟာ မြန်မာအစိုးရအနေနဲ့ ပေးထားတဲ့ကတိတွေကို လက်တွေ့ အကောင်အထည်ဖော်ဖို့ တိုက်တွန်းရမယ့် အချိန်အခါကောင်းလည်း ဖြစ်တယ်လို့ AI အဖွဲ့ကြီးက ပြောဆိုထားပါတယ်။ ရွေးကောက်ပွဲကိုတော့ ဒီနှစ်ကုန်ပိုင်းမှာ ကျင်းပပါမယ်လုိ့ အစိုးရက ကတိပေးထားပြီး ဖြစ်ပါတယ်။ ဒါပေမဲ့ ရွေးကောက်ပွဲ ကျင်းပမယ့်ရက်ကိုတော့ အတိအကျ မထုတ်ပြန်နိုင်သေးပါဘူး။ ပါတီမှတ်ပုံတင်ရေး လုပ်ငန်းတွေ မပြီးသေးသလို၊ မဲစာရင်းပြုစုမှုမှာလည်း အမှားအယွင်း မစင်သေးတဲ့ အနေအထား ဖြစ်ပါတယ်။

မြန်မာ့ဗဟိုဘဏ် ထင်သာမြင်သာရှိဖို့ ကြိုးပမ်းမည်

မြန်မာနိုင်ငံတော် ဗဟိုဘဏ်အနေနဲ့ နိုင်ငံတနိုင်ငံလုံးနဲ့ သက်ဆိုင်တဲ့ ငွေကြေးဆိုင်ရာနဲ့ တနိုင်ငံလုံးမှာ လည်ပတ်နေတဲ့ ငွေရေးကြေးရေးစနစ် တည်ငြိမ်ရေးဆိုင်ရာ အစီရင်ခံစာတွေကို နှစ်စဉ် တရားဝင် ပြည်သူတွေကို ထုတ်ပြန်ပေးသွားမယ်လို့ ဗဟိုဘဏ်က ထုတ်ဖော်ပြောဆိုလိုက်ပါတယ်။ အခုလို အမေရိကန်ဒေါ်လာဈေး တရိပ်ရိပ် တက်နေတဲ့အချိန်မှာ ဗဟိုဘဏ်ရဲ့ ငွေကြေးလည်ပတ်မှု ဆိုင်ရာတွေဟာ သတင်းထုတ်ပြန်မှု၊ ပွင့်လင်းမြင်သာမှု အားနည်းနေတယ်လို့ ဝေဖန်ခံနေရတာတွေ ရှိပါတယ်။ အပြည့်အစုံကို ဗွီအိုအေသတင်းထောက် မမေခ က သတင်းပေးပို့ထားပါတယ်။ ပြည်သူ့လွှတ်တော်အစည်းအဝေးမှာ လှည်းကူးမဲဆန္ဒနယ်က ဦးဖြိုးမင်းသိန်းက မြန်မာနိုင်ငံတော် ဗဟိုဘဏ်အနေနဲ့ ဥပဒေပါ ပြဋ္ဌာန်းချက်နဲ့အညီ ပြည်ထောင်စုလွှတ်တော်ကို အစီရင်ခံစာ တင်ပြခဲ့ခြင်းနဲ့ နိုင်ငံတော် ငွေကြေးမူဝါဒ၊ ငွေရေးကြေးရေး တည်ငြိမ်ရေးဆိုင်ရာ ဖြစ်ပေါ်တိုးတက်မှု သတင်း အချက်အလက်များကို အများပြည်သူများ သိရှိစေရန်အတွက် ထုတ်ပြန်ကြေညာဖို့ အစီအစဉ် ရှိ မရှိကို မေးမြန်းခဲ့ပါတယ်။ ဒီလိုမေးမြန်းခဲ့တာကို ဗဟိုဘဏ်ဒုဥက္ကဌ ဒေါ်ခင်စောဦးက အခုလို ဖြေကြားခဲ့တာပါ။ “ငွေကြေးဆိုင်ရာ အစီရင်ခံစာ monetary report နဲ့ ငွေရေးကြေးရေး တည်ငြိမ်မှုဆိုင်ရာ အစီရင်ခံစာ financial stability report ၂ ခုကို မြန်မာနိုင်ငံတော် ဗဟိုဘဏ်က လွှတ်တော်သို့ တင်ပြအစီရင်ခံခြင်းကို ဆောင်ရွက်ပြီးတဲ့နောက်မှာ အများပြည်သူသိရှိစေရန် မြန်မာနိုင်ငံတော် ဗဟိုဘဏ်ရဲ့ website မှာ တင်ပြထားမယ်ဖြစ်ပြီးတော့ အခါအားလျော်စွာ လိုအပ်ပါက သတင်းစာရှင်းလင်းပွဲများ ဆောင်ရွက်သွားမည်ဖြစ်ကြောင်း တင်ပြအပ်ပါတယ်။” အခုလို ထုတ်ပြန်မယ့် ငွေကြေးဆိုင်ရာ အစီရင်ခံစာမှာ နိုင်ငံတော်စီးပွားရေး ဖွံ့ဖြိုးမှုအခြေအနေ၊ ပြည်ပကုန်သွယ်မှုအခြေအနေ၊ ငွေကြေးဖောင်းပွမှု အခြေအနေ၊ စုဆောင်းမှု၊ ချေးငွေနဲ့ ငွေကြေးပမာဏအခြေအနေ၊ နိုင်ငံခြားငွေ လဲလှယ်နှုန်းနဲ့ နိုင်ငံခြားငွေ သီးသန့်ရန်ပုံငွေ အခြေအနေ စတာတွေ ပါဝင်မှာဖြစ်ပြီး ငွေရေးကြေးရေးစနစ် တည်ငြိမ်ရေးဆိုင်ရာ အစီရင်ခံစာမှာတော့ ငွေရေးကြေးရေးစနစ် တည်ငြိမ်ရေးအခြေအနေသုံးသပ်မှု၊ ငွေကြေးကဏ္ဍ တိုးတက်ဖြစ်ပေါ်မှုများ၊ ငွေပေးချေမှုနဲ့ စာရင်းရှင်းလင်းမှု တိုးတက်ဖြစ်ပေါ်မှုများ၊ ကြီးကြပ်စစ်ဆေးရေးနဲ့ ကြပ်မတ်မှုဆိုင်ရာ တိုးတက်ဖြစ်ပေါ်မှုများ စတာတွေ ပါဝင်မယ်လို့ ဒေါ်ခင်စောဦးက ပြောပါတယ်။ လှည်းကူး မဲဆန္ဒနယ်က လွှတ်တော်ကိုယ်စားလှယ် ဦးဖြိုးမင်းသိန်းက လတ်တလောမှာ ငွေရေးကြေးရေး လည်ပတ်မှုကဏ္ဍဟာ အရေးကြီးလျက် ရှိတဲ့အတွက် ဒီအစီရင်ခံစာတွေကို ပြည်သူတွေ သိရှိဖို့လိုကြောင်း၊ လတ်တလော ငွေရေးကြေးရေးကဏ္ဍ လည်ပတ်မှုကို ကိုင်တွယ်နိုင်ဖို့အတွက် တိကျတဲ့စာရင်း ရရှိဖို့ လိုအပ်နေပြီလို့ ပြောဆိုလိုက်ပါတယ်။ “ယနေ့ကာလဟာ မြန်မာနိုင်ငံမှာ ငွေရေးကြေးရေး တည်ငြိမ်မှုနဲ့ ငွေကြေးတန်ဖိုး တည်ငြိမ်နိုင်မှုကိစ္စဟာ အလွန်အင်မတန် အရေးကြီးနေတဲ့ကိစ္စ ဖြစ်ပါတယ်။ ကျနော်တို့ဟာ အချက်အလက်တွေနဲ့ Data တွေမရှိဘဲနဲ့ လက်ရှိဖြစ်ပေါ်နေတဲ့ အခြေအနေတွေကို သုံးသပ်နိုင်ဖို့၊ မေးမြန်းနိုင်ဖို့ဆိုတဲ့ အခြေအနေတွေဟာ အလွန် အင်မတန် ခက်ခဲပါတယ်။ နောက်တချက်က ဗဟိုဘဏ်ဘက်ကနေပြီး အချက်အလက်တွေကို ပြည်ထောင်စုအစိုးရဘက်က အချက်အလက်တွေဟာ ပြည်သူ့လွှတ်တော်ဘက်ကို ရောက်ဖို့ဟာ အလွန်အင်မတန် ခက်ခဲတဲ့နေရာ ဖြစ်ပါတယ်။” လက်ရှိ နိုင်ငံတွင်း လည်ပတ်နေတဲ့ ငွေကြေးဆိုင်ရာနဲ့ ပတ်သတ်ပြီး ဗဟိုဘဏ်အနေနဲ့က အရင်ကထက် ထိန်းချုပ်နိုင်လာပေမဲ့ အချိန်နဲ့တပြေးညီ ဖြစ်ပေါ်နေတဲ့ ငွေကြေးဆိုင်ရာ ပြဿနာတွေကို ဖြေရှင်းဖို့အတွက် ဗဟိုဘဏ်အနေနဲ့ ပွင့်လင်းစွာ ထုတ်ပြန် ဖြေရှင်းဖို့ လိုအပ်နေသေးကြောင်း စာရေးဆရာ စီးပွားရေးပညာရှင် ခင်မောင်ညို (ဘောဂဗေဒ) က အခုလို သုံးသပ်လိုက်ပါတယ်။ “အဲလို အစီရင်ခံစာ ထွက်မယ်ဆိုတဲ့ဟာ ကောင်းပါတယ်။ အချိန်ကာလကတော့ သူက ဘယ်လိုခွဲခြားလည်း မသိဘူးပေါ့နော်။ နှစ်ပတ်လည် အစီရင်ခံစာပဲဖြစ်ဖြစ်၊ နှစ်လယ် အစီရင်ခံစာပဲဖြစ်ဖြစ် ဒါတွေထွက်တာလည်း ကောင်းမယ်။ နောက်တခုကတော့ အခုလိုပေါ့လေ အချိန်နဲ့ တပြေးတည်း ဖြေရှင်းမယ့်နည်းတွေလား၊ ဒါမှမဟုတ် ဖြေရှင်းမယ့်နည်းတွေပေါ့ အဲဒီဟာတွေကိုလည်း အချိန်ကာလအလိုက် ထုတ်ပြန်လို့ရှိရင် ပိုကောင်းမယ်လို့ ဆရာက ယူဆတယ်။ မသိတဲ့အခါကျတော့ လူတွေက ကြုံရမယ့် အန္တရာယ်တွေကို ပိုပြီးတော့ စိုးရိမ်ကြတယ်ပေါ့နော်။ အဲတော့ ဒါမျိုးလုပ်လာတဲ့ဟာက တိုးတက်မှုတခုလို့ မြင်ပါတယ်။ ဒေါ်လာကိစ္စဆိုရင် ဘာဖြစ်လို့ ဖြစ်နေမှန်းမသိ၊ ဘယ်လိုလုပ်လို့လုပ်နေမှန်း မသိပေါ့လေ ဒါမျိုးတွေကို အခါအားလျော်စွာ ထုတ်ပြန် ရှင်းလင်းသင့်တယ်။ အဲလို ထုတ်ပြန်ရှင်းလင်းတဲ့အခါမှာလည်း အများနားလည်မယ့် သတင်းစကားတွေ ပေးသင့်တယ်လို့ ဆရာက မြင်တယ်။ ပေးသော်ငြားလည်းပဲ လူနားမလည်တဲ့ သတင်းစကားမျိုးတွေ ဖြစ်မှာကိုလည်း ဆရာက စိုးရိမ်ပါတယ်။” အခုလို အစီရင်ခံစာ ပွင့်လင်းစွာတင်ပြဖို့ တည်ဆဲ ဗဟိုဘဏ်ဥပဒေမှာ ဖော်ပြထားခဲ့ပေမဲ့ အခုချိန်မှာသာ ထုတ်ပြန်ဖို့ လုပ်ဆောင်တာဖြစ်ပါတယ်။ ဒါပေမဲ့ ဘယ်အချိန်မှာ ပြည်သူကို တရားဝင် ထုတ်ပြန်ပေးနိုင်မယ်ဆိုတာကို တိကျစွာ ပြောဆိုခဲ့ခြင်း မရှိပါဘူး။