မြန်မာ့ဆေးဖက်ဝင် ကြောင်လျှာပင်

Item Name -------- Indian Trumpet Flower (ကြောင်လျှာ) Category ----------- Raw Material Botany Term ------- Oroxylum indicun Vent Species Family ----- Bignoniaceae မြန်မာနိုင်ငံ နေရာအနှံ့အပြား အမြင့်ပေ ၄၀၀၀ အထိ ပေါက်ရောက် နိုင်သည်။ သဘာဝအလျောက် ပေါက်ရောက်သည်။ ♥ အပင် ကြီးထွားမှု မြန်သောအပင်လတ်မျိုးဖြစ်သည်။ ပေ ၃၀ မှ ၄၀ အထိမြင့်သည်။ အခေါက်ထူသည်။ မီးခိုးစိမ်းရောင်ရှိသည်။ အတွင်းသား အ၀ါရောင် ရှိသည်။ ♥ အရွက် ရွက်ပေါင်း ဖြစ်ပြီး ရွက်ဆိုင်ထွက်သည်။ ရွက်မြွှာများ မျက်နှာချင်းဆိုင်ထွက်၍ ရှည်မျောမျော ဘဲဥပုံသဏ္ဍာန်ရှိသည်။ ရွက်ရင်းအနည်းငယ်ဝိုင်း ၊ သို့မဟုတ် သွယ်၍ ရွက်ဖျား ချွန်သည်။ အကြောထင်ရှားသည်။ ထိပ်ရွက် တစ်ရွက် ပါသည်။ ♥ အပွင့် ခရမ်းရောင် အပွင့်များဖြစ်သည်။ ပန်းခိုင်ရှည်သည်။ ခေါင်းလောင်းပုံရှိပြီး အသားထူသည်။ ပွင့်ညှာရှည်၍ တုတ်သည် ။ နယုန် ၊ ၀ါဆို တွင် ပွင့်သည်။ ♥ အသီး သီးတောင့် ရှည်ဖြစ်၍ ပြားပြီး အမွေးကလေးများရှိသည်။ တွဲလျားကျ၍ သီးသည်။ စိမ်းညိုရောင် ရှိသည်။ အတွင်းသား ထူသည်။ အစေ့တွင် အတောင်ပိါသည်။ တန်ဆောင်မုန်းလတွင် သီးသည်။ ► အသုံးဝင်ပုံ အခေါက် ၊ အရွက်၊ အသီး ၊ အမြစ် ။ ♥ အာနိသင် မြန်မာဆေးကျမ်းများ အလိုအရ ဖန်ခါးသော အရသာရှိ၍ ပူ၏ ၊ စပ်၏ ၊ ကြေလွယ်၏ ၊ နှုတ်ကို မြိန်စေ၏ ။ နှလုံး ၊ လည်ပင်းကို အကျိုးပြု၏ ။ ၀မ်းမီးကို တောက်စေသည်။ လေ သလိပ်ကို နိုင်သည်။ မြင်းသရိုက် ၊ ၀မ်းသက် ၊ အဖျား ၊ အစာမကြေ ၊ နူနာ ၊ ပျို့အန် ၊ ချောင်းဆိုးရောဂါတို့ကို ပျောက်ကင်းစေနိုင်၍ ခွန်အားကို တိုးပွားစေသည်။ ► အခေါက်အသုံးပြုပုံ ၁ ။ ကြောင်လျှာအခေါက်မှုန့်ကို ချင်းရည် ၊ ပျားရည်တို့နှင့် ရောစပ်လျက် သောက်သော် ပန်းနာ ချောင်းဆိုးရောဂါ ပျောက်၏ ။ ၂ ။ အခေါက်မှုန့်ကို ရေနွေးတွင် ၂ နာရီခန့်စိမ်၍ စစ်ပြီး နံနက် ည သောက်သော် အစာမကြေရောဂါ ပျောက်၏ ။ ၃ ။ ကြောင်လျှာခေါက် ကို ရေစိမ်၍ ၎င်းရေနှင့် ပလုတ်ကျင်း ပေးသော် ခံတွင်း ခြောက် ကွဲနာ ပျောက်၏ ။ ၄ ။ သားဖွားပြီး နာကျင်ကိုက်ခဲသည့်ရောဂါ ၊ ခေါင်းတစ်ခြမ်း ကိုက်ရောဂါများအတွက်လည်း ကြောင်လျှာခေါက်ကို သုံး၏ ။ ၅ ။ အမြစ်ခေါက်ကို အဆစ်အမျက်ရောဂါဖျားရောဂါ ၊ ၀မ်းဖော ၊ ၀မ်းရောင် ၊ ၀မ်းကိုက်ရောဂါများအတွက် အသုံးပြု၏ ။ ► အရွက်အသုံးပြုပုံ ၁ ။ ကြောင်လျှာရွက်ညှစ်ရေကို သောက်သော် ဘိန်းဆိပ်သင့် ခြင်း ပျောက်၏ ။ ၂ ။ ကြောင်လျှာရွက်ပြုတ်တို့စားက ၀မ်းမီးကောင်း၏ ။ ► အသီးအသုံးပြုပုံ ၁ ။ အသီးကို ပြုတ်၍ လည်းကောင်း ၊ ဖုတ်၍ လည်းကောင်းစားခြင်းဖြင့် အစာမကြေရောဂါ ၊ လည်ပင်းကြီးရောဂါ ၊ သရိုက်ရောဂါ ပျောက်၏။ သုပ်စားခြင်းဖြင့် လည်ချောင်းတွင်း အပူဖုပေါက်သောရောဂါ ပျောက်သည်။ ၂ ။ ကြက်သားနှင့် ချက်စားပါက ပန်းနာရောဂါ ပျောက်၏ ။ ၃ ။ ငါးရံ့ဖြင့်ချက်စားပါက ကာလ၀မ်းရောဂါပျောက်၏ ။ အားကို ဖြစ်စေပြီး အစာမကြေရောဂါ ၀မ်းပျက်ရောဂါပျောက်၏။ ၄ ။ ပုစွန်ဖြင့် ချက်စားက နှလုံးလေရိုက်ရောဂါ ၊ နှလုံးတုန် ၊ ရင်တုန်ရောဂါ ပျောက်၏ ၅ ။ ငါးသလောက်ဖြင့် ချက်စားက အဖောရောဂါကို ကျစေ၍ လူကို ၀ဖြိုးစေပြီး နှလုံးအားနည်းခြင်း ကို ပျောက်စေသည်။ ၆ ။ ငါးမြွေထိုးနှင့် ချက်စားက ဒူလာသွေးဝမ်း မီးယပ်သွေးဝမ်း နှင့် မြင်းသရိုက် ရောဂါတို့ကို ပျောက်ကင်းစေ၏။ ► အမြစ်အသုံးပြုပုံ ၁ ။ အမြစ်ကိုသွေး၍ လိမ်းပေးခြင်းဖြင့် အနာဝင် မန်းလိုက်ခြင်း ပျောက်ကင်းသည်။

ကိုးကန့်ပဋိပက္ခ မြန်မာ ငြိမ်းချမ်းရေးကမ်းလှမ်း

ကိုးကန့်လက်နက်ကိုင်တပ်ဘက်က တဖက်သတ် အပစ်ရပ်စဲတယ်လို့ ကြေညာပြီးနောက်မှာပဲ အစိုးရဘက်က ကိုးကန့်တပ်ဘက်ကို ငြိမ်းချမ်းရေး ကမ်းလှမ်းခဲ့တယ်လို့ ကိုးကန့် လောက်ကိုင် မဲဆန္ဒနယ်က ပြည်သူ့ကိုယ်စားလှယ်က ပြောပါတယ်။ ဒီလိုအစိုးရဘက်က ငြိမ်းချမ်းရေးကမ်းလှမ်းတာက တရုတ်အစိုးရရဲ့ ဖိအားဖြစ်နိုင်သလို ၂၀၁၅ ရွေးကောက်ပွဲ ကျင်းပတော့မယ်အချိန် ဒေသတွင်းတည်ငြိမ်အောင် အစိုးရဘက်က ဆောင်ရွက်တာ ဖြစ်တယ်လို့လည်း သုံးသပ်တာတွေရှိပါတယ်။ အခုဆိုရင် ကိုးကန့်ဒေသထဲ ပြင်းထန်တဲ့ တိုက်ပွဲတွေမရှိတော့တဲ့အတွက် ဒေသခံတွေ ပြန်လည် နေရာချထားရေးကိုလည်း စီစဉ်နေကြပါတယ်။ ကိုးကန့်ဒေသတွင်း နောက်ဆုံးရအခြေအနေကို မဆုမွန်က ဆက်သွယ်မေးမြန်းထားပါတယ်။ ပြီးခဲ့တဲ့ ဖေဖော်ဝါရီလ (၉) ရက်နေ့ကစလို့ ကိုးကန့်ဒေသတွင်းမှာ ကိုးကန့်လက်နက်ကိုင်တပ်ဖွဲ့ (MNDAA) နဲ့ မြန်မာအစိုးရစစ်တပ်တို့ကြား တိုက်ပွဲတွေ ပြင်းပြင်းထန်ထန်ဖြစ်ပွားခဲ့တာဖြစ်ပါတယ်။ ဒီတိုက်ပွဲတွေကြောင့် နှစ်ဘက် အကျအဆုံးများသလို နယ်မြေချင်း ထိစပ်နေတဲ့ တရုတ်-မြန်မာနယ်စပ်နဲ့ တရုတ်နိုင်ငံဘက်ကိုလည်း လက်နက်ကြီး ကျည်ကျလို့ လူသေဆုံးမှုနဲ့ ပျက်စီးဆုံးရှုံးထိခိုက်မှုတွေဖြစ်ပွားခဲ့တာပါ။ ဒါကြောင့် တိုက်ပွဲတွေဖြစ်ပွားခဲ့ပြီး လေးလအကြာ ဇွန်လ(၁၀) ရက်နေ့ ည (၁၂) နာရီကစလို့ ကိုးကန့်တပ်ဘက်က တဘက်သတ် အပစ်ရပ်စဲပါတယ်လို့ ကြေညာခဲ့ပါတယ်။ ဇွန်လ (၂၀) ရက်နေ့မှာတော့ မြန်မာအစိုးရ သမ္မတရုံးဝန်ကြီး ဦးလှထွန်းက ကိုးကန့်တပ်ဘက်ကို ဒေသတွင်း တည်ငြိ်မ်မှုရှိစေရေး ငြိမ်းချမ်းရေး ကမ်းလှမ်းခဲ့ တယ်လို့ ဒုက္ခသည်တွေကနေတဆင့် ငြိမ်းချမ်းရေးကမ်းလှမ်းမှုမှာ ကိုယ်တိုင်ပါဝင်ခဲ့တဲ့ ကိုးကန့်လောက်ကိုင်မဲဆန္ဒနယ်က ပြည်သူ့လွှတ်တော် ကိုယ်စား လှယ် ဦးကျော်နီနိုင်က ဗွီအိုအေမြန်မာပိုင်းကိုပြောပါတယ်။ “ကျနော်တို့ ဝန်ကြီးဦးလှထွန်းနဲ့ လက်နက်နဲ့ ငြိမ်းချမ်းရေးယူဖို့ ဒုက္ခသည်တွေကနေတဆင့် ထပ်ပြီးကမ်းလှမ်းထားတာရှိပါတယ်။” မေး။ ။ ကိုးကန့်လက်နက်ကိုင်တပ်ဘက်ကိုလားရှင်။ ဖြေ။ ။ ဟုတ်တယ်၊ ဟုတ်တယ်။ ပြီးခဲ့တဲ့ (၂၀) ရက်နေ့က ဝန်ကြီးကလေ လက်နက်ကိုင်တွေကို ဒုက္ခသည်တွေကနေတဆင့် လက်နက်ကိုင်အဖွဲ့တွေကို လက်နက်နဲ့ငြိမ်းချမ်းရေးယူဖို့ ကျနော်တို့ထပ်ပြီးမှ ဝန်ကြီးကနေ ကမ်းလှမ်းထားတာလည်းရှိတယ်။ ကိုးကန့်ဒေသကို တကယ်ချစ်လို့ရှိရင်တော့ သမ္မတကြီး ကမ်းလှမ်းချက်အတိုင်းလည်း သွားမယ်ဆိုရင်တော့ ကျနော်တို့ အကုန်လုံးအတူတူပေါ့ဗျာ၊ တိုင်းရင်းသားညီအကိုတွေပဲပေါ့-စုပေါင်းပြီးမှ ဒေသဖွံ့ဖြိုးရေးကို ဝိုင်းလုပ်ကြရအောင်လို့ ကျနော်တို့လည်း အဲလို ကမ်းလှမ်းထားတာရှိတယ်။ လေးလကျော် ကိုးကန့်တပ်နဲ့ အစိုးရတပ်တို့ကြား တိုက်ပွဲတွေပြင်းထန်ခဲ့တဲ့အတွက် ကိုးကန့်ဒေသခံတွေဟာ စစ်ဘေးဒဏ်လွတ်ရာနဲ့ တရုတ်-မြန်မာ နယ်စပ် ဘက်ကို အိုးအိမ်စွန့်ခွာထွက်ပြေးခဲ့ကြရတာပါ။ အခုဆိုရင် ကိုးကန့်ဒေသတွင်း တည်ငြိမ်စပြုလာပြီဖြစ်တဲ့အတွက် စစ်ပြေးဒုက္ခသည်တွေကို ပြန်လည် နေရာချထားရေး နဲ့ အိမ်တိုင်ယာရောက်ပို့ဆောင်ပေးရေးလုပ်ငန်းစဉ်တွေကိုဦးစားပေးဆောင်ရွက်ပေးနေပါတယ်လို့ လောက်ကိုင်အမတ် ဦးကျော်နီနိုင်က ရှင်းပြပါတယ်။ “အခု ကျနော်တို့ တာရွှေထန်ရယ်၊ လောက်ကိုင်ရယ်၊ ဘေးပတ်ဝန်းကျင်ရွာရယ်၊ (၁၃၇) ကို ဒုက္ခသည်ဝင်လာတဲ့အဖွဲ့တွေကို ကျနော်တို့ အိမ်တိုင် ယာရောက် ပို့ပေးနေပါတယ်။ လောက်ကိုင်နဲ့အနီးတဝိုက်ရွာတွေကျတော့ ကျနော်တို့ အိမ်တိုင်ယာရောက် အကုန်လုံးပို့ပြီးပြီ။ (၁၃၇) အပေါ်မှာကျတော့ ဒီရက်ပိုင်းမှစပြီးမှ အိမ်တိုင်ယာရောက်ပို့ဖို့ ကျနော်တို့စီစဉ်နေပါတယ်။ ကော်သုန်ကျောင်းမှာ နေရာချထားပေးတာ ရှိတယ်။ သမ္မတရုံးဦးလှထွန်းလည်း ဒုက္ခသည်တွေကို သွားကြည့်ပြီး ပြန်လာပြီလေ။ အပစ်အခတ်တကယ်လို့ လုံးဝ မရှိတော့ဘူးဆိုရင်တော့ ကျနော်တို့ ကိုးကန့်ဒေသကတော့ ပြန်လည်ထူထောင်ရေးရယ်၊ စီးပွားရေးအကောင်အထည်ဖြစ်ဖို့ဆိုတာက လွယ်ပါတယ်။ ဒါပေမယ့် အကုန်လုံးအပစ်အခတ်ရပ်စဲရေး လက်နက်နဲ့ငြိမ်းချမ်းရေး ယူပြီးမှ ကျနော်တို့တိုင်းရင်းသားညီအကိုတွေ ပေါင်းပြီးမှ ဒေသဖွံ့ဖြိုးရေး ဝိုင်းလုပ်မယ်ဆိုရင်တော့ ကျနော်တို့ကိုးကန့်ဖွံ့ဖြိုးရေးဆိုတာ ခနလေးပါပဲ၊ ပြန်ပြီးမှ နဂိုရ်နေရာ ပြန်ရောက်လာမှာပါ။” တရုတ်အစိုးရဘက်က တရုတ်-မြန်မာနယ်စပ်တည်ငြိမ်မှုရှိစေရေး ပြင်းပြတဲ့တောင်းဆိုချက်ကြောင့် အပစ်ရပ်စဲတယ်ဆိုတာကို ကိုးကန့်တပ်က သူတို့ရဲ့ တဖက်သတ် အပစ်ရပ်စဲမှုကြေညာချက်ထဲမှာ ထည့်သွင်းခဲ့တာပါ။ အခုလို မြန်မာအစိုးရဘက်က ငြိမ်းချမ်းရေးကမ်းလှမ်းမှုဟာလည်း တရုတ်အစိုးရရဲ့ ဖိအားပေးမှုနဲ့ မကြာခင်ကျင်းပတော့မယ့် ၂၀၁၅ ရွေးကောက်ပွဲ ကိုးကန့်ဒေသတွင်း ကျင်းပနိုင်ရေး အစိုးရဘက်က ကြိုးပမ်းမှုဖြစ်နိုင်တယ်လို့ တရုတ်နိုင်ငံ အခြေစိုက် မြန်မာ့စစ်ရေးအကဲခတ် ဒေါက်တာလှကျော်ဇောက သုံးသပ်ပါတယ်။ “နှစ်ဘက်စလုံးက စိတ်ဆန္ဒတွေ တူညီလာပြီဆိုရင်တော့ အလားအလာရှိပါတယ်။ ဒီကြားထဲမှာကြည့်ရတာ တရုတ်ပြည်ကလည်း နည်းနည်းတော့ ဖိအားပေးတယ်ကြည့်ရတာ။ အခု နောက်တခုက တရုတ်ပြည်နယ်စပ်မှာရှိတဲ့ စစ်ဆင်ရေးတွေက အခုထိ အကန့်အသတ်ဆက်ရှိနေတယ်လေ။ သဘောကတော့ အဲဒီမှာကို သူတို့က အရေးပေါ်ကိစ္စတွေ ဘာတွေ ဖြေရှင်းနိုင်မယ့် တပ်တခုကို ထားမယ့်ပုံမျိုးပဲ၊ အဲဒါကတော့ တရုတ်အနေနဲ့က ဗမာအစိုးရကိုကော၊ ကိုးကန့်ကိုကော ပြတ်ပြတ်သားသားသတိပေးလိုက်တဲ့သဘောပေါ့။ သူတို့မြေ အထိခိုက်မခံဘူး၊ ပြည်သူပြည်သားတွေရဲ့ အသက်အိုးအိမ်စည်းစိမ်ကိုလည်း အထိမခံဘူးဆိုတာ သတိပေးလိုက်သလိုလည်းဖြစ်တာကိုး။” မြန်မာ အမျိုးသားဒီမိုကရက်တစ် မဟာမိတ်တပ်မတော် (MNDAA) ဘက်က တဖက်သတ် အပစ်ရပ်စဲကြောင်း ကြေညာပြီးရက်ပိုင်းမှာပဲ အစိုးရဘက်က ထိုးစစ်ဆင်ပါတယ်လို့ ပြောဆိုသလို မြန်မာအစိုးရပြောခွင့်ရ ပြန်ကြားရေးဝန်ကြီး ဘက်ကလည်း အစိုးရဘက်က ကိုးကန့်ရဲ့ ဒီကြေညာချက်အပေါ် သတိထား စောင့်ကြည့်နေပါတယ်လို့ ဗွီအိုအေက မေးမြန်းမှုကို ဖြေကြားခဲ့ဖူးပါတယ်။ ဒီ့နောက်မှာတော့ ကိုးကန့်ဒေသတွင်း တိုက်ပွဲတွေ အတန်ငယ် အေး သွားပြီးနောက်မှာ အခုလို သမ္မတရုံးဝန်ကြီးရဲ့ငြိမ်းချမ်းရေး ကမ်းလှမ်းချက်နဲ့ပတ်သက်လို့ ကိုးကန့်တပ်ဘက်ကို ဆက်သွယ်မေးမြန်းဖို့ ကြိုးစားခဲ့ပေမဲ့ အခုအချိန်အထိ ဆက်သွယ်လို့မရသေးပါဘူး။

မြန်မာဖမ်းထားတဲ့ နယ်ခြားစောင့်တပ်သား လွတ်မြောက်ရေး ဘင်္ဂလားဒေ့ရ်ှအစိုးရ ဖိအားပေးခံရ

မြန်မာနိုင်ငံမှာ ဖမ်းဆီးခံထားရတဲ့ ဘင်္ဂလားဒေ့ရှ် နယ်ခြားစောင့် တပ်ဖွဲ့ဝင်ကို ပြန်လည် လွှဲပြောင်းပေးရေး အတွက် မြန်မာဘက်က တောင်းဆို ချက်ကို လိုက်လျှောရမယ်လို့ မြန်မာနယ်ခြားစောင့် တပ်ကပြောကြောင်း ဘင်္ဂလားဒေ့ရ်ှနိုင်ငံက သတင်းမီဒီယာတွေမှာ ရေးသား ဖော်ပြ ထားပါတယ်။ အဲဒီ တောင်းဆိုချက်ကတော့ ကပ္ပလီပင်လယ်ပြင်အတွင်း မြန်မာရေတပ်က ကယ်တင်ထားလိုက်တဲ့ လူမှောင်ခိုကူးခံရသူ လှေစီးပြေး ဒုက္ခသည် ၅၅၅ ယောက်ကို ဘင်္ဂလားဒေ့ရ်ှနိုင်ငံက ပြန်လည် လက်ခံရမယ်ဆိုတဲ့ အချက်ဖြစ်ပါတယ်။ အဲဒီလူတွေဟာ ဘင်္ဂလားဒေ့ရ်ှနိုင်ငံသားတွေဖြစ်တယ်လို့ မြန်မာအစိုးရက ပြောနေပေမယ့်လည်း သူတို့ ဘယ်သူ ဘယ်ဝါဆိုတာ အရင် စစ်ဆေးမေးမြန်းခြင်းမရှိဘဲ ပြန်လက်ခံဖို့အတွက် ဘင်္ဂလားဒေ့ရ်ှအစိုးရက ဆန္ဒမရှိဘူးလို့ ပြောပါတယ်။ စစ်ဆေး မေးမြန်းပြီးတာတောင် ပြီးခဲ့တဲ့ သီတင်းပတ်တုန်းက ပြန်လက်ခံလိုက်တဲ့ အုပ်စုထဲမှာ မြန်မာနိုင်ငံဘက်က ရိုဟင်ဂျာ မူဆလင်တွေ ပါလာတာတွေကို တွေ့ရတယ်လို့ ဆိုပါတယ်။ ဘင်္ဂလားဒေ့ရ်ှနိုင်ငံ Cox’s Bazaar ဒေသ Teknaf မြို့အနီးက နတ်မြစ်ထဲမှာ မြန်မာနဲ့ ဘင်္ဂလားဒေ့ရှ် နယ်ခြားစောင့် တပ်ဖွဲ့တွေအကြား ဇွန်လ ၁၇ ရက်နေ့က ပစ်ခတ်မှု ဖြစ်ပွားပြီးတဲ့နောက်မှာ ဘင်္ဂလားဒေ့ရှ် နယ်ခြားစောင့်တပ်ဖွဲ့ဝင် Nayek Abdur Razzak ကို မြန်မာဘက်က ဖမ်းဆီး ထိန်းသိမ်းလိုက်တာလို့ ဘင်္ဂလားဒေ့ရှ် အစိုးရက ပြောပါတယ်။ တခြား ဘင်္ဂလားဒေ့ရှ် နယ်ခြားစောင်တပ်ဖွဲ့ဝင်တဦးလည်း ထိခိုက်ဒဏ်ရာ ရသွားတယ်လို့ ဆိုပါတယ်။ Razzak နဲ့ ရွှေ့ပြောင်းနေထိုင်သူ ဒုက္ခသည်တွေအရေးဟာ သီးခြားစီဖြစ်ကြောင်း၊ အဲဒီ ဒုက္ခသည်တွေ ဘင်္ဂလားဒေ့ရ်ှနိုင်ငံသား ဟုတ်မဟုတ် ဆိုတာ စစ်ဆေးဖို့အတွက် အချိန်ယူလုပ်ဆောင်ရမှာဖြစ်ကြောင်း Teknaf မြို့ နယ်ခြားစောင့်တပ်ဖွဲ့ အကြီးအကဲ ဒုတိယ ဗိုလ်မှူးကြီး Abu Jar Al Jahid ပြောတာကို ကိုးကားပြီး သတင်းတွေမှာ ဖော်ပြထားပါတယ်။ မြန်မာဘက်က အဲဒီလို တောင်းဆိုတယ်ဆိုတာ မှန်ကန်ကြောင်း ဘင်္ဂလားဒေ့ရှ် နယ်ခြားစောင့်တပ် တနင်္လာနေ့မှာ အတည်ပြု ပြောကြားခဲ့တယ်လို့ သတင်းတွေမှာ ဖော်ပြထားပါတယ်။ နှစ်နိုင်ငံ နယ်စပ် ပုံမှန်တွေ့ဆုံပွဲအတွင်း ဖမ်းခံထားရတဲ့ နယ်ခြားစောင့်တပ်ဖွဲ့ဝင် ပြန်လွဲပြောင်းပေးရေးကိစ္စကိုပါ ထည့်သွင်း ညှိနှိုင်းခဲ့တယ်လို့ ပြည်နယ် ပြည်ထဲရေးဝန်ကြီး Assaduzzaman Khan Kamal က သတင်းထောက်တွေကို ပြောကြားခဲ့တယ်လို့ ဆိုပါတယ်။ Razzak ရဲ့ အခြေအနေ အသေးစိတ်ကို မသိရသေးပေမယ့် ဘင်္ဂလားဒေ့ရှ် နယ်ခြားစောင့်တပ်ဖွဲ့ရဲ့ Facebook စာမျက်နှာမှာတော့ မျက်နှာမှာ သွေးတွေ စွန်းနေပြီး လက်ထိပ်ခတ်ခံထားတဲ့ သူ့ရဲ့ပုံကို တင်ထားတယ်လို့ ဆိုပါတယ်။ ဒီကိစ္စနဲ့ပတ်သက်လို့ သူ့ရဲ့ မိသားစုကလည်း စိုးရိမ်နေသလို သူ့ရဲ့ ဇနီးကလည်း တနင်္လာနေ့မှာပဲ တတိယမြောက် ရင်သွေးကို မွေးဖွားခဲ့တယ်လို့ ဆိုပါတယ်။ နယ်ခြားစောင့်တပ်ဖွဲ့ဝင် ဖမ်းခံထားရတဲ့ ကိစ္စနဲ့ ပတ်သက်ပြီး ဘင်္ဂလားဒေ့ရ်ှအစိုးရအပေါ် အတိုက်အခံ ဘင်္ဂလားဒေ့ရ်ှအမျိုးသားရေးပါတီ BNP က လွှတ်တော်အတွင်း ဖိအားပေး ပြောဆိုမှုတွေ ရှိနေတာမှာ ဖမ်းဆီးမှု ဖြစ်ပွားပြီး ၆ ရက်ကြာတဲ့အထိ သူတို့နယ်ခြားစောင့်တပ်ဖွဲ့ဝင် ပြန်လွတ်လာအောင် စွမ်းဆောင်နိုင်စွမ်းမရှိတဲ့အတွက် နိုင်ငံခြားရေးဝန်ကြီးအနေနဲ့ ရာထူးက နုတ်ထွက်ပေးဖို့အထိပါ တောင်းဆိုလာနေကြပြီ ဖြစ်ပါတယ်။ အခင်းဖြစ်ပွားပြီး နောက်တနေ့မှာပဲ ဘင်္ဂလားဒေ့ရ်ှနိုင်ငံဆိုင်ရာ မြန်မာသံအမတ်ကြီးကို ဘင်္ဂလားဒေ့ရ်ှအစိုးရက ဆင့်ခေါ်ပြီး နယ်ခြားစောင့် တပ်ဖွဲ့ဝင်ကို ပြန်လွတ်ပေးဖို့ တောင်းဆိုခဲ့ပြီး ဖြစ်ပါတယ်။

အိမ်ဖြူတော် ဝါဖြေညစာစားပွဲ မြန်မာ့လူ့အခွင့်အရေး လှုပ်ရှားသူ တက်ရောက်မည်

အမေရိကန်ပြည်ထောင်စု ဝါရှင်တန်ဒီစီမြို့တော်က အိမ်ဖြူတော်မှာ ဒီညကျင်းပမယ့် အစ္စလာမ်ဘာသာဝင်တွေ အထွဋ်အမြတ်ထားရာ “ဝါဖြေ ညစာစားပွဲ” ကို တက်ရောက်ဖို့ မြန်မာနိုင်ငံက လူ့အခွင့်အရေးလှုပ်ရှားသူ မဝေဝေနုကို အမေရိကန်သမ္မတက ဂုဏ်ပြုဖိတ်ကြားထားပါတယ်။ မြန်မာနိုင်ငံတွင်းက လူ့အခွင့်အရေး အခြေအနေတွေ၊ ၂၀၁၅ ရွေးကောက်ပွဲအနေအထားနဲ့ အာရှဒေသတွင်း နိုင်ငံတကာက အာရုံစိုက်နေရတဲ့ လှေစီးပြေး ဒုက္ခသည်တွေ အရေးတွေကို အမေရိကန်သမ္မတအပါအဝင် အမေရိကန်အစိုးရ ထိပ်တန်းခေါင်းဆောင်တွေနဲ့ တွေ့ဆုံတဲ့အခါ အဓိက ဆွေးနွေးသွားမှာဖြစ်တယ်လို့ ဖိတ်ကြားခံရတဲ့ မဝေဝေနုက ပြောပါတယ်။ ဆက်သွယ်မေးမြန်းထားတဲ့ မဆုမွန်က တင်ပြပေးထားပါတယ်။ ဇွန်လ ၂၂ ရက်နေ့ အမေရိကန်စံတော်ချိန် တနင်္လာနေ့ညပိုင်း အမေရိကန်ပြည်ထောင်စု ဝါရှင်တန်ဒီစီမြို့တော် အမေရိကန်သမ္မတရဲ့အိမ်ဖြူတော်မှာ ကျင်းပမယ့် “ဝါဖြေညစာစားပွဲ” ကို တက်ရောက်ဖို့ အမေရိကန်သမ္မတအိမ်ဖြူတော်က မြန်မာနိုင်ငံက လူ့အခွင့်အရေးနဲ့ အမျိုးသမီးရေးလှုပ်ရှားသူ မဝေဝေနုကို ဖိတ်ကြားခဲ့ပါတယ်။ အစ္စလာမ်ဘာသာဝင်တွေရဲ့ ဥပုသ်သီတင်းလမှာ အထွဋ်အမြတ်ထားကျင်းပတဲ့ ဝါဖြေညစာစားပွဲကို မြန်မာနိုင်ငံတွင်းမှာ ဘာသာရေးဖိနှိပ်မှု လူမျိုးရေးခွဲခြားဆက်ဆံမှုမထားဘဲ အုပ်ချုပ်သူ အစိုးရတာဝန်ရှိသူတွေကိုယ်တိုင် အခုလို အမေရိကန်အစိုးရလိုမျိုး မတူကွဲပြားတဲ့ ဘာသာတရားတွေအပေါ် လေးစားမှုနဲ့ ကျင်းပ ဆောင်ရွက်ပေးမယ်ဆိုရင် အမုန်းတရားနဲ့ စိတ်ဝမ်းကွဲပြားမှုတွေ ရှိတော့မှာမဟုတ်ဘူးလို့ မဝေဝေနုက ပြောလိုက်ပါတယ်။ “…ဝါဖြေတဲ့ညစာစားပွဲပေါ့နော်။ ဝါဖြေညစာစားပွဲဟာ ကျမအတွက်ပိုပြီး အဓိပ္ပာယ်ရှိပါတယ်။ ဘာကြောင့်လဲဆိုတော့ ကျမတို့နိုင်ငံမှာ ကျမတို့က မတူကွဲပြားမှု၊ တခြား ဘာသာတရားတွေကိုကျမတို့ လေးစားမှု၊ ဂုဏ်ပေးမှုတွေကို ကျမတို့မတွေ့ရပါဘူး။ မတွေ့ရဘဲနဲ့ သူများနိုင်ငံမှာလာပြီးတော့ သူများနိုင်ငံကနေပြီးတော့ ဒီလိုမျိုးဖိတ်ပြီးတော့ ကျမတို့ကို လေးစားဂုဏ်ပြုပေးတယ်ဆိုတဲ့ဟာ အရမ်းကို အင်မတန် ဝမ်းမြောက်ဝမ်းသာစရာ ဖြစ်ပါတယ်။ …ဆိုတော့ ဒါမျိုး အလေ့အထတွေကို ကျမတို့ ပြည်တွင်းထဲမှာလည်း ကျမတို့မြန်မာနိုင်ငံအစိုးရကလည်း လုပ်ပေးတာမျိုးကို မြင်ချင်ပါတယ်။ အဲဒါမှ ပြည်တွင်းထဲမှာရှိနေတဲ့ စိတ်ဝမ်းကွဲမှုတွေ၊ ခွဲခြားဆက်ဆံမှုတွေ၊ ပြည်သူတွေအချင်းချင်းကြားထဲမှာ မယုံကြည်မှုတွေ ပပျောက်သွားမှာ ဖြစ်ပါတယ်။ အစိုးရတွေ ကိုယ်နှိုက်ကိုက ဦးဆောင်ဦးရွက်ပြုပြီးတော့ ဘာသာတရားတွေကို လေးစားပေးတယ်၊ ဂုဏ်ပြုပေးတယ်ဆိုလို့ရှိရင် ဝမ်းမြောက်ဝမ်းသာဖြစ်ပြီးတော့ မယုံကြည်မှုတွေ သောကတွေ ပျောက်သွားမယ်လို့ ထင်ပါတယ်ရှင့်။” အမေရိကန်သမ္မတ အိုဘားမားကိုယ်တိုင် တက်ရောက်ချီးမြှင့်မှာဖြစ်တဲ့ ဒီဝါဖြေညစာစားပွဲအတွင်း မြန်မာနိုင်ငံတွင်းမှာ လူ့အခွင့်အရေး ချိုးဖောက်ခံနေရဆဲ အခြေအနေတွေကို အဓိကဆွေးနွေးတင်ပြသွားမှာဖြစ်တယ်လို့ မဝေဝေနုက ပြောပါတယ်။ “အမေရိကန်အနေနဲ့ မြန်မာနိုင်ငံရဲ့ဒီမိုကရေစီအပြောင်းအလဲမှာ အားပေးတာကို ကျမတို့ထောက်ခံတယ်-ပေါ့နော်၊ ဒါပေမယ့် အဲဒီ ဒီမိုကရေစီ အပြောင်းအလဲဟာလည်း စစ်မှန်တဲ့ဒီမိုကရေစီအပြောင်းအလဲ ဖြစ်ဖို့လိုတယ်ပေါ့နော်၊ ရိုးသားတဲ့ဒီမိုကရေစီအပြောင်းအလဲဖြစ်ဖို့ လိုတယ်၊ လူတွေရဲ့ အခွင့်အရေးတွေကို အာမခံချက်ပေးနိုင်တဲ့ ဒီမိုကရေစီဖြစ်ဖို့လိုတယ်-ပေါ့နော်။ နောက်တခါကျတော့ အားလုံးပါဝင်နိုင်တဲ့ဒီမိုကရေစီ ဖြစ်ဖို့လိုတယ်၊ လူနည်းစု တစုကိုပဲဖြစ်ဖြစ်၊ တချို့သောလူတွေကိုပဲဖြစ်ဖြစ် ဖယ်ကျဉ်ပြီးတော့၊ ဒါမှမဟုတ်ရင် နှိပ်ကွပ်ပြီးတော့မှ ရတဲ့ဒီမိုကရေစီမျိုး မဖြစ်သင့်ဘူးဆိုတဲ့ ဟာမျိုးပေါ့။ အဓိက စစ်မှန်တဲ့ ဒီမိုကရေစီရဖို့အတွကို ကျမတို့ကို အားပေးသွားပါ-လို့ ကျမက ပြောချင်တယ်။ နောက်တခါကျတော့ လောလောဆယ် ဖြစ်ပေါ်နေတဲ့ တကယ့်ကို အခြေခံကျတဲ့လူ့အခွင့်အရေးချိုးဖောက်မှုတွေအားလုံးကို အရင်ဆုံးဖြေရှင်းပေးဖို့ မြန်မာအစိုးရကို တိုက်တွန်းသွားဖို့လည်း ကျမ ပြောချင်တယ်။ အထူးသဖြင့် ရခိုင်ဒေသမှာရှိတဲ့ပဋိပက္ခတွေ၊ နောက်ပြီးတော့ ကချင်စစ်ပွဲတွေ၊ စစ်ပွဲတွေနဲ့ ပဋိပက္ခတွေကို အဓိက အမြန်ဆုံးဖြေရှင်းဖို့ မြန်မာအစိုးရကို တိုက်တွန်းဖို့ ကျမပြောချင်တယ်။ နောက်တခါ တရားမျှတမှုနဲ့ဆိုင်တဲ့ကိစ္စတွေ” မြန်မာ့နိုင်ငံရေးမှာ အရေးကြီး အပြောင်းအလဲဖြစ်တဲ့ မြန်မာနိုင်ငံမှာ မကြာခင်ကျင်းပတော့မယ့် ၂၀၁၅ ရွေးကောက်ပွဲမှာ မဲဆန္ဒရှင်ပြည်သူအချို့မဲပေးခွင့် မရှိဘဲ နိုင်ငံသားအခွင့်အရေး မရကြတာတွေ၊ ပြည်သူ့ကိုယ်စားလှယ်အဖြစ် ဝင်ရောက်ရွေးချယ်ပိုင်ခွင့် မရကြတဲ့ အနေအထားတွေကိုလည်း ရှင်းပြသွားမယ်လို့ မဝေဝေနုကပြောပါတယ်။ အာရှဒေသတွင်း ပင်လယ်ပြင်တွေမှာ ဒုက္ခရောက်နေကြရတဲ့ အကူအညီမဲ့ လှေစီးပြေးဒုက္ခသည်တွေအရေး ဘာကြောင့် သူတို့ဟာ နေရပ်ရင်းကို စွန့်ခွာ ထွက်ပြေးကြရပါသလဲဆိုတဲ့ အကြောင်းရင်းကို အဓိကထား ဦးစားပေးစုံစမ်းပေးဖို့ တိုက်တွန်းသွားမှာဖြစ်တယ်လို့လည်း ဆိုပါတယ်။ လူ့အခွင့်အရေး ချိုးဖောက်မှုတွေရှိနေဆဲ မြန်မာနိုင်ငံကို အုပ်ချုပ်နေတဲ့ ဦးသိန်းစိန်ခေါင်းဆောင်တဲ့ အရပ်သားအစိုးရအပေါ် အမေရိကန်အစိုးရဘက်က ဖြေလျော့မှုတွေနဲ့ ဆက်ဆံနေတဲ့မူဝါဒသဘောထားတွေနဲ့ပတ်သက်လို့ ပြန်လည်သုံးသပ်ပေးဖို့ကိုလည်း ဆွေးနွေးသွားမှာဖြစ်တယ်လို့ မဝေဝေနုက ဆိုပါတယ်။ Justice for Women အဖွဲ့ ဦးဆောင်သူ မဝေဝေနုဟာ အမေရိကန်သမ္မတဟောင်း Gorge W. Bush ရဲ့  Bush Center က စီစဉ်တဲ့ လွတ်လပ်မှုနဲ့ ခေါင်းဆောင်မှု ( Liberty and Leadership) သင်တန်းရဲ့ သင်တန်းဆင်းဂုဏ်ပြုလက်မှတ်လက်ခံရယူဖို့ အမေရိကန်ပြည်ထောင်စုကို ရောက်ရှိနေတာ ဖြစ်ပြီး ပြီးခဲ့တဲ့နှစ်က ဒီသင်တန်းကို ပညာရေးပြုပြင်ပြောင်းလဲရေးလှုပ်ရှားနေကြတဲ့ ဗမာနိုင်ငံလုံးဆိုင်ရာ ကျောင်းသားများသမဂ္ဂက ကျောင်းသား ခေါင်းဆောင်တွေဖြစ်တဲ့ မဖြိုးဖြိုးအောင်နဲ့ ကိုလင်းထက်နိုင်တို့အတူ တက်ရောက်ခဲ့တာဖြစ်ပေမဲ့ မဖြိုးဖြိုးအောင်ကတော့ ဖမ်းဆီးထိန်းသိမ်းခံရပြီး တရား ရင်ဆိုင်နေရဆဲဖြစ်ပါတယ်။ ကိုလင်းထက်နိုင်ကတော့ အာဏာပိုင်တွေရဲ့ လက်ကလွတ်မြောက်အောင် တိမ်းရှောင်နေရဆဲဖြစ်လို့ သူတို့နှစ်ဦးဟာ အမေရိကန်ပြည်ထောင်စုကို လာရောက်ပြီး သင်တန်းဆင်းပွဲကို တက်ရောက်နိုင်ခြင်းမရှိပါဘူး။

ခွဲခြားမှု ပပျောက်ဖို့ အိုဘားမား ပြော

အမေရိကန် သမ္မတ အိုဘားမားက အမေရိကန်မှာ လူမျိုးခွဲခြားမှု ပပျောက်ရေး အတွက် ဆက်ကြိုးပမ်း ကြဖို့ ရေဒီယို ကနေ ပြင်းပြင်းထန်ထန် ပြောကြား သွားခဲ့ပါတယ်။ အမေရိကန်မှာ ကျေးကျွန် စနစ်ရဲ့ အရိပ်မည်းကြီး ကျန်နေဆဲဖြစ်တယ်လို့ ချားလ်စတန် မြို့က လူမည်း ဘုရားကျောင်း ကို တိုက်ခိုက်ခံရမှု ဖြစ်ပြီး ၅ ရက် အကြာမှာ သမ္မတ အိုဘားမားက ပြောကြား ခဲ့ပါတယ်။ သူ့ဘဝ တလျှောက် လူဖြူ လူမည်း ဆက်ဆံရေး အများကြီး တိုးမြှင့် ပြောင်းလဲလာတာ တွေ့ခဲ့ရ ပေမယ့် လူမျိုး ရေး ခွဲခြားတယ် ဆိုတာ လူကြား ထဲမှာ နီဂရိုးလို့ သုံးတာ မယဉ်ကျေးဘူး ဆိုတာ လောက်တင် မဟုတ်ဘူးလို့ အိုဘားမားက ပြောကြား ခဲ့ပါတယ်။ အမေရိကန်မှာ ခွဲခြား ဆက်ဆံမှု ကို ပပျောက်အောင် ကုသလို့ မရသေးဘူးလို့ လည်း သူက သတိပေး ပြောဆို သွားခဲ့ပါတယ်။

juan Mata က ပျော်ရွှင်ပါစေလို့ ဆုတောင်းပေးရင်းနဲ့ သဲလွန်စပေးခဲ့

မန်ယူ ဂိုးသမား David De Gea ဟာ ရီးရဲမက်ဒရစ်ကိုပြောင်းဖို့သေချာနေပြီဆိုတာကို အသင်းဖော် တစ်ယောက်ဖြစ်တဲ့ Juan Mata က သူ့ရဲ့ သူငယ်ချင်း De Gea ကို ပျော်ရွှင်ပါစေလို့ ဆုတောင်းပေးရင်းနဲ့ သဲလွန်စပေးခဲ့ပါတယ်။ David De Gea ဟာ အိုးထရက်ဖို့ဒ်ကွင်းမှာ စာချုပ် အသစ်ချုပ်ဖို့ ငြင်းပယ်ခဲ့ပြီးတဲ့နောက် ဘာနေဗျူးကွင်း ကိုပြောင်းရွှေ့ဖို့အတွက် ဖြစ်လာခဲ့ပါတယ်။ အသက် ၂၄ နှစ်အရွယ် ဂိုးသမား De Gea ဟာ မန်ယူနဲ့ နောက်နှစ်နွေရာသီ မှာ စာချုပ်သက်တမ်းကုန်ဆုံးမှာ ဖြစ်ပြီး အကယ်၍ ဒီနှစ်နွေ ရာသီ မှာသာ သူ့အနေနဲ့ မန်ယူကနေ မပြောင်းရွှေ့ဖြစ်ခဲ့ပဲ စာချုပ်သက်တမ်းလည်း ထပ်မံ မချုပ်ဆိုတော့ ဘူးဆိုရင်တော့ ၁၂ လ ခန့် အကြာမှာ သူဟာ ပြောင်းရွှေ့ကြေးအလွတ် နဲ့ မန်ယူကနေ ထွက်ခွာနိုင်မှာ ဖြစ်ပါတယ်။ မန်ယူ အသင်းရဲ့ မန်နေဂျာ Louis van Gaal ဟာ မနှစ်ကတော့ သူ့အသင်းရဲ့ ဂိုးသမားဟာ မန်ယူမှာ ဆက်လက်ရှိနေနိုင်ဖို့အတွက် ငွေကြေးအမြောက်အများကို တောင်းဆိုနေတယ်လို့ ဆိုထားပါသေးတယ်။ အမှန်တော့ David De Gea ဟာ သူ့အနေနဲ့ ရီးရဲမက်ဒရစ် အသင်းကို ပြောင်းရွှေ့ချင်နေတယ်ဆိုတဲ့အကြောင်းကို သူ့ရဲ့ အသင်းဖော်တွေကို ပြောပြထားပြီးဖြစ်ပေမယ့် Juan Mata ကတေ့ာ ဒါကို ထည့်သွင်းပြောကြားခဲ့ခြင်းမရှိပါဘူး။ သူ့အနေနဲ့ အသင်းဖော် သူငယ်ချင်း De Gea ကို ပျော်ရွှင်စေချင်တယ်ဆိုတာပဲ ပြောပြခဲ့ပါတယ်။ ဒါ့အပြင် Mata ဟာ ရီးရဲမက်ဒရစ် အသင်းရဲ့ မန်နေဂျာ အသစ် Rafael Benitez ကို ချီးကျူးစကားဆိုထားသလိုပဲ မန်ချက်စတာယူနိုက်တက် အသင်းရဲ့ မန်နေဂျာ ဟောင်း David Moyes ကိုလည်း သူ့ကို လက်မှတ်ထိုး ခေါ်ယူခဲ့တဲ့ အတွက် ကျေးဇူးတင်တယ်လို့ ဆိုထားပါသေးတယ်။

Raqqa ပြည်နယ်က IS စစ်စခန်းကို Kurds တွေ သိမ်းပိုက်နိုင်

ဆီးရီးယားနိုင်ငံ မြောက်ပိုင်းမှာ IS အစ္စလာမ်မစ်နိုင်ငံတပ်တွေရဲ့ နယ်မြေထဲကို ထိုးဖောက် ၀င်ရောက်နိုင်ခဲ့ပြီလို့ Kurds တပ်ဖွဲ့တွေက ပြောကြားခဲ့ပါတယ်။ Raqqa ပြည်နယ်က စစ်စခန်းတစ်ခုကိုလည်း သိမ်းပိုက်နိုင်ခဲ့ပြီလို့ ဆိုပါတယ်။ IS အစ္စလာမ်မစ်နိုင်ငံတပ်တွေရဲ့ မနှစ်ကတည်းက ထိန်းချုပ်ထားတဲ့ နယ်မြေဟာ IS တွေရဲ့ မြို့တော်ဖြစ်တဲ့ Raqqa နဲ့ မိုင် ၃၀ လောက်ပဲ ဝေးတော့တာ ဖြစ်ပါတယ်။ Kurds တပ်ဖွဲ့တွေကို အမေရိကန်က လေကြောင်းတိုက်ခိုက်မှုတွေနဲ့ ကူညီခဲ့ပြီးတော့ ဆီးရီုးယားသူပုန်တွေကလည်း ၀င်ရောက် တိုက်ခိုက်ပေးခဲ့ကြပါတယ်။ Kurds တပ်ဖွဲ့တွေက တူရကီနယ်စပ်မှာ IS တပ်တွေကို ပြီးခဲ့တဲ့တစ်ပတ်က အောင်နိုင်ခဲ့ပြီး အခုလို ဆက်ပြီး ထိုးစစ်ဆင်နေတာ ဖြစ်ပါတယ်။

မြန်မာ့ဆေးဖက်ဝင် လေးညှင်းပင်

Item Name --------- Clove (လေးညှင်း) Category ------------ Raw Material Botany Term ------- Eugenia carryophyllata Thunb Species Family ----- Myrtaceae ပူအိုက်စွတ်စို၍ အမြဲတစေ မိုးအနည်းငယ် ရွာသွန်းသော အရပ်ဒေသ တွင် စိုက်ပျိုး ဖြစ်ထွန်းသည်။ မိုးများ၍ ပူအိုက် စွတ်စိုသော ဂျာဗား၊ ဘိုနီယို ကျွန်းများ၌သာ သဘာဝ အလျောက် ပေါက်ရောက် တွေ့ရှိ နိုင်သည်။- စိုက်ပျိုးပင် ဖြစ်သည်။အစေ့ မှ စတင် ပျိုးယူရ၏။ ၅ ပတ် ၆ ပတ် ကြာမှ အညှောင့် ထွက်၍ အထူး ဂရုစိုက် ရန်လိုသည်။ ပျိုးဘောင် ပြင်ရာ၌ မြေဆွေးနှင့် နုန်းမြေ များများဖြင့် ပြုလုပ်ရ၏။ ပျိုးဘောင် အကျယ် ၃ ပေ၊ အမြင့် ၉ လက်မ၊ အရှည် ၁ ပေ ထား၍ ဘောင်ဖော်ပြီး ဘောင်ပေါ် တွင် အရိပ် ပြုလုပ်ပေး ရ၏။ မျိုးစေ့ တစ်စေ့ နှင့် တစ်စေ့ ၄ လက်မ ခြား၍ စိုက်ပြီး ရေရွှဲရွှဲ လောင်းပေးရသည်။ ပျိုးထောင်ပြီး ၈ လ မှ ၁၂ လ ခန့် ကြာမှ ခြင်းတောင်း၊ ၀ါးကျည်တောက်၊ပလတ်စတစ် အိတ်တို့တွင် ပျိုးမြေပါ တစ်ပါတည်း အမြစ်ဥ ကို မထိခိုက် စေဘဲ တူးဖော်၍ ရွှေ့စိုက်ရသည်။ တစ်နှစ်အကြာ (ပျိုးပင် ၂ နှစ်သား အရွယ် ) တွင် စိုက်ခင်း၌ ရွှေ့စိုက် နိုင်သည်။စိုက်ခင်းတွင် အချင်း ၂ ပေ၊ အနက် ၂ ပေရှိ စိုက်ကျင်း များ တစ်ကျင်း နှင့် တစ်ကျင်း ပေ ၂၀ ခွာ၍ တူးရ၏။ ယင်းကျင်း များတွင် မစိုက်မီ တစ်လ ကြိုတင်၍ နွားချေး၊သစ်ဆွေး မြေသြဇာ များကျွေးပြီး အမြင့် ၁ ပေ ခန့်ရှိ ပျိုးပင်များ ချစိုက်ရသည်။ ငယ်စဉ် အခါ တိုက်ရိုက် နေပူခြင်း မခံနိုင် သည့်အတွက် ခေတ္တအရိပ် ပင်များ စိုက်ပျိုးပေး ရမည်။ အပင်ထ နှေးသည့် အတွက် ပေါင်းမကြာ ခဏ ရှင်းပေးခြင်း၊ရေလောင်းပေးခြင်း၊ မြေဆွ ပေးခြင်းများ ဂရုစိုက် ဆောင်ရွက်ရ၏။ အရွက်များ တွင် ကျရောက်သော ပိုးမွှား ရောဂါများကို စောင့်ရှောက် ပေးရမည်။၈ နှစ် ၉ နှစ် အကြား ပန်းစပွင့်ပြီး စတင် သီးလေ့ ရှိသည်။ လေးညှင်းပွင့် များကို ခူးရာ၌ အငုံက စ၍ အစိမ်းမှ နီညိုရောင်သို့ ပြောင်းလာသည့် အခါ ပြာသို၊ တပို့တွဲ လများတွင် စတင် ခူးရ၏။ ခူးပြီး ရေနွေးငွေ့ ခံ၍ နွမ်းအောင် ပြုပြီး အခြောက်လှန်း ရ၏။ အဖူးများ အညိုရောင် ရပါက ခြောက်သွေ့သည် ဟု ယူဆရ၏။ လေးညှင်းဆီကို အရွက်၊ အသီးစိမ်း၊ အပွင့်ခြောက်၊ အပွင့်ရိုး တို့မှ ထုတ်ယူ ရရှိ နိုင်သည်။ ♥ အပင် အမြဲစိမ်း နှစ်ကြာခံ ပင်ကြီးမျိုး ဖြစ်၍ အမြင့် ၂၅-၅၀ ပေထိ မြင့်၏။ အခေါက် မွဲပြာ ရောင် ရှိ၏။ အကိုင်း အခက်များ တည့်မတ်စွာ ဘေးသို့ ဖြာထွက်သည်။ ♥ အရွက် ရွက်လွှဲ ထွက်၏။ ရှည်မျောမျော ဘဲဥပုံ လှံစွပ်ပုံ ထိရှိပြီး ရွက်ရင်း အနည်းငယ် ၀ိုင်း၍ ရွက်ထိပ် ချွန်သွယ်သည်။ အလျား ၅-၆ လက်မ ထိရှည်၍ အနံ ၂ လက်မခန့် ကျယ်၏။ရွက်ပြား သားရေ ကဲ့သို့ ပြောင်ချောပြီး အစက် အပြောက်ကလေး များရှိသည်။ အပေါ် မျက်နှာပြင် အစိမ်းရင့်ရောင် ရှိ၍ အောင်မျက်နှာပြင် အ၀ါဖျော့ရောင် ရှိ၏။ အရွက်ကို ခြေ၍ နမ်းကြည့်က မွှေးသော အနံ့ ရ၏။ ရွက်ရင်း ရွက်ညှာတံ ပန်းရောင် ရှိ၏။ ♥ အပွင့် ၃ ပွင့် တစ်ခိုင် ဖြစ်သည်။ ပွင့်စ၌ ခရမ်းနုရောင် ရှိပြီး တဖြည်းဖြည်း အ၀ါရောင်သို့ ပြောင်းသွား၏။ ပွင့်ချပ် ပြွန်ပုံ ရှိသည်။ တစ်ပင်တည်းတွင် အဖိုပွင့် အမပွင့် သီးခြားရှိသည်။ ဆေးဖက် အဖြစ် အဖိုပွင့် ကိုသုံး၏။ ♥ အသီး ရှည်မျောမျော ပုံသဏ္ဌာန် ရှိ၍ အညိုရောင် ဖြစ်သည်။ အစေ့ ၄-၆ စေ့ ထိပါ၏။ ► အသုံးဝင်ပုံ အပွင့်၊ အဆီ။ ♥ အာနိသင် မြန်မာ ဆေးကျမ်း များအလို အရ လေးညှင်း သည်စပ်ဖျဉ်းဖျဉ်း ရှိ၏။ ခါးသက်သက် ရှိ၏။ မျက်စိ ကို အကျိုးပြု၏။ အေး၏။ ၀မ်းမီး တောက်စေ၏။ ကြေညက် လွယ်၏။ နှုတ်မြိန် စေ၏။ သလိပ် ၊ သည်းခြေ၊ သွေးရာဂါ များ၊ အပုပ် အစပ် တို့ကို ငြိမ်းအေး စေ၏။ ရေငတ်ခြင်း၊ မူးဝေခြင်း၊ ၀မ်းဖောရောင်ခြင်း၊ ၀မ်းဗိုက် ထိုးအောင့် ခြင်းနှင့် အဆုတ်နာ တို့ကို နိုင်၏။ ► အပွင့်အသုံးပြုပုံ ၁။ ၀မ်းဗိုက် အမြဲ ထုိုးအောင့် နာကျင်၍ ၀မ်းဖြူဖြူ အရေ ကျဲကျဲများ သွားပါက လေးညှင်းမှုန့် ကို ပျားရည်နှင့် ရော၍ လျက်သော် ပျောက်၏။ ၂။ လေးညှင်းပွင့် နှင့် ကနခို တို့ကို ညက်ညက် ကြိတ်၍ လုံးပြီး အရိပ်၌ အခြောက်လှန်း၍ ရေနွေးနှင့် သုံးဆောင်ပါက ဓာတ်ချုပ်ခြင်း၊ စမြင်းခံခြင်း၊ သလိပ် ကျပ်ခဲခြင်း တို့ပျောက်၏။ ၃။ လေးညှင်းပွင့် ကို သွေး၍ သကြားခဲ ကျိုရည် ပျစ်ပျစ် နှင့် ရောလျက်သော် ကိုယ်ဝန် တည်စ အန်သော ရောဂါ ပျောက်၏။ ၄။ လေးညှင်းပွင့် ကို ဆေးခါးကြီး နှင့် ရောကြိတ်ပြီး ရေနွေး ပူပူနှင့် သောက်သော် အဖျားရောဂါ နှင့် အားအင် ကုန်ခန်းခြင်း များကို ပျောက်ကင်းစေ၏။ ၅။ ကြေးနီခွက် သန့်သန့်၌ လေးညှင်းပွင့် ကို ပျားရည်နှင့် ထုခြေ၍ မျက်စဉ်း ခတ်သော် မျက်စိနာခြင်း၊ မျက်လုံး၌ တိမ်ဖြူစွဲ ခြင်း ပျောက်၏။ ၆။ လေးညှင်းပွင့် ကို ရေနှင့် ကြိတ်၍ ခပ်နွေးနွေး ပြုပြီး သောက်သော် ရေငတ်ခြင်း၊ ပျို့အန်လိုခြင်း၊ လျှာခြောက်ခြင်း၊ ချွဲခြင်း၊ အရသာ မပေါ်ခြင်း များပျောက်၏။ ၇။ လေးညှင်းပွင့် နနွင်း ဆတူ စပ်၍ ကြိတ်ပြီး မြုံနေသော အနာများ ပေါ်တွင် လိမ်းပေးသော် ပျောက်၏။ ၈။ သလဲသီး အချဉ် အရည်နှင့် လေးညှင်း ရောသောက်သော် ၀က်ရူးနာ ထ၍ အန်ခြင်းနှင့် ရိုးရိုး အန်သော ရောဂါ များ ပျောက်၏။ ၉။ အထိုင် အထတို့ ၌ မူး၍ မျက်စိ မူးမိုက် သော် လေးညှင်း ကို ရေအေးနှင့် သွေးပြီး မျက်စဉ်းခတ် ပေးက ပျောက်၏။ ၁၀။ လေးညှင်းပွင့် ကို မီးနှင့်လှော်၍ ကြိတ်ပြီး ပျားရည်နှင့် ရောလျက်သော် ကြက်ညှာ ချောင်းဆိုး ပျောက်၏။ ► အဆီအသုံးပြုပုံ ၁။ လေးညှင်းဆီ သို့မဟုတ် လေးညှင်းပွင့် ကို သွေး၍ သွားနာ၊ သွားကိုက်သော နေရာသို့ လိမ်းပေးသော် သွားနာ၊ သွားကိုက် ပျောက်၏။ ၂။ လေးညှင်းဆီကို မုန်ညင်းဆီနှင့် ရောလိမ်းသော် အဆစ် အမျက် ကိုက်ခဲ နာကျင်ခြင်း များပျောက်၏။ ၃။ မျက်နှာ နဖူး၏ အထက်ပိုင်းသို့ လေးညှင်းဆီကို လိမ်းပေးသော် ခေါင်းကိုက် ရောဂါ ပျောက်၏။

မူးယစ်ဆေးဝါးမှုဖြင့် ဖမ်းဆီးခံရသူ သားအတွက် ဖခင် ဖြစ်သူက လက်နက်ကိုင်အဖွဲ့  ငှားရမ်းကယ်ထုတ်

၁၅-၆-၂၀၁၅ ရက်နေ့၊ ညနေ (၃)နာရီချိန်ခန့်တွင် ကလော မှ တောင်ကြီး ခရိုင်တရားရုံးသို့ ရုံးထုတ်စစ်ဆေးသည့် တရားခံ အမျိုးသား(၇)ဦး၊ အမျိုးသမီး(၁)ဦး၊ ဒုရဲအုပ် ဦးစီး အစောင့် (၅)ဦး၊ ယာဉ်မောင်း(၁)ဦး ပေါင်း(၁၄)ဦးတို့ လိုက်ပါသည့် လိုက်ထရပ်ယာဉ်သည် တရားခံများအား ခရိုင်တရားရုံးမှ တောင်လေးလုံးထောင်သို့ ပြန်လည်ပို့ဆောင်ရန် ထွက်ခွာလာ စဉ် ထောင်သို့မရောက်မီ လမ်းခုလတ်ဖြစ်သော ရေနွေးရွာအနီးအရောက်တွင် တရားခံတဦးအား လက်နက်ကိုင်အဖွဲ့ က ကယ်ထုတ်ကယ်မှု ဖြစ်ပွားခဲ့သည်။ အဆိုပါ တရားခံများတင်ဆောင်လာသည့် ကားအား ရေနွေးရွာအနီးအရောက်တွင် မတ်တူး(အဖြူ)တစ်စီးမှ ယာဉ်၏လမ်းကြောတွင် ပိတ်ရပ်ထားသဖြင့် ယာဉ်အားရပ်တန့်လိုက်စဉ် ထိုမတ်တူးယာဉ်ပေါ်မှ အရပ်ဝတ်ဖြင့် ယာဉ်မောင်း(၁)ဦး၊ အမည်မသိ ပြောက်ကျားဝတ်(၄)ဦး သည် လက်နက်များကိုင်ဆောင် ဆင်းသက်လာပြီး လိုက်ထရပ်ယာဉ်မှ ဒုရဲအုပ်နှင့် အစောင့်များကို လက်နက်ဖြင့်ခြိမ်းခြောက်၍ ထောင်ပို့တရားခံများအနက်မှ မူး/စိတ် တရားခံဖြစ်သူ ခွန်နန်း အသက်(၂၃)နှစ်၊ (ဘ)ဦးမောင်တော ဒီမော့ဆိုမြို့နေသူ တစ်ဦးကိုသာ အစောင့်များလက်မှ လက်ထိပ်ဖြုတ်စေ လျှက် လုယူခေါ်ဆောင်သွားပြီး မတ်တူးယာဉ်ဖြင့် အောင်ပန်းမြို့သို့ မောင်းနှင် ထွက်ပြေးသွားခဲ့ပါသည်။ ထိုသို့ အောင်ပန်းမြို့ ဘက် ဦးတည်သွားသူ ပျောက်ကျားဝတ်အဖွဲ့ များမှာ ည(၁၁)နာရီချိန်ခန့်တွင် တောင်ကြီးဘက်သို့ပြန်လည် မောင်းတက်လာပြီး အသင့်ပိတ်ဆို့ရှာဖွေစစ်ဆေးနေသည့် အေးသာယာ ထုံးဖိုရဲကင်းနှင့် တောင်ကြီးမြို့အ၀င် မြေပုံဂိတ်တို့ရှိ ပူးပေါင်းလုံခြုံရေးအဖွဲ့များကို အဆင့်ဆင့်ဖြတ်ကျော်ကာ အတားအဆီးများအား ၀င်တိုက်ပြီး တောင်ကြီးမြို့တွင်းသို့ ဆက်လက်မောင်းနှင်ထွက်ပြေးလာခဲ့ပါသည်။ ထိုသို့ တောင်ကြီးမြို့တွင်းရှိ လမ်းကြောင်းများ တစ်လျှောက် ပိတ်စို့ထားသဖြင့် ပျောက်ကျားဝတ်အဖွဲ့မှာ ယာဉ်အား လာရာလမ်းကြေင်းဘက်သို့ နောက်ပြန်ဆုတ်၍ ထွက်ပြေးမောင်းနှင်စဉ် ယာဉ်နောက်ပိုင်းမှာ (၃)ပေခန့်အနက်ရှိ မြေပုံဂိတ်အနီး လမ်းဘေးချောက် အတွင်းကျကာ ယာဉ်မှာမောင်းနှင်မရတော့သဖြင့် ပျောက်ကျားဝတ်အဖွဲ့မှ ခြေလျင်ဆက်လက် ထွက်ပြေးလွတ်မြောက်သွားခဲ့ပြီး ယာဉ်နှင့်အတူ ယာဉ်မောင်းဖြစ်သူ ခွန်ချစ်မောင် အသက်(၄၁)နှစ်၊ (ဘ)ဦးစု ဖယ်ခုံမြို့နေသူ အား လက်နက်မဲ့ ဖမ်ဆီးရမိခဲ့ပါသည်။ ၁၉-၆-၂၀၁၅ ရက်နေ့ နံနက်တွင် တောင်ကြီး-မိုင်းပြင်းလမ်းရှိ တောစပ်ရွာ အနီးတွင် မင်္သာသူတစ်ဦးသည် ထမင်းတောင်းယူ စားသောက်လာသဖြင့် နယ်မြေခံများမှ တောင်ကြီးမြို့ ရှိ တပ်မတော်တပ်ထိန်းတပ်ဖွဲ့ သို့သတင်းပေးခဲ့ရာ အဓိကတရားခံဖြစ်သူ ခွန်နန်း အားဖမ်းဆီးရမိခဲ့ပြီး ပျောက်ကျားဝတ်များမှာ ဆက်လက် လွတ်မြောက်နေခဲ့ ပါသည်။ ၄င်းနောက် ခွန်နန်းအား ဆက်လက် စုံစမ်းဖော်ထုတ်ခဲ့ရာ တောင်ယာငှက်ပျောတော အမှိုက်ပုံအတွင်း ဆာလာအိတ်ဖြင့် ထဲ့သွင်း ဖုံးဝှက်ထားသည့် AR-15 (၁)လက်၊ M-22 (၁)လက်၊ ပွိုင့် 28 (၁)လက်၊ BA-109 လက်ပစ်ဗုံး (၁)လုံး၊ တရုတ်လုပ် အိုင်ကွန်စက် (၁)လုံးနှင့် လက်နက်ခဲယမ်းဆက်စပ်ပစ္စည်းများကို ထပ်မံသိမ်းဆည်း ရမိခဲ့ပါသည်။ အဆိုပါ ဖမ်းဆီးရမိသူများကို စစ်ဆေးချက်အရ သားဖြစ်သူ ခွန်နန်း အားကယ်ထုတ်ရန် ဖခင်ဖြစ်သူမှ အခကြေးငွေပေးဆောင်၍ ပျောက်ကျားဝတ်များကို ငှားရမ်းခဲ့တာဖြစ်သည်ဟုသိရသည်။

သမိုင်းတင်မည့် ၂ဝ၁၅ မြန်မာရွေးကောက်ပွဲ ဒီမိုကရေစီ နည်းကျဖို့ EU တိုက်တွန်း

EU ဥရောပသမဂ္ဂကောင်စီက ၂ဝ၁၃ ဇူလိုင်လ ၂၂ ရက်နေ့တုန်းက ပြည့်ပြည့်စုံစုံနဲ့ အပြီးသတ်ချမှတ်ခဲ့တဲ့ လုပ်ငန်းစဉ်အတိုင်း မြန်မာနိုင်ငံရဲ့ ဒီမိုကရေစီရေး၊ စီးပွားရေး အသွင်ကူးပြောင်းမှုတွေအပေါ် ထောက်ခံအားပေးသွားမှာဖြစ်တဲ့အကြောင်း သံန္နိဌာန်ချမှတ်ထားမှုကို ဆက်လက် ဆွဲကိုင်သွားမယ်လို့ တနင်္လာနေ့က ပြောလိုက်ပါတယ်။ ၂ဝ၁၅ နှစ် မြန်မာနိုင်ငံမှာကျင်းပဖို့ရှိတဲ့ ရွေးကောက်ပွဲဟာ နိုင်ငံရဲ့ အသွင်ကူးပြောင်းရေးမှာ အရေးပါတဲ့ သမိုင်းမှတ်တိုင်တခုဖြစ်သလို ပြုပြင်ပြောင်းလဲရေးလုပ်ဆောင်နေမှုဟာ နောက်ပြန်လှည့်နေတာမဟုတ်ဘူးဆိုတာကို သက်သေထူနိုင်မယ့် အခွင့်အရေးတခုလည်း ဖြစ်တဲ့အကြောင်း လို့ EU ရဲ့ သတင်းထုတ်ပြန်ချက်ထဲမှာ ဖေါ်ပြထားပါတယ်။ ရွေးကောက်ပွဲကျင်းပရာမှာဒီမိုကရေစီနည်းကျပြီး အုပ်စုအားလုံး ပါဝင်နိုင်ဖို့အပြင် ပွင့်လင်းမြင်သာမှုရှိဖို့လည်း တိုက်တွန်းထားပြီး နိုင်ငံတွင်းမှာ ရှိတဲ့ လူနည်းစုအားလုံး၊ နိုင်ငံရေးအခွင့်အရေးရကြပြီး မဲပေးပိုင့်ခွင့်ရှိကြဖို့ နဲ့ ပါဝင်ယှဉ်ပြိုင်ကြသူကိုယ်စားလှယ်အားလုံး တန်းတူအခွင့်အရေး ရရှိကြဖို့နဲ့ အထူးသဖြင့် အမျိုးသမီးများ ပါဝင်ခွင့်ကို ထောက်ခံအားပေးဖို့ တိုက်တွန်းထားပါတယ်။ ဖြစ်စဉ်မှာ အားလုံးပါဝင်နိုင်ရေး သေချာစေဖို့အတွက် အရေးပါတဲ့ အခြေခံအခွင့်အရေးတွေ ဖြစ်တဲ့ လွတ်လပ်စွာ ထုတ်ဖေါ်ပြောဆိုခွင့်၊ လွတ်လပ်စွာ အသင်းအပင်းဖွဲ့စည်းခွင့်၊ လွတ်လပ်စွာ စုရုံးခွင့် စတဲ့ အခွင့်အရေးတွေကို အပြည့်အဝ လေးစားမှုရှိဖို့ကိုလည်း တိုက်တွန်း ထားပါတယ်။ ၂ဝ၁၅ ရွေးကောက်ပွဲကို ဥရောပသမဂ္ဂအနေနဲ့ လေ့လာ စောင့်ကြည့်ရေးအဖွဲ့ စေလွှတ်ဖို့ မြန်မာနိုင်ငံရွေးကောက်ပွဲ ကော်မရှင်ရဲ့ ဖိတ်ကြားချက်ကိုလည်း ဝမ်းမြောက်ဝမ်းသာ ကြိုဆိုပါကြောင်း ဖေါ်ပြထားပါတယ်။ ရွေးကောက်ပွဲနဲ့ ပတ်သက်ပြီး ပြင်ဆင်တဲ့နေရာမှာ ဥရောပသမဂ္ဂအနေနဲ့ နိုင်ငံတကာ မိတ်ဆွေတွေနဲ့ ပူးပေါင်းဆောင်ရွက်နိုင်မှုအပေါ် တန်ဖိုးထားကြောင်းနဲ့ ရွေးကောက်ပွဲ စီမံခန့်ခွဲမှုတွေ ပြုလုပ် ဆောင်ရွက်တဲ့နေရာမှာ နိုင်ငံတကာ စံချိန်စံညွှန်းတွေနဲ့ အညီဖြစ်စေဖို့အတွက် ကူညီပံ့ပိုးမှုတွေ ပေးနေကြောင်း သတင်းထုတ်ပြန် ကြေညာချက်မှာ ရေးသားထားပါတယ်။ ဒါ့အပြင် မြန်မာနိုင်ငံရဲ့ နိုင်ငံရေးဖြစ်စဉ်မှာ အရေးပါတဲ့ ပါဝင်သူတွေဖြစ်ကြတဲ့ သမ္မတ၊ လွှတ်တော်သဘာပတိ၊ ကာကွယ်ရေးဦးစီးချုပ်၊ အတိုက်ခံ နိုင်ငံရေးပါတီခေါင်းဆောင်၊ တိုင်းရင်းသားနိုင်ငံရေးပါတီခေါင်းဆောင်တွေပါဝင်တဲ့ ၆ ပွင့်ဆိုင် နိုင်ငံရေး ညှိနှိုင်းဆွေးနွေးမှု ကျင်းပတာကိုလည်း ဥရောပသမဂ္ဂကောင်စီအနေနဲ့ ကြိုဆိုပါတယ်လို့ ရေးသားထားပါတယ်။ တိုင်းရင်းသား လက်နက်ကိုင်အဖွဲ့အစည်းတွေနဲ့ မြန်မာအစိုးရတို့ကြား တနိုင်ငံလုံး အပစ်ခတ်ရပ်စဲရေးအတွက် ညှိနှိုင်းဆွေးနွေးနေတာကို ဥရောပသမဂ္ဂ ကော်မရှင်အနေနဲ့ မျက်ခြေမပြတ်လေ့လာ စောင့်ကြည့်နေပြီး သဘောတူလက်မှတ်ရေးထိုးနိုင်ကြဖို့ ဆက်လက် အားပေး တိုက်တွန်းနေကြောင်း၊ မြန်မာနိုင်ငံသူ နိုင်ငံသားတွေရဲ့ မျှော်လင့်ချက်အတိုင်း ငြိမ်းချမ်းရေးနဲ့ တမျိုးသားလုံး ပြန်လည် ရင်ကြားစေ့ရေး အတွက် ခေါင်းဆောင်တွေအားလုံးက အတူတကွ လက်တွဲ လုပ်ဆောင်ကြဖို့ ကိုလည်း EU ဥရောပသမဂ္ဂ ကောင်စီ ရဲ့ သတင်းထုတ်ပြန် ကြေညာချက်မှာ တိုက်တွန်းထားပါတယ်။

ပြင်သစ်သမ္မတ အနာဂတ် ခေါင်းဆောင်အစီအစဉ် ချင်းတိုင်းရင်းသူ တက်ရောက်

ပြင်သစ်သမ္မတ Francois Hollande ရဲ့ အာရှ ပစိဖိတ်ဒေသဆိုင်ရာ အကြံပေးပုဂ္ဂိုလ် အပါအဝင် နိုင်ငံခြားရေးဌာနက တာဝန်ရှိသူတွေနဲ့ တွေ့ဆုံပြီး လက်ရှိ မြန်မာနိုင်ငံရဲ့ ပြုပြင်ပြောင်းလဲရေးလုပ်ငန်းတွေအတွက် ဘယ်လို အထောက်အကူ ပြုနိုင်မလဲဆိုတာတွေကို ဆွေးနွေးခွင့်ရခဲ့တယ်လို့ ချင်းတိုးတက်ရေး ပါတီရဲ့တွဲဖက်အတွင်းရေးမှူး (၃) မချယ်ရီဇာဟောင်းက ပြောပါတယ်။ ပြင်သစ်နိုင်ငံခြားရေး ဌာနရဲ့ အနာဂတ်ခေါင်းဆောင် အစီအစဉ်နဲ့ ဇွန်လ ၁၅ ရက် ကနေ ၂ဝ ရက်နေ့အထိ ပြင်သစ်နိုင်ငံကို သွားရောက်ခဲ့တဲ့ လေ့လာရေး ခရီးစဉ် အပြီးမှာ သူက အဲဒီလို ပြောကြားလိုက်တာပါ။ မချယ်ရီဇာဟောင်းရဲ့ ပြင်သစ်ခရီးစဉ်အကြောင်း ဝိုင်းတော်သား ကိုဇော်ဝင်းလှိုင်က ဆက်သွယ် မေးမြန်းတဲ့အခါ သူက အခုလို စပြောပါတယ်။ ချယ်ရီဇာဟောင်း။ ။ ပြင်သစ်နိုင်ငံက နိုင်ငံခြားရေးဝန်ကြီးဌာနကနေ နှစ်တိုင်း၊ နှစ်တိုင်း အနာဂတ်ခေါင်းဆောင်ပေါ့နော်- Future Leader ဆိုတဲ့ ခေါင်းစဉ်နဲ့ နိုင်ငံအသီးသီးက လူတဦးချင်းစီကို ဖိတ်လေ့ရှိတယ်။ မြန်မာနိုင်ငံကနေပြီးတော့ ကျမက လေးယောက်မြောက်ပေါ့နော်။ ဖိတ်ရခြင်း အကြောင်း ရင်းကတော့ ပြင်သစ်နိုင်ငံရဲ့ အစိုးရစနစ်တွေ၊ စီးပွားရေးစနစ်တွေ- သူတို့ဖိတ်တဲ့လူတွေထဲမှာ တချို့လူတွေကကျတော့ စီးပွားရေးလောကထဲကလူလည်း ဖြစ်ရင်ဖြစ်မယ်။ ပြီးလို့ရှိရင် နိုင်ငံရေးလောကထဲကလူ ဖြစ်ရင်ဖြစ်မယ်၊ ဒါမှမဟုတ်ရင် အကယ်ဒမစ်ပေါ့နော်- တတ်သိပညာရှင်တွေလည်း ဖြစ်ရင်ဖြစ်မယ်။ အနုပညာသမားတွေလည်း ဖြစ်ရင်ဖြစ်မယ်။ အဲလို နိုင်ငံတနိုင်ငံမှာ လွှမ်းမိုးလာနိုင်တယ်လို့၊ အရေးပါလာမယ်လို့ သူတို့ ယုံကြည်ထားတဲ့ပုဂ္ဂိုလ်တွေကို သူတို့ဆီမှာ တပတ် study လုပ်ဖို့အတွက်ပေါ့နော်၊ ဖိတ်လေ့ရှိတယ်။ ဇော်ဝင်းလှိုင်။ ။..ဆိုတော့ သူတို့က ဘယ်လိုမျိုး သင်တန်းတွေ ပေးသလဲခင်ဗျ။ ဥပမာ - ဒီမှာဆိုလို့ရှိရင် မကြာသေးခင်က YSEALI ဆိုတဲ့ ပရိုဂရမ်နဲ့ အရှေ့တောင်အာရှနိုင်ငံတွေက လူငယ်ခေါင်းဆောင်တွေကို သမ္မတအိုဘားမားက ရွေးထုတ်ပြီးတော့ မြန်မာနိုင်ငံကလည်း လူငယ် ၁၀ ယောက် ပါတယ်ပေါ့နော်၊ ကဏ္ဍအသီးသီးနဲ့ခေါ်ပြီးတော့ ဒီမှာရှိတဲ့အစိုးရလုပ်ငန်းတွေ၊ စီးပွားရေးလုပ်ငန်းတွေကို သူတို့ သက်ဆိုင်ရာဘာသာရပ်အလိုက် လေ့လာခွင့်ရကြတယ်။ အခု မချယ်ရီသွားတဲ့ ပြင်သစ်နိုင်ငံက အစီအစဉ်ကကော အဲလိုမျိုး အလားသဏ္ဍန်တူသလား၊ ဘယ်လိုဟာတွေများ လေ့လာခွင့် ရပါသလဲ။ ချယ်ရီဇာဟောင်း။ ။ ဟုတ်ကဲ့။ သူတို့က ပရိုဂရမ်ကိုစပြီးတော့ ကျမကို လာဖိတ်တဲ့အချိန်မှာ ပထမဆုံး သူတို့မေးတာက ဘယ်သူတွေနဲ့တွေ့ချင်လဲ၊ ကျမ စိတ်ဝင်စားတဲ့လူတွေက ဘယ်သူတွေလဲ-ဆိုပြီးတော့ အရင်ဆုံးမေးတယ်ပေါ့နော်။ ဆိုတော့ ကျမက ပထမကျတော့ ပြင်သစ်အစိုးရကို အကြံပေး နေတဲ့ အဖွဲ့အစည်းတွေ၊ Institution တွေ၊ ပုဂ္ဂိုလ်တွေ၊ ဌာနတွေ၊ အဲဒါတွေကို တွေ့ချင်တယ်ပေါ့နော်။ ပြီးလို့ရှိရင် နိုင်ငံရေးပါတီတွေကို တွေ့ချင်တယ်၊ ပြီးလို့ရှိရင် အမျိုးသမီး ကျား-မတန်းတူရေးအတွက် လုပ်ဆောင်နေတဲ့ လူတွေ၊ ပြီးလို့ရှိရင် အကြမ်းဖက်မှုခံနေရတဲ့သူတွေ၊ ဒါမှမဟုတ် အဲလို ပြဿနာ ဖြစ်နေတဲ့ အမျိုးသမီးအုပ်စုတွေကို ဝန်ဆောင်မှုတွေပေးနေတဲ့ အမျိုးသမီးအဖွဲ့အစည်းတွေနဲ့ တွေ့ချင်တယ်ဆိုပြီးတော့ ကျမ အဲဒီ အဖွဲ့သုံးဖွဲ့ပေါ့နော်- အမျိုးအစားသုံးမျိုးနဲ့ တွေ့ချင်တယ်ဆိုပြီး ကျမပြောတော့ သူတို့တွေက စီစဉ်ပေးတယ်။ ဆိုတော့ ၁၅ ရက်နေ့ကနေ တောက်လျှောက် ၂၀ ရက်နေ့ အထိပေါ့နော်။ တနေရာကနေ တနေရာ သွားနေရတာပေါ့နော်။ ဇော်ဝင်းလှိုင်။ ။ တွေ့တဲ့အထဲမှာရော ဘယ်သူတွေ ပါပါသလဲခင်ဗျ။ ချယ်ရီဇာဟောင်း။ ။ တွေ့တဲ့အထဲမှာဆိုလို့ရှိရင် နိုင်ငံခြားရေးဝန်ကြီးဌာနက ဌာနအသီးသီးကလူတွေလည်း ပါတယ်။ နိုင်ငံတကာ တိုးတက်ဖွံ့ဖြိုးမှု …International Development အဖွဲ့ထဲကလူတွေလည်း ပါတယ်။ ဌာနအသီးသီးမှာ အမျိုးသားနဲ့အမျိုးသမီး တန်းတူညီမျှမှုအတွက် Gender Equality လုပ်ဆောင်နေတဲ့ အတွင်းရေးမှူးတွေနဲ့လည်း တွေ့တယ်။ ပြီးတော့ သူတို့ခေါ်နေတဲ့ …. Junior woman minister ပေါ့နော် - အဲဒီ ဌာနက အမျိုးသမီးနဲ့ ပတ်သက်တဲ့ ဝန်ကြီးဌာနကလူတွေနဲ့လည်းတွေ့တယ်။ နောက် တယောက်က အရေးပါတဲ့ထဲမှာတွေ့တာက သူတို့နိုင်ငံရဲ့ လက်ရှိသမ္မတ ဖရန်ဆွာပေါ့နော်။ အာရှတိုက်ရယ်၊ ပစိဖိတ်ရယ်၊ အာဆီယံနဲ့ UN International တချို့၊ အဓိက ကတော့ အာရှတတိုက်လုံးမှာ သူ့ကို အကြံပေးနေတဲ့ အမျိုးသမီးနဲ့လည်း တွေ့ခဲ့တယ်ပေါ့။ ဇော်ဝင်းလှိုင်။ ။ ဟုတ်ကဲ့၊ သမ္မတ ဖရန်ဆွာအော်လန်းရဲ့အကြံပေး။ ချယ်ရီဇာဟောင်း။ ။ ဟုတ်ကဲ့။ ဇော်ဝင်းလှိုင်။ ။ ဒီမှာ မချယ်ရီ ပြင်သစ်နိုင်ငံကိုမသွားခင် အဲလိုမျိုး အဖွဲ့ သုံးဖွဲ့ပေါ့နော်။ အဓိက က ဧရိယာ ၃ ခု၊ နေရာသုံးခုက တာဝန်ရျိတဲ့လူတွေ အဲဒီင်္မှာ ထဲထဲဝင်ဝင်လုပ်ဆောင်နေတဲ့သူတွေကို တွေ့ချင်တယ်ဆိုတော့ ကိုယ့်မှာလည်း ရည်ရွယ်ချက်ရှိမှာပေါ့၊ ဥပမာ ဒီလူတွေနဲ့ ဘာကြောင့် တွေ့ချင်တယ်ဆိုတာ၊ ဆိုတဲ့အခါကျတော့ - သူတို့နဲ့တွေ့ပြီးတဲ့အခါကျတော့ကော ကိုယ် ဗမာပြည်မှာရှိတုန်းက မျှော်မှန်းထားတာနဲ့ သူတို့နဲ့ နဖူးတွေ့၊ ဒူးတွေ့ တွေ့ပြီး စကားပြောကြည့်ရတဲ့အခါမှာ ဘယ်လိုကွာခြားမှုရှိသလဲ၊ ကိုယ်ဖြစ်စေချင်တဲ့ဆန္ဒအတိုင်း ပြောဆိုဆွေးေါးခွင့် ရခဲ့သလား။ ကျေနပ်ခဲ့လား။ ချယ်ရီဇာဟောင်း။ ။ ဟုတ်ကဲ့။ အင်မတန်မှ ကျေနပ်ပါတယ်။ ကျမ မသွားခင်မှာ တွေ့ချင်တဲ့ ဝန်ကြီးဌာနကလူတွေနဲ့ကော၊ အစိုးရကော - ဥပမာ ဆိုလို့ရှိရင် ဝန်ကြီးတွေနဲ့ နီးနီးကပ်ကပ်အလုပ်လုပ်နေတဲ့လူတွေနဲ့ ကျမ တွေ့ခဲ့ရတယ် ဆိုတော့ သူတို့တွေက သူတို့ရဲ့ဝန်ကြီးတွေကို ဘယ်လို အကြံပေး သလဲဆိုတဲ့ဟာတွေ လေ့လာခဲ့ရတယ်ပေါ့နော်။ အဲဒါတွေကို ကျမလေ့လာချင်လို့ ဝန်ကြီးဌာနကလူတွေကိုလည်း ကျမ တွေ့ချင်တာဖြစ်တယ်။ နောက်ပြီး ရင် နိုင်ငံရေးပါတီမှာဆိုလို့ရှိရင် ကျမက ချင်းတိုးတက်ရေးပါတီရဲ့ တွဲဖက် အတွင်းရေးမှူး (၃) ပေါ့နော်၊ ပါတီတွေက ပြင်သစ်နိုင်ငံမှာ ဘယ်လိုမျိုး ရှင်သန် ခဲ့ကြသလဲ။ ဘယ်လိုမျိုးနဲ့ ပါတီ … ဒီလောက် အနှစ်တရာကျော်ပေါ့နော်၊ ဆိုရှယ်လစ်ပါတီဆိုလို့ရှိရင် နှစ် ၁၀၀ ကျော်နေပြီ။ အဲဒီ အနှစ်တရာကျော်ကို သူတို့ ဘယ်လိုမျိုးနဲ့ ရှင်သန်ခဲ့သလဲဆိုတဲ့ဟာတွေကို လေ့လာခဲ့တယ်ပေါ့။ အဲဒါတွေကို ကျမ လေ့လာချင်ခဲ့တာလည်း ပါတယ်။ အဲဒါကြောင့်မို့လို့ ဒီ ပါတီတွေကို တွေ့ဖို့ တောင်းဆိုထားတာဖြစ်တယ်။ ပြီးရင် အမျိုးသမီးအုပ်စုတွေကို သူတို့ကကျတော့ အိမ်တွင်းအကြမ်းဖက်မှုခံနေရတဲ့ အမျိုးသမီးတွေ ရော၊ အတင်းအဓမ္မ လက်ထပ်ထိမ်းမြားခြင်းခံနေရတဲ့ - အထူးသဖြင့် တခြားနိုင်ငံကနေ ပြင်သစ်နိုင်ငံပြောင်းလာတဲ့ မိသားစုတွေကို သူတို့ ဘယ်လိုမျိုး ဝန်ဆောင်မှုတွေပေးနေလဲ၊ ကူညီနေလဲဆိုတဲ့ဟာတွေကော။ ပြီးလို့ရှိရင် လမ်းပေါ်မှာ public transportation လို့ ပြောနေတဲ့ ပြည်သူသုံးနေတဲ့ ဘတ်စ်ကားတို့၊ ရထားတို့မှာ ဖြစ်ပျက်နေတဲ့ လိင်ပိုင်းဆိုင်ရာ စော်ကားမှုတွေ ဒါမှမဟုတ် အနှောင့်အယှက်ပေးမှုတွေကို သူတို့ ဘယ်လိုမျိုးနဲ့ ပြည်သူ လူထုကို အသိပညာပေးမှုတွေ လုပ်သလဲဆိုတဲ့ဟာတွေလည်း လေ့လာချင်တာလည်းပါတယ်။ ကျမက အမျိုးမျိုး အဲဒါတွေ လေ့လာချင်တဲ့ အခါကျတော့ သူတို့နဲ့တွေ့တဲ့အချိန်မှာ သူတို့ကလည်း စိတ်ရှည်လက်ရှည် ရှင်းပြတယ်။ သူတို့လုပ်နေတဲ့လုပ်ငန်းတွေကို အများကြီး ပြောပြသွားတယ်။ ဆိုတော့ အိုဒီယာအသစ်တွေ အများကြီးရလာပါတယ်။

ရုရှားနှင့် စစ်အေးခေတ် ဆက်ဆံရေး အမေရိကန် ပြန်မသွားလို

ရုရှားနိုင်ငံနဲ့ စစ်အေးခေတ်ကာဆီကို ပြန်သွားဖို့အတွက် ဆန္ဒမရှိသလို ပဋိပက္ခအသစ်တွေ ထပ်မံဖြစ်ပွားဖို့အတွက်လည်း ဆန္ဒမရှိဘူးလို့ အမေရိကန် ကာကွယ်ရေးဝန်ကြီး Ash Carter က ပြောပါတယ်။ ဒါ့အပြင် ရုရှားနိုင်ငံက ယူကရိန်းအပေါ် ကျူးကျော် ရန်လိုနေတဲ့ကိစ္စကို တန်ပြန်ဖို့အတွက် ချမှတ်ထားတဲ့ ပိတ်ဆို့ အရေးယူမှုတွေဟာလည်း ထိရောက်မှု ရှိတယ်လို့ သူက ပြောပါတယ်။ ကာကွယ်ရေးဝန်ကြီး ကာတာက ဂျာမနီနိုင်ငံ ဘာလင်မြို့မှာ ကျင်းပတဲ့ ညီလာခံတခုအတွင်း အဲဒီလို ပြောကြားလိုက်တာဖြစ်ပြီး အဲဒီမှာ ဂျာမန် ကာကွယ်ရေးဝန်ကြီး Ursula von der Leyen နဲ့လည်း တွေ့ဆုံနေတာ ဖြစ်ပါတယ်။ ကာကွယ်ရေး ဝန်ကြီး ၂ ဦးဟာ နော်ဝေနဲ့ နယ်သာလန် ကာကွယ်ရေးဝန်ကြီးတွေနဲ့ တနင်္လာနေ့ နှောင်းပိုင်းမှာတွေ့ဆုံဖို့အတွက် Muenster ကို သွားကြမှာ ဖြစ်ပါတယ်။ အနောက်အုပ်စုအနေနဲ့ ရုရှားကို ရန်သူအဖြစ် သဘောထား ကြည့်မနေပေမယ့်လည်း လိုအပ်ရင် ခုခံကာကွယ်သွားမယ်လို့ ဝန်ကြီးကာတာက ပြောပါတယ်။ ရုရှားနဲ့ပတ်သက်လို့ အနောက်အုပ်စုဖက် စိုးရိမ်မှုကြီးထဲက ယူကရိန်းဟာ အစိတ်အပိုင်း တခုသာ ဖြစ်ကြောင်း၊ အဲဒါကြောင့်လည်း ပြတ်သားပြီး မျှတမှုရှိတဲ့ ချဉ်းကပ်နည်းနဲ့ မဟာဗြူဟာကျကျ ချဉ်းကပ်နေကြောင်း၊ ဒီ ချဉ်းကပ်မှုဟာ ရုရှားအနေနဲ့ ဘယ်သူ့ကိုမှ အတင်းအကြပ် နောက်ကြောင်း ပြန်လှည့်ခိုင်းလို့ မရနိုင်တဲ့ ချဉ်းကပ်မှုမျိုး ဖြစ်ကြောင်း၊ တချိန်တည်းမှာပဲ ရုရှားအနေနဲ့ အနာဂတ်ဆီကို ဦးတည်လာနိုင်အောင် အားပေးသွားမှာဖြစ်ကြောင်း ဝန်ကြီး ကာတာက ပြောပါတယ်။